رجل يؤدب زوجته بطريقه جديده ومبتكره ههههههههههههههههههههههههه

زائر

انكشف سر حضور إحدى المدعوات لحفل زفاف وهي ملتفة بعباءتها ووجهها خالٍ من المساحيق وطرف ثوب البيت يتدلى من تحت العباءة بعد أن كانت عودت قريباتها وصديقاتها على أن تتسيد الحفلات بأناقتها وماكياجها الفاخر.
وتعود القصة في حضور السيدة بهذا الشكل في حفل زفاف أخت صديقتها والذي بررته بأنها مريضة جدا وقد عادت لتوها من المستشفى ولكن رغبة في تأدية الواجب حضرت الحفل بيد أن هذه الحيلة لم تنطل على أحد ممن يعرفها لتيقنهم أن من المستحيل أن تزور أحدا إلا بأفضل إطلالة وأخيرا أفشت حماة السيدة هذا السر الذي سعت وراءه الفضوليات.

ففي يوم الحفل توجهت الزوجة مع زوجها كالعادة إلى الصالون وقامت بعمل ماكياج وتسريحة بمبلغ 700 ريال ثم لبست فستانها الذي اشترته بما لا يقل عن 2000 ريال والزوج يشاهد استعداداتها للحفل وفي قلبه غصة لأنها لا تتزين له رغم مصارحته لها لأكثر من مناسبة ويبدو أن الزوج اتخذ قرارا بأن لا تذهب الزوجة للحفل وأخبرها أنه سيذهب لجلب عشاء وأنه يريد محادثتها في أمور عديدة لتعود حياتهما الزوجية كما كانت في شهورها الأولى.

ولما عاد بالعشاء صدم بمنظر الزوجة وقد خلعت فستان السهرة ولبست ثوبا واسعا من ثياب الأعمال المنزلية وأزالت الماكياج ووضعت كريما مرطبا وفكت تسريحة شعرها ورفعته بربطة شعر فما كان منه إلا ان حلف لها بأن تقبل حلا من أثنين إما الطلاق وإما ذهابها للحفل بهذا الشكل ورغم دموعها واستحلافها إياه إلا أنه تمسك برأيه مخبرا إياها أنه لم يحرمها من أي مال لتتزين للناس فلماذا بخلت عليه بشكلها لساعة واحدة؟ فما كان من الزوجة إلا الإذعان له وحضورها الحفل لعدة دقائق تعرضت فيها لنظرات محرجة وغريبة وأثارت العديد من الأسئلة وأفشى الزوج بسر هذا التأديب لأمه وأخواته لينفذ صداها إلى آذان الصديقات والأقارب

انا رايى الشخصى

انه غلطان من الاولا لانه عودها على التبرج بره البيت و البصل والتوم جوه

المفروض يبقى كله بصل وتوم ههههههههههههههههههههههههههههههههههه

زائر

الرجل ده رد فعله يدل على انه انسان عنيف جدا
والموضوع كان ممكن بتحل بطريقه احسن من كده
اولا حل الامور بالطريقه دى مش بيجيب الا العند
ثانيا هو كده كسر نفسها وكسر العشم اللى كان بينهم
ثالثا هى بأى نفس هاتتزين له فى البيت تانى كده؟
واخيرا هو افشى سر من اسرارهم للناس حتى لو كانت مامته واخته هو مش يرضى ابدا انه يحصل العكس
فين الموده والرحمه اللى المفروض تكون بين الزوجين؟
فين حفظ اسرار البيت ؟
الموضوع مش انه عودها انها تتبرج والكلام ده
كلمة الطلاق مش لعبه عشان يستعملها بالشكل ده
كونه يحلف بالطلاق اصلا كده يخلى الواحد يفقد احترامه ليه
وفى النهايه الراجل ده اما شاف ابوه بيتعامل مع مامته كده
او حد كان بيتعامل معاه بعنف قبل كده
او ماحدش علمه ازاى يحل الامور بالسياسه وبدبلوماسيه

زائر

السلام عليكم

كوافير
وتسريحة
وفستان جديد
من حقها تعمل أكتر من كده
لو كانت لقت أدمها راجل
كانت احترمته من زمان
وأي عشم ده اللي بتتكلم عنه د/ رضوى

زائر

بصراحه هما ناس غريبه من الاول
بس طبعا العيب على الراجل اللي سايبها تعمل كده من الاول
ومكانش الحل برده الفضيحه اللي عملهالها
ده بيدل اساسا على ضعف شخصيته لما حلف عليها بالطلاق انها تعمل كده
هوه لو شخصيته قويه من الاول مكنش هيبقى ده الحال
وبجد مش طريقه مبتكره ديه طريقه مستفزه
وطريقه قليل الحيله اللي بيحلف بالطلاق ده

مش هيه ديه الموده و الرحمه اللي المفروض تكون بينهم
كان ممكن ينبهها يتشاكل معاها يخاصمها
لكن الاسلوب ده لأ

زائر

ايوه يا رضوى عندك حق
يا دكتور عماد انا مش ادى لطفل لعبه واعشمه بيها واملكه ليها وبعدين اجى اخدها منه مره واحده
الرجل ده من الاول عودها على حاجه غلط يبقى مش يلوم الا نفسه
ولما يجى يحل الموضوع مش يخربها اكتر ماهى مخروبه مايبقاش عليا وعلى اعدائى
ولما اللى قدامى يغلط انا عمرى ما اغلط قدامه ولا اصلح غلطه ده بغلط تانى اكبر منه
غلط بيشمل كل معانى الاذلال والاهانه
انا هاسالك سؤال
الراجل ده يرضى لاخته جوزها يعمل كده معاها؟ حتى لو هى غلطانه؟
اعتقد انه لو هو اللى بيجاوب هاتبقى الاجابه لأ

أنا شايف إن المرأة دي أخدت على إن تقعد براحتها في البيت
ومحدش يقارن بين مظهر الإنسان داخل المنزل وخارجه
سواء كان رجلاً أو إمرأة
من حق الرجل أن يرى زوجته جميلة وفي أحسن وجه في المنزل
ولكن في الغالب الإنسان يجد راحته في بيته وطبعاً بيقعد في البيت بملابس واسعة ومريحة وهكذا
ومن حق الزوجة أيضاً أن ترى زوجها في صورة جميلة حتى لا تنظر هي الأخرى إلى غيره
طيب لو كان العكس اللي حصل ؟؟؟
ترضى إنك تنزل فرح بهدوم البيت ؟؟
طيب يبقى الموضوع يقبل القسمة على اتنين
يعني مش المفروض إنها لوحدها اللي تبقى جميلة بس وإنت كمان تبقى جميل وفي أحسن صورك
أنا شايف إن الزوج لو كان طلب من زوجته أكتر من مرة أن تتزين له ولم تستجب لمطلبه تبقى غلطانة
أما إذا لم يطلب منها أن تتزين فهو أصلاً غير مهتم بها وفي النهاية يكون هذا العقاب .. فهو رجل متخلف ويفرض سلطته في غير محلها
وبعدين أنا أصلاً لا أحب الماكياج إلا في أضيق الحدود
أفمنكم أحسن من الله صنعاً ؟؟؟

زائر

السلام عليكم و رحمة الله و بركاته

دايما كده

الرجاله وحشين ومفتريين وبيقهرو الستات الامايير العساسيل

مفتريين قوى الرجاله دول

لو طنشو يبقو ضعاف الشخصيه

ولو عاقبو يبقو معقدين نفسيا

لو وافقو يبقو مهزوزين

ولو رفضو يبقو متعصبين

الراجل ده اكبر غلطه عملها انه اتجوز من اساسه

احسن حل للتعامل مع الستات هو ان الواحد يتجنبهم

الباب اللى يجيلك منه ست سده واستريح

زائر

ههههههههه
لا يا د/ محمود
ماحدش قال كده خالص
على فكره الست دى غلطانه وانا ما انكرتش ده خالص
انا بس بقول ان المفروض ان حل المشاكل ما يبقاش بالطريقه دى
يكون بطريقه ترضى ربنا
حتى لو هى غلطانه
دى طريقه ترضى ربنا؟

زائر

د/محمود
شكلك تعبان قوي
المهم
اه طبعا الراجل ده غلطان غلطان غلطان
انا مش بعمم مش كل الرجاله
بس لما واحد يسيب لمراته كل حاجه سايبه بالشكل ده
انا اساسا مبعتبرش الواحد اللي بيمشي مع مراته وهيه عامله في نفسها كده
وكمان فيه اللي بيقي ماشي مبسوط بيها كده
ده مش راجل ولا حضرتك ايه رايك

ويوم ما ييجي ياخد موقف يحلف بالطلاق بذمتك ده كلام
ويفضحها قدام كل الناس
ده عنده نقص عاوز بيبن انه بيمشي كلامه عليها قدام كل الناس
وديه مش الحقيقه
وخلي بالك
هوه مكملش الحكايه
متهيالي اللي بعد كده انها طلعت كل اللي عمله فيها ده عليه
لان برده مش هيه ديه الطريقه

وبس متخليناش نغلط اكتر من كده

زائر

هههههههههههههههههههههههههههههههههههههه
اضحكتمونى

زائر

تعليقي بسيط زى بوسي
انا ضحكت على ردودكم على بعض اكتر ما ضحكت من الموضوع نفسه
بس عموما انا مش مع تصرف الزوج لان فيه اهانة كبيرة لكرامة زوجته اللى مفترض انها جزء من كرامته هو شخصياً ولا بقول كمان ان الزوجة ملاك هما الاتنين غلطانين بس والله بدون تحيز ومن غير ما تقولو عليا بدافع عن الستات هو غلطه أكبر لانه يكاد يكون دمر العلاقة بينهم اللى مفترض فعلا انها قايمة على المودة والرحمة

وبعيدا عن الموضوع عجبني جدا تعليق د/ مصطفى
أفمنكم أحسن من الله صنعاً ؟؟؟

» اعرف شخصيتك بطريقه مهمه جدا جدا جدا جدا
» قصة رجل حسد زوجته
» رجل تظاهر بالعمى من اجل زوجته!!
» صفات يحبها الرجل فى زوجته
» كيف يسعد الرجل زوجته؟؟؟؟؟؟؟؟؟ سؤال مهم جدا جدا جدا