تقرير الزياره الاستكشافيه لمبرة الشناوى

السلام عليكم ورحمة الله وبركاته

المكان:مبرة الشناوى

الزمان:السادسه مساءا

الحدث:زياره استكشافيه

العدد:هههههههههههههههه

التفاصيل


الساعه الرابعه والنصف عصرا يتم انزال حوالى 20 طفل من حجراتهم بالطوابق العلويه الى قاعه كبيره بالدور الارضى

وطبعا يتم اختيار اعلى شريحه عمريه 5 سنين تقريبا

ملحوظه:المبره فيها حوالى 80 طفل من سن يوم الى 6 سنين ومن يتخطى السن يتم توزيعه الى دار فجر الاسلام او اى دار بالدقهليه

الايجابيات

1- الاطفال متجاوبين واشقياء ومستعدين للعب

2-قلة او انعدام الزوار تقريبا لا يوجد احد

3- فرصه ذهبيه لاى متطوع طموح يريد بدايه من الصفر وثواب كبير مع هؤلاء الاطفال

4- القاعه تصلح جدا جدا لاقامة حفله على غرار الاورام او عرض كارتون على لا توب او ما شابه

السلبيات

1-المكان فقير جدا مجرد قاعه واسعه

تحتاج تنظيف ولعب وزينه وخلافه

2-مطلوب على الاقل اربع او خمس متطوعين لان الاطفال مشتاقين لاى فرد لعب معاهم

3-مطلوب من كل متطوع احضار اى شئ معه حتى لو كيس بونبونى او لعب اطفال صغيره جدا او اى شئ بيصفر او بيعمل نور

هتكلم بالعاميه بقى

والله العظيم العيال دى محتاجه اى شئ بمعنى كلمة اى شئ

وبجد عيال بلقاس بالنسبه لهم اولاد ذوات

كفايه هدر مجهود

احنا بس اقسم بالله لو صلحنا المكان ده هنكسب كتير قوى

والله العظيم طفل ماسك فى ايده دبدوب مقدرتش امسكه منه من كتر التراب اللى عليه

ورحلة دريم بارك العيال كانت بترجع من كتر الاكل

انا مش بقارن حد بحد كلهم ايتام لكن احنا عيبنا لما بنحب حد ممكن ننسى غيره

ملحوظه اخيره

الهدف من الزياره دى مش تقويم سلوك وتربيه زى ما بعض المتطوعين جزاهم الله خير بيحاولو يعملو فى بلقاس

لا

لسه موصلوش للدرجه دى

محتاجين بس حد يعبرهم يلعب معاهم او يعمل زى ما الرسول صلى الله عليه وسلم قال نمسح على شعرهم

ومتنسوش انهم من عندنا فى المنصوره يعنى مش هيجيلهم حد غيرنا

اللهم بلغت اللهم فاشهد

اعتذر للتاخير فى الرد

بس بجد كنت مسافر ولما رجعت اتشغلت جدا

المهم

لو فى حد ناوى يحضر الزياره الجايه يتفضل بكتابة اسمه

واللى مش ناوى يتفضل برضه بكتابة افكار واقتراحات

ممكن ناخد ثواب بالنيه وبالافكار

السلام عليكم ورحمة الله وبركاته

1-يا رضوى

احنا بنقول النشاط ده عايزين نقوم بيه كمنتدى او كمجموعه مش كل حاجه رساله

زى اقتراح ايه كده بالنسبه للاسر المريضه

وبعدين الموضوع مش كبير ولا حاجه بدليل ان فيه جروب تانى زى بدايه مثلا ولا ليهم مقر ولا ميزانيه وبيعملو انشطه بسم الله ما شاء الله

ورغم ذلك مفيش مانع بعد يوم اليتيم ان شاء الله نحاول ادراج الزياره دى على جدول الزيارات الاسبوعى


2-ايه

طبعا جزاكم الله كل خير واكيد الخميس الجاى كلنا مشغولين فى الكرنفال واهلا بوالدتك معانا تشرف الجمعيه وتنور الزياره

على فكره الميعاد اصلا اربعه ونص لحد سبعه يعنى بدرى اهو ههههههههههههههههههههههههههههههههههه


3-نيجى بقى لعميد الادب العربى والهندى نبيل ماهر الرافعى

ايه يا بنى اللى انت كاتبه ده

انا قدامى كتير عقبال ما ابقى قدوه لشباب مصر زى تامر حسنى كده

انا طموحى فى الحياه ابقى ولو جزء من زكى جمعه بس معرفش هقدر ولا لأ

عشان خاطرى امسح ردك ده لانى اقسم بالله العظيم مقصر فى حاجات كتير جدا ومسواش بصله

د/رضوى

بالله عليكى كلمينى كلام واقعى

رساله

ودعم مادى

احمدك يا رب

ده على اساس ايه؟

على اساس ال500 متطوع اللى بيروحو مستشفى الجامعه

ولا الجيش اللى بيحضر مستشفى الاطفال

انا مش هنسى مره انى شفت الزياره دى عباره عن عبد الرحمن ونور راكبين تاكسى وماسكين لعبه فى ايديهم ورايحين

صباح الفل

ولا الصم والبكم اللى معلقين ورق استنجاد فى المقر

وحضانة ذوى الاحتاياجات اسالى عنها منى شاكر

دعم ايه بس بلاش كلام كبير

اسالى عبير تقولك عن الدعم كويس قوى ولا بلاش احسن

بلاش اضرب التفاؤل بتاعك فى مقتل

منا عارف يا بوسى انها هتبقى تبع الجمعيه

ده مفهوش مشكله

بس لما نيجى نتكلم على ارض الواقع انا كان نفسى احنا كجروب مع بعض نعمل حاجه

مش كل حاجه نلقيها على عاتق الجمعيه المثقل بهموم ينوء بحملها العنتيل من الرجال

ايه ده؟؟؟

انا بقيت بقول زى نبيل

انا اتعلمت اللغه

واتعلمت اللغه ترلم ترلم لملم



رضوى

معلش اعذرينى انا رديت بحديه شويه

كالعاده ههههههههههههههههههههههههههههههههههههههههههههه