لاول مرة وحصريا محمد عبد الحميد على كرسي الاعتراف

احب دائما وابدا ابدأ كلامى بسلامى
السلام عليكمورحمة الله وبركاته
ازيك يا باشمهندس محمد ايه اخبارك
؟؟؟؟؟؟؟؟؟؟؟؟
يارب دايما تمام
طبعا انت فى موقف لا تحسد عليه
انا قررت احط معاليك على كرسي الاعتراف
وعلى كل اعضاء المنتدى يتوجهوا بكل قوة وعزم ويسألوا الباشمهندس الكبير محمد عبد الحميد
يلا عيشوا حياتكم وطلعوا المستخبى
لاول مرة وحصريا محمد عبد الحميد على كرسي الاعتراف 742981

لاول مرة وحصريا محمد عبد الحميد على كرسي الاعتراف 742981

وفى نهايه الكلام مفيش احسن من السلام
السلام عليكم ورحمة الله وبركاته

ايييييييه داااااااااااا

السلام عليكم ورحمة الله وبركاااته

طبعا قبل اى حاجة

نخش على طوووووووول

م/ محمد

إيه اكتر حاجة مفتقدها وانت ف الغربة

وياترى مصر اجسن ولا اى بلد من اللى انت فيها

ناوى تتجوز امتى

لو رجع بيك الزمن عشان تاخد قرار الإرتباط هيكون قرارك ايه

راضى عن نفسك وعن اللى وصلته

كفاية دول دلوقتى

شفت الناس فرحانه ازاى انك على الكرسي يا محمد
تعالى لى بقى يا فندم
قولى بيناتك اللى موجوده فى البطاقة
الاسم
السن
محل الاقامة
العنوان
الخ
قولى يا محمد بما ان ماشاء الله خبراتك ملهاش زى سواء فى العلم او الحياة عامة
قولى اصعب موقف مر به محمد , موقف تانى احرج جداااااااااااااا محمد , موقف اسعد جداااااااا محمد , موقف تتمنى ما يتكررش , موقف تتمنى يتكرر كتير
وتحكى بالتفصيل الممل يا فندم
كفايه عليك كده النهارده لغايه ما امخمخ اكتر

ههههههههههههههههههههههههههه

ازيك يا بوسى
عاملة اية
لية الموقف يحسد علية بس
دة موضوع جميل جدا وبحييكى بس انا مش عارف ارد هنا ولا ارد فى الموضوع الرئيسى ولا دة حاجة ولا دة حاجة تانية بس عموما مفيش مشاكل

ازيك يا استاذة هاجر

عاملة اية

هجاوب حاضر من عينى
إيه اكتر حاجة مفتقدها وانت ف الغربة

والدى ومكنتش اعرف ابدا ان الوالد غالى اوى كدة الا لما كبرت وعرفت يعنى اية اب وبن
وياترى مصر اجسن ولا اى بلد من اللىانت فيها

مصر مش ام الدنيا بس مصر ترابهااااااااا اطهر ممن الدنيا كلها ومهما قولت محدش هيصدق مصر مش وحشة احنا الى وحشين
ناوى تتجوز امتى
هتجوز فى شهر 6
لو رجع بيك الزمن عشان تاخد قرارالإرتباط هيكون قرارك ايه

قرار الارتباط بيختلف نهائى من الراجل للست بالنسبة للراجل بيكون عمرة وفلوسة ومستقبلة على المحك وربنا يستر علينا من الموضوع دة عشان انا مش بعرف اخبى وببخ علاطول
]راضى عن نفسك وعن اللى وصلته
الحمد للة على كل شىء بس كان نفسى ابدا من زمان عندنا فى مصر الشباب بيبدا من سن 21 او 22 لكن اكتشفت بعد فترة خبرة طويلة انى لو فى يوم ربنا ادانى ولد او بنت هبدا معاهم من سن 5 سنوات

يا بوسى هانم

شايفك مش ناوية خير بس يلا هتيجى على دى]

الاسم محمد عبد الحميد متولى عبدالعاطى السيد حسن احمد الشريف

السن32 فى 16-2

محل الاقامة
[
شهور فى دبى + 3شهور فى نيو مكسيكو +1 شهر مصر + 3شهور جزيرة كيش فى الخليج العربى

العنوان 8 شارع مسجد سامى الجمل المنصورة

اصعب موقف مريت بية

كان موت اعز اصحابى ماجد مصطفى جعفر الله يرحمة كان زينة الشباب
مات فى 6-1-2006

كنت معاة يوم الاتنين ومات يوم الخميس وروحت زورتة وكنت بليل لانى عرفت وانا راجع من سفر
بكيت قدام قبرة لان الى يعرف ماجد مصطفى جعفر لا يمكن كان يتصور ان ماجد يكون هنا
وكان تاثير ماجد علية وعلى 12 شاب من شلتنا تاثير كبير اوى وماجد غير حياة باقى الشلة نهائى من شوية شباب طايش لناس تانية خالص

موقف تانى احرجنى
كان فية بت حلوة اوى شباب بيعاكسوها بس كانوا اتنين بس فعملت راجل وروحت اشيل الهم الاتنين بقوا 15 فى ثانية واخدت علقة موت بس نفضت 3 مش هينفعوا يعملوا حاجة فى الدنيا تانى وربنا ستر وكذا بواب شالونى بعد ما اغمى علية من الضرب والكلام دة بالتحديد كان سنة 1994 عشان بس الرقابة

موقف اسعدنى جدا

رقدة شارون زى الكلب عشان كل العالم يتفرج ان محدش كبير

موقف تتمنى ما يتكررش

حد يزعل منى لاى سبب

موقف تتمنى يتكرر كتير
وانا بقوم بعمل اى خير

والله والله منوررررررررررررررررررررررررررر يا كبير

ايه النور ده يا جدعان

هههههههههههه طبعا انته وقعت ومحدش سمى عليك هههه بجد الكرسى ده حاجه لا تعليق

وعموما فرصه نعرف محمد وكل الاعضاء تعرف مين هوه محمد باشا عبد الحميد الاخ الكبير لينا والصديق المحترم

منور يا حمام ويارب الكرسى يعجبك باذن الله وتقضى وقت ممتع ولونى اشك مع بوسى صعب لاسف هههه

وانتظرنى غدا باذن الله

هههههههههههههههه

بوسى مش ناوية على خير

انتة هتقولى

لاااااااااااااااااا يوجددددددددددددد الا الحقيقة والحقيقة فقط

بس واضح ان الناس مش مستمتعة بالحديث معايا

شعبيتى قلت بعد التلاتين

دة انا كونت قمر وانا فى العشرين وكنت بركب بيتش بجى وبروح الجامعة الساعة 5

ههههههههههههههههههههههههههههه

ههههههههههههههههههههههههههههههههههههههههههههههههههههههه
ايه يا كماحة
على طول كده ظلمنى
ده انا غلبااااااااااااااااااااااان
قولى بقى يا محمد
احلى فترة مرة على محمد فى حياته كلها
ابتدائى - اعدادى - ثانوى - كلية - الحياة العملية
ايه اكتر حاجة بيخاف منها محمد والسبب
حيوان - حشرات- ديناصورات هههههههههههههههه - ظلام - مرتفاعات منخفاضات من النهايه قول كل اللى بتخاف منه
ايه اكتر اكل بيحبه محمد وايه اكتر اكل مش بيحبه

موقف حصل قولت لنفسك اخص عليك يا محمد موقف حصل قولت لنفسك برافو عليا والله هههههههههههه

هل حلمت قبل كده بحلم واتحقق احكيلى بقى الحلم كان ايه
؟؟؟؟؟؟؟؟
شفت الرسول قبل كده فى الحلم ؟؟؟؟؟؟
ايه عيوب محمد وايه مميزاته ؟؟؟؟؟؟؟؟؟
مين اللى تتمنى فى اللحظة دى يبقى جمبك ؟؟؟؟؟؟؟
هل دموع محمد قريبه ولا صعب تنزل؟؟؟؟؟؟؟؟؟
واذا نزلت مين اللى تحب يمسح دمعتك ؟؟؟؟؟؟؟؟؟؟؟؟؟
امتى محمد بيبقى ضعيف ؟؟؟؟ وامتى بيبقى قوى ؟؟؟؟؟؟؟؟
اوصفلى حياة محمد فى كل فترات حياتك وبالتفصيل وبالشكل اللى انت شايف فيه نفسك

شفتوا انا غلبانه ازاي دى اسهل اسئله عندى
بطلوا بقى تقولوا عليا اشاعات
ده انا مفيش اطيب منى ومفيش اسهل من اسئلتى
لاول مرة وحصريا محمد عبد الحميد على كرسي الاعتراف 742981

هههههههههههههههههههههههههههههههههههه
يلا جاوب يا فندم
واناشد جميع الاعضاء بالدخول ويبدأوا يسئلوا محمد ده محمد باشا انتوا جداد اه بس محمد حوت المنتديات والجروبات وباشهمندس قوى جدا فى مجاله وربنا يوفقه دايما يارب فى حياته ومستقبله وشغله اللهم اميييييييييييين

under_maker

بس واضح ان الناس مش مستمتعة بالحديث معايا

شعبيتى قلت بعد التلاتين

دة انا كونت قمر وانا فى العشرين وكنت بركب بيتش بجى وبروح الجامعة الساعة 5

هههههههههههههههههههههههههههههههههههههههههههههههه حلوه والله موضوع البتش والجامعه الساعه 5 انا بقه بروح من الجامعه اوقات الساعه 10 مساءا واوقات بعد 12 مساءا بس فى شغل والله ههههه مهمه رسيمه يعنى

ام بقه بخصوص شعبيه محمد لازم نقول مين محمد الاول وبعدها نحكم على شعبيتك

عايز اقول للناس وكل الاعضاء اخوتنا فى المنتدى مين محمد عبد الحميد
اولا هوه اخ لينا بجد وحد نحسبه على خير
ثانيا محمد صاحب الفضل الاول فى انه جمعنا كلنا على اول منتدى اتجمعنا فيه
ثالثا محمد عبد الحميد حد خبره وحد عارف كويس بيعمل ايه
رابعا محمد من اكبر وافضل الشخصيات فى جميعه خيريه معظمنا يعرفها

بالبلدى كده يا جماعه محمد من الناس الى ليها فضل علينا وحد اتعلمنا منه كتير ونعتز بمعرفته طبعا علشان كده حابب ان كل الاعضاء تعرف عن قرب مين محمد عبد الحميد
وايه هيا خبرات محمد
وليه محمد بيعد عنه الفتره دى هههه
وافكار محمد
مواقف وحياه محمد

حاجات كتيره هنعرفها سوى من خلال كرسى الاعتراف المتواضع على منتدى شباب الخير

يله يا شباب نعرف مين محمد والمره دى محدش هيرحمه هههه على كرسى الاعتراف

السلام عليكم جميعا
ازيكم يارب تكونوا بخير
اهلا بحضرتك م/محمد على كرسى الاعتراف

وانا شخصيا مش عارفه حضرتك فهسالك سوال عادى بقى

ايه هو الحلم الى كان نفسك تحققه ومازلت بتحاول لتحققيه
بس لحد الان معرفتش تحققه؟؟؟؟

انا بقه سؤالى كبدايه كده
لو انا عضو جديد وعايز اعرف محمد اكتر يا ترى
مين محمد عبد الحميد ..!؟
امته اشتركت على المنتدى
مين هما الى تعرفهم على منتدى شباب الخير وايه رايك فى كل وحد فيهم مميزات وعيوب ..!؟
ايه هيا اكتر حاجه عجبتك فى منتدى شباب الخير
ايه هيا طبيعه عمللك بالتحديد

محمد اوصفلى احساسك وانته قاعد على الكرسى حاليا ..!!؟

احلى فترة واللة فترات كتيرة بس هبتدى ليكى من الاحدث الى الاقدم

كانت من 2006 حتى 17-7-2007 تحديدااااااااااااااااااااااااا

وفترة اول سنة من اعدادى وكل فترة الابتدائى

فترة الجامعة مش متذكرها نهائى بصراحة لانى كنت مشغول جداا ههههههههه

بس فترة الثانوى بقة كانت الذ واخف دم فى الفترات كلها كنا بقة من جيل العمالقة الشباب الطويل والعريض والشنبات وكانت دى ظاهرة انقرضت فجاءة وشفنا الاطوال الغير مسموح بيها 150 سم و 180 سم وكدة هههههههههههههههههههههه

********************************************************************

بالنسبة للخوف انا كنت بخاف جدا من كل حاجة الضلمة والحيوانات والحشرات وكل حاجة بجد كنت بخاف منها بس بسبب وفاة والدتى سنة 90 شهر 1 روحت وانا طفل صغير قدام القبر حوالى الساعة 1 ليلا ووالدتى مدفونة فى قرية اهلى وهية ارياف وهناك الدنيا بتضلم الساعة 6 المغرب سيبت البيت وركبت ولحد الان مش عارف وصلت ازاى وروحت عند والدتى ووقفت هناك وكنت طفل معتقد انها هتخرج تانى عشان انا مستنيها وفضلت انادى بس خلاص طبعا محدش رد علية ومرت علية ليلة كاملة من البرد الحقيقى وبالنهار شفونى ناس ورفضت اروح معاهم فبلغوا والدى واهلى فجم عشان ياخدونى وانا رفضت نهائيا واقسمت لوالدى انا ماما كلمتنى وقالت انها هتتطلع كمان شوية وعشان هوة بيسببش لية صدمة اضطر يستنى معاية لليوم التانى

وااؤكد ليكى ان الليلة الى كان بابا فيها موجود كان خايف وبيقولى يلا يابنى مبيقاش دماغك ناشف وهوة خايف وكنت بقولة متخفش يا بابا ماما جية اهوة

من اليوم دة مش بخاف من حاجة وبقيت بروح للخوف بنفسى انا اتعلمت الغطس والغوص من جامعة المنصورة واستمريت فى نادى استاذة الجامعة من زمااااااااااااااااااااان لما كان مقرة مدرسة خالد بن الوليد حاليا وغطست فى حتت ضلمة كتير وبحب اعمل سفارى فى دهب والبلو هول فى مصر ووادى الطيبة كلهم اصحابى هناك وبمسك التعابين والى علمنى عمى الله يرحمة ازاى ان التعبان هوة الى بيخاف من الانسان لما بيشوفة عشان كدة هوة الى بيقرصة بس خلاص

احلى ا كل الفراخ المشوية + البيتزا+الجمبرى +كوردن بلو +البيبسى قبل كل دة

مبحبش اى لبخ ولا كوسة ولا قلقاس ولا التفانين الى احنا عارفينها دى

بالنسبة لاخص وبرافو والكلام دة ان لية مبدا وهوة لما اعمل حاجة خلاص لازم اشيل عواقبها عشان كدة لما باعمل اخص بتعلم والمرة الى بعدها باعمل برافو

لا لم ارى الرسول وبعدين انا عاوز اسال الى شافوا الرسول هوة انتم عرفتوا منين ان دة الرسول هوة انتة شفتة قبل كدة اصلا ؟؟ الرسول علية الصلاة والسلام مش بيجى فى صور ابدا دة بيكون عبارة عن ضو

عيوبى : عصبى جدا جدا جدا + مش بهون على نفسى + الثار عندى مبدا حياة ودة مش عيب بس عند بعض الناس عيب + باخد قرارات عارف انها ممكن تكون مش فى صالحى بالرغم من كدة باعملها لانى قررتها خلاص سلفا + الجديد بقة ودة حديثا... النظر الى الايام القادمة بس لبعيد اوى

اللى اتمنى فى اللحظة دى يبقى جمبى ابويا طبعا

دموعى اقرب من اى حد ممكن يتصور بس بحاول دائما اضحك عشان مش اضعف وانا الى احب امسحها

ببقى ضعيف لما اشوف طفل من غير سند او اهل لانة بيكون مكسور وبيدور على حاجة هوة نفسة مش عارف اية هية بس بيدور وبالاخص لما مش يكون لية ذنب فى اى حاجة بتحصل من حولية ..وببقي قاتل عنيد مش قوى بس لما حد يفكر يبص لحقى او لحق حد تبعى

محمد عادى خالص زى اى شاب مر بكل المراحل الى بيمر بيها اى واحد ولد فى الدنيا دور الحبيب فترة ودور الشيوع الدينى فترة ودور المعلمة فترة ودور الهادى فترة ودور الشباب الفنكى فترة وكونت كول خالص مفيش اى حاجة مميزة

بس بحب الصمود والتحدى والقراءة فى كل المجالات وبحكم دراستى للقانون الاول بحب السياسية وعندى مكتبة كبيرة عامرة بالكتب ونمت فى الشارع كتير لانى كنت دايما بحب اسافر واشتغل هنا وهنا واعرف

انا اشتغلت صبى عند واحد بتاع قماش فى جمصة جنمب الممر الى جنمب الشرقاوى علاطول كنت ببيع جلابيب واشتغلت كاشير فى اكتر من مطعم فى المنصورة والاسكندرية واشتغلت فى الموبيلات سنة 1997 وسبتها والحمد للة وكنت قبل الموبيلات شغال مع موبينيل بس على تليفونات العربيات وكنا بندفع الفواتير فى سنترال جليم وكانت الارقام لسة 010بس موبينيل هههه مش كليك واشتغلت صبى جزار فى راس البر واشتغلت فى العريش وبورسعيد وشرم

اشتغلت فى مشروع مكتبة الاسكندرية مع شركة بلفور بيتى الانجليزية وهناك اتعلمت تحت ايد مهندس امريكى من ميكروسوفت نفسها مجال الكومبيوتر وبعد كدة روحنا عملنا محطة كهرباء شرق التفريعة مع شركة بى دى اف الفرنسية فى سهل الطينة فى سيناء

اشتغلت كتاجر فى الهارد وير والسوفت وير لمدة 10 سنوات فى عملى الخاص وفتحت شركة صغيرة كدة مازالت موجودة فى المنصورة واخواتى فيها حاليا
وحاليا بشتغل خارج مصر ..ادعيلى بقة

ويارب اكون جاوبت كويس يا بوسى ههههههه

*****************************************

الاخ الغالى حسام بية

ربنا يخليك على الكلام دة

ودة من زوقك طبعا

وكلنا اخوات يا حسام وانتة كمان جمعت الناس على الخير ويارب كلنا نفضل مجتمعين على خير وخير بس لان صدقونى مفيش اى حاجة تستاهل فى الدنيا ان الواحد يتجمع عشانها الا الخير بس

وموضوع البعد والله بيكون غصب عنى انتة عارف الدنيا و الظروف الاقتصادية وانتة عارف ان عندى ازمتين ازمة عالمية واخرى محلية ههههههه والاتنين بيطلبوا فلوس ههههههههههههههههههه وبس بقة عشان بوسى بتعمل كوبى علاطول

الاخت rana

الحلم انى اكون محاضر فى كلية الهندسة

وانا ماشى فى تحقيق الحلم وربك يسهل بس الفلوس هية الى مخلية الواحد يقف شوية

وانا علاطول بحب ادخل سكة اخلصها للاخر

الاخ الغالى حسام بية ازيك

انا محمد عبد الحميد متولى واعتقد ان صعب اى حد يعرفنى الا لما يشوفنى ويعاشرنى لان هيعرف حاجات صدقنى انا معرفش اوصفها لانها ممكن تكون وحشة فى نظرى وحلوة فى نظرك والعكس

اشتركت على المنتدى اول ما عرفت انة فتح لانى واحد منة وكل واحد هنا بمثابة اخ واخت لية واى حد عندة حاجة جواة لية وحشة او انا غلطت فية يقولها وانا هبوس راسة قدام الناس كلها

اعرف بوسى ورحاب وهاجروحسام واكيد اعرف ناس كتير بس النيكات اكيد بتتغير واكيد اعرف ناس بس معرفش اسمايهم هنا اية وشوفتهم فى الخارج

كل الناس فيهم عيوب وكل الناس فيهم نقطة خير بس فية واحد بيكبرها وواحد بيصغرها مفيش حد هنا صادق ومفيش حد امين ومفيش حد كامل الشيطان معانا كلنا بس فية واحد يقدر يغير نفسة وفية واحد نفسة بتكسبة انا جوايا كدب ونفاق وغدر بس اقدر اوقفة واقدر امشية كلنا بنغلط وكلنا وحشين عشان كدة بندعى اللهم اغفر لنا ما اظهرنااااااااااااااا وما بداخلنا محدش كامل ومحدش بيور انما اقدر اقول اننا الافضل لاننا على الاقل بنحاول نوجة نفسنا للصح مهما كنا وحشين بس احنا احسن شباب وعدنا كلنا عيوب بس عيوبنا كلها ممكن نتغاضى عنها لانها مش عميقة

اكتر حاجة عجبتنى هنا وجودنا مع بعض وحبيت اغير دورى من مكان لاخر لان التغيير من علامات الصحة العامة للفرد وكمان الناس هنا زى الفل ومحترمين وكفاية انهم متجمعين على خير ومش على اى حاجة وحشة

انا شغلى حاليا مشرف مفوض اى تى لشركة امريكية مسلمة موجودة فى بوسطن وفرعها الرئيسى فى الفرى زوون فى دبى واشتغلت فيها من يناير 2008ومهمتى متابعة جميع اعمال الشركة من خلال مواقعها فى الشرق الاوسط وتسليم التقارير والنتائج كل 90 يوم

موضوع الكرسى دة موضوع جميل جدا وبالعكس ملهوش اى رهبة عندى لانة نسخة مصغرة من مواجهة الحياة فكلاهما يحمل مفاجاءت لك.. عليك ان تواجهها وتحلها وممكن تلاقى يوم يضرب فيك ويو يطبطب عليك وكلنا عارفين مين اليوم الاولانى هههههههههه

ايه رايك فى العضو بوسى هههه تصلح تبقى مديره المنتدى ولا نشغلها عضو فى الحزانه العامه هههههه

ايه هيا اوجه الاستفاده من غربتك حتى الان ...!؟

بردو انته مش جوبت على اسئلتنا بشكل تفصيلى

منتظر منك رايك فى كل الاعضاء الى تعرفها من حيث المميزات والعيوب

ولسه فى اسئله بس واحده واحده

ههههههههههههههههههههههههههههههههههههههههههههههه
عظمه على عظمه يا محمد
هى دى الاجابات اتعلم يا حاج حسام
بالنسبة لسؤالك يا محمد احفظه عندك لما ربنا يكرم واقعد على الكرسي وده يحينى ويحيك ربنا
ههههههههههههههههههههههههههههههه وابقى سألنى وهجوبك بإذن الله
لان انا هنا اللى بقعد البشر عليه
بص يا محمد
من النهايه حسام عايز يعرف
عيوب بوسي من وجهة نظر محمد عبد الحميد
فريحه و قوله عيوبى
ههههههههههههههههههههههههههههههههههه
لانه ماشاء الله ماشاء الله وهو قاعد على الكرسي شردنى
بجد قولى عيوبى يا محمد عشان اخد بالى منها واصلحها يلا ربنا يعينك
انا مش هتقل عليك النهارده بس يمكن على العصارى كده اعمل كوب من الشاى الساخن واقعد امخمخ لمعاليك
وبعدين بزمتك انا عمرى فتنت هههههههههههههههههههه هى مرة واحده وانت اللى مكنتش منبه عليا انى مقولش ههههههههههههههههههههههههههههههه
انا معنتش بنطق يا فندم حرمت وربنا
ههههههههههههههههههههههههههههه

مش بوسى بس يا حمام
عايزين رايك فى كل الاعضاء معانا وانا اولهم
لاول مرة وحصريا محمد عبد الحميد على كرسي الاعتراف 433301

عاااايزك بقه
رايك فى المنتدى ومن حيث العيوب وازاى نصلح العيوب ..!؟
ناس كتيره بتقول المنتدى محتاج دعايه وتفعيل يا ترى من خبرتك ازاى نعمل ده ..!؟
نصائح مش نصيحه لكل عضو تعرفه على المنتدى ..!؟
نصحيه دايما تحب تقولها لنفسك
ايه اكثر ايه بتاثر فيك
مين نفسك تشوفه الوقتى حالا ..!؟
لو قولنا محمد بيفكر كتير يا ترى بتفكر فى ايه يا حمام ..!؟

السلام عليكم ورحمة اللة
وبركاتة

واللة يا م/ محمد حضرتك حد محترك جدا والنس هنا كلها
بتحبك وانا بجد من كلامهم بتمني اني فيوم من الايام اقابل حضرتك ان شاء اللة
وسعيدة جدا بوجود حضرتك علي كرسي الاعتراف بنستفيد من
كلامك وتجاربك كتير حياة حضرتك شئ جميل كلة طموح ونجاح ماشاءاللة ربنا يجزيك كل الخير ويارب توصل لكل اللي تتمناة
حاليا عندي كام سؤال سهلين جدا

من مثلك الاعلي؟

من هو اعز شخص عندك؟

اعظم شئ فقدتة؟اسوء خبر سمعتة؟

ماهو الموت؟

اوصف نفسك كما تراها؟مميزاتك وعيوبك؟

عضو
توقيعه روعه..(
)

عضو نشيط... ( )

عضو
تفرح بوجوده
.. ( )

عضو تحسه واثق من
نفسه
... ( )

عضو داخل مزاجك ... ( )

عضو يغيضك .. ( )

عضو تتمنى تلقتي
به
... ( )

عضو مثقف... ( )

عضو
تخاف يوم اماتشوف اسمه موجود..( )

عضو نفسك تغير
اسمه
... ( )

عضوعايز تعرف
معنى اسمه
... ( )

عضو تتشاكل معاه
... ( )

عضــو
يجذبـك بأسلوبه وطريقـة ردوده ... ( )

عضـو أحيانا
ينرفزك بـ ردوده ...(
)

عضــو
يناسبه لـقب المحبوب ... ( )

عضو تقوله (( ماينساك
أبد قلبي
)) ... ( )

عضو تقوله (( الله
يسامحك

طبعا لو في حاجة مش هتقولها دة حقك في اسئلة رخمة انا عارفة وشكرا جدا لحضرتك

الله الله على الاسئله الجميله دى يا ياسمين ما شاء الله
ههههههه
فى الجون فعلا

يله يا حمااااااااااااااااااااام منتظرين ردودوك وتوصى فى الرد يا باشا

ايه يا محمد رحت فين انت هربت ولا ايه
على فكرة كنت بحلم بيك انت ومها النهارده
يلا بقى يا فندم جاوب خلينا نسأل اكتر

هههههههههههههههههههههه

انا موجود يا بوسى اهوة

انا موجود يا ناس

بصى يا بوسى وبص يا حسام بية

هقول بس الاجابات هتكون زوجية

بوسى بالفعل حاليا مديرة

وتنفع تبقى مديرة وانا قلت من زمان ( صح يا بوسى )

وانا مقتنع ان اى حد واى شخص يتحط تحت تمرين جيد ومنظم ممكن يكون عالم مش مدير بس

بوسى من الشخصيات المحترمة وجدعة وابوها راجل طيب واخوها اعرفة من غير ما اعرف انة اخو بوسى الى فى رسالة وناس افاضل

بوسى عيوبها لو واحد عيط قدامها وقلها محمد عبد الحميد موتنى خلاص بوسى بتسلم بالامر وكانة قران نزل من وحى وبعد ما بتعرف الحقيقة بتبقى عاوزة تخلى بالها المرة الجاية بس برضة مش بتعرف لان فى دمها بيجرى نوع معين من التربية انا عارفة

بوسى ظلمتنى مرتين فى خلال معرفتى بيها مرة فى الاول خالص ومرة كدة فى النص وانا مش زعلت منها لانى عارف الخام بتاعها كويس وعارف هية بتتاثر باية عشان كدة سبتها وانا متاكد ان الحقيقة هتبان

انما فى مضمونها العام شخص جيد ولما بتزعل بتزعل نفسها اكتر ما بتزعل الشخص التانى

وانا بتشرف بمعرفتها

اما انتة يا حسام بية شخص محترم وبن ناس جدا وبحترمك وبتحب تساعد الناس

اول معرفتى بيك ساعدتنى فى نقطة انا مكنتش عارفها وانا عمرى ما بانسى اى حد بيساعدنى يمكن انتة مش فاكر بس انا فاكر كويس

وانتة ظلمتنى مرة لانك حكمت علية فى وقت انا كنت مشدود ودارت الايام وانتة خدت نفس المكان بس مع الفرق انك معاك ناس بتساعدك وانا كنت معايا ناس بس مش فاضيين عشان كدة انا بقول كنت مشدود ...انما وبكل صراحة لم احمل لك الا كل حب

انا مش موجود فى مصر حاليا ولا معك اى نوع من المصالح بس بقولك الحقيقة انا جيت باركت ليك لان انا بؤمن بالتغيير والتجديد ومعنديش اى مانع ان كل الناس تبقى كويسة

انما فى العام انتة شخص كويس واخلاقك كويسة ويشهد علية حد هنا انا قولت الكلام دة وانتة مش موجود

حكاية بقة اقول عيوب دى مش عارف ليه مش قادر

لان بصراحة مش عاشرتك يا حسام كتير

دة الجزء الاول

الاخت سومة

الف الف شكرا على المقدمة الذوق دى

وانا يشرفنى انى اشوفك واعرفك ودة هيكون قريب اكتر مما تتخيلى

وممكن تشوفينى بس على شكل تانى ودة بمساعدة بوسى هههههههه

انا هجاوبك وهجاوب اسئلتك كلها يا سيتى عشان تعرفى بقة انك غالية

من مثلك الاعلي؟ الرسول فى اخلاقة ..الرسول فى علمة ..عمر بن الخطاب وابو بكر الصديق فى قوتهم

من هو اعز شخص عندك؟ زوجتى وابويا

اعظم شئ فقدتة؟ امى الغالية

اسوء خبر سمعتة؟اسرائيل اصبحت دولة ولها شعب

ماهو الموت؟

ردى على الموت هيكون نفس ردى قبل كدة على موضوع للموت وهوة

يااااااااااااااااةةةةةةةةةةةةةةةةةةةةةةةةةةةة

الموت

دى كلمة صعبة اوى

كل حرف بيشيل معانى الم

كل تشكيل بيشيل معانى حزن وفراق

الموت

يمكن هوة الشىء الوحيد الحقيقى فى الحياة

فان الناس نيام واذا ماتو استفاقو

انما هو نصيبة

ولها اجر عظيم لو اختتمت بالصبر كما قال نبينا الكريم

فنجد الموت احيانا عند اناس مطلب

ونجد عن البعض الاخر مهرب

وعند الغالبية الخوف الاكبر

لان يعلم بداخلة ما ينتظرة

الموت شبة بالدنيا كالصحراء والشجرة

فعندما نموت نعرف اننا كنا نسير بالصحراء . واخذنا قسطا من الراحة تحت ظل شجرة لمدة 5 دقائق فعند الموت نعلم حينئذ ان الشجرة هى الدنيا وان الموت هية بقية الرحلة

كلمة الموت من صعوبتها ليس لها شرح

ومن قسوتها ليس لها معانى او تفسير

ومن قوتها ليس لها اسباب او تحديد

فكما ذكر الاخوة والاخوات تاتى فجاءة وليست بشرط ان تكون لمريض او مسن

انما يختار كل دقيقة وكل ثانية اناس يمشون على الارض او فى المياة او فى الاجواء

سبحان اللة هناك قصة اتذكرها ان الله سبحانة وتعالى امر ملك الموت باخذ روح شخص فى مكان ما فاستغرب الملك لانة يعلم ان مكان اقامة هذا الشخص فى مكان اخر

وعندما بدا عملة الشريف وطاعتة لله سبحانة وتعالى وجد هذا الرجل فى المكان الذى حددة الله سبحانة وتعالى

فالرجل انتقل مؤخرا الى مكان موتة . نعم

ذهب الى مكان موتة

فقدر الموت مكتوب . ومحدد . ومعلوم

المهم ما بعد الموت

ماذا سيحدث

ومن ليس لة عظة فالموت يكفية

اوصف نفسك كما تراها؟ انا انسان بسيط زى اى حد موجود فى الدنيا عاوز يعيش ويموت فى هدوء

مميزاتك بحب التحدى وبصر انى اكون متحدى وبتحدى الاصرار

وعيوبك؟العصبية ولازم ارجع حقى لو بعد 20 سنة

عضو
توقيعه روعه..( رغدة
)

عضو نشيط... ( كلنا محتاجين ننشط لاننا كلنا نايمين )

عضو
تفرح بوجوده
.. ( بوسى لانها بتعزمنى على بيتز كل ما ارد عليها فى موضوع )

عضو تحسه واثق من
نفسه
... ( انا )

عضو داخل مزاجك ... ( انتى هههههه خلى بالك الحكومة ليها عيون هنا هههههههه )

عضو يغيضك .. ( مفيش)

عضو تتمنى تلقتي
به
... ( كل الاعضاء)

عضو مثقف... ( )

عضو
تخاف يوم اماتشوف اسمه موجود..( للاسف كنت بخاف من سنة 90 معنتش بخاف )

عضو نفسك تغير
اسمه
... ( كان واحد زمان بس مش هنا كان مسمى نفسة اسم غير لائق )

عضوعايز تعرف
معنى اسمه
... ( under_maker)

عضو تتشاكل معاه
... (رحاب بحب اتشاكل معاها ...هية اصلا رحاب معانا ولا مش مشتركة هنا )

عضــو
يجذبـك بأسلوبه وطريقـة ردوده ... ( حسام بية )

عضـو أحيانا
ينرفزك بـ ردوده ...( لو مسمعتش الردود الى تزعلك عمرك مهتعرف الردود الكويسة
)

عضــو
يناسبه لـقب المحبوب ... (م. شريف شاهين لو موجود شخصيةةةةةةةةة مش موجودة وبحبة اكتر من اخ غالى لية + م .محمود اشرف +الاخ الغالى احمد عاصم اللبان )

عضو تقوله (( ماينساك
أبد قلبي
)) .هوة انتى عاوزة اية منى بالظبط ربنا يستر علينا دة انا ما بصدق الامور تتصلح عشان اخد المصروف.. ( )

عضو تقوله (( الله
يسامحك بلاش عشان هيزعل بس عاوز اقولة لو كنت عرفتنى كويس مكنتش زعلتنى

وهقولك نكتة فى الاخر بقة مش ظريفة خالص بيقولك واحد بيدهن حيطة فواحد بيقولة احطلك ورق ...قالة لا انا كدة طايل

غلسة انا عارف

بضحك معاكم

الاخ الغالى حسام

انا استفدت من الغربة بحاجات صعب جدا الواحد كان يستفاد منها وهوة فى مكانة عرفت الناس بتقول اية عنك مع انك شايف نفسك هناك انك الصح انما لما تتحرك من مكانك وتبص علية تلاقيك كنت واقف فى مكان غلط

اتعلمت قبل ما لسانى يخرج لازم اكون عارف كلامى رايح فين وجى منين

اتعلمت بس متاخر ازاى اعيش مع الثقافات الاخرى لاننا للاسف معتقدين اننا بس الى فى العالم واننا الحضارة الوحيدة وبقية العالم اغبياء

اتعلمت افكر واخطط واجتهد والباقى تاكد انة مش بايديك بايد الله

اتعلمت اننا كنت غلطان لما ابص للناس وانا ماشى بيبصوا علية لية او بيبصوا لاية كان لازم ابص قدام بس .لنقطتى وهدفى وبس ومشغلش بالى باى حاجة ماعدا الهدف الى انا عاوزة

اتعلمت ان مهما حبيت ولفيت وعملت ابوك وامك هما اعز الاحباب عرفت لما كبرت اد اية الناس دى اتالمت واتعذبت عشان احنا نكبر بس اد اية كانوا بيناموا من الالم بسببنا لما نتعب او نتعور او منروحش المدرسة

اتعلمت ان معرفة الناس كنوز حتة لو الناس وحشة فعمرى ما هعرف الوحش واخد بالى منة الا لما اشوفة

اتعلمن منساش الى احسن الية وانسى الى اساء لية لان هية دى القوة

اتعلمت اننا كلنا بنعد بالموجب يعنى عندى 18 او عندى 20 او عندى 25 او عندى 30 سنة بس عمرنا ماعدينا بالسالب دة على افتراض انى عارف ميعادى جرب كدة تعد بالسالب باقى 25
او باقى 10
او باقى 1

او باقى ساعة

لو عرفت هتبوس ايد الناس كلها عشان لما تموت الكل يقول ربنا يرحمة لاننا هنكون محتاجين نص دعوة

واستحلفكم باللة لو حصل لية حاجة ادعولى بالرحمة لاننا كلنا معرضين للموت فى اى لحظة وانتة نايم على السرير وانتة بتذاكر وانتة فى الشغل وانتة راكب العربية وممكن وانتة بتابع الكلام على النت

رايك فى المنتدى ومن حيث العيوب وازاى نصلح العيوب ..!؟

العيب الوحيد الى شايفة هوة السلبية فى الردود
ناس كتيره بتقول المنتدى محتاج دعايه وتفعيل يا ترى من خبرتك ازاى نعمل ده ..!؟

التفعيل بيكون من الاشخاص والدعاية برضة ..كل طالب وطالبة يكلم واحد بس فى الجامعة وتاكدو بعد شهر هتلاقوا ملايين هنا

نصائح مش نصيحه لكل عضو تعرفه على المنتدى ..!؟

بوس ايد امك وبوس ايد ابوك لانهم اكتر الناس الى بيحبوك من اى مخلوق على الارض مهما كان الزعل الى بينك وبينهم وبعد ما تبوس ايديهم اسجد على الارض واشكر الى خلقهم وخلقك

نصحيه دايما تحب تقولها لنفسك.
لا تنسى
.
ايه اكثر ايه بتاثر فيك

بسم الله الرحمن الرحيم
( اليوم ننساهم كما نسوا لقاء ربهم) صدق الله العظيم

مين نفسك تشوفه الوقتى حالا ..!؟ والدى

لو قولنا محمد بيفكر كتير يا ترى بتفكر فى ايه يا حمام
اسعد زوجتى عشان تدعى لية بالرحمة لما اموت

السلام عليكم ورحمة اللة وبركاتة

بجد اجابات حضرتك جميلة جدا متخيلتش انك ممكن تجاوب عليها كلها بس شرف ليا ان حضرتك جاوبت عليها وفعلا استفدت كتير وبالاخص من سؤال ماهو الموت؟ حفظك اللة ويارب العمير الطويل ليك اللي تقدر تسعد فية زرجتك
وبالنسبة للمشاكل والمصروف لو حصل حاجة بعد الشر طبعا قولنا واحنا نجيب ليك اتنين كويسين يصلحوا الموقف
والنكتة جميلةجدا جداجدا شكرا مرة تانية

السلام عليكم ورحمة اللة وبركاتة

فرصة اسئل حضرتك اكتر من سؤال كمان عشان نتعرف علي حضرتك اكتر ونستفيد من خبراتك

ماهي امنياتك...؟؟
اصعب المواقف اللي مريت بيها؟؟

موقفك من الحب ؟؟ وهل جربته ؟؟ هل تأمن بوجوده ؟؟

في اي قرار تتخذة هل تحكم عقلك ام قلبك ؟ ومن الاسبق فالتحكيم؟

هل ندمت فحياتك علي شئ معين؟

مارايك في هذة الكلمات
الصداقة.........
الخيانة.......
المرأة........

بما ان حضرتك سافرت كتير اية اكتر بلد عجبتك من ناحية جمالها وسياستها وحكومتها اية اكتر حاجة عجبتك فيها؟ واية البلد اللي تتمني تزورها؟
اسفة لو طولت او كترت فالاسئلة بس معلش اجباتك بتفيد اخت صغيرة ليك

ايه ده انا ظلمتك مرتين ؟؟؟؟؟؟؟؟؟؟؟؟؟ يا نهار مش معدى ؟؟؟؟؟؟
بجد مرتين
امتى ده ؟؟؟؟؟؟؟؟؟؟؟؟؟
وانت مش جيت قولتلى ليه ؟؟؟؟؟؟؟؟
وده حد نقل الكلام ولا ده حصل فيس تو فيس ؟؟؟؟؟؟؟
انت عرفنى يعنى لما بحب اقول حاجة بقولها
بس ده انا عمرى ما ظلمت حد يا محمد
انت كده هتخلينى اخد فكرة منيله عن نفسي
بس حتت لو حد عيط دى مضبوط
بس انا حاليا اتغيرت خااااااااااالص
وانت نفسك لحظت من ردودى ومش هقولك انا وصلت لايه لان اللى وصلت له ............ يلا خير خير خير
انت على فكرة قلقتنى من نفسي
وبالنسبة للمصروف خلى بالك منه
لاول مرة وحصريا محمد عبد الحميد على كرسي الاعتراف 742981

على فكرة
رحاب مش معانا على المنتدى
ولا شريف
ولا محمود
ولا احمد عاصم
ههههههههههههه

ولما بتزعل بتزعل نفسها اكتر ما بتزعل الشخص التانى

صح اوىىىىىىىىىىىىى يا محمد فى ناس كتير حولية مش فاهمه الحته دى ولاسف محدش بيقدرها لانى بعمل لاعتبارات كتيرررررررررر محدش بيفهمها ولا بيقدرها غيري وده بردوا لاسف كويس انى لقيت حد فاهم الحته دى فيه غير اهلى ربنا يخليهم لى يارب وما اتحرم منهم ابدا
ربنا يبارك فيك وفى عقلك يا محمد انت اخ كبير لينا
ولو فى يوم زعلت منى لاى سبب
ارجوك ما تزعلش
اكيد مقصدتش فى يوم انى اظلمك

» لاول مرة على منتدى شباب الخير رغدة على كرسي الاعتراف
» جه الوقت الى هنعرف مين بوسى ابو المجد ..على كرسى الاعتراف
» عيد ميلاد سعيد يا بشمهندس المنتدى ----كله يدخل يعيد على م/محمد عبد الحميد
» اصغر امرأه في العالم عمرها 22 سنه بالصور لاول مره ....!!
» لاول مره زوجات الرؤساء والملوك العرب على المنتدى ...!؟