تعالوا نفتكر اجمل ايام فى حياتنا

__________________

[ المحطه الاولى ]

اوصف طفولتك بجملة واحدة؟

لمضه لماضه وشقيه جدا


[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

مواقف كتير بصراحه لو فضلت احكي فيها هحكي للصبح هحكيلك موقف صغنن كنت لما بلبس فستان جديد اققلد عارضات الازياء في مشيتهم ويفضلوا يضحكوا عليا وموقف تانى لما كان بيجولنا ضيوف كنت بخبي الشوز بتاعهم علشان ما يمشوش من عندنا واقولهم هتبيتوا هنا


[ المحطة الثالثة ]

ما هو أصعب أو أحزن موقف مر عليك في طفولتك ؟
وانا في الابتدائي لما اتنقلت من مدرسه لمدرسه لانى كنت بحب المدرسين خاصه مدرسه الموسيقي وبحب صحباتى جدا واتناقلت بموافقتى وفضلت علي صله بصحباتى لغايه دلوقتى

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟
بصراحه البيانو وده مكنش هديه كنت بجمع مصروفي واروح اشترى لعبه انا واختى
انما بقه الهديه اللي حبتها جدااا كانت من خالو وكانت عروسه بتقول بابا وماما كنت بحبها جدااا

[ المحطة الخامسة ]

هل هناك انسان معين كرهته في طفولتك .. ولماذا ؟
لا خالص عمرى ما كرهت حد


[ المحطة السادسة ]

ما هي اصعب مرة انضربت فيها ولا زالت محفورة في ذاكرتك وسبب الضرب وش كان؟

[ المحطة السابعة ]
كنا بنحفظ قران في مقراه انا واختى الاكبر منى فمره اختى قالتلي ما تحفظيش قلتلها الشيخ هيضربنا انا هحفظ
قالتلي بس ما تحفظيش واحنا هنسمع وهنضحك علي الشيخ قلتلها ازاى قالتلي هنفتح المصحف والشيخ مش هيشوفنا لان الشيخ كان كفيف المهم رحنا للشيخ واختى فتحت المصحف وسمعت منه والشيخ يقولها شاطره انتى بتقراى من المصحف تقولوة لا انا بسمع يقولها شاطره شاطره شيخ تانى ماشي قالوة يا شيخ انت بتسمع ولا بتحفظ قالوة بسمع قالوة ازاى دي فاتحه المصحف انضربنا يومها مع انى مكنتش سمعت وقالنا هتمشوا اخر ناس من المقراه وهتحفظوا بنات كانوا قاعدين بس زعلت جدا يومها لان الشيخ قال لماما انه مش قد اختى خديها وسيبيلي مي ومكنش ينفع اروح لوحدى المقراه ومش بنسي الشيخ ده ابدا ديما في زاكرتى

هل كنت غيور بطفولتك من اخوانك وتحس فيه تمييز بينك وبينهم ؟
لا خالص بالعكس كنت واخده حقي جدا لانى الصغيره والدلوعه من الكل وكانت اختى اللي قبلي علي طول عملانى لعبتها زى بالظبط عروستها كانت تضرب فيا وانا ما اعيطش برده كانت مبهدلانى بس انا كنت بستحملها كتير علشان كنت بحبها اوى


[ المحطة الثآمنه ]

ما هي اكثر وافضل لعبة كنت تلعبها و أنت صغير ؟
المكعبات كنت بحب ابنى بيت بيها ولعبه السمكه برده كنت بحبها جداا



[ المحطة التاسعة ]


هل ستربي اولادك بنفس الطريقة التي تربيت بها في طفولتك؟
بصراحه لا مش هربيهم زى ما اتربيت لانى كنت دلوعه من الكل ومرفهه جدا ولما كبرت وفهمت حبيت اشتال المسؤليه من نفسي وبعدين انا عايز ولادى يتبهدلوا ومش عايزة بنات خالص لانى هكون قلقانه عليهم جدا بس هربيهم تربيه وسط هدلعهم وهنينهم برده وفي نفس الوقت هخليهم يشتالوا مسؤليه من صغرهم علشان يطلعوا رجاله كده

ميرسي ليكي خالص لانك فكرتينى بايم جميله جدا