مواقف وطرائف الاعضاء

Sent: 8/19/2008 7:09 PM
احب دائما وابدا ابدأ كلامى بسلامى
السلام عليكم ورحمة الله وبركاته
انا عارفه ان من اول ما دخلت الجروب مش نزلت مواضيع لى
ولا ابتكرت اى حاجة جديدة
بس قررت بقى نصحى ونفوق ونبدأ نفكر مع بعض
ونتكلم اكتر مع بعض
فجت لى فكرة حلوة
ومنتظره دودكم كلكم
كلنا بنقع فى مواقف كتيرررررررررر
مواقف مضحكه
ومواقف محزنه
من يوم ما اتولدنا لغاية النهارده
يعنى مواقف ايام الطفولة
وانا والحمد لله مواقفى وانا طفله مواقف ما يعلم بيها الا ربنا
عايزين نحكى شوية عن مواقف فى طفولتنا
واحنا صغيرين واحنا كبار
مواقف اثرت فى حياتنا
مواقف جد او حتى هزار
او حتى مواقف سببت ليكم احراج
عايزاكم تقعدوا على الشزلونج
وتحكوا وتقولوا كل حكايتكم
منتظرااااااااااااااكم
وانا حكى
بس لما اشوف الردود
وفى نهاية الكلام مفيش احسن من السلام
السلام عليكم ورحمة الله وبركاته

هبه الله
السلام عليكم ورحمة الله وبركاته
فكرة جميلة يابسبس
أنا هشاركم بقراءة مواقفكم ومش هعرف أحكى لعدة أسباب ومحدش يزعل منى
النت بطىء جدا بيرفعلى الضغط ,,وأنا الوقتى برد مش من البيت
ثانيا أنا مش بعرف أحكى أد كدة
ثالثا ودا الأهم أنا ناسية جدا جدا مش فاكرة حصل اية امبارح عشان افتكر ايام الطفولة

دكتور عماد
السلام عليكم ورحمة الله وبركاته

عشان منضيعش وقت
هتدفعوا كام وأحكيلكم حدوتة قبل النوم ؟؟؟

مش هتناموا دلوقتي ؟
خلاص اخرجوا من المضووع ومتدخلوش إلا آخر حاجة عشان تقروه وتناموا

كان يا ما كان يا سادة يا كسلانين

مرة كنا بنشتري عربية مرسيدس من واحد
وأنا رحت مع والدي الله يرحمه فرح وقابلنا صاحب العربية وخرجنا عشان نجرب العربية ونتفرج عليها ومشينا لحد ما وصلنا عند مطعم بركات اللي في أول ش جيهان وقالولي ادخل هات لنا حاجة ناكلها
ودخلت المطعم اشتريت أكل وخرجت ملقيتش العربية ادام المطعم ؟

قلت معقول الكلام اخدهم ونسيوني
بعدين بصيت لقيت العربية واقفة على جنب بس محدش جواها
ولقيت عسكري المرور بيقول للي في المطعم فين صاحبالعربية دي قاله هنده له من جوه حالا

قلت يبقى هم استأخروني ودخلوا المطعم عشان ناكل جوا وانا مشفتهمش

الطبيعي اني اعمل ايه ؟

أدخل المطعم اشوفهم

لكن انتوا نسيتوا بسرعه كده ليه ؟
مش قلنا الراجل بتاع المطعم هينده لهم عشان واقفين مخالف يعني هم يطلعوا من المطعم

يبقى الصح أني أستناهم في العربية
وركبت العربية وفضلت قاعد فيها
والعسكري بيزعق وبيقول فين صاحبها وبتاع المطعم بيهديه وانا مستني
وأنا مالي يا أخويا هو أنا اللي هسوق ؟

وبعدين خرج واحد من جوه المطعم فتح العربية وقعد على الدركسيون وقالي السلام عليكم

قلتله وعليكم السلام

وقلت في بالي ده أكيد تبع المطعم وخرج يركن العربية بدل الحاج سعيد فقعدت ساكت

قالي هو حضرتك مستني حد ؟

قلت له انا مع الحاج سعيد
قالي مين ؟
قلت له صاحب العربية

قالي أنا صاحب العربية دي
لو عايز تفضل قاعد انت تشرفني

قلت له بس دي عربية الحاج سعيد الزلمكة
قال دي مش زلمكة
دي مرسيدس عادية

قلت له طيب انا هنزل يبقى هم في المطعم او مشيوا وسابوني

قالي ولا يهمك ونزلت وهو ركن العربية ونزل وأول ما نزلت بصيت لقيت الزلمكة السمرا اللي تبعنا واقفة مكان ما نزلت أنا ادام المطعم وجواها والدي والحاج سعيد اللي يرحمهم
ورحت عليهم والراجل التاني جه ورايا وقالي بقى تبقى راكب زلمكة وتيجي تركب المرسيدس التعبانة بتاعتي
ماشي يا عم ألف سلامة

هو مش غباء مني

بس المشكلة أن عربية الحاج سعيد زلمكة سمرا
واللي ركبتها غلط وفضلت مستني فيها مرسيدس بيضا

بس انا كنت اعرف منين الفرق بين الزلمكة واللي مش زلمكة

كمان مش بحب اللون الأبيض انا أهلاوي وبحب اللون الأزرق اللامع

وتوتة توتة خلصت الحدوتة
حلوة ولا حلوة ؟

بوسي
ههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هموت من الضحك
ههههههههههههههههههههههههههههههههههههههههههههههههههههه
فى كده يا عماد
هههههههههههههههههههههههههههههههههههههههههههههههههههههه
بس الراجل بتاع المرسيدس ده عسل مووووووووووووت
يعنى يدخل عربيته يلقى واحد قاعد
مساء الخير ويمشى بيك وبعدين يسئلك انت مستنى حد هنا
ههههههههههههههههههههههههههههههههههههه
هتكون مستنى مين وفين يعنى فى حد مستنيه بس فى مشوار فى التبلوه
ههههههههههههههههههههههههههههههههههههههه
الله يخليك يا عماد احكلنا اكتررررررررر

آية
هههههههههههههههههههه
ههههههههههههههههههههههههههههههههههه
حلوه والله جدا
مهو الي بيجي على مزاج الواحد بيعمله وخلاص
ربنا يكون ف عونك
انا مش ليا زكريات وانا صغيره يعني
والزهايمر مبهدلني
بس هقول حاجه كدا
كنت وانا صغيره كنا جينا مصر اجازه ومش متعودين على الجو ولا النوم على السراير والحر دا من غير تكيف يعني
المهم
طبعا كنا ف الصيف شهر 7 كدا وكهربه قطعت بليل
وانا كنت بحلم بئه
المهم
صحيت من الحلم والدنيا ظلمه طبعا وكان باب الغرفه كمان مقفول المهم
قعدت اعيط واصوت كنت عندي تقريبا 7 سنين كدا
واقول افتحوا السجن
افتحوا السحن
وانا اصوت واعيط
افتحوا السجن انا معملتش حاجه
وطبعا البيت كله نايم
ورحت فتحت الشباك واخويه نايم جنبي يقولي يا بنتي ارجعي هتقعي دا الشباك مش الباب
وانا ولا هنا
افتحوا السجن وفتحت الشباك ونزلت رجلي وقامت حصلت المفجأه ان ماما
فتحت الباب
وقالتي
برااااااااااائه
هههههههههههههههه كنت هروح ف شربه ميه
علشان مفيش كهربه
وكل محد يجي يكلمني يقولي افتحوا السجن ها
هههههههههههههه
كمان واحده بئه صغيره على الماشي
وانا صغيره بس خالص بئه كنت لسه بشرب الللبن وكدا المهم
كان ف ازازه فنيك كدا على الارض
انا بئه بزكائب الفظيع
فكرتها لبن
خدت ازازه الفنيك بكل حرص وجداره واستخبيت تحت السرير
طبعا مش عايزه حد من الاطفال التانين يسرقوا مني الكنز الثمين
وهتك يا فنيك شرب
هههههههههههههههه
ومقلكوش ببئه حصلي بلااااااااااااااااااوي وبيقولوا يا بتاعه الفنيك
دا اخرتي
بقلهم اصلي بحب النظافه زي حبي للبن كدا
ههههههههههههههه
بس كفايه كدا عليكو
نشوفكوا ف الازازه الجايه
قصدي ف قصه تانيه

هبه الله
هههههههههههههههههههههههههه

اضحكتونى

عماد ماشاء الله فى الطراوة
والراجل بتاع العربية ظريف جدا
طيب كنت اطلب منه مفتاح العربية والرخص وتبقى طلعت بمصلحة

عسل يا أية
وانا بفتح صفحة السجن قصدى الريبلاى كنت خلاص بموت من الضحك
واخترتلك لون كتابة حلو لون الفنيك

حسام الهلالى
يا عمده يا عمده ههههه
هوه منين بيودى على فين
فينيك وسجن وجماجم وناس بتهاجم لا بجد صباح الصباح ههههه على القاعده دى

عموما انتظرونى ههه تلاقونى انا حاليا مش فى بالى حاجه معينه لكن نازل على طول باذن الله

بجد فكره حلوه يله يا بوسى خشى انتى الى عليكى الدور

دى انا بقى
الدور على احكى ويارب ذاكرة البشر اللى على الجروب ذاكرتهم ترجع

المهم بقن
اكتر حاجة كانت تخوفنى وانا صغيرة
حاجات كتيررررررررررررررررررررررر
منها التوهان
كنت بخاف موت وانا صغيرة انى اتوهه من بابا وماما
واقعد بقى اتخيل انى توهت من بابا وماما
وانا بعيط وبدور عليهم وهما بيعيطوا وبيدوروا على
وبعدين طنط الحرمييايه تشوفنى تخطفنى وتقعد تضحك على وتقولى هوديكى لماما وهى حرمييايه لائيمه وخبيثه
وبعدين بقى تعلمنى النشل والتسول وابقى نشالة قديرة
واتعرف بقى على عمرو دياب
ونعمل مأساة
عودى يا بليه
عودى يا بليه


وانا كان عندى 4 سنين كنا فى مرسي مطروح
وانا بقى صغنونه اوى وكنت عاشقة لجركن برتقالى
متعرفوش ايه الحب ده
متصورة معاه صور كتير وغريبه
موجوده لغاية دلوقتى
واقعد بقى اروح الشاطئ والعب فى الميه والرمل واجمع قواقع
مجدى بقى كان بيسبنى ويروح لماما وبابا وانا عقبال ما اتلفت ملقيش مجدى جمبى
اقعد اعيييييييييييييط
وشبح بليه مش مفارق دماغى طبعا
المهم تهت من بابا وماما وفضلت ماشية على الشاطئ اعيييييييييييييييط
وكل شوية افتكر بقى عودى يا بليه عودى يا بليه
المهم لقيت مجموعه شباب عملين خيمه كده لقونى بعيط اوى
وقعده اقول مامااااااااااااااااااااا باباااااااااااااااااااااااااااا
لقيتهم تعالى يا جميلة مالك
مش لقيه ماما وبابا
قالولى بقى انتى اللى مش لقياهم
قلتله اه
وانا بقى فى عقلى يمكن ده طنط الحرميه ومستخبيه فى زى راجل
المهم قعدوا يقلولى بابا اسمه ايه
اقله مش عارفه
طيب ماما
مش واخده بالى
لقيت واحد بيقول اه انا عرفها دى بنت الاستاذ احمد
تعالى تعالى
يأخدنى ويلف بى قدام الخيمه قوم القى مييييييييييييييين
ههههههههههههههههههههههههه
بابا وماما
ههههههههههههههههههههههههه
يعنى بلف حوليهم وبعيط
وادور عليهم وهما قعدين ورايا
واتاريهم قعدين يضحكوا على وهما شيفنى
فى اليوم ده تهت
يجى اربع خمس مرات
وفى كل مرة بروح لشباب دول ويرجعونى لبابا وماما
ههههههههههههههههههههههههههههههه
طفولة فعلا متشرده

دكتور عماد
السلام عليكم

كويس جدا أنك طلعتي براءة يا آية
بس المسجون اللي كان معاكي حصل له ايه ؟ خلص مدته ولا نط من الشباك ؟

ايه ده يا بوسي الذكاوة دي
لو كنتي بتفكري مكنش حصلك كل ده
ازازة فنيك واشربيها
ساعة ما تتوهي هيمشوا كلب بوليسي يكونوا شمموه فنيك
وهيلاقوكي على طول

ولا عزاء للصراصير
حتى الويسكي بتاع الصراصير هيخلصه البشر

ده انا
هههههههههههههههههههههههههه
بقى كده يا عماد
بقى دى اخرتها
انا غلطانه اصلا انى بحكلكم عن طفولتى المتشردة
بس منتظرين تحكيلنا اكتر
زى موضوع المرسيدس كده
هههههههههههههههههههههههههههههههههههه

آية
هههههههههههههههههه
تستاهلي يا بوسي يا بتاعه ماما وبابا
فهمتك يا نسرو كان قصدك ايه
يا بتاعه بليه انتي
ايوا لقينا حاجه نمسكها عليكي ونبهدلك
بدل محنا سايبينك كدا تاخدي راحتك
ههههههههههههه اه يا بتاعه ماما وبابا
حد اول ميتوه يدور على ماما وبابا
هقلك بئه يا دكتور عملت ايه ف المسجون
انا زقيته
اصلي خفت يصحى من النوم مش يلاقي
ماما وبابا وبليه
هههههههههههه
دوقي يا بوسي
ولسه ولسه
ايامك جايه كتيييييييير

السلام عليكم ورحمة الله وبركاته

والله مواقف ماشاء الله ماشاء الله


خصوصا موقف الدكتور عماد

لأنه واضح انه كان كبير

وبيتمتع بكامل قواه العقليه يعنى

اما موضوع الفنيك يا اية فعادى كتير قبلك عملوه

الحمد لله انا مش منهم

وانا الحمد لله يابسبس عمرى ماتهت من بابا وماما

يمكن الوهم هوا اللى خلاكى تتوهى

المهم انا حكيلكم موقف
حصلى وانا كبيره وبكامل قواى العقلية

كنت فى 3 ثانوى
وقاعده فى البيت بذاكر
فى امانة الله بحل
تمرين فزياء كده ملوش لزمة

الهم لسة ببدء فى التمرين قام التليفون رن

رحت ارد لقيته واحد بيعاكس

ومعاكسة مش لطيفة بالمرة خالص
خالص
اكيد انتم فهمتوا

المهم رحت قافلة السكة

وكل شوية يتصل
قلت يادى النيلة مش هنعرف نحل التمرين بقى

المهم بقى كل مايتصل
اقوم رافعة السماعة واسيبه يلك مع نفسه لحد مايزهق ويبقفل

وبعدين اخرة مرة التيليفون رن
قلت اللهما طولك ياروح

قلت
أنا:الوووووووووو
المتصل:سلام عليكم
أنا :عليكم السلام
المتصل:ميييين معايا
انا :وبرخامة خضرتك اللى مييين
المتصل:الغريب ان صوته كان شبه صوت اللى بيعاكس
قالى الرقم دا كلمنى
أنا: الرقم دا مكلمش حضرتك
المتصل:هوا دا رقم احمد
أنا : احمد ميين وبزهق بقى
المتصل:طب عندكوا حد فى ثانوية عامة
أنا:ييييوه وانت مالك
المتصل: انا مدرس ثانوية عامة
أنا .والله وانا اعمل ايه
المتصل:انا مدرس عربى
أنا :ميين يعنى
المتصل:بعد مازهق منى ومن رخامتى انا عادل الشاوى مدرس عربى
أنا :اووووووبس مستر عادل وبكسفة شديدة انا هاجر

هو:الله يخرب بيتك
وفضلت اعتذرله
اتارينى كنت مكلماه وكان نايم فلما صحى لقى رقمى وكلمنى

وطبعا فضحنى

انا كنت بحب الراجل دا جدا
واول ماشاف صحبتى الأنيتم فى الدرس

قالها
صحبتك بعزقت كرامتى فى التليفووووون
وهزقتنى
وكل ما كان يشوفنى
يقولى انا تهزئينى

اقله معلش يامستر
موقف تانى سريع حصل معاه برضه

كان بيشرح لنا قصة يوم القدس

وجه فى الحتة بتاع ان صلاح الدين لما اسر ملك الصلبين تقريبا يعنى
عالمه معاملة كويسة وحاجات كده يعنى
الهم كان فيه حتة بقى
وقدم له ماءا مثلجا

المستر خلص شرح
وقال فى حد
مش فاهم حاجة
رحت رافعة ايدى

وقلته
يامستر هوا جاب الماء المثلج منييييييين

طبعا المجموعة فطست على روحها من الضحك
وقبلهم المستر

بس برضه قالى جب الماء المثلج منيين

دى بقى آية
هههههههههههههههه
ربنا معاكي يا بنتي والله
مهو اليس بنشوفه ف ثانوي مش قليل برضو
فكرتيني كنت ف ثانوي وكنت حولت ادبي
وكنت مكبره دماغي اوي
وقلت ادبي ايه وبتاع ايه الي نزاكر له
المهم كان ف سؤال ف التاريخ
بيقول ليه مثطفي النحاس عمل معاهده 36 ؟
كل مرا يجيلي السؤال
معرفش اجاوبه
فقمت ف امتحان للاستاذ جالي
قمت كاتبه
مزاااااااااااجه كدا
ههههههههههههههه وطبعا خدت الدرجه النهائيه
بس الصغرى
ههههههههههههه

حتى كدا بئه كنت
ف رابعه ابتدائي
وكنت ف المدرسه
كنت ف السعوديه
ويوم كدا الدوام خلص وكنا هنروح بئه
انا نزلت جه ف دماغي اني نسيت الشنطه
طلعت فوق
وقعدت ادور المدرسه فضت
وانا لسه بدور
واروح هنا واجي هنا
وجبت المدرسه من اولها لاخرها
ابتدائي واعدادي وثانوي
مهما بيبقوا ف مدرسه واحده ف دول الخليج
واخيرا
قعدت اعيط واعيط
جت الابله المشرفه
مالك يا اآية
الشنطه يا ابله
مالها يا يا ايه
مش لقياها يا ابله
الشنطه ورى ظهرك يا آية
بصيت ورى ظهري لقيت الشنطه
متتخيلوش قد ايه كنت حاسه بالاحراج والخجل من نفسي
مش قادره انسى الموقف
لا والذكاء الشديد
كنت حاسه ان ف حاجه تقيله ورى ظهري
بس كنت مكسله ابص هي ايه
ههههههههههههههههههههه
الكسل وحش برضو
خصوصا لما بيبقى جاي بدري اوي

دكتور عماد
السلام عليكم

جزاكي الله كل خير يا آية
ضحكتيني وأنا ماليش نفس

بس تلاقيكي كنتي يوم الربوع وبتفكري هتعملي ايه الخميس والجمعه وواضح أن كان في حاجة مهمة بتستنيها بس مكسلة

عامة يا هاجر أنا كنت في ثانوي بس كنت علمي بقى وكده وعقلي اتلحس خلاص من الأحياء والفيزياء مع بعض

وكان عمنا وجيه جرجس بتاع الأحياء لما يسأل ويلاقينا مش مذاكرين يبقول يا بهوات على بيوتكم
انتوا فاكرين مستوى الأحياء ده لعبة
لما تذاكروا تبقوا تيجوا
ومثله أستاذ محمد جلال في الفيزياء الله يرحمه

أجمل استاذ قابلته أستاذ حسن موجه الكيمياء
اسمه كان في بالي ونسيته حالا
هو في شارع المستشفى العام

كان راجل سكرة ربنا يديم عليه االصحة
والناس تقول ده شرجه مش حلو
مرة كنت بسأله على مدرس أحياء قالي يا عماد روح جرب ويمكن كل الناس تقول عليه وحش وانت تفهم منه
الرك على الطالب مش الأستاذ
الأساتذه كلهم بيشرحوا منهج واحد مش ببيألفوا
المهم انت تفهم من مين

الله يمسيه بالخير أستاذ حسن فؤاد

انا
ههههههههههههههههههههههههههههههههه
لا حولاولا قوة الا بالله
اللى يشوف بلاوى الناس تهون عليه بلوتو
هههههههههههههههههههههههههههههههههههههه
انا عملت كتير وقليل فى حياتى
بس مكنش كده ابدااااااااااااااااااااااااااااااااااااااااا
هههههههههههههههههههههههههههههههههه
و بتتريقوا على
روحوا روحوا كده بعيد بدل ما ارش عليكم مايه
ههههههههههههههههههههههههههههههه

آية اللمضه
لا وانتا الصادق يا دكتور
بتهيألي
كنت شايله هم اني هشيل الشنطه تاني بكرا
ههههههههههههههه
قلت انساها ف المدرسه احسن
ههههههههههههههههه
ايام الطفوله حلوه اوي مش بتتعوض والله
ابدا

اما بوثي بئه
بقلك ايه اطلعي من دماغي
ههههههههههههه
يا بتاعه ماما وبابا
ههههههههههههه
انا على الاقل بتوه غصب عني
ف ناس بتوه بمزاجها
ها ا
اكيد انتي عرفاهم
ههههههههههههههه

انا
طيب بما جينا لفترة الثانوية العامية
هحكيلكم بقن وامرى الى الله

لما طلعت من ثانيه والحمد لله كان كل المدرسين بيحبونى اوى
وصوا على المدرسين اللى كانوا بيدونى فى ثالثة
والله من غير ما اعرف
القى مدرسة تيجى تقولى ميس ايمان بتسلم عليكى كتير ووصتنى عليكى
مستر فلان موصى عليكى
كده يعنى
فى السنتين دول كنت مسكه الغياب
وحضور الحصص وكدن
فكان عندنا مدرسين غريبين حبتين
مفيش سخسيه خاااااااااااااااااااالص
كان فى مدرس لسه راجع من السعودية طازة ويا عينى بقى مفكر ان البنات ملائكة الرحمة
دخل من هنا
وكلهم حسوا انه ضعيف الشخصية
حصته دى كانت الدكك بتتعمل بنشات لعب كوتشينه
واكل وعصائر
وتصوروا انهم كانوا بيلعبوا الشايب
ويعملوا احكام فى الفصل
هههههههههههههه
ويوم ما المستر يتحرك ويحاول يا يعينى يزعق لهم
تقوم البنت قيله له والله ما هقعد الا لما تنفذ الحكم اللى حكمته عليها
قومى يا ببببببببببت اعملى اللى قلتلك عليه
تقوم والمستر بيبص بإزبهلال يا عينى والله كان بيصعب على

لانه
ههههههههههههههههههههه
مكنش بيشرح لحد فى الفصل الا لى انا بس
كنت فى اول دكه وهرينى شرح وحل مسائل
اعمل ايه بقى كان بيصعب على

كان بقى فى مدرسة بردوا سخسيتها ضعيفه مووووووووووت
المس دى بجد كانت بتصعب على
والعيال بردوا البنات كانو بيصعبوا على
دروس بقى وامتحان فى الدرس وكدن
فكانوا يجوا بقى يترجوا فى اخبى عليهم فى الغياب واكتبهم حضور
وفعلا كانوا بيصعبوا على فبنزلهم يذكروا فى الحوش
شوفتوا قلبى الرهيف
المهم
كنت بنزل معظم الفصل فى حصتها المشكلة اللى كانت بتوجهنى هى انى انا اللى كنت بدبس فى الحصه دى فى الاخر
وبقعد غصب عن نفسيتى اسمع لها
بس بصراحه كنت مجنناها
اقولها الفصل 53 تقلى هما فين
ههههههههههههه اقولها ايه يا مس العتب على النظر
ما هم قاعدين
تلقى ازاى يا بوسي
طيب عدى تانى
اعمل انى بعد
يا مس مضبوطين
انتى هتشكى فى يا مس
تقلى لا يا بوسي مش قصدى
اقولها امضى على بركة الله
هههههههههههههههههه
تقلى طيب هعد انا اقولها كده يا مس لا بجد انا زعلانه منك
ليه يا بوسي
بقى كده يا مس عايزة تعدى ورايا
والله كانت طيبه موت ومكنتش بتحب تزعلنى
وكانت بتمضى
وفى مرة من المرات العملية فرتت منى وانا مش بحب ازعل حد فتقريبا كان معظم الفصل فى الحوش
والفصل كان هووووووووووو
والعدد مفروض انه كامل
تقولى ايه ده يا بوسي دول مش موجودين اقولها لا يا مس
وبعدين يا مس ما هما بدل ما يعملوا دوشه ويجروكى وراهم طول الحصه ومش نستفاد من معلومات حضرتك الطخينه
قصدى الثمينه فترقتهم عشان تفهيمينى برحتك
قالتى بس كده ما ينفعش يا بوسي
قلتلها يا مس دول عيال غلالالالالالابه
وعندهم دروس ومذاكره وامتحنات
ومجموع بعيد عنك
هنبقى احنا والدروس والمذاكرة والامتحانات والمجموع عليهم يا مس
الرئفه يعنى
سبيهم وليكى الاجر والثواب
وفى مرة تانية
دى بقى كانت الطاااااااااااامة الكبررررررررى
نزلت كل الفصل بس سبتلها 5 بنات فى الفصل
والمرة دى كان عندى امتحان ولازم اذاكر للمستر يعلقنى
فقلت مبدهاش امضيها واهرب
مضتها ونزلت الحوش اذاكر ولانى كنت معروفه فى المدرسة المس مديرة الدور شفتنى
ولسوء حظى دخلت الفصل ولما رجعت قلتلى ورينى ورقت الغياب
لقتنى ممضيه المس على العدد كله وهى مش شايفه فى الفصل غير 5
يوميها بقى زعقولى
وسحبوا منى الغياب
واخص عليكى يا بوسي
وحركات من دى
بس المهم انى ذكرت
وبعدين سبتهلهم مخضره
وقعدت منااااااااااازل
بس كانت ايام بقى
يلا ايام الشقاوة وطيش الشباب
بس الحمد لله ربنا تاب علينا

آية اللمضه بردوا
هههههههههههههههه
مش قلتلك بطلي الحركات دي يا بسبس
مفيش فايده
الي ف داء مش بيبطله
طيبه وقلبك على العيال ها
ههههههههههههههه
يا عيني
احنا بئه احلى حاجه
بس الكلام بيني وبنكم يعني
انا مرحتش ف تانيه وثالثه ثانوي
المدرسه
غير ثلاث ايام
مرا عشان اكتب الاستماره
ومرا رحت اغير من كيمياء لاحياء ومرا ف ثالثه ثانوي علشان احول من علمي لادبي
سبتهالهم يشبعوا بيه
ههههههههههههه متقولش لحد بئه
ولا غياب ولا بتاع
كان كله مضبط كله
بيصا خلتبيصا

هاجر ام شرين حاليا
السلام عليكم ورحمة الله وبركاته

ماشاء الله يابوسى ماشاء الله

ايه يابنتى بتخمى فى العدد بتاع الفصل

وعلى فكرة انا كمان يادكتور عماد كنت علمى
لحد اخر لحظة
بس يللا جيت فى تالتة
اضربت فى كام مادة كده
وقلت بدل علوم نروح تجارة
بس بجد احلى ايام ايام ثانوى


انا كنت شقية فيها جدا

بس كانوا كل المدرسين بيحبونى

من اول وكلاء الدور لحد العاملات والمدرسين


نخرج من ثانوى وتعالوا اوديكو معايا الحضانة

وانا فى الحضانة مش فى فاكرة بقى اولى ولا تانية

وانا قاعدة فى الفصل فى امانة الله

ام ولد من الى معايا كان عمال

يلعب بشلن

طبعا دا ايام زمان
دلوقتى بيلعبوا بالجنيه الفضة
المهم

الولد اعد يحطه فى بقه لحد مابلعه

طبعا الدنيا اتقلب

وانا ازبهليت
وفضلت واقفة ابصله ومنتحة لا احرك ساكن

وفى نفس ذات اللحظة امى جت تاخدنى

وينادوا على اروحل لها
وانا ولا هنا اساسا

مركزة مع الواد
وبسرعة كان بيتعملوا اسعافات اولية

لحد الحمد الله الشلن ماخرج

وانا مازلت متنحة

راحو مخرجنى لماما

وروحت

ونمت

وانا لسة بدأة انام راحت

ماما صحيت على صوت ضربات قلبى وهى ماكنتش عارفة ان دا صوت ضربات قلبى

المهم قامت جريت بى على بابا

ورحنا اليوم لحوالى 3 داكاترة

تقريبا من الساعة 3 لحد الساعة 10 بليل انا اليوم مش بنساه ابدا

دكتور اطفال والأطفال يحول لباطنة

والباطنة يطلب التحلييل

لحد ما الدكتور قال لماما وبابا بعد مماحكلوا على اللى حصل

ان دى صدمة حصلتلى

ودالهمه شوية نصايح كده

وبقيت بتعامل معاملة مرض القلب لفترة

ماما بقت تضرب كف بكف
تقول سبحان الله

الولد يروح سليم بيتهم
ويرجع تانى يوم الحضانة عادى

والبنت هى اللى تتعب وتاخد

اجازة


بس سبحانه مسبب الأسباب

الموقف دا بقى انا شايفة انه طرائف بالذات بعد ماكبرت كل لما نعد
فى البيت ونفضل نضحك عليه

انا بردوا
اظن بقى رمضان خلص
ونكمل الموضوع
مش تفتكروا انى بنسي
انا مش بنسى
يلا منتظره
كلام ومواقف وطرائف جامده

دكتور محمود قسطرة حاليا
مواقف

انا لو قعدت احكى محتاج جروب لوحدى

هقول بس حاجه بسيطه جدا

مره كنت زعلان شويه من واحد صاحبى عمل فيا مقلب

وكنا ساعتها فى اخر سنه وبناخد مع بعض نسا وولاده

قمت لاطش حبايه من حبوب منع الحمل و خليته يعمل كبايتن شاى و حطتهاله فى الكوبايه

كنت خايف عليه قوى ليتحول اصل الاستروجين مش كويس عليه هههههههههههههههههههههههههههههههههههههههههههههههه

بس قلتله بعديها لقيت وشه اصفر و امتقع و اترعب

وصالحته وهزرنا مع بعض عادى

بس المشكله ان الدكتور اللى كان علينا عرف و فضحنى شر الفضيحه

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه