Thumbs up تعالوا نتعرف على بعض

اهلا بيك استاذ عامر معانا في المنتدي استاذ عامر يا جماعه من الشخصيات المحترمه جدا

عايزين من حضرتك تتفاعل معانا في المنتدي وان شاء الله المنتدي يعجب حضرتك
واهلا بكل الاعضاء الجدد معانا شرفتونا ويسعدنا انضمامك معانا
واهلا بالاستاذ اسلام اسماعيل طبعا حضرتك قديم معانا وان شاء الله ما تحتاجش تعمل عمليه تاني وربنا يشفيك ويشفي مرضي المسلمين اجمعين اللهم امين

عدد الرسائل : 2 العمر : 40 تاريخ التسجيل : 04/03/2010

ماهو اسمك الحقيقى السيد البصال ماهو تاريخ الميلاد 8/8/1984
ماهى بلدك ومكان الإقامة بورسعيدى الاصل واسكن بالمنصوره ( كفر البدماص )

ماهو سبب أختيارك لاسمك فى المنتدى اسمى مش اسم اى حد تانى ماهو مؤهلك الدراسى دبلوم صناعى

ماهى وظيفتك مدرب فنون شعبية _ موظف بمحافظة الدقهلية

ماهو الحلم الذى تمنيته ولم تستطع تحقيقة ان اكون انسان مميز

ماهى الدعوة التى تدعوها دائماًَ اللهم اكفنى بحلالك عن حرامك و اغننى بفضلك عمن سواك

ماهى النصيحة التى أستفدت منها من تواضع لله رفعه

ماهى النصحية التى تحب أن تنصح بها الأخرين ان لا ياخذهم جنون الثقه بالنفس زياده عن اللزوم

أوصف لنا شخصيتك فى اربعة اسطر طيب جداااااااااااااااا _-_-_-_ متواضع _-_-_-_ خجوووووووووووووووول _-_-_-_ انتمى لاى مكان اتواجد به

ماهى عيوبك من وجهة نظرك الطيبه_ التهور _ الاخلاص
وماهى عيوبك من وجهة نظر الاخرين لم يسبق لى سؤال احد

ماهى مميزات شخصيتك من وجهة نظرك الله اعلم
ومن وجهة نظر الأخرين الله اعلم

احكى لنا:

موقف محرج تعرضت له لما كنت فى الجيش و كان فيه تكريم لى لانى حصلت على اكفا معلم على مستوى المركز و لما كنت طالع السلم بالخطوة العسكرية اتكعبلت و وقعت امام المركز كله و من ساعتها و انا اخشى انى اكون موضع ملاحظه من الاخرين

موقف مضحك تعرضت له كنت شغال فى الغردقه و فضلت اكلم واحده بالعربى مدة طويلة على اساس انه مصرى لكنى لقيته فى الاخر روسية الجنسيه والغريبة انها فضلت تسمعنى و هى مش فاهمه اى حاجه

موقف تتمنى ألا يتكرر تعرضت له ظلمت انسان كان بيحبنى جدااا و بيخاف على و بعدت عنه ولكنى اتمنى من الله الا يحدث هذا الموقف ثانية

كيف تعرفت على المنتدى من انسانة طيبه جدا و هى زميلتى فى الشغل و انا اهتميت باعمالكم جدا لما اتعرفت على المشرف و هو شخصيه محترمه جدااا و جديره بالاعجاب

ماهى عيوب المنتدى؟ وماهى مميزاته؟ لم اعرف بعد

ماهى أفضل ثلاث مواقع بالنسبة لك؟ اتمنى ان تكون خاصه بى

وجة كلمة لمشرفيين المنتدى اعانكم الله على ما انتم بصدده و انا معكم اينما كنتم اخ و رفيق و صديق و سيف يقتل العقبات
فى النهاية ماهو السؤال الذى توقعت ان تجده ضمن الاسئلة ولم تجده وماهى اجابتك عليه اعتقد انكم لم تتركوا شئ و اعانكم الله على كل شئ

ماهو اسمك الحقيقى ؟(السؤال ليس اجبارى للفتيات)
ايمان الشيال
ماهو تاريخ الميلاد؟
25-6-1991
ماهى بلدك ومكان الإقامة؟
المنصورة-شربين
ماهو سبب أختيارك لاسمك فى المنتدى؟
ان كل صحباتي وبلا استثناء بينادوني بالاسم ده فااتعودت عليه خلاص
ماهو مؤهلك الدراسى؟
حاليا ف اولى صيدلة
ماهى وظيفتك؟
وظيفتي اني اتلقى الشيتات والامتحانات والتعجيزات من كليتي العزيزة صيدلة المنصورة واديني صابرة

وياانا ياهي
ماهو الحلم الذى تمنيته ولم تستطع تحقيقة؟
صراحة كنت عاوزة ادخل صب واتخصص جراحه يعني اورام اطفال

بس والله اكتشفت ان صيدلة هي انسب كلية لي والحمد لله متعايشه معاها الى الان
وع راي المثل
مامحبه الا بعد عداوه هههههه
ماهى الدعوة التى تدعوها دائماًَ؟
اللهم اني اشكو اليك ضعف قوتي وقلة حيلتي وهواني ع الناس انت رب المستضعفين وانت ربي
ماهى النصيحة التى أستفدت منها ؟
كن لله كما يريد يكن لك فوق ماتريد ويبقى الله معك

فكن مع الله يكن كل شئ معك
اذا جعلت رضا الله همك تكفل الله بكل مااهمك
من فقد الله فماذا وجد
ومن وجد الله فماذا فقد؟؟؟؟؟؟؟؟؟؟؟؟؟؟؟؟؟؟
ماهى النصحية التى تحب أن تنصح بها الأخرين؟
هي نفس النصيحه اللي فوق

وبالاضافه
من تواضع لله رفعه بجد التواضع ده شئ رائع وفعلا المتسم بهذه الصفه بجد بيبقى محبوب بين الناس وبيقدر يوصل رسالته للناس بكل سلاسه بجد اجمل صفه ف الدنيا دي ع الاقل بالنسبه لي هي التواضع أوصف لنا شخصيتك فى اربعة اسطر
مرحه جدا جدا جدا

طيبه اوي لدرجة ال..........اسيبكم تقولوها انتم
مش سهل ان حد يزعلني
طموحه جدا جدا جدا
ماهى عيوبك من وجهة نظرك؟
المرونه عندي صفر بس بحاول اصلح العيب ده

بجد طيبه لدرجة وحشه جدا
صريحه جدا جدا جدا ومش بعرف اخبي ابدا اللي جوايا
لما بزعل من حد بزعل بجد وصعب اني ارجع الا لو الحد ده نفسه طويل وهيصبر لحد مانصل لنقطة تفاهم
مابحبش ابقى متبوعه ابدا ومابحبش اجامل
يعني رايي ف اي حد اوي موقف بيطلع بالطريقه اللي انا شايفاها واللي يحصل يحصل
كله الاكرامتي لو اي حد ضايقني ف الحته دي بقلب فورا ع الوش التاني
وماهى عيوبك من وجهة نظر الاخرين؟
اني صريحه جدا ومابيهمنيش مين كان اللي بقول رايي فيه

الناس اللي تعرفني للوهله الاولى بيقولو علي مغرورة مع اني بجد ابعد مايكون عن الصفه دي
ولو مغرورة ع ايه ياحسرة مفيش حاجه يعني الواحد يطنطط بيها ع مخاليق ربنا
اني طيبه اوي اوي
رغااااااايه اوي يعني
ماهى مميزات شخصيتك من وجهة نظرك؟
طموحه جدا

اجتماعيه جدا لدرجة ان صحباتي مسميني سنتر الجامعههههههههه
الى حد ما كويسه ف دراستي
واثقه من نفسي ومن قدراتي جدا
بحب دايما اكون احسن حد ف مجالي
ومن وجهة نظر الأخرين؟
مش عارفه والله هواللي قولته فوق مش اكتر
احكى لنا

موقف محرج تعرضت له
هو موقف عادي بس ضايقني بيحصل ف احسن العائلات وف اوحش العائلانت بردو

انا مش هوجعلكو دماغكو بس يعني انا كنت قبل كده ف اسكندريه الترم الاول وحولت صيدلة المنصورة الترم التاني
خير اللهم اجعله خير(الكلام ده حصل السنه اللي فاتت)
الترم التاني بدا وانا رايحه الكليه ومش عارفه ان اول سكشن بيبداو جد كده
كنت بمعنى اصح مدلعه ف اسكندريه
ومااخدتش معايا البالطو
طبعا دخلت لقيت كل الناس لابسه البالطو الا انا
طبعا ده كان فشل ذريع مني
وطبعا دخلت واستخبيت بين البنات بس ع مين عندنا معيدات يكلو الزلط
لقطتني واتطردت شر طرده
وكانت اهانه لاتغتفر
يلا كله بيعدي
موقف مضحك تعرضت له
عن نفسي مش فاكره بس في موقف حصل لصحبتي النهارده واحنا ماشيين ف احد الشوارع النظيفه اوي وحطو تحت الكلمه دي 15 خط

واذا بقشرة موز وقعت ع الارض وطبعا صاحبتي وهي ماشيه وقعت مع قشرة الموز
انا بقى ماكنتش عارفه اعمل ايه ساعتها بس اصل وهي بتقع ع الارض اخدت صوباعي معاها ولسه بيوجعني الى الان
بس الحمد لله جت سليمه
موقف تتمنى ألا يتكرر تعرضت له
صراحة مجرد موضوع تحويلي من اسكندريه للمنصورة كان فيه بهدلة جامده جدا لي بجد

مابحبش افتكر الايام دي كانت صعبه اوي طبعا بدون ذكر تفاصيل لاني حاسه اني صدعتكم
كيف تعرفت على المنتدى؟
من اختي اسماء جزاها الله خير

بجد خدمتني خدمة العمر
ماهى عيوب المنتدى؟ وماهى مميزاته؟
الى الان انا مش شايفه عيوب بجد منتدى رائع

المميزات انه بجد بحس فيه ان احنا متعاونين ف الزيارات بجد كلنا بيبقى هدفنا واحد
وانا قلتها قبل كده وهرجع اقولها كفايه اننا نقرا اسم المنتدىهنعرف انه كله ع بعضه ميزه
ماهى أفضل ثلاث مواقع بالنسبة لك؟
موقع عمرو خالد بالمنتدى طبعا-منتدانا العزيز-يلا ثقافه للاستاذ احمد الشقيري
وجة كلمة لمشرفيين المنتدى؟
بجد جروب رائع اوي ومتعاون ومتطور وجزاكمالله كل الخير ويشرفني اني اكون ف منتدى حضراتكم المشرفين عليه
فى النهاية ماهو السؤال الذى توقعت ان تجده ضمن الاسئلة ولم تجده وماهى اجابتك عليه؟
السؤال هو ماهي هوايتك المفضله

بس ماكنتش هجاوب عليه مع ان الهوايه دي تعتبر اهم حاجه ف حياتي
بمعنى اصح مهووووسه بيها

اهلا بيك يااستاذ السيد نورت المنتدي

واهلا بيكي ياايمي

نورتونا وان شاء الله يكون المنتدي بيتكم التاني جزاكم الله خير

ماهو اسمك الحقيقى ؟
أحمد محمد عبد العزيز
ماهو تاريخ الميلاد؟
04 فبراير 1984
ماهى بلدك ومكان الإقامة؟
أجا
ماهو سبب أختيارك لاسمك فى المنتدى؟
اسمي الحقيقي

ماهو مؤهلك الدراسى؟
باكالوريوس تجارة شعبة محاسبة

ماهى وظيفتك؟
مبرمج ومطور ويب

ماهو الحلم الذى تمنيته ولم تستطع تحقيقة؟
؟؟؟؟

ماهى الدعوة التى تدعوها دائماًَ؟
اللهم احفظ فرجي و طهر قلبي و اغفر لي ذنبي

ماهى النصيحة التى أستفدت منها ؟
من أمنك لم تخونه و لو تكون خوان

ماهى النصحية التى تحب أن تنصح بها الأخرين؟
الاتحاد قوة

أوصف لنا شخصيتك فى اربعة اسطر
صعب قوي السؤال ده ؟؟؟؟؟

ماهى عيوبك من وجهة نظرك؟
الله اعلم

وماهى عيوبك من وجهة نظر الاخرين؟
مستني حد يقولي ان شاء الله

ماهى مميزات شخصيتك من وجهة نظرك؟
لا اعرف اليأس الحمد لله

ومن وجهة نظر الأخرين؟
مساند ليهم في كل الاوقات
احكى لنا:

موقف محرج تعرضت له
لا اتذكر الان .. انا بنسي بسرعه جدا
موقف مضحك تعرضت له
لا اتذكر الان .. انا بنسي بسرعه جدا
موقف تتمنى ألا يتكرر تعرضت له
لا اتذكر الان .. انا بنسي بسرعه جدا
كيف تعرفت على المنتدى؟
من خلال الفيس بوك و عجبتني الفكرة بتاع الجروب
ماهى عيوب المنتدى؟ وماهى مميزاته؟
لسه جديد في المنتدي و لم احدد بعد المزايا و العيوب
ماهى أفضل ثلاث مواقع بالنسبة لك؟
اولا : المنتدي بتاعي

موقع فرسان السنة
http://www.forsanelhaq.com
موقع طريق الاسلام
http://www.islamway.com
وجة كلمة لمشرفيين المنتدى؟
اشكركم علي مجهودكم الكبير و حبكم للخير و التعاون من اجل اسعاد الاخرين و مساعدتهم
فى النهاية ماهو السؤال الذى توقعت ان تجده ضمن الاسئلة ولم تجده وماهى اجابتك عليه؟
اعتقد مافيش اسئلة تانية

نورتنا ياستاذ احمد وان شاء الله نشوفك معانا دايما
جزاك الله خير
يارب نكون عند حسن ظن الجميع بينا ونشوف مشاركاتك معانا ونتمني تشرفنا يوم الخميس فحفلة مركز الاورام

اهلا بيك يا ابو حميد وانته مشرفنا والمكان بتاعك طبعا وباذن الله تكون معرفه خير واعتقد انك حد عنده حماس وعطاء لله ونحسبك على خير باذن الله

طبعا اهلا وسهلا بكل الاعضاء الجدد فى منزلهم الثانى منتدى شباب الخير وتكونوا معانا على طول

soma كتب:: نورتنا ياستاذ احمد وان شاء الله نشوفك معانا دايما
جزاك الله خير
يارب نكون عند حسن ظن الجميع بينا ونشوف مشاركاتك معانا ونتمني تشرفنا يوم الخميس فحفلة مركز الاورام

شرف كبير انضمامي لكم و ان شاء الله احضر حفلة مركز الاورام يوم الخميس

دعواتكم علشان عندي امتحانات اليومين دول

ابو هلالى كتب:: اهلا بيك يا ابو حميد وانته مشرفنا والمكان بتاعك طبعا وباذن الله تكون معرفه خير واعتقد انك حد عنده حماس وعطاء لله ونحسبك على خير باذن الله

جزاك الله خيرا ا- حسام علي الترحيب و ان شاء الله أحضر الحفلة و اتعرف عليكم كلكم و انا سعيد بجد علي معرفتكم الجميلة دي

ربنا يعينك وييسر ليك الامتحانات ونشوفك معانا علي خير بكرة الساعة 3 ان شاء الله
جزاك الله خير

ان شاء الله نشوفك ونتعرف على حضرتك
يا استاذ احمد محمد فى الحفلة
ويا رب دايما تكون معانا فى الخير
وبجد نورتنا جميعا

» Thumbs up تعرف على شخصيتك من تاريخ ميلادك
» تعالوا شوفوا ابوووووويا و امى ..
» تعالوا نخلص نيتنا لله ونجددها
» تعالوا نفتكر اجمل ايام فى حياتنا
» تعالوا بسرعه شوفوا معايا الرجاله عايزة ايه