فكره تطوير الزيارات عاوزين اراء اعضاء زيارة بلقاس كل واحد يكتب مقترحاته وورق المقترحات بنجمعه في الصيدليه في مقر الجمعية

زائر

فين الناس بتوع زياره بلقاس

طب فين الناس اللي ممكن تدور معانا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟

زائر

ياااااااااااااااااااااا رضوى

احنا مش قلنا

ان التعليم وجها لوجه هنا يبقى افيد واحسن من البحث فى النت و القراءه

انا عندى كتب من دى كتير

وعنى كتب عن طرق تربية الاطفال و كيف تربى

بس برده مينفعش

مش كله بيقعد ع النت

ومش كل اللى بيقعد عنده طاقه يقرا

ومش كل اللى بيقرا مستعد يطبق

ممكن الحل لو معرفناش نجيب متخصص

نجيب اسطوانات تعليميه او اى فيديوهات

لان الصوره والصوت بتوصل المعلومه اسرع بكتير من الكتب

مش ده برضه شغل التنميه البشريه ومهارات التواصل

هههههههههههههههههههههههههههههههههههههههههههههههههههههههههههههه

زائر

ma3alesh noskha gedida lesa bazabat feha
el mohm
ana 2asdi mn dah mogarad 3ard afkar
ka7al mo2akat le7ad ma nshof motakhasis
feh afkar 2aretha 7elwa gedan we isa hanafezha mn el marra elgaya

زائر

السلام عليكم و رحمة الله و بركاته

انا كنت نازل حالا بس الحمد لله لقيت الرد بتاعك

انا ملاحظ ما شاء الله اهتمامك الكبير بالزياره

مش حكاية غربال جديد وليه شده لا نفسك فعلا تعملى حاجه

انا قريت بسرعه كده اول ملف وور

افكاره جميله

الملف التانى بى دى اف و تسعسن صفحه

بصراحه مفيش وقت اقرا والخص واستخرج افكار اطبقها

بكلمك بصراحه يعنى

ممكن نتفق اتفاق

لو عندك وقت فاضى

اقرى الحاجات دى وحطى الافكار الكويسه هنا

واسلوب التطبيق

وكله يطبقها فى فصوله

يعنى عشان كلنا نستفاد

وطبعا كله ثواب نازل عليكى مطر ههههههههههههههههههههههههههههههههههههههههه

فى انتظارك

زائر

خلاص ظبطناها

انا قصدي لو ممكن اللي يقدر يقرا يقرا
ويعرض الافكار ديه هنا ونتناقش فيها
وميزه الحاجات اللي انا جايباها ديه ان فيها امثله
واللينك الاولاني مركز اكتر
التاني فيه نفس الكلام بس رغي كتير في الاول
واساليب المعاجه في الاخر
حاول تشوفهم وتقول رايك
انا عن نفسي شايفه انها كويسه
وهبدأ باذن الله اشتغل منها

لكن لو استنينا موضوع التخصص ده هنعطل وقتنا
وممكن نكون زهقنا لازم نتعب نفسنا شويه
مافيش حاجه بالساهل

زائر

معنديش مشكله على فكره انا ناويه علي كده اساسا
ان شاء الله قبل الزياره اللي جايه هيكون فيه افكار جديده

زائر

مهو ده اللى بقوله فى اخر رد

ان لو انا او اى حد مش فاضى

وانتى مثلا عندك وقت

نزلى الافكار بتاعتك هنا

وتتطبق مع مين وازى

يعنى بالبلدى كده

عايزينك تقريلنا الكتاب

وطبعا الدال على الخير

كفاااااااااااااااااعله

مستنيين اول فكره قبل الجمعه القادمه باذن الله

زائر

فعلا جزاكى الله خيرا يا رضوى على اهتمامك بالموضوع بالدرجة دى ربنا يكرمك يارب وتكونى سبب خير كتير للأطفال دول
وعموما ان شاء الله انا معاكو وتحت امركو فى اى شىء ومع محمود فى موضوع انك تلخصى اللى تقرأية فى نقاط وتعرضيها هنا او ممكن تطبعيها لو بتقدرى ونتناقش فيها كلنا سوا ونوصل لأكترهم واقعية وامكانيه فى التطبيق
منتظرين جديدك وجديد كل حد يقدر يساهم ويساعد معانا ان شاء الله

زائر

السلام عليكم ورحمه الله وبركاته
الحاجات اللي هنقولها ديه هيه ازاي نقوم سلوك الطفل او المراهق من غير مانستخدم اسلوب الضرب

قبل اي كلام لازم نخلي الطفل يحبنا ويثق فينا

1- اللي يبوظ حاجه يصلحها بس منزودهاش يعني مثلا لو كسر حاجه واحده يصلحها هيه بس منخليهوش يصلح كل حاجه مكسوره في الفصل

2- الحرمان من الهدايا عند الخطأ
بس في ساعتها مش يغلط النهارده وعقابه يبقي بعد كام يوم

3-الاشباع يعني لو الطفل كان بيعمل حاجه غلط مثلا بيخبط نسيبه لحد ماهوه يتعب من التخبيط
بس طبعا اختيار الطريقه ده علينا لانه ممكن يكون بيعمل حاجه غلط مينفعش نخليه يستمر فيها

4- التشجيع بالهدايا وبرده يبقي بعد السلوك الايجابي على طول
وطبعا اختيار الهدايا او الميزه يكون حسب ما احنا شايفين الطفل بيحب ايه

5- تعزيز السلوك المضاد
يعني مثلا لو الطفل عدواني وبيضرب زمايله منقولوش كده غلط
نحاول نحببه في انه يحبهم ويساعدهم و لما نشوفه بيساعدهم نشكر فيه ونمدحه
وممكن كمان نحاول نشغله في حاجه تانيه بس ده مش هينفع معانا لان الزياره وقتها صغير

6- استخدام لوحة النجوم هيه اساسا بتستخدم لعلاج الاطفال من التبول اللاارادي الليلي
لكن ممكن نستخدمها لو عايزين الطفل يتخلص من اي حاجه سلبيه موجوده يه
وديه بصراحه اكتر فكره عاجباني يعني نعمل جدول لكل طفل فيه خانات بعدد ايام الاسبوع
كل يوم هيعدي علي الطفل من غير ما يعمل السلوك السلبي ده هياخد نجمه
واللي هياخد اكتر عدد من النجوم خلال الاسبوع هنسميه نجم الاسبوع وياخد هديه في الزياره اللي بعدها لما نشوف اكتر واحد واخد نجوم
وكل واحد يشوف الصفات اللي عاوز الولاد يتخلصوا منها واحده بواحده ممكن نخلي صفه واحده كذا اسبوع ونشوف النتيجه وحاجه زي ديه طبعا هنحتاج فيها مساعدة الامهات لان هما اللي قاعدين مع الاولاد كل يوم وهما اللي هيحطوا النجوم ديه
ولازم تبقي حياديه فيها ربنا يكرم

7- التحصين التدريجي
يعني لو الطفل مش بيحب حاجه او بيخاف منها منحطهاش قدامه كده فجأه
الاول نكلمه عنها ونقوله ديه كويسه مش بتخوف بعد كده نوريله صورتها وبعدين نبدأ نقربها منه
وهكذا

8- الحجز
يعني لو الطفل عمل حاجه غلط نقعده في مكان تاني بعيد عننا بس طبعا ميكونش مكان مرعب ولا ضلمه
وطول فترة الحجز ديه نتجاهل الطفل ده

9- العلاج عن طريق اللعب
يعني مثلا لو الطفل ضعيف في الحساب نجيب لعبه بتعتمد على الارقام ومن خلال اللعبه ديه
هنعلمه حاجات جديده من غير ما يحس انه بيذاكر
يعني من الاحر ننزل لمستوى العيال لان مشاكلهم مش هتظهر ادامنا الا لما نتعامل معاهم كتييييييير وديه اكتر طريقه هما يحبوا نتعامل معاهم فيها اللعب
ممكن مثلا نخليهم يكتبوا عن اي حاجه ومن خلال كتاباتهم ديه ممكن نقدر نحدد مشاكلهم

10- الطفل مثلا لو عاوز يعمل حاجه بيحبها وهوه معملش الواجب بتاعه نقوله مافيش مشكله هتعمل اللي بتحبه بس بشرط تخلص واجبك الاول ومش العكس
علشان الولد يبقي عنده حافز لحل الواجب انه هيعمل اللي هوه عاوزه بعديه

11- الطريقه ديه مش في ايدينا بس نقولها وخلاص
ان لو الطفل فيه مشاكل بيه وبين ولد تاني في نفس الفصل او مدرس الولد ده سبب في ان الطفل بقه عدواني
ننقل الولد من الفصل ونبعده عن سبب العدوانيه

12- اشراك الطفل في النشاطات اللي ممكن بيها تتحل مشكلاته
يعني مثلا لو واحد بيتهته مش الحل اننا منشركوش في كلامنا بالعكس نحاول نخليه يتكلم معانا كتير
مثلا لو واحد سلبي واناني ده اللي ممكن نشركه معانا في العمل الخيري علشان يتعلم منه الايجابيه والعطاء

13- النقد الغير مباشر للطفل عن طريق التلميح يعني منحرجوش

14- لما الولاد يتشاكلوا على حاجه نبعدها عنهم خالص
يعني لو اتشاكلوا على قنوات التليفزيون نقفله خالص
ولو على لعبه نبعدها
منرضيش حد على حساب حد علشان نجمعهم منفرقهمش

15- التجاهل لو الطفل عمل حاجه غلط يتمنظر بيها قدامنا وديه للاطفال الصغيرين قوي سنتين كده
منحاولش نظهر ليها اي اهتمام علشان متعلقش معاه يعني لانضحك عليها ولا نزعقله وهوه هينساها لوحده

16 – القدوة الصالحه وديه اكتر حاجه هتاثر في الطفل

والفكره ان شاء الله اللي هبدأ استخدمها من الاسبوع ده
هيه فكرة نجم الاسبوع رقم 6
اللي لسه بفكر في تفاصيلها
وان شاء الله هنزل النهارده نموذج للجدول واللي عنده اي اقتراح يقول

زائر

ياريت يا جماعه متتأخروش عليه في اقتراحاتكوا
علشان ننفذ حاجه الاسبوع ده ان شاء الله
ولو حسيتوا ان الكلام مفيد ويستاهل اننا نطبعه ونوزعه ياريت تقوله اراءكوا
واللي عنده اي تعديل او اي حاجه زياده عاوز يقولها
واللي مش عاجبه الكلام كله يقول برده
واللي عنده افكار لتفاصيل فكرة نجم الاسبوع
المهم عاوزين ايجابيه
والكلام للكل للي بييجي الزياره وعارفها واللي مبيجيش
اكيد اقتراحاتكوا هتفيدنا

زائر

السلام عليكم و رحمة الله و بركاته

عجبتنى برده حكاية لوحة النجوم

باقى الافكار افكار عامه ونعظمنا بيطبقها من غير ما يحس

بس برده ارجع اقول يا بختكو

انتى ومروه ونهال وسمر معاكو اطفااااااااااااااااااااااااال

يعنى لسه بيتشكلو

وحاه زى لوحة النجوم دى تجننهم وتخليهم متحمسين جدا

انما لو جيت اطبق حاجه زى كده عندى

هيقولولى مش هتكبر بقى يا عمو محمود

هههههههههههههههههههههههههههههههههههههههههههههههههه

وبرده معادش ليهم ام مشرفه لانهم كبرو على كده

يللا عايزين افكار تانيه

ربنا معانا

زائر

معلش بقه ده اللي قدرت عليه الاسبوع ده
ربنا يسهل كده
ادور على حاجات تانيه الايام اللي جايه
بس اكيد عاوزه مساعده
وخصوصا انك اكتر واحد فاهم دماغ الولاد اللي معاك
معلش بقه يا دكتور لازم انت كمان تتعب نفسك شويه
قولنا قبل كده مافيش حاجه بتيجي بالساهل

زائر

السلام عليكم ورحمه الله وبركاته
نداء ل د/ محمود
عاوزين خدمه

زائر

على فكره العيال مسافروش النهارده ولا حاجه
معلش متعوضه المرات اللي جايه ان شاء الله

النهارده اتكلمت مع مشرفه الفصل
وفهمتها موضوع جدول النجوم ده
هيه بصراحه متعاونه
وانا اجتهدت اني افهمها الفكره ومتهيالي فهمتها ربنا يستر
وانا بتكلم معاها كلمتني عن مشاكل الولاد
العنف والشتيمه ديه حاجه اساسيه طبعا مش في الكل
بس فيه اتنين عندهم تبول لا ارادي ليلي
كنا عاوزين مساعدتك يا دكتور في الموضوع ده
انا قولتلها اننا معانا دكاتره في الزياره
وانا هكلمهم في الموضوع ده وان شاء الله هيبقي فيه حل
ولا ايه؟؟؟؟؟؟

زائر

العيال مسافرتش؟؟؟؟؟؟؟

شكراااااااااا لمنى المرسى

فكره تطوير الزيارات عاوزين اراء اعضاء زيارة بلقاس كل واحد يكتب مقترحاته وورق المقترحات بنجمعه في الصيدليه في مقر الجمعية - صفحة 2 Icon_pale

بالنسبه لمشكلة التبول اللا ارادى

والليلى بالذات

وفى الاطفال طبعا

مشكله منتشره لدرجة انهم خصصولها عياده لوحدها فى مستشفى الاطفال

ممكن بس اجابات على بعض الاسئله؟؟؟

1-من امتى بدا الموضوع ده وبالليل بس ولا نهار وليل؟؟ لانه لو على مدار اليوم هتبقى مشكله فى المثانه والاعصاب

2-حد مزعلهم فى الفصل او بيتعاقبو ويتضربو كتير لان السبب النفسى للموضوع ده فى الاطفال اكتر بكتييييييييييييييييير من الاسباب العضويه

3-نومهم تقيل بالليل؟؟ بعض الاطفال مبتستجبش للتنبيه وتقوم من النوم

مطلوب تحليل بول للعيال عشان ال

urinary tracy infection

وشرايط البول عشان نسبة السكر والبروتين

عامة

يفضل الكشف عند اخصائى اطفال او فى عيادة التبول اللا ارادى فى مستشفى الاطفال

نصائح عامه ومهمه جدا

1-تقليل او منع الشرب بالليل للعيال دى

2-ادخالهم الحمام حتى لو مش عايزين قبل النوم

3-جدول النجوم طبعا مشجع ليهم بس اكيد فى السر عشان باقى الفصل

4- بالنسبه للادويه

هما اتنين

minirin

uripan

وبيتاخدو لمده طويله ولازم كل اسابيع متابعه وتقييم للحاله

بيتعمل للطقل كارت متابعه عندنا فى الاطفال وبييجو باستمرار يصرفو الادويه ببلاش

عشان كده بفضل الكشف او العياده عشان المتابعه المستمره

اتمنى اكون افدت باى حاجه

وده على حد علمى كل اللى اعرفه عن التبول اللا ارادى

زائر

السلام عليكم ورحمة الله وبركاته
بسم الله ماشاء الله
ايه ده كله....ايه ده كله
والله حاجه جميله جدا
طبعا دى اول مره ادخل الموضوع بس ما شاء الله مجهود جبار
ربنا يجازيكى خير يا رضوى على تعبك
انا قرأت كل التعليقات والردود
وبصراحه لما روحت كمان وشفت الوضع هناك لقيت فعلا انه محتاج لشغل ومجهود كبير
بس انا فى عندى تعليق على حاجه ان الاولاد دول صعب قوى اننا نذاكر معاهم فى الفتره الصغيره اللى بنقضيها هناك دى
انا شايفه انها يادوب تكفى نطبق عليهم اى حاجه هانحضرها طول الاسبوع لتقويمهم وتهذيبهم
وممكن بعد كده لما نحس انهم بقوا كويسين وبيستجيبوا نبقى نذاكر معاهم ونتابعهم
لانى لاحظت انهم مستنيين مننا نرفه عنهم ونلعب معاهم ولما بتيجى سيرة مذاكره نسبة النفور بتكون عاليه وناس قليله اللى بتتجاوب
مش عارفه ده رأى اننا الاول نقدر نكسبهم وبعد كده هانقدر نسيطر عليهم بسهوله ويقبلوا مننا اى كلام
لاننا لو حملنا نفسنا مسؤلية تربية القيم فيهم وكمان مذاكرتهم ومستواهم الدراسى هانبقى بنحمل نفسنا حاجه كبيره قوى احنا مش قدها وهاتبقى المسؤليه علينا اكبر
لكن ممكن طبعا المتابعه والمكافأه لانه اسلوب كويس وبيجيب نتيجه سريعه ان شاء الله
بالنسبه لفكرة انهم يجوا يشاركوا معانا فى رساله دى فكره اكتر من ممتازه وبجد هاتجيب نتايج هايله بس يا ريت تنفع
الحقيقه مش عندى افكار جديده حاليا لكن ان شاء الله اى حاجه هاتيجى فى بالى هاقولكم عليها مدام فى مصلحتهم
ويمكن اكون محتاجه مره كمان او اكتر عشان تكون الصوره واضحه عندى اكتر من كده
ربنا يكرمنا

زائر

معلش يا دكتور محمود
احنا كلنا اتفاجئنا على فكره لما لاقينا العيال
والعيال نفسهم قالولنا انهم كانوا مسافرين
بس منفعش علشان الدراسه

وبالنسبه لموضوع الاستشاره
هنبقي نتكلم فيها في الزياره اللي جايه ان شاء الله
بس اعمل حسابك هنستغلك

رودي
بصي يا ستي هوه احنا باي حال من الاحوال مش هينفع
نذاكرلهم لا دلوقتي ولا بعدين
زي ما انتي شايفه الوقت بيبقي قليل
اللي انا شايفاه ان احنا
يعني ربنا يااارب يقدرنا
ونعرف نقوم سلوكهم شويه بشويه
ونتابع مستواهم الدرسي ونشجعهم على المذاكره
بس مذاكره صعب
مبسوطه ان الزياره عجبتك
ومبسوطه اكتر انك متحمسه
ونفسي نفسي كل اللي في الزياره يبقوا متحمسين كده

زائر

فعلا هو ده اللى كنت اقصده بالظبط
تقويم سلكوهم الاول عشان نقدر نتفاهم معاهم
ربنا يسهل

سلام الله عليكم ورحمته وبركاته

بجد أنا عاوز أحييكي يا دكتورة رضوى قطب على الموضوع الرائع ده وأنا شخصياً بعتبره من أهم موضوعات المنتدى إن لم يكن أهمها على الإطلاق
فعلاً ربنا يجازيكي كل خير على المجهود الرائع ده وإن كنت لا أستطيع إضافة شيئ جديد على الموضوع لإن ببساطة إنتم مش سبتوا حاجة وكانت اقتراحاتكم وأفكاركم شبه شاملة للموضوع كله
بجد أنا من أول يوم رحت فيه الزيارة من زمان لحد دلوقتي تقريباً مشفتش حد بالإهتمام غير العادي ده
أسأل الله أن يعينك في هذا الموضوع وييسر لكي الأمور غن شاء الله
وقبل ما أنسى عاوز أقول إن الزيارة تشرفت بإضافة اتنين لها وهما دكتورة رضوى قطب ودكتورة رضوى عادل .. وبرغم انقطاعي لها قرابة الشهرين لأسباب ترجع إلى ضعف من المسئولين السابقين لها وفشلهم في حل مشكلاتها التي نتج عنها إفساد الزيارة بعد أن كانت من أنجح الزيارات في السابق ولأسباب أخرى شخصية إلا أنني فوجئت ببشرى خير في الوجوه الجديدة على الزيارة ومسئوليها الجداد أتمنى أن نراها في تقدم مستمر
الموضوع بجد جميل جداً وأنا قريت بعضه مش كله شوية من الأول وشوية من الآخر
وعجبني جداً السيستم والأفكار التي طرحتموها
وعجبني فكرة النجوم دي قوي وحاسس إنها بإذن الله هتجيب نتائج رائعة
وأتمنى أن تشاركوا مسئولي الزيارة بهذه المقترحات
وعاوز كمان تطبعوها وتوزعوها على متطوعى الزيارة بعد مناقشتها مع مسئولي الزيارة احتراماً لوجودهم فقط
وبالنسبة للدواء أعتقد إن على الأقل جزء كبير من الأسباب مشاكل نفسية
وبالنسبة لهذه الأدوية :
detronin syp. and tab
uriban syp. and tab
فهي متوفرة بغزارة جداااااااااااااا في الصيدلية وعندنا منها كميات كبيرة جدا
في حالة وصفها من خلال طبيب متخصص أنا هجيبهالكم لحد الدار
ياريت يا جماعة بعد ما نستقر على السيستم النهائي والسياسة النهائية للتعامل معاهم نبدأ نقسم الشغل علطول ونعمل اجتماع في الجمعية علشان نبدا نطبقه فوراً
وربنا يعيننا
وشكراً لكم مرة أخرى على تفاعلكم الجميل ده في الموضوع ده

زائر

وبرغم انقطاعي لها قرابة الشهرين لأسباب ترجع إلى ضعف من المسئولين السابقين لها وفشلهم في حل مشكلاتها التي نتج عنها إفساد الزيارة بعد أن كانت من أنجح الزيارات في السابق ولأسباب أخرى شخصية

الجزء ده مشكله لوحده

ومش عاوز اقول ان الجزء ده شوكه فى ظهر الجمعيه

وكفيل يتحويل اى كيان ناجح الى ميليشيات وفصائل

يعنى من الاخر بحب المسئول يبقى الزق فى الزياره مش منسجم معاه مروحش لحد ما يمشى

تفكير مش صح يا دوك ولا ايه؟؟؟؟؟؟؟

المفروض نرمو خلافاتنا الشخصيه فى سلة المهملات

ومع انى عارفك وعارف ان ليك حق وكده وطبعا من غير تفاصيل ملهاش لازمه بس برده كان لازم تيجى الفتره اللى فاتت

اولا لوجه الله تعالى وابتغاء للثواب

ثانيا من اجل الاطفال اللى اتعلقو بيك

ثالثا من اجل الحفاظ على كيان اسمه رساله

اتمنى تكون رسالتى وصلت وعلى فكره ده مش نقد شخصى ليك والله لانى وجهته قبل كده لعضو معانا برده عمل حركه مشابهه

زائر

السلام عليكم ورحمه الله وبركاته

د/ محمود كنت بتقول عندك كتب لتربية الاطفال
لو لقيت حاجه مناسبه تنفعنا وفيها افكار كويسه
ياريت تسيبهولي في الجمعيه
وانا لو لقيت فيه افكار كويسه هنزلهالكوا على المنتدى ان شاء الله

وبالنسبه لفكره جدول النجوم
الام المره اللي فاتت ماكنتش فاهمه الموضوع بالظبط وانا المره ديه فهمتهولها تاني
واحنا فعلا علقنا الجداول
وربنا يكرم لو نفع هنعممه

ولو حد من اعضاء الزياره من زمان وكان شايف انها كانت انجح من دلوقتي
يقول ايه اللي كان شايفه فيها كويس فعلا
علشان نرجع نعمله تاني

انا بصراحه معرفش دلوقتي كل الفصول فيها حد ولا لأ
لاني بروح على فصلي على طول
لكن نفسي كلنا نبدأ مع كل الاطفال
وخلينا نجمع افكارنا هنا
علشان لو فعلا فيه حاجه ممكن نعملها
نعمل اجتماع ونعرض افكارنا فيه
ونفكرهم كمان بموضوع متخصص التربيه
علشان اللي معاهم ولاد كبار

زائر

فكره رووووووووووووووووووعه يارضوى

وانا لما روحت هناك لاحظت اللى انتى بتتكلمى عنه ده بالظبط

عندك حق فعلا

وياريت البدايه فعلا تكون منسقه وسليمه عشان لما نبدأ فيها منوقفهاش او تقف هيا مننا من غير مناخد بالنا او غصب عننا

جزاك الله خيرا

زائر

فى اشاعات طلعت ان د/محمود كلام ع الفاضى

هههههههههههههههههههههههههههههههه والان هنا الرد القوى

1-تربية الطفل دينيا واخلاقيا http://www.4shared.com/get/43958315/a5341bd2/_________.html

2-قواعد اساسيه فى تربية الطفل http://www.4shared.com/file/42748154/14c6795a/____.html?s=1

3-تربية الطفل فى الاسلام http://www.4shared.com/file/42743714/a32647ed/___.html?s=1

4-دور القصه فى تربية الطفل المسلم http://www.4shared.com/file/58237816/4321e4d8/_____.html?s=1

5-تربية الشعور بالمسئوليه عند الطفل http://www.4shared.com/file/74659104/ca6e22b6/____.html?s=1

دى عينه صغيره ولو فى استفاده انا تحت الامر والطلب

صفوه

زائر

الف شكر يا دكتور على تعبك
ربنا يجازيك كل خير

انا شوفت جزء منها فيها افكار كويسه

زائر

افكار جدييييييييييده في الطريق
ومتهيألي تنفع مع الكبار كمان
هظبطها بس وانتظروووووني الليله ان شاء الله

سلاااااااام عليكم

» عاوزين نحدد معاد زيارة دار العز
» زيارة جامده( زيارة دار المسنين 15-3-2010)
» زياره مهجوره اخرى من الزيارات----------------------------------------
» عاوزين من ابو بلاش
» عاوزين مين ادمن للمنتدى؟؟؟؟؟؟؟؟؟؟