تقرير زياره المسنين 18_1_2010

بسم الله الرحمن الرحيم

اليوم :الاثنين
الوقت:3 عصرا
المكان: دار الامل للمسنين
الحدث: شوفنا هناك امهات واباء كتير كانوا فعلا محتاجين زيارتنا ليهم

شوفنا هناك اباء وامهات محتاجين لشباب الخير

شوفنا هناك اباء وامهات محتاجه تفضفض وتقول كل اللي جواها

شوفنا هناك ناس بتبتسم من قلبها وببتتكلم من قلبها

شوفنا هناك الخير كله والبركه كلها الا عمرنا ما هنقدر نوصفها ولا نقول كل شيء عنهم

ولا هنعرف نوفيهم حقوقهم علينا والحمد لله بنحاول مع منتدي شباب الخير نعمل ده باذن الله

عايزينكم تتبسطوا معانا الزياره القادمه ربنا يسعد اوقاتكم

اه
الحمد لله بجد كانت زياره حلوه جداااااا
والاحلى اننا كنا سوا فيها يا بنات
والحمد لله بجد حسيت انهم فرحوا بالزياره قوووى ودا اللى فرحنا اكتر
ويارب ربنا يقدرنا ونكون عند حسن ظن الكل بينا ان شاالله

سلام

طبعا بشكركم جميعا ومجهود موفق جزاكم الله خيرا وربنا يجعله فى ميزان حسانتكم باذن الله
فى منا كتير من الى حضر الزياره فرحان
وفى الى مش حضر الزياره منتظر التقرير
منتظر يعرف راى الناس فى الزياره
منتظر يعرف عملتوا ايه فى الزياره
منتظر كل فرحه فرحتوها هناك

علشان كده بطلب من حضراتكم انكوا تنزلوا تقرير اكثر تفصيلا فى كل لحظه حلوه قضتها مع اهليكم فى دار الامل للمسنين وجزاكم الله خيرا

ومنتظرين كلنا يا رغده ويا مى وكل بنات الخير الى حضرت الزياره تنزل تقرير احكوا فيه الاوقات الجميله الى قضتوها هناك

اوك نحكى بتفاصيل شويه

احنا رحنا الاول
وهم كلموا المسنين اننا جينا فخرجوا يقعدوا معانا بقى

طنط زينب الاول جت(هى كانت فاكرانى اصلا)
وقعدنا سوا نتكلم ونهزر كلنا وقعدت تحكيلنا حبة زكريات بقى

بعدين كترنا بقى والقعده كبرت
وعمو محمد جه قعد معانا وقعدنا نتكلم شويه (كان عاوز يعرف معنى اسمى )
وقعد يتكلم حبه عن صلاة الفجر
وكلام عاتى بقى

وبعدين بقى قعدنا كلنا سوا(ف دايره كبيررره) وقعدنا نتكلم بقى
بجد وقتها كان احلى وقت
كنت حسه اننا عيله بجد

بس الوقت بيعدى بسرعه ولا احنا بنبقى عاوزين نمشى ولا هم بيبقوا عاوزيننا نمشى
واكتر حاجه فرحتنى انى حسيت انهم فعلا كانوا فرحانين من قلبهم
والخلاصه والحاجه اللى استقرينا عليها ان طنط زينب هتشجعك وتشاركك ف حلة المحشى

بعدين بقى طنط فتحيه كانت تعبانه ومش قادره تخرج معانا رحتلها الاوضه انا ومها وقعدنا معاها شويه بقى بس فرحت قوى اننا رحنالها وكان نفسها تخرج تقعد معانا بس مقدرتش
وكانت بتشبه على صوتك يا حسام ع فكرة هههههههههههههههه
(اه صوتك كان واصلنا جوا )

ممممممممم
وبعدين مشينا بقى

بس بجد فرحت قوووى واحلى حاجه اننا اللى بيجمعنا حب ف الله وبنقرب فالخير ومفيش ااااااى مصالح ولا اى حاجه
بنحس انه لسه خير ف الدنيا

الحمد لله

ايه رايكوا ف التقرير دا شغال ولا ايه النظام؟!
عموما
سلام بقى

هههههههههههههههه
حلو والله يا رغده ربنا يعزك

لسه بردو تقرير من مى بردو يكون مفصل زيك لان فى تفاصيل اعتقد نقصه يعنى كل واحد يقول مواقف ومواقف

وانتى يا رغده لو افتكرتى شىء خشى وعرفيه للناس تعرفه

وجزاكم الله خيرا

بسم الله الرحمن الرحيم

رحنا الزياره طبعا وكانت زياره ممتعه بصراحه يا جماعه بحس انى بقضي وقت جميل جدا وانا معاهم ماما زينب خرجت لينا سلمنا عليها وقعدت تحكي معانا شويه حكتلنا عن طنط عيشه قريبتها وحكتلنا عن ولادها بيروحوا يزروها واحفادها كمان وقالت لينا ان بنت بنتها سمعت ان حد مات في الدار فكرتها هيه فضلت تعيط ولما جيت تزورها قالت ليها انت عايشه انا فكرتك موتي لا قدر الله قالولي
ان فيه حد مات هنا وفضلت اعيط وقلنلها انتى بتحبي تتفرجي علي التليفزيون قالت ايوة بتفرج علي طيور الجنه جميله وكنت بحب برنامج ربات البيوت بتاع صفيه المهندس كانت بتتزاع في الازاعه قلتلها هيه ماتت دلوقتى قالتلي كنت بسمعها وحكيت لينا عن نفسها شويه حسيت انهم بيحسوا بالوحده والملل ياريت يا جماعه ديما نزورهم ونكتر من عدد الزائرين الناس دي بجد محتاجه لينا
هناك امهات محتاجه تفضفض معانا
واباء محتاجه لينااااا
منتظرينكم معانا في الزياره القادمه باذن الله

هههههه
حلوه كانت بتشبه على صوتى

بس عايز حد يحكلينا يا ترى سؤال
الكيلوا ارز يعمل كام صابع محشى لان الموضوع ده هههه خطير ويهم كل البنات الى مقلبين على الزواج ههه

وبعدين فى مواهب طنط المغنيه لست ام كلثوم هههه فين حكايتكم معاها

اصلا بالنسبه للمحشى دامساله نسبيه ع فكره
انا المحشى بتاعى يكاد لا يرعى بالعين المجرده (تقدر تعتبره عينه )
وانا مكنتش معاكوا اصلا وقت الكلام دا
بس كنت قاعده وطنط بتغنى لام كلثوم ما شاالله صوتها حلو قوى احسن من ام كلثوم اصلا (اساسا مبحبش صوت ام كلثوم)

مممممممممممممممممم
طب ما تحكى انت يا حسام اسهل
انا بجد مش فاكره قوى وكمان فيه حاجات مش هينفع احكيها علشان ما انضربش
مثلاالحفله اللى كنت بتقول عليها دى ممكن تكون سايبها مفاجأه مثلا
فمش هينفع اجيب سيرة حفله هنا
وكدا بقى

سلام بقى

ه
ههههههههههههههههههههههههههههههههه

يعنى يعنى مش عايزه تقولى ان المنتدى بيحضر لحفله كبيره جدا وجميله اوى للمسنين وفعلا مش قولتى هههه

لا تصدقى الناس مش اخدت بالها من الموضوع ده

هههه

بس راى صراحه ان الزياره كانت ممتعه ما شاء الله

وباذن الله نوعدكم بزيارات اكتر روعه وعطاء وحب لله

وربنا يتقبل منا جميعا

ههههههههههه
سيبت حضرتك تعلن عن الحفله علشان ما احرقش مفاجاءتك

فيه هناك طنط بتحب ام كلثوم اول لما نروح فين حسام نقولها علي وصول تقولنا عايزة ام كلثوم اصل حسام بيجبلها ام كلثوم معاه وغنت لينا المره اللي فاتت اغنيه لام كلثوم

بعدين قعدنا شويه معاهم وكانوا صايمين وسيبناهم بقه علي المغرب علشان يفطروا

منتظرينكم الزياره القادمه باذن الله

اه طبعا ماهومينفعش نحرق المفاجأه
احنا بنلعب ولا ايه

هههههههه
متخافش سرك ف بير ع فكرة

كدا بيتهيالى عملت اللى عليا
سلاااااام

» تقرير احلى زياره (دار العز 23/3/2010)
» تقرير زياره مستشفى الجامعه يوم الا تنين 2/3/2009
» تقرير زياره الامل للمسنين الاثنين 11/1/2010
» تقرير زياره شباب الخير لقسم مركز اورام الكبار ......
» تعرفو ايه عن دار المسنين؟؟؟؟