أحداث الحج 9

قبل ما نسيب المزدلفة نقول
الدعاء المأثور بمزدلفة: (اللهم إني أسألك فواتح الخير وخواتمه وجوامعه وأوله وآخره وظاهره وباطنه والدرجات العلا في الجنة, وأن تصلح لي شأني كله, وأن تصرف عني الشر كله, فإنه لا يفعل ذلك غيرك, ولا يجود به إلا أنت)


ومشينا انا وعمي والدكتور محمود من المزدلفة وانا خارج من المسجد حسيت ان معدش حد في المزدلفة إلا احنا وكده هنلاقي الطريق فاضي وعال العال
مشينا ورحنا نجمع الجمرات
كل واحد يجمع سبعين جمرة
بس انا وعمي والدكتور جمعنا ما يكفي رمي الجمرات أول يوم فقط
عشان اصلا اللي سبقونا في الرحيل من المزدلفة مسابوش حاجة تنفع
مسابوش غير الحجارة الكبيرة اللي متنفعش في الرمي
تقول اثناء المسير من المزدلفة لمنى (اللهم إليك أفضت، ومن عذابك أشفقت، وإليك توجهت، ومنك رهبت، اللهم تقبل نسكي، وأعظم أجري، وارحم تضرعي، واستجب دعوتي) وتصلي على النبي (صلى الله عليه وسلم).
أنا كنت فاكر المسافة من المزدلفة لمنى أقل من عرفات للمزدلفة لكن طلعت ادها تقريبا
في البداية انت بتمشي بسرعة نسبية وبراحتك عشان تلحق توصل وترمي الجمرات
بعد اتنين كيلو بتبدأ تعرف انك ش لوحدك اللي رايح منى
وأن كل اللي مشيوا بعد نص الليل واللي مشيوا بعد الفجر مباشرة لسه ادامك
ووراك ملايين لسه مراحوش
بتلاقي نفسك في وسط بشر من الجهات الأربع وتبص بعنيك في أي اتجاه متقدرش تشوف أخرهم
قبل منى بكيلو ونص متعرفش تمشي خلاص
أكوام وموجات من البشر
الطريق واسع جدا عرضه لا يقل عن 200 متر او اكتر
ومع ذلك انت واقف
مبتتحركش غير خطوة كل ربهع ساعة
مفيش مبالغة على فطكرة نهائيا
انا علمت يافطة مش فاكر كانت خاصة بايه وقلت هنوصل لها كمان ساعة بالكتير
كان بينا وبينها حوالي 200 متر او 250 متر
وصلنا قبلها ب 100 متر بعد اكتر ساعة ونصف
انت بتقف
الشمس فوق منك
الناس حواليك
الأفارقة بيزقوك ويدوك بالكوع وميقولش ولا حتى اسف
ويعدي
بيعدوا يروحوا فين معرفش
هو اصلا مفيش متنفس ولا موضع لقدم
انت واقف دايس على شبشب اللي ادامك عشان توقعه وغصب عنك عشان مفيش مكان لقدم واللي وراك دايس على شببشك وتقولك شبشبي هيتخلع اوعى ميعبركش ومفيش ادامه مفر ويتخلع منك الشبشب وتسيبه عشان متقعش لما تتحرك خطوة واتنين وممكن تلات خطوات وتقف تاني
تعرق
تضرب
تتزق
تكاد تقع على وشك
تبت في ايد اللي معاك وحاول متسيبوش
أخيرا انا مش قادر
وكله تعبان
افتكرت يوم الحشر
لما نقوم من القبر
وكله يقف والشمس دانية من الرؤوس والكل واقف مستني الحساب واهوال القيامة
ملايين البشر واقفين في طريق واحد طويل ومفيش منفذ تروح أي اتجاه
سكتك في اتجاه واحد بس وهتقف لو لحد آخر النهار مفيش اي طريقة تخرج من السير ده
ساعتها تفتكر الحكمة من المناسك دي وتتستغفر وتدعي ربنا يخفف عننا اهوال القيامة
بعد اكتر من ساعة ونص لقيت منفذ في الجنب
قلت لعمي تعالى ندخل الفتحة دي
ونمشي وسط العربيات ارحم من الناس اللي هتموتنا
طريق العربيات موازي لطريق المشاة بس في بينهم حواجز واسلاك
وفي فتحات كل فترة
شفت واحدة منها عمي مرضاش وقال خلينا هنا
شفت التانية قلت له نجرب
وفعلنا رحنا طريق السسارات
كلها اتوبيسات وعربيات نقل كبيرة
والناس ماشية وسطها
لقينا نفسنا بدل ما كنا سط لناس وسط العربيات والدخان والناس
والطريق فيه حفر وانت مش شايف وبتقع والناس تشيلك وكله يصرخ لا اله الا الله
دايما لو حصلت اي حاجة او حد وقع الناس تصرخ وتقول لا اله الا الله وكله يفهم ان كده في مشكلة فميندفعوش في المكان ده
وقعنا وعدينا حواجز ونطينا والناس اللي متقدرش تمشي وناس بتزقها على كراسي متحركة تدوس على رجلك وتخبطك في قصبة الرجل وانت متقدرش تقف ولا هتتخبط اكتر

أخيرا بعد نص ساعة او ساعة الا ربع لقينا نفسنا عند مفترق طرق
كده طريق منعرفش يودي على فين
وكده طريق يدخل منى
وكده طريق يدخلك على النفق اللي تطلع من تحته على الجمرات مباشرة واجنا كده مش هندخل فيه
قلت لعمي مفيش ادامنا غير نكمل طوالي
كملنا فعلا

الدكتور محمود بقى كان تعبان
معدته تاعباه
بالعافية متهناش عن بعض
كنا بنقف نسنتناه لما نسبقه
وحبه الاقيه جنبي
وحبه يسبقني
وحبه اسبقه
وانا حريص منتهوش من بعض عشان نعرف نتلم في مسجد الخيف تاني بعد رمي الجمرات

اخيرا لقينا نفسنا طالعين كوبري
طلعنا
وبقينا فوق جبل
وشايفين منى كلها من فوق
وبيعدين نزلنا بقينا في طريق كله خيم
واتضح ان الطريق ده بتاع الناس اللي هترمي الجمرات من الدور الأرضي من تحت قصادها مباشرة
لكن الطريق بتاع النفق اللي سبناه بيطلعوا الدور التاني والتالت يرموا من فوق
عشان السعودية عملت كباري كتير في منطقة الجمرات عشان الناس ترمي من كذا ارتفاع وميتزحموش تحت

وصلنا اخير عند الرمي
والزحام اشتغل
والدكتور محمود تعب
وقعد

وجبنا عصاير ومياه
وارتحنا شوية

وبعدين دخلنا عند الجمرات
زحمة
بعدنا عن الزحمة
اول ما وصلنا الجمرات قلت لهم لو اتفرقنا نتقابل عن الجمرة التانية بعد ما نخلص كلنا
وبعدين دخلت لقيت ناس بتزقني
انفصلت عنهم وتهنا من بعض
قصاد اول جمرة
والترتيب رمي الجمرة الكبرى والتكبير سبع مرات بعد الرمي
وتكون منى على يمينك ومكة على شمالك
ولقتني بتزق
وادامي مجموعة ستات قعدوا يصوتوا عشان بيقعوا وماسكين في بعض
انا اصرخ واقولهم امشوا عشان متقعوش
ووهم اتغابوا ووقفوا ماسكين في ايد بعض
والناس من ورانا بتزقنا
واتنا كنت خلاص تقريبا وقعت
الراجل اللي معاهم كان سابقنا بص لي وقالي ابعد
قلت له يا عم شدني انت شايفني واقف على رجليا
واخيرا واحد زقني من ورا طلعني قدام بعيد عن الزحمة والناس وقفت وهديت شوية
المكان واسع
بس جينا عند الجمرة والناس تدافعت
انا مكنتش رايح عند الزحمة انا ماشي من بعيد وهرمي من اخر الجمرة عشان اقف براحتي ومحدش يحدف فيا وكمان ارمي صح

وفرق الانقاذ واقففة لابسين دروع وماسكين عصيان وشيالات عشان لو حصل زحام وتدافع محدش يداس تحت الرجلين يجورا بسرعه يوقفوا الناس على مراحل
كل 2 متر فرقة طواريء تجري وتقثف توقف سيل الناس وفرقة المصابين

ورحت اشوف عمي والدكتور ولقيتهم مستنيين في المكان المتفق عليه
بدأنا رحلة الرجوع لمسجد الخيف
في اتجاه عرفات والمزدلفة تاني
مسافة مش كبيرة اوي بس كانت ساعتها بالنسبة لنا كأنها ألف كيلو

وصلنا بعد ما كنا ايقنا ن مش هنوصل
ودخلنا لمسجد وحطينا حاجاتنا

عمي قال هتدبح في المجزر ولا في البنك؟
في البنك تدفعه قيمة الذبيحة وخلاص
قلت لا في المجزر
هو انا هحج كل يوم
قال طيب المجزر مش بعيد
عند أول منى ؟
مشوار فظيع
قال مش بعيد
قمنا مشينا وكنت ماشي معايا ازازة مياه
واملاها كل شية في الطريق
واشرب
واملا واشرب
وماي بقول يا رب هون

وصلنا اخر منى
وفي يافطة في نهاية منى بتقول المزلدفة كده والمعيصم كده
المعيصم هو المجزر اسمه كده
منطقة المعيصم والمجزر فيها
عمي قالي ده قريب خالص
مشينا ومشينا ومشينا ومشينا
وكل ما نسأل يقولك ادام
ادام
ادام
ادام
ادام
لحد ما وصلنا لتقاطع
قل لعمي كده
اليافطة اهي
طلع جوه المزلدفة
بس بين الجبال
في وادي بتحوطه الجبال من كل حتة
مشينا مع اليافطة
طريق طالع في قلب الجبل
ومشينا
ومشينا
واخيرا قلت لعمي مش قادر
ان عايز اقعد هنا
وقعدت وسط الطريق
وشربت كل المياه اللي مليتها للمرة الرابعة او الخامسة
وقعدت
قالي قوم
قلت له مش قادر
مشي وسابني وقالي قوم قربنا نوصل
ومشي فعلا
قمت غصب عني
ومشيت
وشفناه من بعيد
فرحت وقلت قرب
لما وصلنا للمكان اللي شفته طلع مش هو المجزر
والمجزر لسه قدام

مشينا ومشينا
واخير في سلم حدي ينزلك من الطريق العالي للمجزر
نزلت السلم وانا بطوح
خلصت السل ورايح ناحية بوابة المجزر اللي طلعت بعيد برده في واحدة بدوية هتعدي من ادامي
فهي رفيعة وانا قلت عدت خلاص وباصص في الأرض مش قادر أرفع عيني من الشمس
هي تقريبا وقفت عشان انا اعدي وانا فاهم انها عدت فخبطت فيها
قعدت تصرخ
وانا اقولها اسف
اسف
ومشيت وهي لسه بتصرخ
وعلى باب المجزر حصلت الصدمة الفظيعة
فعليا انا ساعتها ضحكت وبس