ورحت اركب اي مواصلة لحد منى
مفيش
والأسعار غالية جدا
االمشوار ابو خمسة ريال واتنين ريال بقى ب 200 ريال
ومفيش اماكن اصلا
كله متعبي
اخيرا اتعلقت في عربية من بتاعت نقل الحيوانات
كان كلها مصريين وجنسيات مختلفة
واحد مصري مد لي ايده لما جريت وراهم عشان احجاول اتشعلق معاهم
واخيرا طلعت ومش هقولكم دخلت جوه العربية ازاي المهم اني دخلت
ومشينا
ومشينا
واخيرا وقفنا قبل منى باربعة كيلو
لأن الطريق مقفول
نستنى يتفتح مفيش
والساعة دخلت على 12 ونص
نزلت مشيت في الطريق لحد ما وصلت منى الساعع 2 تقريبلا
ودخلت من نفق الملك خالد
لقتني جنب مسجد الخيف
فرحت اخيرا وصلت
دخلت المسجد بعد زحام رهيب في الطريق
لقيت المسجد ساكت هس
ولا نفس
اكوام ناس نايمة
عشان تتخيلوا اد ايه هو كبير وعدد اللي كانوا نايمين انا عمري ما خرجت من المسجد ودخلت طول الاربع ايام الا وتهتا عن مكانا ومعرشف اوصله رغم اني حاصره بين بابين من ابواب المسجد ومعلمه
فضلت امشي وسط الرؤس والأقدام
ونماس تتبعني
وناس تدوس على ناس
وناس تصحى
لحد ما لقتني مش عارف انا فين
ومش شايف عمي ولا الدكتور منحمود
والله بالصدفة ببص تحت رجلي لقيت عمي نايم
قلت خير
قعدت
بعد شويةى عمي صحا
قالي معرفتش احجزلك
فضلت حاجز لحد 12
لما مجيتوش سبت الناس تنام مكانكم
مسكت المصحف وحاولت اقفرا
مقدرتش
وهموت وانام
عمي قالي نام شوية هروح الحمام واجي
نمت مقمتش غير قبل الفجر
صعبت عيله وسابني نايم
تاني يوم جه الدكتور محمود وقال انه قابل اصحابه اللي كان تايه منهم
محمود ده عذبني
ميعرفش حاجة
عايز يشحن موبايله
عايز يحلق
عايز اي حاجة مفيش غير عماد
قلت وماله كله بثوابه
اهو نكسب ثواب حاج كمان
وفضلنا كل يوم على ده الحال
نرمي ونرجع لمسجد
نقعد طول اليوم
اكل وشرب وقرآن وصلاة
المهم تاني يوم العيد
صممت اروح مكة اطوف ومأجلش الطواف لبعد الرجوع
عشان احس ان حجي اكتمل كله
سنة وفريضة
صليت الضهر وخرجت ارمي الجمرات التلاتة
الصغرى والسوطى وقبلهم الكبرى
وتدعي بعد كل واحدة ماعدا الأخيرة متدعيش بعدها
وتكون مكة على يمينك ومنى على شمالك
وتبعد عن الزحمة وتروح ترمي من اخر الحوض
وعرفت سكة مختصرة اطلع من عند نفق الملكم خالد جنب جامع الخيف وامشي على كوبري خالد وادخل بين المخيمات بتاعت الباكستنيين وامشي طوالي ابقى عند مكان الرمي بسهولة
وخلصت ومشيت طوالي ناحية مكة
قفلت هاخد مشوار سخن
يا مسهل والاقي مواصلات
وانا ماشي قلت اسأل العسكري
فين طريق مكة
لأاني نويت امشي
قالي مكة كده
العزيزة كده
قلت يا راجل
هي مكة لها طريق غير العزيزة
قال في نفق تمشي فيه تطلع عند الحرم
يالهوي
وانا معرفش
فضلت ماشي على الوصف لقيت يافطة هنا نت لا سلكي
دخلت من تحت اليافطة نفق مظلل كده مش مغلق تماما من سقفه
مشيت ومشيت
زحمة وزبالة
وناس في الأرض
لحد ما وصلت لنفق مرصوف ونضيف
مغلق للسيارات مفتوح للمشاه
مشيت
ومشت
واسرعت
ومشيت
لحد ما وصلت مكة قصاد الحرم بعد ساعة ونصف تقريبا
فرحت جدا
ودخلت صليت وطفت واتغديت واتبسطت وطلعت اكلنت في مطعم فقيه وطلع زبالة فراخهم طعمها وحش جدا
ولفيت مول فندق مكة
واتفرجت على كاميرات
واكلت تاني
واشتريت حاجات لعمي والدكتور محمود اكل وساقع وكده
ورجعت منى من نفس الطريق
ماشي بسرعه
عشان اشوف هاخده في اد ايه
خلصته في ساعة الا ربع
وبقيت كل يوم اروح مكة اكل هناك واصلي العشا واتبسط وارجع منى قبل نص الليل
من الطريق ده
وفي تالت يوم العيد ناس كتير بترمي تالت يوم وتمشي
وده يجوز
لكن السنة ترمي الأربع أيام وتفضل في منى اربع ايام
وفضلنا وكان يوم جمعه
وناس كتيرة راحت تصلي في مكة
وده مش مظبوط اوي
لأن المفروض مالكش جمعه
وتقصر في منى
وبعدين رابع يوم كانت منى نضيفة
وهادية
والمسجد فاضي
ومفيش حد بيتشاكل على الأماكن
المهم انا فضلت في منى الأربع أيام
واخر يوم
عمي حب يرمي بدري ويمشي
قلت له مع نفسك
انا نايم هنا مش هرمي غير بعد الضهر
الضهر ادن وصليت ورحت رميت ورجعت نمت تاني
كنت تعبان
ومرهق اوي في الايام دي من عدم الفايدة في الأكل هناك والمشوار بتاع مكة كل يوم
وخسيت جامد اوي
أخر واحد خرج من جامع الخيف كان انا
كنت نايم
وواحد صحاني وقالي حخرام عهليك قوم امشي بقى روح مكة
قمت صليت العصر ولميت حاجتي ومشيت وودعت من
مشيت من عند الجمرات عشان اشوفها لأخر مرة
ومشيت من النفق
ووصلت منكة عند الحرم
دخلت صليت واتظبطت
وطبعا طواف الافضاة معاه سعي بين الصفا والمروة عشان مننساش بس
وصليت ورا امام الحرم مباشرة في أول صف
وكان مزاجي حلو
ودخلت حجر اسماعيل كم مرة
وطفت براحتي
واتمتنعت بصراحة
وكده بقينا بنجهز نفسنا عشان نسافر المدينة
وهنا يبقى للكلام طعم تاني
لأني لسه هقولكم اللي حصلي قبل ما اسيب مكة
والمسفلة وحكايتها معايا
واوزاي وصلنا المدينة أخيرا
وسلام دلوقتي
عشان منساش
الرمي يكون أول يوم العيد للجمرة الكبرى فقط بسبع حصيات ونكبر وبعدها ندعي
تاني يوم نرمي كل جمرة من التلاتة بسبع حصيات والتكبير والدعاء بعد كل جمرة عدا الأخيرة
والدعاء في الوقت ده محبب جدا جدا وحاول تجتهد أوي وتطول براحتك
تالت يوم نفس النظام وممكن ترمي تالت يوم وتبقى خلصت وتروح مكة
والسنة ترمي الأربع أيام مش تلاتة بس
لكن النبي لم ينه من رمى ثلاث أيام فقط
للتخفيف عن الكبار والمرضى
ويجوز توكل حد يرمي عنك لو صحتك مش قوي
وكمان يفضل البيات بمنى وان لم تجد مامان او تخاف على نفسك السرقة او غيرلاه بيجوز تبات خارج منى في العزيزية مثلا او اي مكان مش هتفرق بقى س الأفضل في منى
في ايه كمان
الأضحية مكنتش عجباني
وسألت الشيخ في الحرم قالي لازم تختار حاجة كويسة
قلت ه المجزر كان كله كده
قالي حاول تختار الأفضل
وسألته في كم سؤال وجاوبني
النظام في الحرم كل يوم الصبح كل شيخ له عمود زي الأزهر زمان
يقعد والطلبة تلتف تتعلم منه
وفي مكتب للفتوى فيه اكتر من 10 شيوخ للرد على الرجال
ومكاتب للناسء
بالتليفون
ووجها لوجه
لو نسيت حاجة فيالمناسك مقلتهاش هبقى اقولها
بعد طواف الافاضة ورمي الجمرات انت كده انهيت كل اركان الحج وسننه
وقبل طواف الافضاة ممكن تتحلل من الاحرام وده التحلل الأصغر ويجوز لك كل شيء غير الزواج
بعد طواف الافاضة يجوز لك كل مباحات الإحرام
موضوع: أحداث الحج 11 
الجمعة يناير 23, 2009 11:15 am