????
زائر
 |  موضوع: بقالى زمان مدخلتش بموضوع هنا قلت انقل الموضوع المحترم ده  السبت مايو 02, 2009 5:01 pm | |
| فائدة الزواج من مصريه
أولا : تذكر نعمة الله على الرجل أنه عاش عزبا ( أعزب ) فترة من عمره ، و
أن يتذكر شكر هذه النعمة التي زالت عنه بعدما سيلاقي من أهوال !
ثانيا : تكفير السيئات ( وهذا هو لب الموضوع )
فأعتقد ان الواحد ممكن يلقى الله وليس عليه خطيئة ؛ لأنه صبر و تزوج واحدة مصرية و عاش معها 3 سنين مثلا ( كفاية قوي 3 )
و
تكفير السيئات يبدأ مع أول يوم من التفكير في الخطوبة ، فلو ماكنتش عارف
اللي انت حتتقدملها كويس ولسه حتروح عشان تتعرف بيها وأهلها ، ففي أول
زيارة غالبا ما سينعم الله عليك بتكفير بعض السيئات ؛ من ( النفخ ) اللي
حتسمعه من أهلها ، فبنتهم طبعا لا خلاف على جمالها و أهم من ذلك جمال
الروح ، فهي طيبة ومتواضعة وحنونة وصبورة ..إلخ
أما عن تدينها فهي
كثيرة الإنفاق في سبيل الله أما الصلاة فلا تترك فرضا ولا نافلة بالذات
صلاة الفجر أما الصيام ؛ فقد نذرت أن تصوم الاثنين والخميس طيلة عمرها (
مش بعيد كمان في أيام العذر الشهري ) أما قراءة القرآن فقد بدأت في حفظه
من سنتين ...يعني كأنك بتتقدم لبنت الامام الشافعي !!
أما عن سبب انها
قاعدة ( مخللة جنب امها ) لحد دلوقتي ، فبالطبع قد تقدم لها ( كتيير قوي )
( وده ممكن يكون صحيح فعلا ) لكن ماحصلش نصيب لأن فلان كان عايزها تسافر
معاه بره.... وفلان كان لسه عايز يستنى سنتين لما يرجع من بره ..... وفلان
كان بخيل..... وفلان كان سلوكه مش كويس ..... وفلان كان ما بيصليش .....
وفلان كان دلوعة مامته ومالوش شخصية ؛ فيعتقدالشاب المسكين أن البنت (
ياعيني ) هي اللي مظلومة و كلهم كانو وحشين و ربنا جعله سبب لنيل هذه
الجوهرة ؛ ولا يعرف المسكين ان الكلام ده حيتقال عليه لما الموضوع يتفركش
!!
و الواحد قاعد و صابر على ( النفخ ) ده لأنه أولا ممكن يكون
بيحسن الظن بيهم ، ومعتقد ان كلامهم فيه جزء كبير صحيح ، وثانيا لأنه لابد
أن يصبر ، لأنه يريد أن يعف نفسه بالحلال ، فلو أراد أن يتعرف على فتاة
دون علم أهلها ، فما أسهل ذلك !
هنكمل بعدين ده لو لسا فيا حته سليمه
|
|
