مواقف وطرائف الاعضاء

دكتور محمود
موقف بسيط جدا جدا من المنزل

من المعروف عنى انى اول ما ادخل البيت اول حاجه اعملها قبل اى حاجه هى فحص شامل للحلل فى المطبخ

ويا ويل اى حاجه تقع فى ايدى

وللاسف والدتى من النوع الانيق بتاع اغسل ايدك الاول واقلع هدومك وحط الاكل فى طبق وكل وانت قاعد

بتضايق جدا من حكاية كل وانت قاعد دى

طبعا هى من الناحيه الدينيه مكروهه وضد السنه و طبيا برده بتعمل ارتجاع لكن اعمل ايه

الجوع فاسق

المهم المقدمه دى كلها عشان اقول ان اى حاجه حلوه او وحشه بتتعمل بيخبوها منى وده شئ بيضايقنى جدا جدا

قعدت افكر افكر وطبعا لقيت الحل

الحل ده نفذته من مده طويله

كنت الاقى د/خالد(حاليا نايب باطنه فى الجامعه) اخويا يشرب العصير من التلاجه اقول لامى شايفه هو اللى خلصه مش انا

صينية الكنافه بصو هو اللى خلصها مش انا عشان تعرفو انى برئ

يعنى كل ما يعمل حاجه اقعد احتج واتمسكن

لحد ما خلاص ثبتت عليه واتحفظت اى حاجه مش موجوده يبقى خالد خدها

ومن ساعتها

عمال انتع فى كل حاجه واديها للصبح وخالد باشا يستلم

انا اكل واشرب واخواتى الصغيرين يعيطو وخالد يتظبط

بيصعبو عليا قوى الناس دى

هههههههههههههههههههههههههههههههههههههههههههههههههههههههههه

دكتور محمود فريد

رابطة الاهلى

اجمل رابطه فيكى يا مصر

انا طالع القاهره ان شاء الله يوم الاحد مطش النهائى الحلم الافريقى وحلم كاس العالم فى اليابان

يا رب يا عالى انصر الاهلى

الواحد بيحب يروح الماتشات المهمه اخر مره رحت مطش السوبر من شهرين كده وكنت صاحى الصبح دايخ ومش مركز قمتلابس تيشيرت ازرق ورحت اقعد مع التراس اهلاوى والرابطه فى الدرجه التالته شمال

كان منظرى عره قوى قوى وتعبان قوى المدرج كله احمر وانا الوحيد ازرق

لدرجة ان الكاميرا جت عليا بعد الجون التانى بتاع معتز اينو

اه والله هههههههههههههههه حتى اللقطه عندى ع الجهاز

من تالته شمال
بنهز جبال
جمهور كبير
نادى عظيم
اديله عمرى
وبرده قليل

اووووووووووووووووووووووو اهلاوى
we are egypt

نهال سندريلا
والله يا محمود مش عارفة أقول ليك اية غير ربنا يصبر أهلك والناس اللى حواليك
ويصبرنا احنا كمان ويقدرنا نستحملك داحنا بتتحكى لينا المواقف بس نفسى اعرف حال الناس اللى بتتعمل معاهم المواقف دى بيكون ازاى خصوصا والدك ووالدتك واخواتك معقول الموضوع جة على أد ضغط واطى وعالى بس؟؟
الله بعونهم يارب دانت فظيع بجد
وانا اللى كنت فكرانى شقية وكدا دانا طلعت ملاك ومجيش نقطة فى بحر من عمايلك دى
كمل كمل ورينا الهمة

دكتور محمود فريد
هاجر

هو اخوكى اسمه مصطفى وليد مجاهد

وشعره اكرت شويه و بييجى الصيدليه ساعات

وساكن فى ميت حدر

ولا ده واحد تانى خالص

المهم ارجع لموضوعنا

مش عارف يا جماعه انتو فعلا شايفين ان حكاياتى دى فظيعه ولا تعليق والكلام ده قصدكو انى انسان مش كويش ولا شقى بزياده ولا مخى صغير

بجد مستنى رايكو لانه يهمنى

رغم انى مش ناوى ابطل ههههههههههههههههههههههههههههههههههههههههههههههههههههههه


نظرا لظروفى الملخبطه حاليا وعدم تركيزى فمش همشى بالنظام اللى قلت عليه لانى فعلا بتيجى حاجات فجاه قدامى بحكيها مش بكون مرتب مواقف مسبقه

بعد كده هسميها خواطر الدكتور محمود او دكتور حوحا على راى صحابى ربنا يديهم على قد نيتهم

كنت فى تالته اعدادى
للاسف السنه دى كان جالنا مدرسين جداد غير اللى اتعودت عليهم و حفظتهم و حفظونى السنين اللى فاتت لدرجة ان الواحد كان بينزلهم فى الصيف مخصوص عشان يقابلهم

من ضمنهم كان مدرس طيب كده و هادى قلت ما اهزر معاه هزار برئ
مره كان معاه كشكولين سالته بمنتهى الرخامه اللى فى الارض قلتله ما تشيل كشكول واحد وخلاص قالى التانى ده عشان الموجهين والمشرفين اللى بيجو المدرسه كل شويه يمرو وكده

طبعا انتو عارفين الباقى

المفروض مكملش بس هقول برده عشان لو فيه حد جديد غريب علينا
هههههههههههههههههههههههه

طبعا خدت الكشكول من وراه و خبيته
وكنت ناوى ارجعه والله العظيم

المصيبه انى قعدت العب و نسيت اصلا انى مخبيله كشكول

اللى حصل بعد كده مش هينفع احكيه عشان برستيجى برده قدام الجروب

الشعب يقول عليا ايه

هههههههههههههههههههههههههههههههههههههههههههههههههههههههه

دكتور محمود فريد
الحته دى بقى تندرج تحت بند الهزار التقيل شويه

تقيل قوى

اخويا الصغير حسام كان عايز يحلل دم جبناله سرنجه وكنت هسحبله العينه الواد يظهر خاف منى فقالك اروح المعمل اسحبها هناك

اتضايقت قوى كان نفسى اعملها فيه

ههههههههههههههههههههههههههههههههههههههههه


المهم بالليل خالص قاعد لوحدى لقيت السرنجه قدامى فكرت فى مقلب اعمله بس المره دى تفكيرى يظهر شعشع قوى

اللى هيقول عملت ايه بجد بجد يبقى ذكى جدا

يللا يا جماعه

حد يخمن

بجد المره دى كانت صعبه واتهمونى بالجنون

ال يعنى انا كنت عاقل بقالى 24 سنه

هاجر
السلام عليكم ورحمة الله وبركاته

اولا يادك: دا مش اخويا

انا اخويا ابيضانى وشعره بنى ومش اكرت وحليوة وصغنون مش كبير

ومش من ميييت حدر خالص

ثانيا بالنسبة لحكاياتك:

اصل يابنى الواحد هيقولك ايه غير ربنا يكملك بعقلك كمان وكمان

ويعنى لما تبقى دكتور كبير كده وعندك عيادة الناس تجيبلك عيالها ازاى

دا انت ممكن تعلقهم على باب العيادة ولا حاجة

وخلى بالك كما تدين تداااااااااااااان
ومن حفر حفرة لأخيه واصحابه وجروبه وقع فيييييهااااااااا

وانتى يابنى حفرك كتيييييييييييييييييييييير

ياعينى عليك

اما موضوع التخمين دا بقى فموعدكش
لانك شكلك عملت مصيبة

د/ محمود فريد
هههههههههههههههههههههههههههههههههههههههههههههههههههههههه


مين قال انى مبقعش فى حفر كتير

بس ربنا بيسترها معايا و بيرحمنى برحمته


المهم بدل ما اتعبكو فى التخمين

انا طيب جدا ومبحبش اتعب حد فعلشان كده لقيت نفسى فاضى

جبت السرنجه و سحبت لنفسى دم من دراعى اليمين لانى اصلا بكتب بالشمال

واستنيت لما ماما رايحه المطبخ حطتلها السرنجه هناك

اعمل ايه بقى وقت الفراغ برده بيخلى الانسان ينحرف

هههههههههههههههههههههههههههههههههههههههههههههههههه

على فكره فى ابحاث كتير بتقول ان اللى بيستعمل الشمال بيبقى عبقرى

ايه رايكو ؟؟؟؟؟؟

نسرين
Sent: 10/26/2008 7:08 PM
السلام عليكم

ازيكم جميعاااا
اولا دكتور محمود بعيدا عن المواقف اللي بتعملها في ناس
واللي ربنا يستر ومش تحصل فيك عشان زي ما قالت هاجر كما تدين تداااان
انت ازاي فاكر كل المواقف دي.... ماشاااااء الله انا قريتها كلها
هية اي نعم مش تتنسى بس برده
وبعدين دة مش قرررر ولا حسد خااالص انا عيني باردة متقلقش
ربنا يكون في عون والدتك والله
اها انا سمعت برده عن الايد الشمال دي بس انت تقريبا بتستخدم
العبقرية في اغراض اخرى غير اللي المفروض تستخدم فيها
اصل العبقرية ذو حدين
كملللل طبعا ربنا يسترها معانا
انا مش قادرة افتكر ولا موقف غير حاجات خفيفة او يمكن انا عشان
من النوع الهادي مكنتش بعمل حاجة اصلااا
وطبعا بوسي ضحكت علينا وقعدة على جمب بتشجع بس
وهية المفروض تحكي.... ياللا ياهانم

ونهال ...انا مش اعرفك بس اعرفك ياللا من مواقفك وطرائفك
انتي وقعتي بلسانك وقولتي انك شقية
ماليش دعووووووة ياللا

نهال سندريلا
24 PM
الله يهديك يا محمود بجد اية البشاعة دى عمرى ماشفت حد كدا على فكرة
والموضوع مش اننا شايفينك انسان مش كويس والله بس بجد انت بتعمل مواقف صعبة وبشعة مش متخيلاها انت المفروض تطلع فى برنامج الكاميرا الخفية ههههههههههههههه
بس بالنسبة لموضوع المدرس هكون رخمة وهسألك ياترى اية اللى حصل؟؟عملو فيك اية؟.؟
وبالنسبة لموضوع السرنجة اية اللى حصل لما حطيتها بالمطبخ لمامتك؟؟

ربى الله اهلا بيكى يا قمر انا يزدنى شرف بمعرفتكم والله وبالنسبة لمواقفى وطرائفى دا شىء لا يذكر امام مواقف محمود فريد اللى مفروض يتعملو موضوع وحدو ومحدش يشارك خالص

نسرين
اسمي نسرين يا نونا
دة شرف لينا احنا
وانا كمان بضم صوتي لصوتها
وبسأل فعلا والدتك كان ايه رد فعلها؟؟

انا لية اخ برده عامل زيك كدة وللآن بنعاني منه وكل اما تكبر كل اما المصايب
بتكبر معاه

يعني انت وانت صغير كان كشكول وكدة بعد كدة كبرت لسرنجات وحبوب منع حمل
ياللا الحمدلله

دكتور محمود فريد
ههههههههههههههههههههههههههههههههههههههههههههههههههههههه


ايه يا جماعه كلكو عليا ولا ايه

انا مش وحش للدرجه دى

انا اوحش بكتييييير هههههههههههههههههههههههههه

انتو بجد بتبصو لنص الكوبايه المبلول وفاكرينى نازل فى الناس تعذيب انما فى الحقيقه ابسط من كده بكتير

انا خجول جدا و يا ما حصلى و بيحصلى مواقف بسبب الموضوع ده

يا ما عيانين عملو عمايل والواحد حتى مبيرفعش صوته عليهم مع ان اعرف ناس زمايلى قلعو البلاطى و خدو حقهم وزياده

بعتبر ده احترام وذوق وكل الناس تقولى ضعف


انا تحت ايدى فى مستشفى خاص 3 ممرضات و مجموعة عمال لو قلت لاى حد فيهم هاتلى لبن العصفور يروح يجيبه ورغم كده لما اكلم حد فيهم اقوله بعد اذنك ----لو سمحت

لسه راجع حاليا من المستشفى دى والله كان فى حاله واحده عندها 18 سنه هى قاعده تضحك وانا اللى مكسوف لدرجة انى بالليل مريت على الاوض كلها ما عدا هى عشان الاحراج


كل الناس تقولى زعق و ارسم نفسك وبتاع لكن انا مقتنع باللى انا فيه ده


اعندى شيفت فى مستشفى الطوارئ الشهر الجاى بدعى ربنا بشده ان التوزيع بتاعى ميطلعش فى قسم علاج البنات مش على حاجه بس عشان هما اللى بيضحكو عليا مش اكتر

هههههههههههههههههههههههههههههههههههههههههههههههههههه


ولذلك نفسى اتخصص اطفال لان دول الناس الوحيده اللى بفهمهم وبيفهمونى

وبستريح جدا معاهم

لا بيشتمو حد و لا بيغلطو ولا بيخونو ولا يعرفو ياذو حد اساسا

انا اسف جدا جدا لانى بتكلم عن نفسى كتير و صدعتكم و زهقتكم منى

بس انا متاثر بموقف حاليا بمر بيه

موقف محتاج ان الواحد يبقى جرئ شويه و يحس على دمه و ينطق كلمتين زى خلق الله

ولاحياة لمن تنادى

خلى الاطفال تنفعنى هههههههههههههههههههههههههههههههههههههههههه


بالله عليكو فى مواقف و طرائف احسن من كده

دكتور محمود فريد
برده مصممين تعرفو حصلى ايه و بتعاقب ازاى

انا عارف والله نفسكو تستمتعو وتفرحو فيا لما كنت بتعاقب


بس انا هصدمكو بقى هههههههههههههههههههههههههههه

فى المدرسه دايما كان بيشفعلى تفوقى لانى ولله الحمد كنت بطلع الاول او من الاوائل بصفه مستمره

بس كنت مثار استغراب كل المدرسين ازاى الواد ده اللى مش على بعضه بيذاكر و ينجح

اى مدرس جديد كان دايما يقولى والله ما انت نافع

واخر الشهر يستسلم ههههههههههههههههههههههههههههههههههههههه

طب اقسم بالله العظيم والفجر بيدن اهو اى واحده فيكو ليها اخ او قريب فى مدرسة الهدى والنور الاسلاميه تسال هناك عن طالب كان اسمه محمود فريد

بس يكون مدرس قديم شويه او حد من الاداره

هتسمعو كلام زى الفل و الله ههههههههههههههههه


بالنسبه للبيت

مش هنكر ومش هتجمل

وانا صغير ابويا كان بيضربنى بحماس ودون ادنى تانيب للضمير

ههههههههههههههههههههههههههههههههههههههههه

بس لما خلصت ابتدائيه قالى خلاص معاتش ينفع اضربك

تقريبا جاله ارهاق او ياس مش عارف

بقى يتخصم من مصروفى او اتحرم من التليفزيون وكده يعنى


حاليا كل اللى بيحصل انى بسمع كلام من نوعية

يا بنى انت بقيت دكتور
اللى فى سنك فاتح بيوت

ايه يعنى فيها ايه افتح بيت و اعمل مقالب فى العيال واضمن ان محدش فيهم هيعاقبنى لانى ابوهم وميصحش


نهال وهاجر و نسرين

بالنسبه لموقف السرنجه ماما بصتلى بصه عاديه جدا و سابتنى ومشت

بس

تقريبا قالتلى انت اتجننت

و على طول ليها كلمتها المشهوره اللى بفخر بيها

انت يا بنى تخليص ذنوب

هههههههههههههههههههههههههههههههههههههههههههههههه

انا
هههههههههههههههههههههههههههههههههههههههههه
لا حول ولا قوة الا بالله العلى العظيم
مش لقيه كومنت غيره بصراحه
ايه ده
فى كده فى الدنيا
ولسه عايش كده وسيبينك
لا اله الا الله
هتخلينا على الصفحه دى نتوووووووب
ده احنا ملائكة الرحمه جمبك

دكتور فريد

مااااااشى يا بوسى

طيب ما تحاولى كده تفتكرى اى حاجه و تكتبيها بدل ما انا واخد الموضوع حصريا كده

ونهال فين و نسرين وهاجر

ايه يا جماعه معاتش فى ذكريات

مش شرط تكون فظيعه مريعه شنيعه عزيزه زى بتاعتى كده

اى موقف حلو ذكرى جميله اى حاجه

انا عايز اخد هدنه شويه لان القادم صعب ههههههههههههههههههههههههههههههه

هبه خالد
انا دايما بقرء المشاركات هنا مش بعرف ارد اقول اية
خصوصا خصوصا وخاصة وعلى وجه الخصوص
مواقف د.محمود
على رأى بوسى

ايه ده
فى كده فى الدنيا
ولسه عايش كده وسيبينك

د/ محمود فريد
معلش يا جماعه اصله كان واخد الصفحه لحسابه
Sent: 1/9/2009 2:06 AM
السلام عليكم و رحمة الله و بركاته

يااااااااااااااااااااااااااااااااااااااااه

فجاه

افتكرت مواقف وطرائف

بصراحه كده

حصلى حاجات كتير ورا بعضها خلتنى لازم انشط الموضوع

طبعا انا استخرجت الموضوع من تحت الانقاض

والبركه فى نجوى ورضوى ما شاء الله هاريين الجروب مواضيع

اهى فرصه برده يقرو تاريخ حياتى هنا

المره دى هبدا مرحله جديده فى حياتى

اشتغلت فى مستشفى خاصه

اول يوم

رحت استلم الشغل

لقيت الدكتور اللى قبلى بيفهمنى ايه المطلوب بالضبط

وفوجئت بالحقيقه المره

انت الطبيب المقيم الوحيد هنا طول نوبتجيتك

يا حلاوه

حوالى عشرين اوضه و اوضتين عمليات واوضه افاقه واستقبال

ليه كلكو عليا ولا ايه

قالى يا بنى معاك 3 ممرضات

واربع عاملات

وموظفين اداره واستقبال

بصراحه لما عرفت انى لوحدى وانى هتحكم فى الممرضات والعمال

وافقت جدا جدا لانى ليا تخطيط فى دماغى عايز انفذه هبقى اقوله ليكم بعدين

المهم

مطولش عليكو

من ساعة ما اشتغلت وانا بيحصلى حاجات

ههههههههههههههههههههههههههههههههههههههههههههههههههههههههههه

هبدا من الرد القادم

كله يزعرد
مواقف و طرائف رجعت تانى

بردوا محمود فريد

من اطرف الحاجات

اللى لا يمكن انساها

وفعلا كلامكو بيطلع صح انى بدفع تمن مقالبى فى الناس ههههههههههههههههههههههههههههههههههههههههههههههههههههه

بعد يوم طويل ومرهق دخلت اريح ساعتين فى اوضتى

وموصى الممرضات محدش يصحينى الا لو حاجه مهمه

ونمت بقى والجو ساقعه تلج

شويه لقيت رزع على باب الاوضه

صحيت ابص فى الساعه سته الصبح

فى ايه حاضر جاى اهو

اطلع فى عز البرد والصداع

الاقى واحده ست

معرفش عرفت مكان اوضتى ازاى

بتقولى انا ام العيان فلان اللى عامل عملية البواسير

وقلتلى يبدا يشرب سوايل دافيه

قولتلها وانا مش شايف قدامى ايوه خير

تقوم تقولى


خلو بالكو من السؤال الطبى الخطير





انا عملتله ينسون بس مش عارفه احطله سكر زياده ولا قليل؟؟؟؟؟؟؟؟؟؟؟؟

اااااااااااااااااااااااااااااااااااااااااااااااااااااااااهه

يا لهووووووووووووووووووووووى

هو انا شغال قهوجى يا ست انتى

كنت عايز ادى للوليه دى حقنة هوا 100 سنتى

حرااااااااااااااااااااااااااااااااام

هو انا بيجيلى برد من شويه

وبرخم عليكو من شويه

بدل ما يجيلى الضغط

هههههههههههههههههههههههههههههههههههههههههههههههههههه

انا بقى
Sent: 1/9/2009 7:42 PM
بما ان موضوع القطط ورد رضوى فكرنى بمشمشه
هقولكم عليها ونحكى عن القطط حبه
كان عندى قطه صغنونه كانت سيامى
القطه دى كانت عندى وهى لسه صغنونه شهرين بس
بس كانت قطه عسل مووووووووووووت
طبعا هى وهى صغننه بتبقى قصيرة كده وهبله
ههههههههههههههه
كنت بهبلها
كنت احب اشوفها وهى بتلف حولين نفسها وانا حطه ليها كوره كريستال
الكوره دى بتعطى الوان كتير وكل ما تحاول تمسكها مش بتعرف
احط الكوره تقعد تشوط فيها وتعمل انها فى وضع استعداد للهجوم وتهجم عليها وتتزفلط منها ههههههههههههه
وبردوا مفيش فايده تقعد تبص عليها كتير وقال ايه بتموه وتعمل نفسها مش هتيجى نحيتها ومرة واحده تلف وتنط عليها والكوره تتزفلط
وانا طبعا بتفرج وميته على نفسى من الضحك ومش بقولها غير يا عبيطه
اما بقى عمايلها معايا
كنت بحب اجرى اوى فكنت مثلا ماما تنده على اجرى اشوفها عايزه ايه
فلما تشوفنى بجرى تجرىورايا وانا اخاف تخربشنى فأنط على كنبه الصالون واطلع ليها لسانى واقولها اه اه اهه مش هتمسكينى
ههههههههههههههههههههه
كنت عيله اوى وانا صغننه
ولما كبرت حبه بقيت اعمل فيها الحركه دى بس كانت بتقعد تقطع فى فرش الصالون عشان تطلع ولما تطلع انا انزل تنزل اطلع
ههههههههههههههههههههههههههههه
كنت مجنناها
ولما كبرت بقى وطولت كنت لما اجرى واطلع على الصالون
كانت بنطه واحده كانت بتجبنى وكانت غبيه كانت بتخربشنى ساعات
ههههههههههههههه
بس بردوا كنت بحبها اوى
كانت اليطه اوى مش بتأكل غير السمك واللبن والميه
وكنت عمله ليها سبت كده عشان تنام فيه وكنت فرشاه كأنه سرير وكان ليها المخده بتاعتها والغطى بتاعها كمان لما بتبقى الدنيا ساقعه
فى مرة رحت المدرسة ورجعت البيت ادور على مشمشه
قالوا لى مشت
قلتلهم يعنى ايه مشت
قالولى هربت
قلتلهم ازاى تهرب استحاله دى بتحبى اوى
قالولى لأ اصلها كانت بتحب قط وكانت بتكلمه من البلكون وانتى نايمه
واتفق معاها على الهرب وهربت معه وسبتك
قلتلهم ايه
السفله
قليله الادب
بتكلم قط ولد
سفـــــــــــــــــــــــله
وكمان بتهرب معه وبتسبنى انا
وقعدت اعيط
اصل من وانا صغيره وانا مؤدبه
محبش الحال المايل
هههههههههههههههههههههههههههههه
قعدت فترة مصدقه كلامهم
وبعدين بقى فى مرة قالولى لا مشمشه مظلومه احنا سربناها عشان خفنا عليكى لانها بتجيب امراض بس بعد ما كبرت وكانت عددت سنين
بس هتصدقونى انى ببقى ماشيه فى الشارع ابص على القطط يمكن تكون مشمشه معاهم وماشيه متشرده يا عينى فى الشارع
اما دلوقتى عندنا ماجى وميجو
عصافير
دول بقى قمة العبط
ماجى وميجو نوعهم الكوكتيل
ماجى جت لينا هديه
ماجى صفره وميجو رصاصى
ماجى كانت قعدهل وحدها فى القفص فكنا بنقعد نهزر ونلعب معاها نعطيها اللب وهي تقعد تقشر ونديها واحده كمان تأكل عادى
بس اول ما جت كانت متشرده اوى كان اللى يجي نحيتها لازم يتنقر منها
اول ما جبنا ميجو كانت متشرده موت معه كانت بتضرب فى ضرب
وبتنقر فى نقر
لغايه ما الواد يا عنيى رفع لدرجه ان احنا قلنا خلاص هتموته لان الواد رفع وبقت تشيل ريشه بمنقرها
وكانت لما تشوفوا نازل يأكل تجرى وراه وتضربه وتخليه مش يأكل
رخمه مووووووووووووووووت
قالوا لينا افصلوهم شوية
بقينا فصلين ماجى فى قفص وميجو فى قفص بس الاتنين جمب بعض
تقعد تنزل وتطلع وتقعد تبص عليه
وهو ولا معبرها
وانا اقولها ما كان قدامك يا عبيطه
ولا نفسي فيه اخيه عليه
ههههههههههههههههههههههههههههههههههههههههه
وبعد ما رجع قعدت بردوا تتراخم عليه وبعد كده بقوا كويسين
بس كل ما تجيب بيضه تقعده عليها ههههههههههه تقريبا ميجو ملهوش شخصيه
ههههههههههههههههههههههههههه
وااااااااااااااه لو خرج من البياضه تنقر فيه وتقف قدام الباب عشان مش يخرج
والغريب بقى كل البيض بتاعهم فاضى اصل اول ما جابوا تتح قعدنا كل شوية نفتح عليه ونشوفوا الواد العبيط ميجو موته بعد ما كان طلع ريش
وصعب علينا اوى تتح وقعدوا يعيطوا عليه (ماجى وميجو)
بجد الحيوانات دى عليهم حاجات
واتقال لينا ان النوع ده لما حد بيشوف عياله بيموتوهم

دى مواقفى مع الحيوانات
ممكن افرجكم على ماجى وميجو
بس التذكره ب 50 دولار
اى خدعه

رضوي

هههههههه
انا اللى عاجبنى الاسامى اللى بتختاريها ليهم بصراحه يا بوسى
انا بقى يا ستى مره عملت جريمه وانا صغيره كان عندى قطه بس مش بوسى اللى قلت عليها
المهم انا ماكنتش اعرف ان القطط بتعمل فى الرمل او البلاعه او كده كنت مقتنعه تماما انها المفروض تدخل الحمام وكده
وفى مره اخدتها وهى كانت صغيره وغلبانه طبعا ودخلت بيها الحمام وقعدتها على التواليت وسبتها وخرجت
قامت وقعت جوه التواليت وماعرفتش تطلع وماما اخدتها رمتها فى الشارع وانا قعدت اعييييييييييط
مره تانيه كان عندى بقى ميشو ده وانا كبيره وميشو ده على فكره اخو بوسى وكنت بحميه وغلطت وفكرت اسشورله شعره زى القطط ولاد الناس يعنى قمت لسه بشغل السيشوار وبقول يا هادى قام ضاربنى حتة ضربه على ايدى واتشنج وقعد يعمل اصوات غريبه وفضلت الضربه دى توجعنى مده طويله لانها كانت بخربشه كمان

مره كان عندنا ديك وانا ماشيه من جمبه هجم عليا ونقرنى فى ركبتى وضربنى لانى كنت لابسه لون احمر تقريبا هههههههههه وان كان حبيبك ديك ماتلبسلوش احمر

ميشو ده بقى كان حبيبى كنا متصاحبين وكان بيجى يخبطلى على باب قوضتى كل يوم الصبح عشان اصحى ولما افتحله يجرى يطلع على كرسى التسريحه ويقعد يبصلى عشان العب معاه واول ما احط ايدى عليه يقعد يرفع ديله وينام ويتبسط قوى كل يوم كده وكان لما يشوفنى قاعده على كرسى يقوم ناطط وقاعد على رجلى وينام واجى ماشيه رايحه اى حته يجى ورايا ولو قفلت الباب ورايا اجى افتح الاقيه لسه قاعد قدام القوضه ....كان رهيييييب

وكانت النهايه مأساويه وانى دخلت طب بيطرى فى الاخر

دكتور عماد
Sent: 1/9/2009 11:44 PM
السلام عليكم

ذهب الليل وطلع الفجر وميجو صوصو

ماما قالت له سيب رضوى في حالها

رمى كراسته وساب مدرسته وراح جر شكلها

راحت بوسي مخربشة ايده

وادي جزاة اللي ميسمعش كلمة ماما تقولها

انا
هههههههههههههههههههههههههههههههههههههه
ميرسي يا عماد على الاغنيه الهايله دى
ناوى تنزلها السوق امتى
؟؟؟؟؟؟؟؟؟
هههههههههههههههههههههههههههههههه

دكتور محمود هيه
ده ايه الروقان

الروقان المستفز بتاعكو ده

انا متبهدل ومتقطع

ومبنامش

وحاجات غريبه

والبشوات زعلانين على ميكى وميشو وطمطم


ايه الحلاوه دى كلها

طب انا بقى هحدفكو بموقف من اياهم عشان تتعظو

ههههههههههههههههههههههههههههههههههههههههههههههههههههههههههههههه


بجد يا جماعه الموقف ده انا حاسس انه من دعا الناس عليا

واحد عامل عمليه وطالع بالسلامه

استلمته ودخل الاوضه بتاعته مع اهله وقرايبه

بقوله حمد لله ع السلامه

ميردش عليا

طب بتشتكى من حاجه

مبيردش عليا

طب زعلان مننا فى حاجه

يبص و مينطقش

انا خفت الصراحه سبته ومشيت

بس الراجل فايق و بيتحرك ومفيش اى مشكله بعد التخدير

تانى يوم الصبح

ها ازيك بقى النهارده احسن؟

يبصلى وميردش

حسيت انه بيتتنك عليا او مش فى دماغه

اتجننت وانا اصلا موتى وسمى ان حد يتعنطز عليا

قلت لمراته هو فى ايه

مش انا بكلمه؟

تقوم الست

الذكيه

النبيهه

بعد ما قعدت احزق يوم

بعد ما قربو يمشو من المستشفى

تقولى معلش يا دكتور اصله مبيسمعش

بجد استخسرت فيها الشبشب لانى بدخل بيه اوضة العمليات ومش طالبه تعقيم

ساعتها بس اكتشفت

ان فى ناس انا بالنسبه لهم تلميذ فى السقاعه والرخامه

ههههههههههههههههههههههههههههههههههههههههههههههههههههههههههههه