مواقف وطرائف الاعضاء

رضوي
هههههههههههه
شكرا شكرا يا دكتور عماد على الاغنيه البيطرى الصرف دى
كان فى نشيد كده بيغنوه فى الكليه وكان مطلعه انا جبت سبعين فى الميه ....انت اكيد تعرفه كان حلو قوى برده
بس يا ريت تحكيلنا عن الطرائف بتاعتك مع الحيوانات انت كمان اكيد عندك كتيييييييييييير

دكتور محمود اكيد فعلا اللى بيحصللك ده من اللى بتعمله فى الناس وعشان كده هاقوللك على الحل ....قول ورايا
تبنا اللى الله
وندمنا على ما فعلنا
وعزمنا على عدم العوده
ولا حول ولا قوة الا بالله
تقولها مرتين مره الصبح ومره بالليل قدام المرايه عشان تشوف نفسك ودموع الندم فى عينيك وتستمر كده لحد كل الناس اللى اذيتهم يسامحوك والا......................... انت عارف ايه اللى ممكن يحصللك
ولا تلومن الا نفسك

نهال سندريلا

اية اللطافة دى كلها
والله ضحكتونى وانا نفسى أبكىىى
ادعولى

رضوي
ربنا يفك كربك يا لولا ويفرحك
طب اقوللك على حاجه هاتضحكك
فاكره لما كنا مع بعض فى الريسيبشن بتاع رساله وانت اخدتى منى القلم الرصاص عشان تكتبى حاجه؟
انا نيست اخده منك يوميها مع انى بحبه قوى ومش بكتب غير بيه
المهم دخت عليه ونسيت انى ادتهولك خاااااااااالص وقلبت عليه الدنيا
النهارده بقى كنت فى الصيدليه ولقيته هناك بالصدفه ولما سألت دكتور محمود عنه قاللى انا لقيته تحت وجبته وماعرفش بتاع مين
هههههههههههه
اضحكى بقى وروقى

رضوي
Sent: 1/10/2009 11:56 PM
انا آآآآآآسفه قصدى دكتور مصطفى مش دكتور محمود
هههههههههههههههه

دكتور عماد
Sent: 1/11/2009 10:01 PM
السلام عليكم

هحكيلكم حكاية حكيتها على جروب رسالة زمان ومحدش صدقها

واحنا في الكلية الدكتور عوض معيد الجراحة وقتها حكالنا حكاية عجيبة
بس بيقسم بالله انها حصلت
وشاهد عليها اغلب دكاترة قسم الجراحة وهو راجل محترم وكلامه ثقة ويصدق

المهم

كان في حصان اسمه عنتر
عنتر كان حصان عربي اصيل
وكان صاحبه عنده مزرعة كبيرة
وجايبه يتعالج في الكلية في مستشفى شها
وبعدين عنتر ده كن قوي جدا
وعايزين يدوا له حقنة عشان يتخدر ويعملوا له العملية
مش عملية يمعنى فتح بطن وكده
لكن ازالة كيس دهني او ما شابه مش فاكر
المهم انه هاجوماج ورفض الحقنة بس هو كان مؤدب مآذتاش حد من اللي واقفين

فصاحبه راح وقف جنبه وقعده يكلمهويقوله عيب كده يا عنتر
اسمع كلام الدكاترة عشان تخف وتبقى كويس ونرجع سوا
انا واقف جنبك ومتخافش
وفعلا هدي الحصان جدا وعملوا له العملية وانتهت بنجاح وهدوء
على ما يفوق من التخدير بقى صثاحبه قعد يحكيلهم حكاية عنتر مع عبلة خطيبته في المزرعه
عنتي وعبلة متربيين سوا ومخطوبين لبعض من وهم صغيرين وبيحبوا بعض
ومرة عبلة شافت عنتر واقف مع فرسة كانت جاية المزرعه جديد
فعبلة جريت خلعت زي خلخال حوالين رجليها كان زي شبكة عنتر لها ودجفنته في قلب التراب في المزرعه
وبطلت تكلم عنتر تماما
ورفضت تقف جنبه او تبص له
ولما زاد الموضوع صاحيب المزرعه راح كلم عبلة وقالها انتي زعلانة من عنتر ليه
ده بيحبك جدا
شاورتله على الفرسة الجدية وعلى عنتر
فهم انهخا شافتهواقفين سوا
فقال لها ان عنتر بيحبها هي
ودي كا مجرد بيكلمها بس عشان جاية جديد
واقنعها انها تطلع السوار بتاع الخطوبة وتلبسه تاني
وفعلا راحت حفرت الارض وطلعت السوار ده ولبسته من جديد وعنتر راح باس راسها واعتذر لها
ورجعوا سمن عى عسل

حد صدق حاجة
؟
العهدة على الرواي

وربنا يرجعه منالمانيا هو د/ سحر مراته بالسلامة

رضوي
Sent: 1/11/2009 10:37 PM
ههههههههه
دكتور عوض سافر المانيا
والله كويس قوى
على فكره دكتور عوض دايما كان يعقد ينبه علينا اننا مانموتش الكلب فى سكشن التخدير وكان يقوللنا اللى هايموت الكلب هاياخد صفر فى امتحان العملى
ويبدأيشتغل والكلب ماياخدش فى ايده غلوه ونلاقيه بيطلع فى الروح
وكل مره يقوللنا يلا لموا فلوس عشان نجيب كلب جديد والسكشن اللى بعده يموته برده

احب دائما وابدا ابدأ كلامى بسلامى
السلام عليكم ورحمة الله وبركاته
طبعا كل الكلام ده اللى نقلته ليكم
مواقف وطرائف الاعضاء ايام جروب شباب المنصوره
الجروب ده شاف معانا احلى واجمل ايام
وطبعا اجمل واحلى مع مواقف اعضائنا الكرام
مش معنى ان الموضوع على كده وقف
احنا ان شاء الله هنستمر نكتب مواقفنا وطرائفنا على الصفحه دى طول ما احنا موجودين عايزين نعمل الرقم القياسي على الصفحه دى فى المواقف والطرائف
ويمكن الموضوع ده فى عدد مشاركه كبير جدا
وان شاء الله على المنتدى هيبقى اكبر واكبر
احنا سعداء بتواجدنا على المنتدى الجديد ويارب يبقى خير علينا كلنا
وتبقى كل المواقف اللى تتحط فيهتبقى سعيدة جدا لينا كلنا
وان شاء الله يبقى معانا اعضاء جداد ويكتبوا بردوا مواقفهم وطرائفهم
ربنا يسعدكم جميعا اخواتى فى الله
وفى نهايه الكلام مفيش احسن من السلام
السلام عليكم ورحمة الله وبركاته