حلقات جدد حياتك استاذ عمرو خالد

زائر

حلقات بجد روعه
زي عادة استاذنا عمرو خالد
هنزلهم ان شاء الله حلقه حلقه ان شاء الله علشان نسمعهم سوا
ويا سلام بقه لو نتناقش فيها ونقول رأينا

بجد هتستفيدوا منها جدا
الحلقه بس 3 دقايق ومساحتها صغيره

برومو الحلقات
http://www.4shared.com/file/57816786/c107f26/Gaded_7ayatak__Promo__-_Amr_khaled_-_RaDiO_sOtKoM.html

أو

http://rapidshare.com/files/134882560/Gaded_7ayatak-Promo-Amr_khaled_RaDiO_SoTkOm.rar

الحلقه الاولى

http://rapidshare.com/files/134649241/Gaded_7ayatak-_1-Amr_khaled_RaDiO_SoTkOm.rar.html

أو

http://www.4shared.com/file/57681278/c036b7bd/Gaded_7ayatak-_1-Amr_khaled_RaDiO_SoTkOm.html

زائر

هل من متابع؟؟؟؟؟؟؟؟؟
والله برنامج تحفه
واحلى ما فيه انه كلمتين وبس والمعني بيبقي كبير
جربوا طيب حلقه كده وشوفو

زائر

عمرو خالد احدث تغيير بالفعل فى اوساط الشباب العربى والمسلم

لكن مشكلته

انه ساعات بيجيب لنفسه ازمات من غير اى داعى

ويدى خصومه هدايا مجانيه

وبعدين اللى عمرى ما هقبله من اى انسان يحمل دعوه كما يسميها التنميه بالايمان

انه ميكونش حتى حافظ القران كله

خلاص يعنى مفيش وقت؟؟؟؟؟؟؟؟؟؟؟

ومبيعجبنيش المبدا القائم على فعل اى شئ من اجل الوصول للناس او الدعوه

بحس ان فيها بعض الميكيافيلليه

وطبعا مرحلة شغله والبيزنس مع صالح كامل كانت مرحله صعبه هو نفسه اعتذر عنها مع عمرو اديب

عامة ناس كتير مختلفين مع عمرو خالد مش بس السلفيين والعلمانيين لا كمان ناس وسطيين زى وجدى غنيم

برده عشان كلامى ميتفهمش غلط

انا بتابعه من يوم ماظهر من ايام ماكان بيخطب فى جامع 6 اكتوبر ويتكلم عن العبادات والصلاه والحجاب

يعنى لا واخده قدوه ليا ولا بحب الهجوم الشرسعليه من قبل البعض

زائر

اولا
انا متردده وانا ببدأ معاك النقاش ده
ربنا يستر

بص يا دكتور
انا متعوده على حاجه
باخد الناس بحسناتها وسيئاتها
مافيش حد كامل
استاذ عمرو ربنا يجازيه كل خير
غير في كل حد فينا حاجه متهيألي للأحسن
خلانا نفكر بشكل تاني
ومش شايفه انه بيتبع النظريه ديه
بجد استاذ عمرو ميستاهلش ان حد يقول عليه كده

وليه مش من حقه يحمل دعوة التنميه بالايمان
كل واحد قادر يعمل حاجه يعملها
لو فضلنا نقول كده
يبقي عمرنا ما هنعمل حاجه
يعني مش شرط يكون حافظ القرآن كله علشان يعمل كده
ولو فيه حد تاني اجدر منه وطلع بكره الصبح
وعاوز يعمل حاجه مفيده انا اول واحده هساعد

ولمعلوماتك اللي انا اعرفه ان استاذ عمرو حافظ القرآن كله
ومن زمان ايام اول ما سافر انجلترا بعد ما اتخرج على طول

المهم طالما انت بتسمعه جرب واسمع حلقه وقولي
رايك بغض النظر عن رايك في استاذ عمرو خالد

زائر

السلام عليكم و رحمة الله و بركاته

مفيش بيننا نقط خلاف كتيره يا رضوى

انا بحب عمرو خالد

ومبفوتلوش حاجه من سنين

بس برده كل شويه كده بيعمل حاجه معينه تزعلنى

ليه مش عارف

موقفه من ازمة الدانمارك اللى اتضح بعد كده انه خطا كبير و تصريحاته الجدليه كل فتره والتانيه

انتى عندك حق فى حتة ان مينفعش الواحد يتصيد الاخطاء طبعا

خلاص بلاش اكمل فى الموضوع

لان على اى مستوى وتحت اى ظرف

عمرو خالد احسن منى مليار مره

زائر

يا ريت يا دودو تكملى الحلقات
انا نزلت الحلقه الاولى لكن لسه مش سمعتها لما اسمعها هاقوللك راى فيها
بس اكيد اى حاجه لعمرى خالد هاتبقى حلوه ان شاء الله
الراجل ده على فكره بجد ربنا يكرمه ويديه على قد نيته لانه غير ناس كتير قوى وانا منهم
ربنا يجعله فى ميزان حسناته
بس فعلا زى ما د / محمود بيقول هو ليه غلطات كده بتخلى الناس تعملله مشاكل وده اعتقد بسبب قلة خبرته
بس انا بتعجبنى افكاره وطريقة تحليله للمواضيع لكن طبعا مش بعتمد عليه لوحده وبسمع لناس تانيه زى مصطفى حسنى ومعز مسعود ودى ناس ليها وزنها برده فى مجال الدعوه
علشان لو فى غلطه اقدر انى اتداركها ومش اقع فيها
بس هو افكاره فعلا بناءه وبتنهض بالمجتمع لو اتنفذت
واخر مشروع كان ناوى يعمله مشروع التسرب من التعليم لكن للاسف الامامير الحلوين عملوا مجهوداتهم لاجهاض المشروع وماشاء الله نجحوا بكفاءه ومنعوه وطبعا هو قرر انه يكمله فى دول تانيه زى السودان والجزائر واليمن تقريبا
ماعلينا
ربنا على الظالم والمفترى

زائر

كلهم ممتازين والله

عمرو خالد

مصطفى حسنى

معز مسعود

لكن محدش فكر قبل كده يسمع الشيخ محمد حسان

او حبيب قلب الشيخ محمود المصرى

مهو برده لازم كده وكده

ولا ايه

انا عندى ملاحظه

وطبعا طبعا الكلام ده بصفه عامه مش للمنتدى بس

البنات بتميل للدعاه الشباب

هل عشان بيلبسو كويس ولا كلامهم خفيف؟؟؟؟؟؟؟؟؟؟؟؟

تلاقى النهارده مثلا زى ما اتحكالى فى ندوة مصطفى حسنى معظمها بنات

وقبل ما امشى كنت شفت عينه كده

معظمهم ممكن نسميه حجاب سكلانس او التدين المحزق

هههههههههههههههههههههههههههههههههههههههههههههههههههههههههه

يعنى هل الموضوع حب مظهريه اكتر منه حب دين؟؟؟؟؟؟؟

والله العظيم الكلام ده كلام عام لانى شايف فعلا انها ظاهره تستحق الدراسه

زائر

هههههههههه لا يادكتور محمود انت فاهم غلط
على فكره انا بسمع لمحمد حسان ومحمود المصرى وحازم شومان وحازم صلاح ابو اسماعيل مع الناس التانيه برده
هى الفكره فى ايه انك بتحس ان الشبابدول ومنهم على فكره محمود المصرى كمان
بتحس ان سنهم قريب منك يعنى فرق 10 أو 15 سنه وانهم عايشين حياتهم مع الالتزام عادى من غير ما يكونوا مخنوقين زى ما الاعلام الجميل بتاعنا بيصورلنا
فا بتحس انك عايز تبقى زيه تعيش سعيد وبالك مرتاح وراضى ربنا
وكمان الشباب بيتأثروا بيهم لانهم فى اسلوبهم عندهم حماس الشباب وعندهم افكار جديده للدعوه تتناسب مع التكنولوجيا الحديثه والتطورات اللى بتظهر كل يوم يعنى بتحس انهم معاك على الخط
كمان افكار التطوير والنهضه وتزكية النفس اللى بيعرضوها بتشدك وبتلفت الانتباه جدا يعنى مثلا حملة المخدرات اللى عملها عمرو خالد ومشاركة مصطفى حسنى فى حملة لا للتدخين ومشاركة معز مسعود فى مؤتمر الدنمارك والدفاع عن الاسلام
الجيل التانى ليه مجهوداته برده ما ننكرهاش لكن الجيل ده عايش نفس معانتنا ومشاكلنا عشان كده بنتاثر بيه اكتر
من الناس دى طبعا احمد الشقيرى لكن كنت ناسياه
انا بتكلم عن نفسى ماعرفش اى حد تانى فى نيته ايه
وانا ان كنت نسيت اذكر الناس التانيه كلهم فده تقصير منى لكن كنت اقصد اقول انى مش بعتمد على داعيه واحد بس فى معلوماتى لكن الصح انك تسمع اكتر من واحد وبكده تكون الميت باكتر من فكره

زائر

تمام يا رضوى

كلامك على دماغى من فوق

بس للاسف كتير مبيفكروش كده

ربنا هدينا ويهدى كل المسلمين

زائر

حلقه جديده وجدد حياتك

المستحيل

الحلقة الثانية :

http://www.4shared.com/file/57817661/b589ca59/Gaded_7ayatak__2_-_Amr_khaled_-_RaDiO_sOtKoM.html

أو

http://rapidshare.com/files/134884563/Gaded_7ayatak-_2-Amr_khaled_RaDiO_SoTkOm.rar

» مسجد عمرو ابن العاص
» يلا بسرعة حمل ألبوم عمرو دياب الجديد قبل الكل
» خالد بن الوليد
» حلقه نادره جدااااااااااا لعمرو خالد وحملة حمايه لا للمخدرات
» ثانى حلقات الرابح الاكبر