ممكن أسأل سؤال؟!!

أنا خايفة إن أي حاجة,من اللي الإنسان بيعملها

بجد,يكون فيها رياء؟!!

الإنسان لو محسش بالرغبة بجد,في عمل الحاجة

وبدافع لده

مينزلش من بيته ؟!!

يعني,هي النية

لعمل أي فعل طيب,في حياتنا

واجبة,يعني,ضروري نيتنا

يعني,لو مفيش النية دي

ممكن عمله,يبقى رياء ؟!!

عاوزة أسأل حاجة كمان ؟!

احب دائما وابدا ابدأ كلامى بسلامى
السلام عليكم ورحمة الله وبركاته
بصى يا ايمان
اوعى تخلى التفكير ده يغلب عليكى
اى عمل خير لازم الشيطان يحاول انه بيوظ نيتك عشان تبقى داخل فيها رياء ونفاق وده لاااااااااااازم هيعملوا مش معاكى انتى بس معانا كلنا
هيقعد يقولك اه لما يلاقوكى بتعملى كذا هيقولوا عليكى كويسة وانتى مفيش منك اتنين وحركات من دى
ههههههههههههههههه اصلى متطوعه قديمه فعارفه ابن اللذينه ده بيعمل ايه
انتى بقى تعملى ايه
فى حاجة اسمها مجاهدت النفس
لازم تجاهدى نفسك
لما تحبى تعملى خير وخالص لوجه الله عز وجل
اعملى لكل اللى حوليكى delete
بمعنى الشيطان بيصورك لما الناس دى تشوف تصرفاتك هتقول واااااااااااااو فهو بيدخلك من نقطة الناس فلما انتى تدلتى الثغرة اللى بيدخلك منها تبقى انتصرتى عليه
طيب ده كفاية انك تدلتى اللى حوليكى وتعملى انك مش شيفاهم ؟؟؟؟؟؟؟؟؟؟
لا طبعا ده مش كفاية
انتى لما تعملى delete
للناس لازم تحطى بديل ليهم وبديل قوى
حطى ربنا عز وجل
انا مش عايزه اللى حوليا دول يشفونى خبينى يارب منهم شوفنى انت بس ياااااااارب
بهى بى الملائكة يارب
كده انتى عملتى دليت للناس
وحطيتى مكانه ربنا عز وجل والملائكة
هل ده كفايه ؟؟؟؟؟؟؟؟ او بمعنى ادق هيخليكى نيتك تبقى خالصه ما هو ممكن الشيطان يدخلك من كذا طريق مش طريق واحد
طيب نعمل ايه
عليكى وعلى سكه مضمونه وفعاله جدااااااااااااااااا
الدعاء
دايما وانتى بتعملى العمل اخفضى رأسك متحوليش تبصى للحوليكى مين شايفك ومين مش شايفك
وادعى دايما وانتى بتعملى العمل ده اللهم ارزقنا الاخلاص واعوذ بك من الرياء والنفاق
فى كل لحظة فى كل خطوة فى كل حركة
واشغلى ذهنك بتعدد النوايا
يعنى مثلا يارب اجعل كل نقطة دم بتجرى فى عروقى بحسنه يارب اجعل كل ذرة رمل بخطو عليها لمرضاتك بحسنه اللهم اجعل مفصل بيتحرك لمرضاتك بحسنة اللهم اجعل كل عضو فى جسمي بيتحرك لمراضتك بحسنه
ولو واخده تاكس يارب اجعل كل نقطة بنزين بتحرك بها العربية بحسنة لانها ماشية لمراضتك
كل دى نوايا تقدرى تزودى عليها اكتر واكتر واكتر وان شاء الله ربنا هيجزيكى عليها
بس اهم شئ تدعى بأخلاص ان ربنا يرزقك الاخلاص
وربنا يرزقنا الاخلاص جميعا يارب
ومش تقلقى لما توقعى مرة فى مرات كتيرررررررررر ربنا هيعينك على نفسك
اللى يقولك مش بقع فى الرياء ابدا يبقى بيضحك عليكى
عشان كده لازم نفكر بعضواحنا بنعمل اى عمل خير بتجديد النيه وده ولا بيقلل مننا ولا حاجة ده اللى يحبك يقولك جددى نيتك وان شاء الله ربنا يجعل كل عمل بنعمله فى الدنيا وكل فعل وكلمة وحركة خالص لوجه الله عز وجل
جزاكى الله خيرا يا ايمى على الموضوع ده مش بقولك مواضيعك هادفه وبجد بتعجبنى جدااااااااااا
جزاكى الله خير حبيبتى
نسيت اقولك كل سنة وانتى طيبة اسفة يا ايمى جت متأخر مش تزعلى منى

وعليكم السلام ورحمه الله وبركاته

بجد جزاكي الله خيرا يا ايمان ع فتح الموضوع ده

وجزاكي الله خيرا يابوسي ع ردك القيم

انا كنت هرد واقول

اننا كلنا بيجلنا الاحساس ده انه مليان رياء والناس هتشوفنا واحنا بنعمل وتقول علينا كويسين وبنعمل الخير وممكن يجلنا عريس بالمره ع الطريق ده هههههههههه

وفعلا لو كل واحد او واحده فينا حطت الكلام ده ف دماغها يبقي عليه العوض في العمل الخيري ومحدش هيعمل حاجه ولاحد هينزل من بيته

فالحل الوحيد هو الدعاء

اللهم ارزقنا الاخلاص قولا وعملا

واجعل عملنا خالصا لوجهك الكريم ليس لأحد فيه شيئا غيرك

ربنا يحميكم يارب :)

على الله تكونوا جاوبتوني عن السؤال إللي مسألتهوش :)

» ممكن أسأل سؤال معلهش
» عاوزة أسأل سؤال :)
» ممكن أقول حاجة,ممكن,ينفع ولا لأ ؟ ! :)
» ممكن طلب
» بجد مش ممكن !!!!!!!