مفهوم عمل الخير والاوجة المختلفة

دائما وابدا بتختلف اراء الناس

والاختلاف بيكون سبب دائما للفائدة العامة لو المختلفين على قدر من العقل

وبيكون الاختلاف دائما هدام لاى نجاح او مؤسسة لو كان المختلفين على قدر بسيط من الغباء

فياريت نحاول من الموضوع دة كل واحد يشرح فكرتة عن عمل الخير

او اية هوة مفهومة عن عمل الخير

وهل عمل الخير لة اوجة

واكيد كلنا برضة هنفيد الاعضاء الجدد او الى لسة هيبتدوا فى مشوار الخير

وبطلب بالاسم بوسى وحسام ود.مصطفى وا/هاجر وكمان عاوز اسمع راى كل الاخوة والاخوات الى معانا منذ فترة طويلة

هل يقتصر الخير على مكان نبتدى نتحرك منة ..هل يقتصر الخير على فئة من الناس مثلا دين او لون او جنس ..بنعمل الخير عشان مسلمين ولا عشان بشر ..ينفع نعمل الخير فى مكان مختلف او على ارض مختلفة ..طيب لو بتعمل خير لمكان او شخص واتفاجات ان الشخص دة بيهاجمك هل هتستمر فى فعل الخير..طيب لو استمريت وهاجمك تانى هتعمل اية هتكمل..طيب لو اتعرضت لضغوط قهرية تمنعك من عمل الخير ..طيب هوة لازم ازو الاماكن ..طيب لازم ادفع فلوس..لازم اخرج اعمل خير مع مجموعة ..هل ينفع اعمل خير بالتليفون ..ممكن ابعت جواب..

اية مفهوم الخير من وجهة نظر الجميع

واعتقد بعد النهاية ممكن نلم اكبر فكرة عن الخير

او عمل الخير

الموضوع مطروح للمناقشة وابداء الراى

ياااااااااااه يا محمد

انا اول ما دخلت على موضوعك قولت الله يا محمد جاى فى وقتك ومش كملت الرسالة رحت اصلى ورجعت اكمل لقيتك ذاكر اسمى
سبحان الله بجد
بص يا محمد
عمل الخير بالنسبة لى بيتعمل فى اى مكان واى زمان واى وقت
بس فى اولويات يعنى لو انا مثلا زيك فى مكان غريب وبلدى محتاجة اكتر هكلف حد بمبلغ يساعد به حد محتاج فعلا لكن لو لقيت حدمحتاج قدامى واقدر اساعده هساعده لاننا اولا واخيرا مسلمين
بس اسمحلى اخد جزء جزء من كلامك وارد عليه
هل يقتصر الخير على مكان نبتدى نتحرك منة
ممكن نخلى مكان نبتدى منه عمل الخير ولكن لا يقتصر على المكان ذاته فقط لان اكيد اللى يخلينى اعمل خير هنا ممكن اعمله فى اى مكان تانى وممكن اعمله لوحدى مدام امكانياتى تأهلنى لذلك
هل يقتصر الخير على فئة من الناس مثلا دين او لون او جنس
لا يقتصر الخير على فئة معينه من لون وجنس لكن انا بفضل اللى يتعمل فيه الخير يبقى مسلم
بنعمل الخير عشان مسلمين ولا عشان بشر
بص يا محمد السؤال ده صعب جدا ومركب
بس وجهت نظرى ان لولى ان احنا مسلمين مكناش عرفنا معنى الخير هتقولى ما فى كفرة بيعملوا خير
عندنا فى الدين ان عمل الخير لازم يبقى خالص لوجه الله عز وجل لا شريك له وميكنش فيه رياء ونفاق اما الكافر او الغير مسلم الله وحده اعلم بنيته لعمل الخير سواء كان احساسه بغيره زى الانسانيه مثلا او للشو دعاية يعنى وشهره انه بيعمل خير الاعلى والارقى فى الانسانيه انك تعمل الخير ده مش عشان خاطر الانسان اللى قدامك انك تعملوا عشا خاطر اللى اكبر منك ومنه ومن الانسانيه نفسها لان ممكن تعمل خير فى ناس وتلاقيهممش يساوى ولا يستهلوا يتعمل فيهم الخير فساعتها هتبدأ تندم على عمل الخير اللى انت عملته لكن لو العمل ده عشان ربنا عمرك ما هندم عشان انتعارف ان جزء عملك ده هيعود لك سواء فى الدنيا او الاخرة
بس عايزه اقولك ان الدين الاسلامى هو اللى وصلنا ان احنا نبقى بشر على حق
لان قواعد واساسيات الدين هى اللى بتؤمرنا نحس بعض ونخاف على بعض
واللى يأكد كلامى ان كل تعاليم الاسلام بعد مبايعة الرسول صلى الله عليه وسلم والهجره الى حب الاخ لاخيه
زى
حب لاخيك كما تحب لنفسك
من امن بالله واليوم الاخر فليكرم ضيفه
واحاديث كتير بتحث على حبك لاخيك المسلم ومرعاتك له
ده غير الاحاديث اللى على الجار وحسن المعامله بينهم
الدين المعامله
الدين الاسلامى علم الناس كلها الرقى فى المعامله فأكيد طريقة عمل الخير عشان احنا مسلمين اكيد هتختلف كتير جدااااااااا
وبجد احييك على السؤال ده صعب جدا ومركب جدا
ينفع نعمل الخير فى مكان مختلف او على ارض مختلفة
اه ينفع ليه لأ بس المهم يبقى مسلم وفعلا محتاج للمساعده بس لو فى امكانيه تعطيها لابن بلدك فبردوا حاول توازن بين هنا وهناك هيبقى افضل
انا شوية محتيزة لاهل بلدى مفهوم عمل الخير والاوجة المختلفة Icon_wink

طيب لو بتعمل خير لمكان او شخص واتفاجات ان الشخص دة بيهاجمك هل هتستمر فى فعل الخير
معلش يا محمد
بتعمل خير لمكان ؟؟؟؟؟؟؟؟؟ يعنى بتعمل الخير عشان مكان مش عشان ربنا ؟؟؟؟؟؟؟ يبقى ده مش عمل خير من الاساس
بص يا محمد انا ياااااااااااماااااااا حصل فيا فى العمل التطوعى وشفت ناس كويسة جدااااااااااااااااا
وناس مش كويسة خااااااااااااااااااااااااااالص
بس تفتكر ان ده هيخلينى امنع نفسي من عمل الخير
الشيطان عمره ما هيروح لواحد ناسي ربنا او بعيد عنه
لكن هيروح للى بيحاول يعمل خير ويغير فى الارض لاحسن
فلازم تلاقى ناس الشيطان بيتحكم فيهم اكتر من عقلهم فهتتئذى هتتئذى ده طبيبعي دلوقتى
لكن دلوقتى انا بحبذ ان الخير يتعمل فى مكان يسود فيه الحب والاخلاص لان ده هيخليك تركز اكتر على نيتك وعملك للخير بس لو فى مكان وانت بتعمل خير مش عند لأ حاول انك تغير فيه على قد ماتقدر واذا حسيت انك مش قادر الدنيا كلها قدامك تقدر تعمل الخير فى اى زمان ومكان ومع اى حد
طيب لو استمريت وهاجمك تانى هتعمل اية هتكمل
انت عرفنى عنيده بكمل لغاية اخر لحظة بس مش عند لمجرد العند لأ
عشان انا مقتنعه ان ده الصح وان ده اللى لازم يتعمل ومش بتنازل ابدا عن عمل الصح وده مش فى العمل التطوعى وبس ده فى حياتى عامة
طيب لو اتعرضت لضغوط قهرية تمنعك من عمل الخير
ايه نوع الضغوط ؟؟؟؟؟؟؟؟؟؟؟؟؟
اللى بيحب يعمل الخير بيلاقيه قدامه فى كل مكان
بص يا محمد مثلا
لو بابا مثلا قلب عليا وقالى مفيش خروج ولا هتروحى جمعية ولا عمل خير ولا اى حاجة
بفكر اعمل خير وانا فى البيت ؟؟ هتقولى ازاى وانتى مش بتخرجى هقولك هعمله يعنى هعمله ومش هعصى بابا
هعمل الخير فى اهلى
يعنى اريح ماما من شغل البيت اطبطب على اخويا ادادى بابا كده يعنى اكلمهم كلمه حلوة اضحكهم ما ليهم حق عليا
ما هو الخير مش للناس اللى بره بس فى ناس كمان عندنا فى البيت محتاجين نعمل الخير فيهم وساعات بيعملوا كده معانا لانهم بيبقوا محتاجين اهتممنا زى اهتممنا بالناس اللى بره البيت بس طبعا مش بتتقال صريحه فهمنى طبعا
ده انا لو ابتسمت فى وش حد انا اخد صدقه
فى حاجات كتير صغيره فى حياتنا ممكن نعملها وتبقى خير بس فى ناس كتير غفلانه عن النوع البسيط الرقيق ده من الدين الجميل بتاعنا بس خلى بالك من شئ
ان الخير اساسه النيه لو النيه صلحت صلح العمل بإذن الله
فلو نيتك تعمل العمل ده او الحركة دى بنيته عمل الخير صدقنى هتتكتب لك حسنات ويمكن تضاعف لان خيركم لاهله
طيب هوة لازم ازور الاماكن
يعنى ايه تزورالاماكن انت مش موضح اوى النقطة دى
ولا قصدك انت لازم تروح بنفسك تعمل الخير ؟؟؟؟
اعظم صدقة عند ربنا او عمل الخير عامة عمل الخير الغير ظاهر مش الظاهر بس ده مش معناه انك لازم تبقى غير ظاهر على طول لان فى اعمال مينفعش فيها تكون مش موجود وخاصة لما بتبقى مسئول عن حاجات وتطوعك بجهودك مش بفلوسك
..طيب لازم ادفع فلوس
لا مش لازم
ممكن تعمل الخير بدشلييييييييييييون طريقة
ده انت لو مثلا عملت اعلان على منتدى او جروب لعمل خير معين انت كده بتدل على خير والدال على الخير كفاعله
لازم اخرج اعمل خير مع مجموعة
كلمة لازم دى لازم نلغيها شوية
لا مش لازم
بس مش يمنع ابدا انك تعمله بشكل فردى او مع مجموعه ولاده حرام ولا ده حرام
بس لو المجموعه دى فعلا بتحسك على عمل الخير بتذكرك بنيتك تجددها بتعينك بشكل او اخر يبقى ليه لأ
؟؟؟؟؟؟؟؟؟؟؟؟؟؟؟؟
..هل ينفع اعمل خير بالتليفون
اه ممكن وده فعلا اللى بعمله حاليا
لانى الفترة دى مخنوقة من حاجات كتير ومن ناس كتير فبحاول اتجنب اى مشاكل وبعمل الخير عن طريق التليفون
وعلى فكرة الكلام ده مش للمفاخرة ابدا والله انا اتكلمت عشان يعم الخير او ممكن افتح عندكم مفاهيم وممكن تعدلوا لى بجد هبقى سعيدة
وبجد بشكرك يا محمد جداااااااااااا على الموضوع لانه خلانى افتكر حاجات كتير كويسة وكنت لسه بتكلم فى الموضوع ده مع نهال والله لسه الكلام ده من ساعه واحده بس بجد بشكرك جدااااااااااااااااا
جزاك الله خيرا كثيرررررررررررررا

عدد الرسائل : 26 تاريخ التسجيل : 24/10/2009

السلام عليكم
اكيد الخير فى كل زمان ومكان
والخير باختصار ان لو فى ايدك اى حاجة تساعد بها الناس نعملها ومن غير اى تردد
وبصراحة بوسى قالت على كل حاجة ومفيش اى رد جديد عندى بعد بوسى طبعا

يمكن بعيد عن السؤال في الموضوع

مش عارفة

الإنسان كتير

بيكون عنده حماس لشيء

وترجع,مشاغل الدنيا تاخده,وينسى كل ده,ويكسل عن كل شيء جنب المشاغل التانية للأسف

مش عارفة

هو بيبعد عن الطريق إللي ممكن يعمل بيه خير

ولا هي,مشاغل الحياة

بيلاقي مليون حاجة,المفروض يعملها,ناحية ناس

نساها خالص,وسهى عنها,وسابهم كمان

قصدي,في الطريق ده,لناس محتاجة مساعدة

عارفة إنه شيء,مؤسف قوي,مني <

» ازيكم يا صحبة الخير
» قاعده عرب على منتدى شباب الخير ..!؟ هام
» اعلان هام لكل شباب الخير
» أجر معلم الناس الخير
» بدايتي مع العمل الخير :)