لاول مرة وحصريا محمد عبد الحميد على كرسي الاعتراف

حمام هههه

بجد ما شاء الله على دروردك الجيمله

بص بقه قولنا ايه الموقفين الى زعلوك من بوسى ههه يله عشان نقرص عليها شويه ههه

ثانيا والاهم ايه الموقف الى استفد منه منى طبعا مع حفظ المقامات المفروض انك اخ اكبر وفاضل وحد نستفيد منه كلنا جزاك الله خيرا طبعا

ثانيا بشكرك على شهادتك الغاليه ولا مجال لالاختلاف مع اخ وصديق لاننا كلنا فى طريق واحد وهوه الحب فى الله باذن الله وانا يسعدنى ويشرفنى ده باذن الله

نتمنى لحضرتك ربنا يكرمك يارب ويكرم كل الناس هنا بكل خير,بالتوفيق يارب :)

محمد
اوعىىىىىىىىىىى تقول
قولى انا بس
استر ربنا يسترك
مش الناس اللى غاوية فضايح دى اوعى تريحه
بس قولى انا ابعتلى رسالة بالحوار ده لانى مش عارفه بجد والله انا حولت افتكر مش عارفه بجد
الزهيمر مدمرنى

حماااااااااااام
انته على كرسى الاعتراف وفى بند بيقول انه لو خليت بالاجابه تقعد اسبوع كمان
انته حررررررر

هههههههههههههههههههههههههههههه

لا لا متخافوش فى حاجات تتقال وحاجات متتقلش

انا لما قولت الكلام دة كنت ببين اد اية انتم طيبيين

مش مقصود انى فاكر حاجة وحشة

هههههههههههههههه لا لا

هههههههههههههههههههههههههههههههه

لا لا يا حسام متوقعنيش فى الغلط

وانتة عارف انا بموت فى النميمة والغلط

وبعدين دى صاحبة الحكومة ياعم

ربنا يبعد عننا الحكومات وقوتها

الحمد للة والله كلنا ناس كويسين

الاخت العزيزة سما مصر انا اتشرفت بمعرفتك والاخت سومة وكلكم انا اتشرفت وزيدت من الشرف شرف اكبر ان لية اخوات بيحبونى وبحبهم من غير اى مصالح ودى حاجة نادرة فى الوقت الحالى

لو ركزتم معايا هتلاقونا احنا المجموعة الوحيدة الى بينها حب انسانى نظيف من غير اى شوائب وحتة لو اختلفنا بنختلف بس على حاجة مش عيب

ياريت حد منكم يبلغ سلامى للاخت رغدة ويقولها انا بطلب منها انها تسالنى هنا فى الموضوع وانا عارف ان دى هتكون اول سابقة فى كرسى الاعتراف ان الى بيتسال وة الى بيطلب الشخص الى هيسالة بس المقصود انى اصالحها قدام الجميع لان يمكن يكون حصل اختلاف بس فى الاول والاخر هية اخت لية وحقها على راسى حتة لو مدخلتش برضة

الاخت منار انا اتشرفت بمعرفة حضرتك وكفاية ذوقك وادبك

وهجاوب بقة على بقية الاسئلة

ماهي امنياتك...؟؟
ان انا اموت ساجد وانا بصلى

اصعب المواقف اللي مريت بيها؟؟
كنت سنة 2002 فى منطقة فى مصر اسمها شرق التفريعة (سهل الطينة فى سيناء) وهناك فى حيوان من الزواحف اسمة الطريشة وهية سامة بس من ديلها وديلها قوى جدا لدرجة انة ممكن تقف علية عربية
ودائما بتبقى دافنة نفسها تحت الرمل ب 2 سنتيمتر او 3

وانا خرجت انا وصديق نقف بس شوية عشان رجلينا تعبت من القاعدة وبنمشى ودوست عليها وعرفت انى دوست وجريت لانى عارف هتعمل اية بس صاحبى بقة هوة الى خد الخبطة وطبعا وقع وعلاطول اغمى علية لان سمها عالى جدا فاضطريت انى افتح حولين مكان الخبطة كذا مرة عشان ينزل اكبر كمية دم ملوثة بالسم والحمد للة روحنا المستشفى بس الكسر وخياطة الاماكن الى انا فتحتها فضلت 6 شهور مش بيتحرك ودة كان اصعب موقف فى نظرى طبيعى لان فية مواقف لا يكون لنا فيها اى ارادة كالموت مثلا

موقفك من الحب ؟؟ وهل جربته ؟؟ هل تأمن بوجوده ؟؟
طبعااااااااااااا الحب موجود وموقفى منة انى بحب الحب واذا واحد خرج منة الحب اصبح ينتمى الى فئة غير البشر وطبعا جربتة لمدة 10 سنوات بس المشكلة ان فى ناس بقيت بتلوث الحب باشياء اخرى او بتوصل لطريق هية عوزاة بس باسم الحب ودة الى خلى الصورة النهائية وحشة

وانصح كل البنات نصيحة اخوية من اخ كبير لا تصدقوا من يقول انا بحبك ولكن صدقى من يقول انا بكرة هقابل بابا مثلا حتة لو طالب ومش معاة فلوس بكرة هيكون معاة بس النية اية وبرضة مش معنى دخولة البيت يبقى صادق انا كان لية صديق متخصص خطوبات بس لدرجة انة معروف فى مدينتنا الغالية بالخطاب وشبكة وكلة لما حس بس ان فى نوعية من البنات مش هتتكلم معاة الا لما يخطبها

سبب الكلام دة هوة الاستخدام الخاطىء لكلمة الحب

الحب هية مشاعر خلقها الله داخل الانسان وانا مش متذكر حديث كان فية راجل بيشتكى لرسول الله لحبة من سيدة وتقدم لها بس اهلها رفضوا على ما اعتقد فقال ادعو الله ان يجمعك بها فالزواج الشرعى هوة نتيجة طبيعية لاى حب طبيعى وغير كدة يبقى انا اسف لانة لية اسم تانى

في اي قرار تتخذة هل تحكم عقلك ام قلبك ؟ ومن الاسبق فالتحكيم؟
كان الاول قلبى وبعد فترة طويلة استمرت من الالم كان عقلى وحاليا الاتنين مع التفكير العميق فى العواقب

هل ندمت فحياتك علي شئ 0معين؟
اة كنت تاعب امى قبل ما تموت ولما ماتت بضرب نفسى مية جذمة على الى كنت بعملة وبدعى يوم واحد ترجع وان ابوس رجلها ميت مرة مع اننى بقيت راجل عندى 32 سنة

مارايك في هذة الكلمات
الصداقة..انعدمت.......
الخيانة..لو فعلتها امراء يبقى كرهت الشخص الاولانى ولو فعلها رجل بيبقى عبط منة.....
المرأة..اجمل مخلوق على الارض واشرسها ......

بما ان حضرتك سافرت كتير اية اكتر بلد عجبتك من ناحية جمالها وسياستها وحكومتها اية اكتر حاجة عجبتك فيها؟ واية البلد اللي تتمني تزورها؟

السؤال دة هجاوب على حضرتك بمثال صغير لانة بيطبق نفس معايير وقوانين ومبادىء دول تانية كبيرة وهقول امارة دبى واكتر حاجة عجبتنى فى حكومتها ان انا وانتى وحسام وبوسى والوزير شريف شاهين والعميد حسام والدكتورة رحاب ورجل النظافة عم احمد كلهم فى الدور وكلهم الى بيخالف بيدفع 200 دولار لو رمى ورقة والى عجبنى اكتر واكتر انا حضرتك فى الشارع ميقدرش حد يكلمك ممكن يبص بس يفكر الف مرة ومرة انة يتكلم... الهنودسى والمسيحى واليهودى والسيخى والمسلم وعباد النار والشمس والى ملهوش ديانة خالص ميقدرش واحد يبص للتانى ويقولة يا حمار بس مش الى بنسمعة يا بن ويلعن وروح يلا وتعالى يا بت والحاجات الى احنا عرفينها دى

انا جييييييييييييييييييييييييت

ازيكوااااااا

اقتباس :: ياريت حد منكم يبلغ سلامى للاخت رغدة ويقولها انا بطلب منها انها تسالنى هنا فى الموضوع وانا عارف ان دى هتكون اول سابقة فى كرسى الاعتراف ان الى بيتسال وة الى بيطلب الشخص الى هيسالة بس المقصود انى اصالحها قدام الجميع لان يمكن يكون حصل اختلاف بس فى الاول والاخر هية اخت لية وحقها على راسى حتة لو مدخلتش برضة

الله يسلمك اولا ع فكرة
مممممممم
ثانيا بقى
وبالنسبة للحوار اللى فات دا كله
عادى بجد ولا يهمك خلاص
وتقدر تعتبر مفيش حاجه حصلت اصلا
وف الاول وف الاخر احنا فعلا اخوات وان شاالله مفيش اى مشاكل

ثالثا وبالنسبة بقى للكرسى الكميل دا والاسئله
من عنيا حاضر
بس مش دلوقت
هفكر ف شوية اسئله وجايه تانى ان شاالله

سلام بقى

لاول مرة وحصريا محمد عبد الحميد على كرسي الاعتراف - صفحة 2 198220669

وجيت تانى

السلام عليكم ورحمة الله وبركاته

ازيك؟
حضرتك قلت ف رايك عن الصداقة انها انعدمت.مش حابب دا ولا ما بتثقش ف حد ولا شايف انه مفيش صداقه فعلا ؟

لاى درجة ممكن تثق فاللى قدامك (لو وثقت فيه اصلا)؟

ايه اكتر حاجه حاسس انك اتعلمتها ؟

ايه اكتر حاجه ممكن تاثر فيك؟

ايه اكترحاجه عاجباك ف المنتدى هنا ؟وايه الحاجه اللى نفسك تتغير فيه ؟

السؤال الجاى دا مفتوح لو اى حاجه حابب انك تقولها قولها

كفايه كدا
سلام بقى

ايه اكتر سؤال نفسك تسائله

ايه اكتر حد نفسك يبقى معانا على المنتدى

ايه تعليقك

الغدر

الصداقه

الحب

الزواج

شيطان

نفاق

الخير

ازيك؟

ازيك يا افندم الحمد للة كويس

انا اسف على التاخير بس ظروف والله

حضرتك قلت ف رايك عن الصداقة انها انعدمت.

نعم نسبتها قلت جدا جدا

مش حابب دا ولا ما بتثقش ف حد ولا شايف انه مفيش صداقه فعلا ؟

لا لا الصداقة موجودة بس مصداقيتها نفسها قلت وباثق وكل حاجة بس باخد حذرى دائما

لاى درجة ممكن تثق فاللى قدامك (لو وثقت فيه اصلا)؟ 20 % فى البداية وبعد التجربة 40% وبعد امتحان من بعيد لبعيد 60% ودى اخر نسبة عندى لان بعد كدة لو زاد يبقى اهم من ابويا واهلى لان نسبتهم 100%

ايه اكتر حاجه حاسس انك اتعلمتها ؟

ان ابنى لما يكون عندة 5 سنوات لازم ينزل فى الخلاط عشان يتفرم ويفهم ازاى يخرج من وسط الخلاط بدرى بدرى

ايه اكتر حاجه ممكن تاثر فيك؟

طفل ملهوش اهل

ايه اكترحاجه عاجباك ف المنتدى هنا ؟وايه الحاجه اللى نفسك تتغير فيه
الناس ...الناس هنا هم تنقية شباب تم خلطة مع بنزين وعملية التنقية دائما وابدا تفرق بين الخبيث والجيد والتنقية هنا ليست تنقية كيميائية انما حياتية لان الخبيث بيبان بدرى بدرى وبيخرج لوحدة بعد فترة وشوفنااااااااااااااااااااا كتير على مر اكثر من 6 سنوات فى جمعيتنا الموقرة لانهم لا يستطيعون تمثيل الخير لفترات طويلة وبيزهقوا

الى نفسى يتغير سلبية الناس فى الردود والكف عن النظر والرحيل

حساااااااااااااااااااااام بية

ازيك

اية يا عمنا

انتة اتجندت ولا ايةةة هههههههههههههههه

اكيد فاهمنى . بس بص ..ملعوبةةةةةةةةةةة وشكرا يا ريس على الغدوة الحلوة دى

ايه اكتر سؤال نفسك تسائله

هية مصر بتلعب فى كاس افريقيا لية مع اننا مش من القارة يعنى ؟
ايه اكتر حد نفسك يبقى معانا على المنتدى؟
كل الناس الكويسيين وانتة عارفهم يا حسام ياريت توجة دعوة ليهم

ايه تعليقك

الغدر : مؤلم لما يجى من اقرب الناس

الصداقه : لو تحققت فلك اخ لم تلدة امك

الحب : بلاش عشان الحكومة بس اقدر اقول حب الله اغلى اوى بس الى يجرب الاتنين بس طبعا مع الفارق الكبير

الزواج : محبة وعطاء وسكينة وتخريم لجيوب الرجالة

شيطان : اقل خطرا حاليا من اى انسان واحيانا بيجرى ويستغفر لما يشوف ذنوب البشر واعرف ناس بتعلم شياطين وجن

نفاق : سمة العصر ولغة الجيل زى نجم الجيل كدة

الخير: لازم انتة الى تدور علية مش هوة الى يدور عليك

يارب اكون جاوبت ووفيت

.من يسكن قلبك؟
.هل تعتقد ان حظك سيئ؟
هل هزمك حزنك في يوما من الايام؟
.هل انت مدمن تفكير؟
اذا تم تعيينك ملكا لجميع البلاد العربيه فما اول قرار ستتخذه ؟
هل تكره شخص بشده في حياتك ؟
ماالذي يلفت انتباهك بسرعه في الشخص لكي تعجب به ؟
حكمة تؤمن بها جدا؟؟
عاده تفعلها دائما تتمنى ان تتركها ؟

ايه فى ايه
هو ان غاب القط اللعب يا اسد ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اصل محمد مقدرش اقول عليه فار فحسنت المثل
ههههههههههههههههههههههههههههههه
فين كرسي الاعتراف هوا نا اغيب عنكم حبه
كرسي الاعتراف ينهار ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فين الاسئلة يا شباب
والاجابة بتتأخر ليه يا محمد باشا
عايزين ضرب ناااااااااااااااار
وانتظرونى بس هروق كده وادخل اروق على معاليك يا فندم
والله المستعان

بسم الله الرحمن الرحيم

واضح انك شخصيه محترمه منور الكرسي بس عايزاك تقر وتعترف بكل شيء

اسمحلي اسالك
موقف ابكاك وبحرقه قلبك ؟

ما هو طموحك في الحياه؟
هل المت نفسك يوما وبفعلك انت؟
موقف عملته وقلت ياريتنى ما عملته؟
عاتبت نفسك في يوم وان كنت بالفعل عتبتها فبماذا ؟
هل انت مقصر في حق الاشخاص المقربين اليك؟
احكلنا عن ايام الغربه بحلوها ومرها حسيت ان مصر بلد حلوة لما اتغربت ؟

حمااااااااااااااااااااااااااااااااااااااااااااااااام
انته طرت وسبتنا ولا ايه

ارجع لمنتداك هنا ارض الوطن يا غالى

ومنتظرين اجابتك

اية يا عم

موجود اهوة

بس شوية كدة

وبعدين راجع راجع

متخفش هروح فين

هههههههههههههههه ماشى يا بوسى

اسد اسد واية يعنى اهوة كلة بينقرض

المهم البياض

نرجع لحسام بية

من يسكن قلبك؟
زوجتى طبعا

.هل تعتقد ان حظك سيئ؟
لا يوجد حظ بل يوجد من يوظف الحظ فالحظ لا يخدم الا لمن يستعدون لة

هل هزمك حزنك في يوما من الايام؟
نعم

.هل انت مدمن تفكير؟
كنت

اذا تم تعيينك ملكا لجميع البلاد العربيه فما اول قرار ستتخذه ؟
حرق المفسدين + سوق مشترك + عملة موحدة

هل تكره شخص بشده في حياتك ؟
كنت

ماالذي يلفت انتباهك بسرعه في الشخص لكي تعجب به ؟
تفكيرة مع سكوتة

حكمة تؤمن بها جدا؟؟
لا تبكى ولكن اقتل(قالها هتلر لاحد الجنود عندما قتل اخ لة )

عاده تفعلها دائما تتمنى ان تتركها ؟
التفكير قبل النوم

الاخت العزيزة مى

الف شكر ليكى ولكلامك الشيك

شكرا لحضرتك

وهجاوبك من عينى

موقف ابكاك وبحرقه قلبك ؟
محمد الدرة

ما هو طموحك في الحياه؟
ان اموت وربى راضى عنى

هل المت نفسك يوما وبفعلك انت؟
انا من الناس الى بتحب تعاقب نفسها لما تغلط
وكتير اوى بالم نفسى وجااامد كالحرمان من شىء احبة

نزولى الماء ليلا وعدم الخروج لفترة طويلة
وعلى فكرة مجرد وجودك داخل الماء ولا ترى يديكى بسبب الظلام امامك دة شىء مخيف جدا ومؤلم خصوصا فى الشتاء

موقف عملته وقلت ياريتنى ما عملته؟
انى زعلت حد

عاتبت نفسك في يوم وان كنت بالفعل عتبتها فبماذا ؟
تقصيرى تجاة اهلى

هل انت مقصر في حق الاشخاص المقربين اليك؟
كنت

احكلنا عن ايام الغربه بحلوها ومرها حسيت ان مصر بلد حلوة لما اتغربت ؟
مهما حكيت لحضرتك مش هتصدقى ولا يمكن لانسان ان يشعر بمعنى البرد او الحر الا لما يعيش الاحساس بنفسة

كذلك الغربة

حريتك مععاكى عاوزة تنزلى اوك انتة حر مع السلامة وفى نفس الوقت مش قادر نظرا للظروف

وضيفى بقة الم البعد عن العائلة واهلك واصحابك والنيل والبغل والفراخ المحمرة والبيتزا الى بتعملها بوسى

اةة

اقولك اية

السلام عليكم ورحمة اللة وبركاتة

حكمة تؤمن بها جدا؟؟
لا تبكى ولكن اقتل(قالها هتلر لاحد الجنود عندما قتل اخ لة )

استاذ محمد معلش بستاذن حضرتك انا مفهمتش الجملة دي يعني اية لاتبكي ولكن اقتل

الاخت لعزيزة

كانت هناك حرب دائرة

وكان هناك جندى معة اخ لة قتل

ومع مرور هتلر وجد الجندى يبكى بشدة

فسالة عن السبب فقال لة اخى قتل

فقال لة لا تبكى ولكن اقتل

فيما معناة لا تنظر لما انتهى واستمر فى تحقيق النصر وبدل البكاء انتقم وحقق ما تريد

هههههههههههههههههههههههههههههه
ارجع بالسلامه للحكومة ولمصر والبيتزا منظراك يا فندم
محمد
احكيلى عن طفولتك ومواقف فيها
ومراهقتك وتفكيرك ايامها وهل تفكيرك فيها كان صح ولا بتندم على حاجة عملتها فيه ا؟؟؟؟؟؟
وشبابك وكله بمواقف مش اقل من 3 مواقف تحكيهم بالتفاصيل الممله
قول للناس كام شهاده حصلت عليها وايه الدراسة اللى بتدرسها دلوقتى وناوى بعد كده تكمل فى ايه ؟؟؟؟؟؟؟؟؟؟؟
ايه نظرتك للمستقبل ؟؟؟؟؟؟؟؟؟
ايه اللى بتتمناه يتحقق بمنتهى الرجاء لله ؟؟؟؟؟؟
ايه اكتر دعاء بتدعى به ؟؟؟؟؟؟؟؟؟؟
تقول ايه دلوقتى للحكومه(زوجتك عشان مش نتفهم غلط ههههههههه ) الطيبه الغلبانه دى ؟؟؟؟؟؟؟؟؟؟
اذا ربنا اكرمك بولد هتسميه ايه ولو بنت تسميه ايه ؟؟؟؟؟؟؟
تخيل معايا
كنت مسافر وفجأة حصل لا قدر الله اعصار رهيب وفجأة صحيت الصبح لقيت نفسك على جزيرة كبيررررررررررررة ولوحدك
قولى اول رد فعل هعمله لما تفوق وهتعمل ايه بعد كده ؟؟؟؟؟؟؟؟؟؟؟؟

اذا اتحبست فى اوضة لوحدك وقالوا لك
لك طلب واحد تطلبه و حاجة واحده تدخل معاك فى الاوضة دى هتختار ايه يبقى معاك محبوس فى الاوضة دى ؟؟؟؟؟؟؟؟
يلا كفاية عليك كده النهارده

» لاول مرة على منتدى شباب الخير رغدة على كرسي الاعتراف
» جه الوقت الى هنعرف مين بوسى ابو المجد ..على كرسى الاعتراف
» عيد ميلاد سعيد يا بشمهندس المنتدى ----كله يدخل يعيد على م/محمد عبد الحميد
» اصغر امرأه في العالم عمرها 22 سنه بالصور لاول مره ....!!
» لاول مره زوجات الرؤساء والملوك العرب على المنتدى ...!؟