ممكن أسأل سؤال معلهش

[size=24][b]العلاقة بينا وبين ربنا,والأسئلة إللي بنسألها

معرفش,ممكن يكون غلط,مننا,الأسئلة إللي بنسألها,ب ,ليه يا رب مثلا

الإنسان,كتير بيبخاف قوي,على علاقته,بينه وبين ربنا

بيخاف يغلط

فدايما,بيكون,عاوز يسأل

عاوز يسأل على حاجات كتيرة قوي

يمكن ميفهمهاش,فيحاول,يسأل إللي حواليه,لكن,بطريقة بسيطة,ممكن يفهمها

مثلا,سألت بابا

اتكسفت من نفسي في يوم

يعني,إيه السؤال إللي إنتي بتسأليه ده

بس الحاجات دي,فعلا,بتشغل بالي كتير

معرفش,بس ببقى عاوزة أسال,ليه يا رب

وأنا,بعيدة,ولا قريبة

طيب,حاجات كتيرة,حواليا في الدنيا,بتشغل بالي فعلا

منها

يارب,مثلا

الرضا,وإني ممكن ألاقي حد

مش راضي

كتير بتكلم,وأقول,فلان غلطان,و و

بس فعلا,مبكونش في موقفه ده

لما بلاقيني,في نفس الموقف

ببدأ,أفكر

طيب يا رب,الإنسان,لو قدر يكون راضي

مهو كل الناس دي,كانت هتتحل مشاكلهم

ومكنش هيكون,فيه حالات,مريضة نفسيا فعلا,لو قدروا يوصلوا,لمعنى الرضا,ولا كان هيكون فيه طب نفسي ,لو كل إنسان,قدر,يكون طبيب نفسه

بس,هي قدرات

قدرة كل حد,على التحمل

يا ترى,ربنا

بسأل كتير

بسأل ربنا,وبخاف يكون سؤالي ده غلط

ودايما,كل ما بسال بابا

طيب فلان ده,

بابا,يقولي,الحرام والحلال ,لا آسفة أقصد,هو قاللي الجنة والنا ردي بتاعة ربنا:), الحلال والحرام هو بين,لكن فيه مواقف,حواليا,بتلخبطني قوي

طيب,أنا عاوزة أعرف كمان,علشان مغلطش

علشان,مش يتملكني اليأس

أحس إني,. فعلا في كلامي,بقول اي كلام وخلاص

فعلا,بيكون أي كلام

بس,بيني,وبين ربنا

عاوزة أعرف,الصح والغلط

وخصوصا,في لحظات كتيرة قوي

بحس,إن الواحد فيها,مش عارف يعمل إيه,وبيسأل ربنا

ومش قادر يوصل,لحاجات كتيرة,صح,

أيوة,ساعات فعلا,بيكون جهل

بس هو,بيكون عاوز,يسال حد

وميقولش له,إنت بتقول أي كلام

حاجات بسيطة قوي,وهايفة كمان,وغيره,ممكن يشوفها هايفة فعلا,وهو إزاي,ميعرفهاش

بيتكسف من نفسه,ويخاف يسأل

بيسأل ربنا

ويخاف,يكون سؤاله لربنا,غلط,أو حرام,بدون ما يقصد,لما يسأل ربنا,ليه يارب

غلط ؟!!

غلط,لما نفكر فعلا,نسأل ربنا

الواحد,عنده أمل كبير قوي في ربنا,وخايف

وحاجات كتيرة في الدنيا,بيفكر فيها بجد

بيفكر,ويحط نفسه,مكان حد شافه,ويسأل

لو كنت مكانه,هتغير كتير,وأوصل لحاله؟!

طيب إيه صح,وإيه غلط,ويبدأ يسأل

طيب,ليه وصل لكدة ؟!

وبيلاقي نفسه فعلا,في موقف,بيتحط في نفس مكان الشخص ده,بيتصرف زيه تمام,

بيسأل ربه,يارب,

بس الأسئلة دي,غلط؟!

حيرة ولخبطة,

الإنسان,مش عاوز يبعد عن ربنا

بس,مش عارف يكون,زي أعظم حد مثلا,حد شايفه,هو قريب قوي من ربنا

وبيخاف,

بيسأل,بينه وبين نفسه,بينه وبين ربه

لما بيعرف,إنه ضعيف,زي كل الضعفاء

بس بيجي يسأل غيره,ممكن,بدون قصد,يقلل قوي من سؤاله,أو يمكن,يستغربه,إزاي مش عارف كل ده :)

بس هو فعلا,عاوز يعرف :)

ومش عارف,ممكن,بيتلخبط,فعلا :)

معلهش لو أسئلتي,فيها شيء من الغباء,بعتذر عنه

بس مش عارفة,الإنسان,عاوز يوصل لطريق,يبقى واثق فيه,إنه بيقرب من الصح,وبالتالي,راضي,

ولا يحس,إنه غريب في الدنيا,متلخبط,بين الصح والغلط,ومش عارف يسأل

حتى,لو حاجة بسيطة قوي,

وبيسأل,ربه,وهو خايف

آسفة,عن السؤال :)[/size][/b]

موضوع: رد السبت سبتمبر 05, 2009 3:23 pm

من واقع خبرتي في الحياة الأسئلة دي واجهتني كتير لما كنت في المرحلة اللي بين 23 و 28 بس أحب أؤكد ليكي ان دة سؤال ايجابي و مفيهوش حاجة مجرد وساوس نفس و فضول لمعرفة التبعات و العواقب و قد قال رسولنا الكريم (الحلال بين و الحرام بين و بينهما أمور مشتبهات )يعني لازم تلاقي المشتبهات دي اللي بتلخبط طب اقولك حاجة .... سيد قطب قال ان احكام الاسلام السابقة لا تحيط علما بما استجد في العصر الحديث و دة كلام منطقي عشان في حاجات ظهرت دلوقتي كتير لا يمكن أن تخضع الا للاجتهاد و القياس .... دة اللي انا عوز اقوله في موضوع الحاجات اللي بتحيرك ... بالنسبة لأنك متلخبطة ممكن تحلي مشاكلك و قراراتك بصلاة الاستخارة في كلا الأحوال و ممكن تستشيري من هو أكبر منكي لكن لا تكثري من الاستشارات عشان ما تشتتيش نفسك و في الأول و الآخر القرار ليكي انتي و دي حاجة مهمة جدا جدا لأن التبعات حتبقى على راسك انتي مش راس اللي استشرتيهم ... فكري و خدي قرارك بتأني يا سما

سؤال

بجد كله بيسأله مابينه وبين نفسه

وان مكنش كله يبقى المعظم

انك تبقي تايهة ومتلخبطة ومتحيرة دة شئ عادي لان في حاجات كتير

جداا دخلت في بعضها وبقى في امور كتير اوى قريبة من بعضها

وبتبدأي كانسانة ذكية تقارني بين المواقف اللي انتي بتمري بيها وغيرك

بس مش هنفضلو كدة على طول..هيجي وقت وهنبقو عارفين ازاي نفكر

ان شاء الله يعني
هههههه
انتي اتكلمتي عن الرضا

ودي اهم نقطة ممكن الانسان انه يوصل ليها

واعتقد ان المفروض ومن الايمان انك ترضي بالمقسوم مهما كان

وانا مع أ\نبيل ان الاستخارةوالدعاء بشكل عام قبل كل خطوة مقبلة عليهامهمة اوى

وتبقى متأكدة عواقب الموضوع دة حتى لو كانت وخيمة

انها خير ليكي

وربنا يرزقنا الهداية

يوتشيها ساسكي كتب:: من واقع خبرتي في الحياة الأسئلة دي واجهتني كتير لما كنت في المرحلة اللي بين 23 و 28 بس أحب أؤكد ليكي ان دة سؤال ايجابي و مفيهوش حاجة مجرد وساوس نفس و فضول لمعرفة التبعات و العواقب و قد قال رسولنا الكريم (الحلال بين و الحرام بين و بينهما أمور مشتبهات )يعني لازم تلاقي المشتبهات دي اللي بتلخبط طب اقولك حاجة .... سيد قطب قال ان احكام الاسلام السابقة لا تحيط علما بما استجد في العصر الحديث و دة كلام منطقي عشان في حاجات ظهرت دلوقتي كتير لا يمكن أن تخضع الا للاجتهاد و القياس .... دة اللي انا عوز اقوله في موضوع الحاجات اللي بتحيرك ... بالنسبة لأنك متلخبطة ممكن تحلي مشاكلك و قراراتك بصلاة الاستخارة في كلا الأحوال و ممكن تستشيري من هو أكبر منكي لكن لا تكثري من الاستشارات عشان ما تشتتيش نفسك و في الأول و الآخر القرار ليكي انتي و دي حاجة مهمة جدا جدا لأن التبعات حتبقى على راسك انتي مش راس اللي استشرتيهم ... فكري و خدي قرارك بتأني يا سما

ربنا يكرم حضرتك يارب :D

ربي_الله كتب:: سؤال

بجد كله بيسأله مابينه وبين نفسه

وان مكنش كله يبقى المعظم

انك تبقي تايهة ومتلخبطة ومتحيرة دة شئ عادي لان في حاجات كتير

جداا دخلت في بعضها وبقى في امور كتير اوى قريبة من بعضها

وبتبدأي كانسانة ذكية تقارني بين المواقف اللي انتي بتمري بيها وغيرك

بس مش هنفضلو كدة على طول..هيجي وقت وهنبقو عارفين ازاي نفكر

ان شاء الله يعني
هههههه
انتي اتكلمتي عن الرضا

ودي اهم نقطة ممكن الانسان انه يوصل ليها

واعتقد ان المفروض ومن الايمان انك ترضي بالمقسوم مهما كان

وانا مع أ\نبيل ان الاستخارةوالدعاء بشكل عام قبل كل خطوة مقبلة عليهامهمة اوى

وتبقى متأكدة عواقب الموضوع دة حتى لو كانت وخيمة

انها خير ليكي

وربنا يرزقنا الهداية

عارفة ,بفكر

إحنا فعلا,بنقول الرضا,لكن,في وقت المصيبة,بعد الشر عن أي حد فعلا,بننسى كل ده

إللي بفكر فيه قوي

الناس,إللي بيوصل بيها الأمر,لإنها,تضيع حياتها,في لحظة

فيه لحظة,بيوصل فيها الإنسان فعلا,إنه يكون,غير راضي,

وبالتالي,مكنش,حصل له,إللي حصل

الإنسان,إللي يتخلص من حياته,أو حياة غيره,وبيكون إنسان سوي طول عمره

إللي بفكر فيه قوي

يا ترى,المرض النفسي ده,مرتبط بالرضا,

المرض نفسه

المرض,إللي لازم له علاج بجد

لو أي إنسان,وصل للحالة دي

مهو فعلا,لو قدر يرضى,هتتحل مشاكله

لكنه للأسف,بيوصل لمرحلة ,مرض,نفسي

فيا ترى,ساعتها

الظروف إللي حواليه,إللي مش قدرت,تساعده مثلا

إنه,يرضى,وتهون عنه

ربنا,رحيم بيه

بس,بفكر قوي

في كل ده

الرضا,لو وصلنا فعلا,لمرحلة إننا منرضاش,في أي لحظة,بنوصل لده,

ربنا,بيحاسبنا على ده,بيحاسبهم على ده

ولا ربنا,رحيم بينا,وبيهم,في كل الاحوال

كل يوم,بشوف حد,بيموت مثلا

بتبدأ الافكار,تيجي في بالي

طيب,الشخص إللي بيموت ده

عنده أمل,

ساعتها بفكر,وبرضى,

بس بفكر,لو كلنا رضينا

كل مشاكلنا,هتتحل

بس غريبة,إحنا بشر,وفي بعض الأوقات,لينا طاقة تحمل,بنفقد أعصابنا,ونغلط,ونرجع نصحح كل ده,

ربنا,في كل الأحوال دي,رحيم بالكل

أكيد

كلامي كله ملخبط,أنا آسفة طنشي,بس يمكن,بفكر تفكير,ملهوش لازمة,معلهش :D

المهم,حالة بيفكر فيها الإنسان,في حاجات كتيرة

بس مع كل تفكيره ده,بيفكر,يا ترى,تفكيره,بيسأل ربنا كل ده,حرام يفكر كدة,أو لأ

هو,عموما

لحظات,بيفكر فيها الإنسان كدة,ومش مهمة قوي :) معلهش:)

بس,ربنا يكرمك دايما :D

:)

احب دائما وابدا أبدأ كلامى بسلامى
السلام عليكم ورحمة الله وبركاته
مواضيعك حلوة جدا يا ايمان
بس مشكلتها انها متشابكه جدا مش ببقى عارفه ارد على ايه ولا ايه ولا ايه
بصى يا ستى
جزء الحلال بين والحرام بين ده فعلا لكن كلنا بشر ومن الوارد نغلط بس وقت ما نغلط لازم نصلح غلطنا
قال رسول الله صلى الله عليه وسلم.
يقول المصطفى الحبيب صلى الله عليه وسلم " كل ابن آدم خطاء وخير الخطائين التوابون " رواه الترمذي ويقول البشير النذير عليه من الله أتم صلاة وأزكى تسليم "لو لم تذنبوا لذهب الله بكم ولجاء بقوم يذنبون ثم يستغفرون فيغفر لهم" رواه مسلم

و قوله سبحانه وتعالى في محكم التنزيل [ إنما التوبة على الله للذين يعملون السوء بجهالة ثم يتوبون من قريب فأولئك يتوب الله عليهم وكان الله عليما حكيما ] النساء - 17 وقوله تعالى [ وتوبوا إلى الله جميعا أيها المؤمنون لعلكم تفلحون ] النور-31 وقوله سبحانه وتعالى [ وهو الذي يقبل التوبة عن عباده ويعفو عن السيئات ويعلم ما تفعلون] الشورى-25 وقوله سبحانه [ يَاأَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا
أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ ] التحريم-8

ويقول الرسول صلى الله عليه وسلم " إن الله يقبل توبة العبد ما لم يغرغر " رواه الترمذي. أي أن باب التوبة الواسع مفتوح إلى لحظة الاحتضار. ويقول المصطفى عليه الصلاة والسلام فيما رواه مسلم في صحيحه عن أنس بن مالك رضي الله عنه " لله أشد فرحا بتوبة عبده حين يتوب إليه من أحدكم كان على راحلته بأرض فلاة فانفلتت منه وعليها طعامه وشرابه فأيس منها فأتى شجرة فاضطجع في ظلها قد أيس من راحلته فبينا هو كذلك إذا هو بها قائمة عنده فأخذ بخطامها ثم قال من شدة الفرح اللهم أنت عبدي وأنا ربك أخطأ من شدة الفرح ".
يقول الله عز وجل في الحديث القدسي :

(( لو لم تذنبوا لأتيت بقوم آخرين يذنبون ، فيستغفرون فأغفر لهم ))

لا تقنطى من رحمة الله

يعنى ربنا عارف وعالم بينا لان ربنا هو اللى خالقنا ومفيش ارحم منه
ربنا كتب على نفسه الرحمة
ومكتوب على عرشه رحمتى سبقت غضبى
ان الله غفورا رحيم
يعنى مهما صدر منك من اخطاء ممكن اللى حوليكى مش يسمحوكى لكن ربنا يسامحك لانه ارحم بنا من امهاتنا
لان ربنا اللى خلق الرحمة فى صدور الامهات فما بالك برحمته سبحانه وتعالى
بالنسبة انك تسألى ربنا ده انتى لازم تسألى ربنا لان لا ملجأ منه الا اليه
هتروحى يمين هتروحى شمال مش هتلاقى غير ربنا ينجدك فى محنك ويساعدك فى كربك ويشيل عنك الهموم ويغير الهموم لفرحه وسعادة قادر يغير حالك من حال لحال
طيب نعمل ده ازاى ؟؟؟؟
بالدعاااااااااااااااااااااااااااااء
ولما تبقى متلخطبه وعايزة اجابة ونفسك ربنا ينور بصرتك
بردوا
بالدعااااااااااااااااااء
كلمى ربنا صلى وارفعى ايديك ادعيله قولى لربنا نور بصرتى يارب
ساعدنى يارب
مليش غيرك يارب
تزللى له
اخشعى
ابكى
اتمسكى برحمته وادعى من كل قلبك هتلاقى ربنا بيوصلك لاجابه
سبحانه بجد هينور بصرتك ان شاء الله
عارفه اذا بصينا لحال الكفار والعلمانين
محدش فيهم مرتاح
لانهم معندهمش اللى يوكلوه فى امرهم
احنا بقى ربنا معانا وبنتوكل عليه
الحمد لله ان ربنا هو الله

اما جزء الرضا والمرضي النفسيين
مرض عن مرض يفرق
ممكن يكون مرض نفسي بس الطفولة
يعنى كان بيتعرض لضرب جامد تعرض لموقف ملقاش اللى يساعده فيه
اى مرض نفسي لازم تدورى على طفولة الشخص اللى قدامك عشان تفهمى هو ليه وصل لكده
فى ناس عندها القدرة انها تغير من نفسها وتنسي اللى حصل لها وتكمل حياتها كأن اللى كان ده مكنش
وفى ناس حساسه لدرجة انهم مش قادرين يتنسوا
لاسف بينسوا ان اللى يقدر يخرجهم من اللى هما فيه ده ربنا
فبدل ما يدعوا ربنا ان ينسيهم او يفك كربهم مش بيفكروا غير فى اللى حصلهم وبس عقلهم بيقف على كده
يعنى بجد يا جماعه لو واحد شايف فى نفسه عيب وعيب مضايقه ليه ما نرفعش ايدينا لربنا ونقوله يارب انا فيه عيب ومش قادرة اغيره يارب ساعدنى يارب عيني عليه
صدقونى ربنا هيعينكم على عيوبكم
مش كل الامراض النفسيه بيبقى سبابها عدم الرضا
وفى امراض سبابها عدم الرضا واحد حصله صدمه وخسر فلوسه بدل ما يواجهه الدنيا ويقول الحمد لله ويتزلل لربنا ويدعى ربنا يفك كربه يتجنن او يحصله مرض نفسي
توفى حد قريب بدل ما يقول انا الى الله وانا اليه لراجعون
يبدأ فى افعال تغضب الله عز وجل
وده يبقى من قوة الايمان او ضعفه
وربنا يقوى ايمانا ويجعلنا صابرين
لان الدنيا دار ابتلاء واختبار
وربنا يخرجنا منها على خير
اهم شئ ان مكنش علينا حاجة تغضب ربنا مننا
ربنا يرضى عنا ويراضينا ويسعدكم يا شباب ربنا يارب
وفى نهايه الكلام مفيش احسن من السلام
السلام عليكم ورحمة الله وبركاته

» ممكن أسأل سؤال؟!!
» عاوزة أسأل سؤال :)
» ممكن أقول حاجة,ممكن,ينفع ولا لأ ؟ ! :)
» ممكن طلب
» بجد مش ممكن !!!!!!!