الرجاء من الساده المتطوعين شد الأحزمه للإقلاع إلى مبرة الشناوى

عدد الرسائل : 17 تاريخ التسجيل : 03/08/2009

يلا ياشباب
جاهزين لحفلة المبرة؟؟؟!
جاهزين لرسم البسمه والسعاده والبهجه على وجوه أطفال بريئه اتحرمت من أبسط شئ وهو الحنان؟؟!
جاهزين لزيارة أطفال مش زينا بيقولوا ماما وبابا؟؟!

عايزين همم وحماس من حديد

بس فيه حاجه ضرورى محتاجين لسه ألعاب واللى يقدر يساعدنا ياريت يرد علينا سريعا جدا

وياريت كمان اللى عنده أى أفكار لبرنامج الحفله يقولنا بأقصى سرعه

يلا ياجماعه عايزين شغل لله بجد

شباب

الحفله هيكون ميعادها رابع يوم العيد ان شاء الله اللى هو هيكون الاربعاء بإذن الله
والتجمع أمام مبرة الشناوى
الساعه 4 عصرا إن شاء الله

والرجاء محدش يتأخر

فى انتظاركم ياشباب الخير إن شاء الله

وكل عام وانتم بخير

طيب معلهش يا إبراهيم,رابع أيام العيد رابع أيام العيد يعني

ولا اتحدد لها ميعاد,ميلادي,كام في الشهر الميلادي

ولا هي رابع أيام العيد لما يتحدد إن شاء الله

معلهش

آسفة على السؤال معلهش والله

مش قصدي يعني,يعني كام سبتمبر,ليكون ده الاتفاق بس

يعني قصدي,أصل رمضان 29 ولا 30

قصدي تاريخ ميلادي,هو رابع يوم وخلاص يعني,معلهش:)

عدد الرسائل : 17 تاريخ التسجيل : 03/08/2009

ياإيمان أنا بقول الاربعاء اللى هو هيكون ان شاء الله موافق22/9/2009

وجزاكم الله خيرا

ايمان العيد يوم الاحد ان شاء الله
والاربعاء الحفلة بإذن الله
انتى عيد ميلادك امتى ؟؟؟؟

عدد الرسائل : 14 تاريخ التسجيل : 30/07/2009

السلام عليكم

ازيك يا ابراهيم

انا بس بسال عن ايه هوه برنامج الزياره ؟
بشكل مبدئي بس

لان طبعا زي مانتا قلت ان الاطفال هناك مش زي باقي الاطفال

فشكل التعامل معاهم اكيد لازم مختلف

وان شاء الله انا معاكم

شكرا ابراهيم
وان شاء الله اكون معاكم
ومنتظر اعرف برنامج الزيارة
وايه اللى ممكن اساعم به فى الاعداد للزيارة دى
شكرا وكل سنة وانتم طيبين

السلام عليكم ورحمه الله وبركاته
زى مااابراهيم قال ياجماعه ان شاء الله الزياره هتكون يوم الاربعاء ان شاء الله
الساعه 4 عصرا باءذن الله كلنا نكون هناك ف المعاد ان شاء الله
وان شاء الله عاوزين كلنا كدا نكون ايد واحده عشان نقدر نسيطر ع النظام ونخرج الحفله بشكل جميل ونكون فعلا قدرنا نقدم شىء ولو حتى بسيط لاطفال
بالنسبه لبرنامج الحفله هو طبعا غالبا هيكون اغانى للاطفال ومسابقات ان شاء الله
والعاب ليهم وهنجيب ليهم بلالين وكدا
وهنلعب معاهم وكدا
بالنسبه للسؤال عن التعامل معاهم
هما اطفال بيتراوح سنهم من المفروض يوم ل 6 سنسن تقريبا بس طبعا السن الصغير قوى مش بينزل الحفله
بالنسبه للتعامل فهما اعتقد ان تعاملهم معانا كان حلو وخصوصا لما بيلاقوا الاشخاص مهتمين بيهم وحابين يلعبوا معاهم ومداومين ع زيارتهم
بيعرفوهم ولو مجوش بسالوا عليهم كمان
انا افتكر ان مره كان ابراهيم مجاش الزياره مره لقيتهم بسالوا عمو ابراهيم فين
يعنى دا دليل ع تعلق الاطفال دول بالناس اللى بيحبوهم وبيهتموا بيهم

المهم انا عاوزه اشوف اقتراحتكم يعنى لو حد عنده فكره يقولنا عليها عشان نلحق نطبقها ان شاء الله
عاوزين نخرج الحفله دى بشكل كويس ياجماعه
وربنا يارب
يقدرنا ع ذلك
وجزاكم الله كل خير

سلام عليكم

كيف حالكوا يا شباب

طبعا بحى ابراهيم زهران على المجهود الطيب الى بيقوم بيه تجاه انجاح زياره من اهم الزيارت على منتدى شباب الخير ..

وبشكر كل المتطوعين المتحفزين لزياره وباذن الله نتوقع زياره جميله بتوفيق ربنا

وباذن الله نقدر نرسم البسمه على وجوه الاطفال

حابب بس اضيف ملاحظات بسيطه لكل الشباب

عايزين نكون منظمين فى حفلتنا طفال باذن الله

عدد الاطفال 30 طفل باذن الله هنقسم الاطفال اثناء الحفله الى فريقين

الفريق الاول يتكون من 15 طفل ودول هينزلوا مكان الحفله وهينزل معاهم 15 متطوع فى الزياره وهنعمل معاهم حفله مدتها نص ساعه باذن الله

والفريق التانى 15 طفل الاخرين وهينزل معاهم ال 15 متطوع اخرين علشان يعملوا معاهم برنامج الحفله ونسادهم ونرسم البسمه على وجوهم باذن الله

وده طبقا لتعليمات الدار والبتنسيق معاهم علشان المحافظه على الاطفال صحيا باذن الله لان فى تعليمات جايا من وزراة الصحه بان عدد الزياره لاطفال لا يزيد عن 15 شخص تقريبا

وباذن الله هنجيب ليهم الالعاب جميله باذن الله وهيبقى فى برنامج محترم باذن الله والاهم من كل ده انننا كلنا متحامسين اننا نضحك ونهرج ونبسط الاطفال ونحسسهم باننا اخوتهم فى الله

ويله اليوم ده لاطفال بس
اليوم ده علشان نسعدهم
اليوم ده علشان نفرحهم
اليوم ده علشان نكون اخوتهم
اليوم ده علشان ربنا يرضى عننا
اليوم ده علشان نعلمهم حاجه مفيده
اليوم ده علشان نكون عيدهم

وكل عام وحضراتكم جيمعا بخير على منتدى شباب الخير

ومنتظرينكم جيمعا باذن الله

أنا آسفة والله,مأخدتش بالي من حتة يوم الأربعاء خالص :)

طيب معلهش بس علشان كنت سألت,بس معلهش

سألت النهاردة,عن المكان بالضبط

نركب,وننزل المساكن مثلا,من عربية سندوب,مساكن الشناوي,صح :)

وبعدين طيب :)

معلهش :D

عدد الرسائل : 9 تاريخ التسجيل : 19/08/2009

ربنا يوفقنا إن شاء الله فى الزياره ونقدر نرسم السعاده على وجوههم ....

بس بتمنى أهم حاجه لنجاح الزياره اتباع المتطوعين لتنظيم الزياره اللى هتعرفوه قبل دخول الحفله لأن فى أعتقادى عدد المتطوعين هيبئه كبير ووقت الزياره مش كبير ....وربنا يوفقنا يارب فى الزياره وإن شاء الله تكون من أجمل زيارتنا ...

السلام عليكم ورحمة الله وبركاتة

كيف حالكم يا شباب
؟

جزاكم الله خيرا على كل اللى بتقدموه من خير

تسلم يا أستاذ حسام
انك عرفتنى ان فى حفلة

إن شاء الله هاجى بإذن الله

هههههههههههههههه

بعد ما حضرت حفلة مستشفى الاطفال اول يوم العيد

جالى برد

خايف اعدى العيال الصغيرة

ولا هم اللى ممكن يخلصوا عليا

هههههههههه

ياريت حد يقولنا فين مكان مبرة الشناوى دى عشان اول مرة اسمع عنها

عدد الرسائل : 9 تاريخ التسجيل : 19/08/2009

Rady كتب:: السلام عليكم ورحمة الله وبركاتة

كيف حالكم يا شباب
؟

جزاكم الله خيرا على كل اللى بتقدموه من خير

تسلم يا أستاذ حسام
انك عرفتنى ان فى حفلة

إن شاء الله هاجى بإذن الله

هههههههههههههههه

بعد ما حضرت حفلة مستشفى الاطفال اول يوم العيد

جالى برد

خايف اعدى العيال الصغيرة

ولا هم اللى ممكن يخلصوا عليا

هههههههههه

ياريت حد يقولنا فين مكان مبرة الشناوى دى عشان اول مرة اسمع عنها

نتشرف بوجودك فى الزياره بإذن الله
أولا\بالنسبه لمكان المبره لو هتركب تاكسى قول لسواق عايز أروح مبره الشناوى اللى بجوار مساكن الشناوى.....ولو هتركب ميكروباص أنزل مصر لطيران أو مساكن الشناوى الاتنين واحد وأدخل الشارع اللى فيه الجوازات طوالى الى أنا ترى مسجد ومجمع>>>> المبره فى الشارع اللى أمامها أسال بس أى حد فى المكان هيعرفك عليه .....
ثانيا \لو انته لسا عندك برد يفضل عدم حضور الزياره خوفا على الاطفال وبجانب أن اداره المبره وضعه قواعد أساسها الحفاظ على صحه الاطفال من الامراض خاصه البرد .....فلذلك يمنع حضور أى متطوع عنده برد حفاظا على صحه الاطفال ...بجانب إن المكان عباره عن غرفه مش كبيره وسهل جدا عدوى أى طفل .....

زائر

السلام عليكم ورحمه الله

لو سمحتم كنت عاوزه اعرف بس هو العدد كده متحدد خلاص ولا ممكن اى عدد عادى
وياترى برضو التجمع هيكون الساعه 4 بالظبط ولا ايه؟؟
وبالنسبه للعب نجيب لعب كمان ولا انتوا خلاص كده ظبطتوا الحاجه

عدد الرسائل : 9 تاريخ التسجيل : 19/08/2009

Hala كتب:: السلام عليكم ورحمه الله

لو سمحتم كنت عاوزه اعرف بس هو العدد كده متحدد خلاص ولا ممكن اى عدد عادى

وياترى برضو التجمع هيكون الساعه 4 بالظبط ولا ايه؟؟

وبالنسبه للعب نجيب لعب كمان ولا انتوا خلاص كده ظبطتوا الحاجه

السلام عليكم ...بالنسبه للإستفسار الخاص بالعدد المفروض ميزيدش عن 30 وهيتم تقسيمهم وذلك طبقا لتعليمات اداره مبره الشناوى ولكن لو زاد بإذن الله مفيش مشكله كلنا هيكون لينا دور فى إسعادهم وهنحاول نبدل مع بعض فى الحفله لو العدد زاد كل ده هنعرفه قبل الحفله بدقائق ...
وبالنسبه لتجمع الميعاد الساعه4 بالدقيقه ...أمام المبره وهنكون كلنا فى انتظاركم أنا وأ\ابراهيم زهران وأ\حسام الهلالى وأ\ريهام ....
وبالنسبه للعب احنا مظبتين كل حاجه زى ما انتى اولتى ....بس لو حبى تجيبى ألعاب ممكن أكيد هتنفعنا فى الزيارات القادمه ......
ويا شباب بإذن الله الحفله دى تعتبر بدايه زيارتنا للمبره يعنى بإذن الله هتكون الزياره دى دائمه وبإذن الله هيكون لها ميعاد ثابت هتعرفوه قريبا .......واللى مكنش له نصيب ومعرفش يحضر الحفله ويلعب مع الاطفال الزياره بإذن الله دائمه وكلنا هيكون لينا نصيب فى إسعادهم...

مرحب فيكم اخوانى واخواتى

انتوا هلا كيف حالكم
وكيف كانت زيارتكم

والله كان بدى اتواجد اليوم معكم
لكن هيدا مو بيدى

انا هلا الانفلونزا بتموتنى

يعنى لو فى صور او شو فياريت ترفعونها عالمنتدى

هلا اخونا احمد
كانت حفلة كويسة واكيد الصور مع اخونا حسام بدنا ينزلها بسرعه
ان شاء الله ينزلها بسرعه
كل سنة وانت طيب يارجال
وكل المتطوعين طيبين الرجاء من الساده المتطوعين شد الأحزمه للإقلاع إلى مبرة الشناوى Icon_biggrin

موضوع: رد الخميس سبتمبر 24, 2009 4:01 am

طب كنت قولتلي يا حسام ع الموبايل انا زعلان منك جدا يا صاحبي ... ليش سويت كدة يا ولد

ههههههههههههههههههههه
انت مالكم قلبتم كلكم فجأة خلجين كده ليه

» زياره جديده للاورام +جديد فى موضوع كفالة المريض+خبر عن مبرة الشناوى
» رسالة لكل المتطوعين...هاااااااام
» تقرير الزياره الاستكشافيه لمبرة الشناوى
» رأيكم وتعليقاتكم عن حفله مبره الشناوى و(الميعاد الدورى للزياره).