فكره تطوير الزيارات عاوزين اراء اعضاء زيارة بلقاس كل واحد يكتب مقترحاته وورق المقترحات بنجمعه في الصيدليه في مقر الجمعية

زائر

نبيل

كلامك سليم وبيحصل

وفعلا الجامع بيبقى زى الملاهى لان محدش علمهم حاجه غير كده

بس انت اكد عندك حلول وافكار

ده انت بتاع الفكر ههههههههههههههههههههههههههههههههه

مستنيين اقتراحاتك فى ورقه او فى كيس

زائر

أهمية انصات والاستماع
نقطه ممكن نكون بينهملها مع الاولاد من غير ما نقصد وبيبقى كل همنا اننا نوصللهم المعلومات اللى عندنا من غير ما نسمعلهم
ويمكن ده اللى بيخللى كتير مننا يحس انه بعيد عن الاولاد وانهم بعيد عنه
وانه مافيش لغة حوار بينه وبينهم

أنصت لأبنائك ليحسنوا الإنصات لك..
- فن الاستماع: وصفة أخلاقية ومهارة ضرورية..
-المرجع: العادات السبع لأكثر الناس إنتاجية. ستيفن كوفي-.
في حياتنا، ومنذ صغرنا نتعلم كيف نتصل مع الناس الآخرين بالوسائل المتعددة، الحديث والكتابة والقراءة، ويتم التركيز على هذه المهارات في المناهج المدرسية بكثافة، لكن بقيت وسيلة اتصالية لم نعرها أي اهتمام، مع أنها من أهم الوسائل الاتصالية، ألا وهي الاستماع.
لا بد لكل إنسان أن يقضي معظم حياته في هذه الوسائل الاتصالية الأربع، الحديث، الكتابة، القراءة، والاستماع، لأن ظروف الحياة هي التي تفرض هذا الشيء عليه.
والاستماع يعد أهم وسيلة اتصالية، فحتى تفهم الناس من حولك لا بد أن تستمع لهم، وتستمع بكل صدق، لا يكفي فقط أن تستمع وأنت تجهز الرد عليهم أو تحاول إدارة دفة الحديث، فهذا لا يسمى استماعاً على الإطلاق، في كتاب ستيفن كوفي العادات السبع لأكثر الناس إنتاجية، تحدث الكاتب عن أب يجد أن علاقته بابنه ليست على ما يرام، فقال لستيفن: لا أستطيع أن أفهم ابني، فهو لا يريد الاستماع إلي أبداً.
فرد ستيفن: دعني أرتب ما قلته للتو، أنت لا تفهم ابنك لأنه لا يريد الاستماع إليك؟
فرد عليه: -هذا صحيح-.
ستيفن: دعني أجرب مرة أخرى أنت لا تفهم ابنك لأنه -هو- لا يريد الاستماع إليك أنت؟
فرد عليه بصبر نافذ: هذا ما قلته.
ستيفن: أعتقد أنك كي تفهم شخصاً آخر فأنت بحاجة لأن تستمع له.
فقال الأب: أوه -تعبيراً عن صدمته- ثم جاءت فترة صمت طويلة، وقال مرة أخرى: أوه!
إن هذا الأب نموذج صغير للكثير من الناس، الذين يرددون في أنفسهم أو أمامنا: إنني لا أفهمه، إنه لا يستمع لي! والمفروض أنك تستمع له لا أن يستمع لك!
إن عدم معرفتنا بأهمية مهارة الاستماع تؤدي بدورها لحدوث الكثير من سوء الفهم، الذي يؤدي بدوره إلى تضييع الأوقات والجهود والأموال والعلاقات التي كنا نتمنى ازدهارها، ولو لاحظت مثلاً المشكلات الزوجية، عادة ما تنشأ من قصور في مهارة الاستماع لا سيما عند الزوج، وإذا كان هذا القصور مشتركاً بين الزوجين تتأزم العلاقة بينهما كثيراً، لأنهم لا يحسنون الاستماع لبعضهم البعض، فلا يستطيعون فهم بعضهم البعض، الكل يريد الحديث لكي يفهم الطرف الآخر! لكن لا يريد أحدهم الاستماع!!
إن الاستماع ليس مهارة فحسب، بل هي وصفة أخلاقية يجب أن نتعلمها، إننا نستمع لغيرنا لا لأننا نريد مصلحة منهم، لكن لكي نبني علاقات وطيدة معهم.

إضافة جيدة ومفيدة د/ رضوى أشكرك عليها
فعلاً الواحد ساعات كتير بيهمل جزئية الإستماع الجيد للطفل
وبذلك يفقد الطفل شعوره بالأهمية

زائر

السلام عليكم ورحمة الله وبركاته

الحمد لله

لقيت اللى كنت بدور عليه من زماااااااااااااااااااااااااان

تطوير تون

من زمان وانا نفسى نحاول ننمى ذكاء العيال ونخليهم يفكرو ويشغلو مخهم من غير شغل التلقين او اسلوب المدرس والتلميذ

وتكون باسلوب مضمون استمراريته حتى لو غبنا عنهم

الحل الوحيد هو اللعب

لكن فين المكان اللى فيه لعب مصنعه بطريقه تتحدى الفكر؟؟؟؟؟؟؟

امانى والف صنف وغيرها محلات لعب اطفال او لعب عاديه

تطوير تون

مساكن الجامعه بجوار مكتبة العطاء امتداد ش جيهان

اللعب هناك ملهاش حل ولكل الاعمار وفى منتهى الذكاء

انا شخصيا حسيت انى غبى ههههههههههههههههههههههههههههههههههههههههه

ادعوكم لزيارة المحل ده وياريت بصفه رسميه وياسر البغدادى او منى المرسى او رحاب او نهال كمسئولين يروحو ويتكلمو باسم الجمعيه وناخد من ميزانية بلقاس ونشترى كمية العاب

وفى وعد بعمل خصم خاص للجمعيه

مين لسه متحمس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

جزاكم الله كل خير

ان شاء الله نوصل المعلومات ديه في اقرب وقت

وباذن الله هروح واشوف بنفسي

السلام عليكم ورحمة الله وبركاته

الموضوع ده وحشني جداااااا وكمان الولاد وحشوني اكتررررررر للاسف بقالي اسبوعين مروحتش

غصب عني بس ان شاء الله هحاول انتظم تاني

الله المستعان

يلا هنرجع تاني نقول اللي عنده اي افكار للتطوير يقول

عاوزين تشجيع حاسه ان كلنا في حالة فتور

السلام عليكم ورحمة الله وبركاته
ايوه فعلا عايزين تشجيع
وعشان كده فى اجتماع بكره ان شاء الله فى الجمعيه الساعه سته
ياسر بيقوللكم كلكم تعالوا عشان فى افكار جديده هانناقشها
وفى برنامج جديد للفصول هانحطه ان شاء الله
اووعوا تنسوا فى الجمعيه الساعه سته
والحاضر يعلم الغايب

طلب بس صغير يا اداره لو سمحتم
حرام الموضوع ده بالذات يبقى كده من غير اسم اللى كتبته وبدأته م الاول
يا ريت لو ممكن تكتبوا ان الموضوع ده بتاع رضوى قطب
الموضوع ده بجد من اكتر من رائع ويعتبر اهم موضوع هنا على المنتدى
يا ريت لو فى الامكانيه انه يتكتب باسم رضوى قطب يبقى كويس قوى وجزاكم الله خيرا

سلام عليكم
معلش يا جماعة أنا عارف إني مقصر معاكم كتيييييييييييييييير
بس والله العظيم النت عندي بايظ بقاله ييجي إسبوعين وأكتر
المهم
بالنسبة لطلب الدكتورة رضوى عادل
إن احنا نغير اسم الموضوع باسم الدكتورة رضوى قطب
مفيش عندي أوبشن من خلاله أقدر أغير اسم زائر لأحد الأعضاء
لو تعرفي إنتي طريقة قوليلنا عليها ويبقى جزاكي الله خيراً

لا والله للأسف ماعرفش حاجه فى الموضوع ده
عامة خير مش مشكله الحمد لله ان الموضوع رجع اصلا احنا كنا فين

المهم
تقرير الاجتماع النهارده
ياسر اقترح اقتراح جميل قوى اساسه اننا نبنى فى نفوس الاطفال اساسيات تتبنى عليها شخصياتهم وتساعدهم فى حياتهم
الفكره تتلخص فى تعليم الاطفال قيم واخلاق عن طريق حفظهم لمجموعه من الادعيه الخاصه بحصن المسلم
ادعيه بنحتاجها كل يوم وكتير مننا حافظينها وبنقولها
الادعيه دى كلها متجمعه فى لوحه تعليميه اتعلقت بالفعل فى كل الفصول تقريبا
والمطلوب اننا نتابعهم فى حفظها بحيث يكون حوالى 6 ادعيه فى الاسبوع الواحد
وبنسمعلهم ونشوف مين اكتر واحد حفظ كويس وبيبقى ليه جايزه
ممكن واحد او اتنين على الاكتر
وطبعا الحكايه دى هاتعمل روح تنافس بين الاطفال وهاتعلمهم التنافس فى الخير
بعد ان شاء الله ماننتهى من موضوع الادعيه ده اقترح ياسر اننا نحفظهم سور او ايات هادفه يكون لها مغزى معين او قصه معينه تعلمهم قيمه اخلاقيه او دينيه
وده هايبقى يتناقش معانا فيه فى وقتها ان شاء الله لما نحقق تقدم فى الفكره الاولى
واقترح كمان عمل مسابقه على مستوى الفصول كلها فى الاخر ويختار احسن ناس قدرت تحفظ الادعيه كلها ويكون لها جوايز برده
هو بالفعل جرب وبدأ فى تنفيذ الفكره والاولاد قابلوها بحماس واهتمام فى فصله ومنهم ناس حفظوا عدد من الادعيه فعلا
الفكره حلوه قوى وفكرة اننا كلنا نشتغل على هدف واحد وعلى اساس واحد دى جميله جدا وان شاء الله هاتحقق حاجه كويسه فى النهايه
الله المستعان

جزاكي الله كل خير يارضوى على التقرير

وجزاك الله كل خير يا ياسر على الحماس والافكار الجميلة

ومش مهم الموضوع باسم مين الاهم اننا نرجع تاني الزيارة بنفس الحماس والقوة

اسبوع بس وافضالكوا باذن الله

الله المستعان

مجهود موفق الله معاكوا
وربنا يتقبل منكوا فريق عمل ممتاز فعلا اتمنى اكون متطوع صغير معاكوا لو فى ايدى شىء احاول اقدمه باذن الله والله المستعان

وجزاكم الله خيرا جميعا

سلام الله عليكم ورحمته وبركاته

طبعاً أنا كنت موجود في الإجتماع الصغير اللي كان ياسر عامل
هو كان اجتماع صغير حجماً وكبير قيمة
وبصراحة في بداية الأمر كان يدور في مخيلتي أنه اجتماع تقليدي زي باقي الإجتماعات الكتيرة اللي بتحصل في الجمعية
يمكن علشان أنا مش بحب الإجتماعات الكتيرة اللي فيها رغي على الفاضي
المهم
بجد أنا كنت قاعد مبسوط جداً من كلام ياسر لأنه بجد فيه أفكار جديدة وجميلة وغير تقليدية
وفيها جانب تنموي كبير للطفل
وأنا كنت من المعارضين لما كان يحدث من قبل في الزيارة
كان كل الإهتمام من قبل بالأكل واللبس والرحلات والحفلات
على ما كان يبدو لي
وطبعاً النتيجة إيه ؟
النتيجة إن العيال مخها فاضي صفر
معندهمش ثقافة وأبسط حاجات في الدين برضه مش يعرفوها
واحنا برضه كمان مقصرين في ديننا
فرصة بجد نعمل رفرش لمعلوماتنا الدينية وكمان نفيد العيال بيها
وبالنسبة لحسام بيه اللي بيقول عاوزين نفوق
واللي كمان بيقول لو في ايدي حاجة أقدر اعملها
ااااااااااااه يا حاج حسام في ايدك كتييييييير
روح الزيارة وصاحب العيال وامسكلك فصل هناك
وانت ما شاء الله أهل لذلك والعيال هيحبوك جدا
وانت ما شاء الله عندك أساليب اقناع تحسد عليها
وكمان يوم الجمعة فاضي متقولش مشغول
يلا مستنينك الجمعة الساعة 2 ونصف في موقف الهابي لاند
ربنا يجازيك كل خير يا ياسر على أفكارك الجميلة
وتعمل العملية وتقوم بالسلامة
وربنا يجازي كل متطوع يساهم في تطبيق الفكرة

والله انا كنت كاتبة رد طويل عريض بس اتمسح :(

عموما خير..اكيد ربنا مكنش عاوزكم تزهقو

بصو باختصار..مش باختصار اوى يعني

:D

في كمان افكار ممكن تضيفوها للافكاركم الجميلة دي ..ربنا يجعلها يارب في ميزان حسناتكم

ان انتم تصورو ورق في رسومات لشخصيات او رسومات لاي حاجة..دي ممكن تكشف عن اي طفل عنده موهبة الرسم وطبعا احسن تلوين هياخد جوايز

ممكن كمان انكم تنمو وتقيسو مهارة الاستذكار يعني انكم تجيبو ورق مرسوم عليه رسومات..وتوريهالهم لمدة ثواني

وبعدين كل واحد فيهم..يفتكر ايه اللي كان موجود في الورقة طبعا دي بين فريقين

ممكن كمان الادعية اللي كنتو بتقولو عليها

واللي يحفظ اكتر

ممكن تحكو قصص لاحد الانبياء والصالحين..وتسألوهم استفادو ايه من القصة دي

ممكن قصص خيالية..اديكم مثال..يعني القلم والجوما قاعدين مع بعض وتجيبو قلم كدة عليه عروسة وتجيبو جوما

القلم هيكتب حاجة غلط في دعاء من اللي هما حفظينه..والجوما هتمسح الغلط..وبعدين القلم هيزعل ان الجوما مسحت ..طبعا انتو هنا هتعلموهم الدعاء بطريقة صحيحة

وان القلم مستغرب ازاي ان الجوما مش زعلانة ان بتتآكل منها حتة كل اما تمسح..وانها سعيدة بكدة

هنا هية ترد تقول انها سعيدة بمساعدة الغير..وان حتة لو دة يخليها تضحي بنفسها

ومسرع العرايس ..بيحبو اوى الحاجات دي

وقصص من دي كتير...وبتفيدهم كتير

ممكن تصورو جدول فيه الصلوات الخمس بعدد ايام الاسبوع..وفيه كمان قراءة القران

دة بيشجعهم..والجدول اللي هيبقى فيه علامات صح اكتر دة هياخد جايزة...دة كمان بيشجعوهم انهم يتنفاسو

دة من السن حضانة تقريبا لاعدادي يعني بجد بيبقو مبسوطين وبتثبت في عقلهم المعلومات الصحيحة بشكل غير عادي

ارجو اني اكون اضفت ليكم

مشكووووووووووره يا نسرين
جزاك الله خيرا
اكيد طبعا اضفتى لينا كتييييييييير قوى كفايه مرورك اللى الموضوع اتشرف بيه
ويا ريت اللى عنده افكار تانيه يقول عليها ومش لازم يبقى فى الزياره ومنتظم فيها
لان اى حاجه بتفيد كتير قوى وبتفرق

» عاوزين نحدد معاد زيارة دار العز
» زيارة جامده( زيارة دار المسنين 15-3-2010)
» زياره مهجوره اخرى من الزيارات----------------------------------------
» عاوزين من ابو بلاش
» عاوزين مين ادمن للمنتدى؟؟؟؟؟؟؟؟؟؟