رجل تظاهر بالعمى من اجل زوجته!!

السلام عليكم ورحمة اللة وبركاتة

[size=25]السلام عليكم ورحمة الله وبركاته عندي لكم قصة وحنية مؤثرة وجميله

تركَ رجلٌ زوجتهُ وأولادهُ مِن أجلِ وطنه قاصداً أرض معركة تدور رحاها علىَ أطراف البلاد ,

وبعد إنتهاء الحرب وأثناء طريق العودة أُخبَرَ الرجل أن زوجتهُ مرضت بالجدري في غيابهِ فتشوه

وجهها كثيراً جرّاء ذلك ..

تلقى الرجل الخبرَ بصمتٍ وحزنٍ عميقينِ شديدينِ ...

وفي اليوم التالي شاهدهُ رفاقهُ مغمض العينين فرثوا لحالهِ وعلموا حينها أنهُ لم يعد يبصر

رافقوه إلى منزلهِ, وأكمل بعد ذلكَ حياتهُ مع زوجتهُ وأولادهُ بشكلٍ طبيعي .. وبعد ما يقاربَ

خمسةَ عشرَ سنةٍ توفيت زوجتهُ ... وحينها تفاجأ كلّ من حولهُ بأنهُ عادَ مبصراً بشكلٍ طبيعي ..

وأدركوا أنهُ أغمضَ عينيهِ طيلة تلكَ الفترة كي لا يجرح مشاعر زوجتِه عند رؤيتُه لها ...

تلكَ الإغماضة لم تكن من أجل الوقوفِ على صورةٍ جميلةٍ للزوجة .. وبالتالي تثبيتها في الذاكرةِ

والاتكاء عليها كلما لزمَ الأمر, لكنها من المحافظةِ على سلامة العلاقة الزوجية

حتى لو كَلّفَ ذلك أن نعمي عيوننا لفترةٍ طويلة خاصة بعدَ نقصان عنصر الجمال المادي ذاكَ

المَعبر المفروض إلى الجمال الروحي ربما تكونُ تلكَ القصة مِنَ النوادر أو حتىَ مِنْ محض الخَيال ,

لكنْ...

هل منا من أغمضَ عينهُ قليلاً عنْ عيوبَ الآخرين وأخطائهم كي لا يجرح مشاعرهمْ ؟؟

::سبحان الله ناس عندهم طيبة

الطيبه الحمد لله بجد موجوده

ممممممم
هو رد الفعل هو اللى بيختلف من حد للتانى
ممكن مثلا حد تانى يفضل معاها ويحسسها انه معاها برضو
بيتهيالى دا ممكن يرفع من معنوياتها اكتر

مش عارفه
عموما خلينا ف فكرةالتوبيك
بجد حلوه
اصل عموما مفيش حد بيخلا من العيوب
بس فيه عيوب ممكن انا اتغاضى عنها واقدر انى اتعامل معاها
ودى مش ع الشكل بس ممكن مثلا كمان العصبيه وغيرهم بقى
ونفس العيوب ممكن غيرى ما يقدرش يتحملها ولا يتعايش معاها
فعادى

بس احنا ممكن نتغاضى عن عيوب
بس بيتهيالى الاخطاء ممكن نوصلها لبعض لكن باسلوب كويس مع حبة تشجيع بيتهيالى يبقى افضل ممكن بكدا كمان نشجع اللى قدامنا انه يتغير ويتعلم من اخطاءه دى

السلام عليكم جمعيا
انا شخصيا شايفه ان الموضوع دا فى غايه من الجمال والمشاعر الرقيه والحب بجد
وانا شايفه ان دا وااااااااااارد جدااا ولو فى حد بيحب حد بجد ممكن يعمل كدا ممكن يكون من وجهه نظره شافه ان دا هو التعبير الحقيقى للحب
بجد توبيك رائع

عدد الرسائل : 25 تاريخ التسجيل : 22/09/2009

السلام عليكم

موضوع اكثر من رائع
ومحتاجين يكون عندنا الصبر والروح والاخلاص ده في كل حاجة مش بس في حياتنا الشخصية
شكرا للموضوع الجميل

شكرا يارغدة ياعسل وشكرا ليكي يااحلي رنا وشكرا استاذ عماد مشكورين جميعا عالمرور والرد
وبجد الحياة هتبقي اجمل لو الناس بدات تتغاضي عن بعض الامور والعيوب الموجودة فالاخرين ويبقي في اخلاص وحب ووفاء بالشكل اللي يخلي واحد يعيش حياتة مغمض عينة عشان بيحب زوجتة ومخلص ليها

طيب انا كنت عاوز اعرف لو حصل العكس كان هيحصل اية ولا بلاش هقول حاجة تانية لو رجعت من السوق لقيتة خسر فلوسة كلها فى البورصة وبيقولها هاتى دهبك وعربيتك يا سنية عشان نبيعهم ونفك ازمة

هتلاقيها بتقول نعممممممممممممممممممممممممم يا اخويااااااااااااااااااااااااااااااااااااااااااا

دهب اية الى تخدة

دة حقىىىىىىىىىىىىىىىى وركزوا على كلمة حقى دى

يقوم هوة يقولها طيب يا سنية دة فترة اسبوعين كدة بس لحد الازمة ما تروح

تقولة بقولك اية يا عبد العال ادخل نام يا خويا وخلى ليلتك دى تعدى على خير

قال ابيع الدهب قال وامشى ازاى

رجالة اخر زمن انا مالى ومال العزمة ولا الازمة الى بيقولوا عليها دى

يختى

السلام عليكم ورحمة اللة وبركاتة

اولا مشكور لردك م/محمد وبعدين دة كان زمان انا شايفة ان دلوقتي مفيش واحدة ممكن تقول لجوزها دة حقي ولو قالت كدة فمع احترامي لكل الزوجات دة غباء منها لان هو اللي جاب الدهب دة هو اة كان ليها بس دة جوزها فين بقي المشاركة الزوجية والتفاهم والحب والزوجة الاصيلة فالسراء والضراء هو اة ممكن مش كل النساء كدة
بس برضة مش كل الرجالة كدة حاليا الزوجات بتراعي المشاكل الاقتصادية والغلاء وممكن تدي لجوزها كل حاجة دة رايي كل حاجة فيها نسبة كويسة ونسبة مش دة ردي لحد اما اسيب حبيبتي بوسي هيا اللي ترد علي حضرتك فحاجة زي دي

ههههههههههههه كان زمان وزمان ياما كان موضوعك هايل يا سومه بس فيه فعلا اخلاص ووفاء بالطريقه دي متهيالي كان زمان وزمان ياما كان هو فيه بس اقليه جدا نادر في الزمن ده التضحيه بالطريقه دي

فيه عيوب بتلاشها وبقدر اتعامل معاها لكن فيه عيوب ما بقدرش استحملها والخطا لو حد اخطا في حقي علي حسب بقه درجه الخطا نفسه بس في الاخر بسامح عادى

الموضوع بجد هايل ورومانسي كمان
بس تعاالو نبصله من نحيه تانيه
لو بجد شوفنا اي عيب ليه منعملش نفسنا مش شايفينه
مش معنى كده هنعمل زي الزوج لانها هتبقه صعبه علينا شوية
انا اقصد نتغاضى عنه بجد
ولا اكنه موجود
لان مهما كان مفيش حد مفيهوش عيب
ولو كلنا وقفنا لبعض ع تكه
يبقه الحياة مش هتستمر
بس ده في حاله بقه لو بجد بنحب اللي ادامنا ومش عاوزين نئذي مشاعره
انا شايفه ان ده نادر لما بيحصل كلنا بنحب بعض اه
بس مش بنخاف ع مشاعر بعض

توبيك جميل اوي

تحيــــــــااتي
..
Miss sasso

» قصة رجل حسد زوجته
» كيف يسعد الرجل زوجته؟؟؟؟؟؟؟؟؟ سؤال مهم جدا جدا جدا
» صفات يحبها الرجل فى زوجته
» رجل يؤدب زوجته بطريقه جديده ومبتكره ههههههههههههههههههههههههه