ابو هلالي
المـديـر العـــام
عدد الرسائل : 1020
تاريخ التسجيل : 23/06/2009
 |  موضوع: هههه ولا زمان يا جدعان والله ..!!؟  الإثنين سبتمبر 07, 2009 8:00 pm | |
|   زمـان.. ودلوقتـي
خروج الولد وموعد رجوعه البيت
زمان: كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري
دلوقتي: تلاقي الولد داخل الساعة 1 صباحاً, باباه يقوله كويس انك متأخرتش النهاردة!!, يرد الولد: تأخير ايه يا مان أنا طالع اغير هدومي ونازل تاني, انا وكام واحد من اصحابي عندنا ماتش كده على الماشي.. خش انت نام ومتقلقش وانا مش هتأخر.. الاب نام وصحي ونزل يصلي الفجر وهو راجع يلاقي ابنه عند بتاع الفول بياكل: ايه يابني انت لسه مروحتش؟ يرد الولد: اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل,, يكمل الولد: بعدين لقينا عصافير بطننا (بتطير) قلنا نسدها
*******
البنت لما حد يسألها.. إنتى مخطوبة؟
زمان: - لسه ربنا مأذنش, وعينها فى الأرض ووشها يحمر
دلوقتي: - لأ ليه عندك عريس؟ إيدي على كتفك.. ناس معندهاش نظر
*******
الولد داخل على باباه ياخد مصروف الاسبوع
زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه
دلوقتى: - إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟ يالا اختصر عشان معنديش وقت وصاحبي بيرنلي عشان انزل.. ايه يا عم مش سامعني يعني؟ عايز الفلووووس...المونييييي
*******
دخول الاب البيت
زمان: يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى: الولد قاعد قدام الكمبيوتر او بيتفرج على ماتش كورة، البنت بتتكلم فى التليفون.. مش فاضيين يعملوا ايه!!.. الاب على الباب بيخبط.. مع العلم ان الاب ليه خبطة مميزة يعني عارفين انه اللى على الباب.. الاب خبط مرة واتنين ويرن الجرس.. فين وفين البنت اخدت بالها ان فى حد بيخبط: انت يابني متسيب اللي في ايدك ده وتروح تفتح لبابا, يرد الاخ: نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة, ترد: نعم؟؟على الاقل انا بتكلم فى التليفون اقول ايه لصاحبتي يعني؟؟ انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟.. يرد: ماتعدلي كلامك معايا انا اخوكي والولد هنا وكلامي لازم يتسمع.. ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
*******
نزول المرأة للعمل
زمان: كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي: - هوا قاسم امين.. هو اللى بهدلنا.. هو اللى نزلنا الشغل وخلانا نتبهدل.. انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا؟؟
*******
ولد حب يتعرف على بنت
زمان: الولد لو راح يكلم بنت.. بعد ما تطلع عينه.. يحمر وشها.. ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها
دلوقتي: الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي عليها اخوها ومعاه صاحبته يعملها باي من بعيد وهى ترد عليه ويمشي.. يمكن افتكر اللى واقف معاها ده عمود نور.. طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي.. يعني حتى مش خطيبها.. هيعدي عليا دلوقتي وعلى فكرة بيغير عليا موووت
*******
نزول الولد لشراء احتياجات البيت
زمان: كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر
دلوقتي: الام يطلع عينها من التحايل على الولد ينزل يجيب حاجة من البقال اللي جنبهم.. حتى يرد: ماتخلي فلانة تنزل ماهي قاعدة ما بتعملش حاجة.. الام تقوله: يابني اختك المفروض ماتنزلش كتير ديه مهما كانت بنت والوقت متاخر.. يرد: بنت يعني ايه؟؟ العو هياكلها مثلا؟ ولا الاشكيف مستنيها؟ دي بنتك تخوف بلد.. تقول الأم: يابني انت المفروض راجل البيت.. يرد: وانتوا خليتوا فيها راجل مش طالبتم بالمساواة؟ يالا اشربوا عشان تبقوا تقولوا الراجل زى الست.. هى فى حاجات وحاجات لأ يعني؟؟ حاجة غريبة اوي
******* | |
|
بوسي
المـديـر العـــام
عدد الرسائل : 424
العمر : 39
تاريخ التسجيل : 24/06/2009
| | موضوع: رد: هههه ولا زمان يا جدعان والله ..!!؟ الثلاثاء سبتمبر 08, 2009 5:56 am | |
|
ههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههه
جااااااااااااااااااااااااااامده يا حسام
فرق شاسع بين زمان ودلوقتى
هههههههههههههههههههههههههههههههههههههههه
ربنا يستر على المستقبل وعلى اولادنا بعد كده هيبقى شكلهم ايه
ربنا يستتتتتتتتتتتتر
| |
|
ربي_الله
عضو مبدع
عدد الرسائل : 229
العمر : 38
تاريخ التسجيل : 25/06/2009
| |
RANA
عضو متميز
عدد الرسائل : 172
تاريخ التسجيل : 25/06/2009
| | موضوع: رد: هههه ولا زمان يا جدعان والله ..!!؟ الجمعة أكتوبر 16, 2009 4:26 am | |
| هههههههههههههههههههههههههههههههههههههههههههههههههههه جااااااااااااااااااامدة جدا جدا من احسن المواضيع الى ضحكتينى والله طيب دا بيحصل فى جالنا الحال هيوصل بينا لفين فى جلنا اللاحق بس بجد جميييييييييييييييله امتعنا بحاجات زى دى كتيييييييييييييييير  | |
|
btabetooo
عضو نشيط
عدد الرسائل : 115
تاريخ التسجيل : 01/09/2009
| | موضوع: رد: هههه ولا زمان يا جدعان والله ..!!؟ الجمعة أكتوبر 16, 2009 11:29 am | |
| بجد توبيك حلو اوى
فى فرق اكيد بين زمان والوقتى فرق كبير جدااااااااااااااا
يلا ربنا يستررر
انا مره كنت قرات توبيك فى احد المواقع عن الجواز فى نهايه 2000 مثلا هههههههههههه
بيقولوا البينت ختيجى تقول لباباها تعالى اوريك اللى عاوزه اتجوزه من خلال الكام وهى فاتحه الماسنجر هههههههه
حقا لو دا حصل ههههههههه ع اخر الزمن ههههههه | |
|
Rady
عضو جديد
عدد الرسائل : 73
العمر : 111
تاريخ التسجيل : 28/06/2009
| | موضوع: رد: هههه ولا زمان يا جدعان والله ..!!؟ الأحد أكتوبر 18, 2009 2:39 pm | |
| ههههههههههههههههه
تسلم يا حسام ايه ده كله ايه ده كله
انا معاك ان الحال اتغير مع الابناء
لكن بردو ما ننساش
ان الاهالى بقوا مجرمين
والدك يلاقيك فاتح الايميل وبتشيت
يقولك مين دى ؟ دى مين يا حاج ده احمد حسين زميلى
وزميلك حاطط صورة انجلينا جولى ليه ان شاء الله ؟؟؟؟ظ
.......
يقولك انت ما بتحلقش شعرك ليه يابنى
تقوله هحلق منين
ما تورينى فلوسك الاول
يرد ويقولك انت هتمثل انت سايبه كده عشان تعمل زى احمد مكى
هههههههه
..........
زمااااااااااااااااااااااااااااااااااااااااااان اوى
كان والدى رايح يورينى مكان مدرس رياضة جديد
فماشى معاه انا ووواحد زميلى
قالنا تدخلوا من الشارع ده ماحدش يبص يمين ولا شمال
واوعى بدل ما تدخل الشارع تدخل المحل ده
وكان متغطى بستارة
رفع الستارة
لقيت محل بلاى ستيشن
وصاحب المحل بيقولوا
ازيك يا باشمهندس
هم دووووووووول؟ اللى قلتلى عليهم
ههههههههههه
عشان ما نروحش نلعب عنده
| |
|
Rady
عضو جديد
عدد الرسائل : 73
العمر : 111
تاريخ التسجيل : 28/06/2009
| | موضوع: رد: هههه ولا زمان يا جدعان والله ..!!؟ الأحد أكتوبر 18, 2009 3:09 pm | |
| دلوقتي:
الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي
عليها اخوها ومعاه صاحبته يعملها باي من بعيد وهى ترد عليه ويمشي.. يمكن
افتكر اللى واقف معاها ده عمود نور.. طبعا الولد واقف مندهش المهم يجي
يتكلم تاني ترد عليه تقوله على فكرة انا مرتبطة وصاحبي.. يعني حتى مش
خطيبها.. هيعدي عليا دلوقتي وعلى فكرة بيغير عليا موووت
......
دلوقتى
الولد يروح للبنت
ويقولها
آنسة " تراكمات" على فكرة انا معجب جدا بشخصيتك وطريقة تفكيرك
تقوله بس
؟؟؟؟؟
يقولها عاجبانى دماغك يعنى
تقوله بس
؟؟؟
يقولها يعنى لو تسمحى ممكن
اخد من وقتك ثلاث دقايق بس
كنت عاوز اتكلم معاكى فى موضوع مهم
تقوله ثلاث دقايق بس
وجاى على نفسك ليه
كده؟
....
تقوله اتكلم فى ايه
؟
يقولها يعنى مش هنعرف نتكلم هنا فى الشارع
أقولك انا طول النهار
قعدتى فى المكتبة
ممكن نقعد نتكلم فى الجنينة
اللى قدامها الصبح
تقوله
وانا طول الليل
قعدتى فى بير مسعود
لو ما لقيتنيش هناك يبقى روحت كوفى شوب ستانلى
يقولها وهينفع نقعد هناك لو حدنا
لاء احنا مش هنكون لو حدنا
بيبقى فى بنات وولاد كتير اوى
هههههههه
| |
|
