حلقه نادره جدااااااااااا لعمرو خالد وحملة حمايه لا للمخدرات

زائر

اهلا وسهلا

زائر

مع احترامى ليك يا د/ محمود
نقدى للموضوع ومش ليك انا بكرر نقدى للموضوع ومش ليك
لكن دى قلة ادب ومش بتضحك على فكره
لان كله الا علماء الدين مهما كان ليهم اخطاء او كان راينا فيهم لكن برده ليهم احترامهم
الشخص اللى بيعمل كده ده عايز يعمل فرقعه لانه خلاص اتحرق ومابقاش لاقى حاجه محترمه يقدمعها
كله الا كده
وانا بعتب عليك انك تعرض حاجه زى دى على المنتدى هنا

زائر

مش عارفه اقول ايه

لا تعليق

زائر

السلام عليكم ورحمة الله وبركاته

انا عامل حسابى انى هسمع كلام كتير

وكنت مجهز نفسى لاكتر من كده

بس نشوف بالراحه كده

قلة ادب ليه؟؟؟؟؟؟؟؟؟؟؟؟؟؟؟

هل شتم او جرح او تعرض لعمرو خالد فى حاجه

هل اظهره فى صوره او هيئه او شكل قليل الادب

ما علينا سواء رخم او بيضحك او اتحرق وكده

الراجل كل كلامه اصلا تريقه على ظاهرة الادمان انتشارها لدى الشباب

وبصراحه بقى انا مش جايب اللينك ده هيافه ولا استظراف لا ده انا متعمد جدااااااااااااااا

1-عايز اكسر التابو

عمرو خالد شخصيه عامه ومربى اجتماعى

ليس برجل دين باى صوره من الصور وده على فكره كلامه عن نفسه وانا بحترمه جدا جدا فى الحته دى

عمرو خالد لا يفتى ولا يمتلك اساسا ادوات الافتاء بس دوره مهم جدا جدا فى اصلاح وتنمية المجتمع

2-لو فكرتما فى محتوى الحلقه هتلاقيه نقد بناء مش قلة ادب ولا حاجه

انا شايف ان الحلقه دى تشريح مش نقد

---بينتقد اسلوب المخرج فى التركيز كل دقيقه على جروب المشاهدين فى الاستوديو وه احيانا بيفقد البرنامج جلاله ولمسته الدينيه وبيحوله لبرنامج عادى

انا لن انسى ايام لبنان لما كان المخرج الظريف بيجيب بنات شعرهم اصفر وببناطيل جينز

ساعتها كنت بقول لما الواحد تفرج على عمرو خالد وياخد ذنب امال هناخد حسنات امتى بس؟؟؟؟؟؟

----بينتقد سوء الاختيار فى الشخصيات المصاحبه ليه واللى للاسف سحبت كتير جدا جدا من رصيد عمرو زى احمد بك الفيشاوى تامر بك حسنى والشيخ صالح كامل زوج الشيخه صفاء

لو خدتو بالكو من كلمة قضية النسب والتزوير

بس الميزه انه عمرو بيتمتع بالمرونه وبيقدر يعدل مساره

استقال وساب صالح كامل وخلع من تامر حسنى وجاب شاب من صناع يعمل التترات

وده سر نجاح عمرو

بس

يار ريت تقرو الرد كويس بعيد عن الحماس الزائد

زائر

عمرو خالد لا يفتى ولا يمتلك اساسا ادوات الافتاء بس دوره مهم جدا جدا فى اصلاح وتنمية المجتمع

يعني ينفع واحد ليه دور في اصلاح وتنميه المجتمع
نظهره بالشكل ده قدام الناس
اللي عاوز يهرج ويتريق عنده اي حد تاني
ممثل بقه مغني
من الاخر حد مالوش دور مهم في الاصلاح
لكن مندمرش حد زي استاذ عمرو ربنا يحميه

ولو ان ده مش هيأثر فيه ان شاء الله
احسبه على خير ولا ازكي على الله احد

زائر

وبرده قولت لحضرتك قبل كده
اننا لازم ناخد كل حد بحسناته وسيئاته
وكنت قولت انك مش هتتكلم عنه اكتر من كده لانه احسن منك مليون مره
ده كلامك

وهقولك تاني
انا مش مبهوره بحد انا لو اي حد غير استاذ عمرو طلع بكره
وقال انا عاوز اعمل حاجه كويسه
انا هشارك بكل قوتي

زائر

بصراحه توقعت رد اقوى من كده

يدمر عمرو خالد؟؟؟؟؟؟؟؟؟؟؟؟

حتة حلقه عشر دقايق هتدمر عمرو خالد

ليه

بسكوته؟؟؟؟؟؟؟؟؟؟؟

اذا كان الراجل تعرض لنقد محترم منهجى من علامه فاضل بحجم الشيخ يوسف القرضاوى

وشيوخ افاضل من السلفيه زى الشيخ محمد حسان ربنا يحفظه

مع تحفظى على نقد علماء السلفيه لانهم بينقدوه كرجل دين ودى اصلا مش حتته

وكل ده لم يؤثر فى طريقته واسلوبه بل بالعكس استفاد

يبقى محمود عزب هيدمره

جايز

زائر

[b]يا د/ محمود
قلة الادب مش فى محتوى الحلقه قلة الادب فى التعرض لشخص عمرو خالد نفسه
وبغض النظر عن انه شيخ او مفتى او داعيه او اى حاجه تانيه
ده راجل بيقول كلام فى الدين بيتكلم فى الدين يعنى مش ينفع باى شكل من الاشكال التعرض ليه بالطريقه دى
مهماح حصل من مشاكل او حوارات تخصه ماحدش ليه الحق انه يتعرض لحد بالطريقه دى والدليل على صحة كلامى انه مرفوع عليه قضايا كتيره جدا من ناس تانيه كمان مالهومش دعوه بالدين وكان اتريق عليهم فى برامج سابقه
طب وياترى ايه رايك فى تريقته على دكتوره ملكه زرار؟؟؟ كان ليها علاقه بتامر حسنى وصالح كامل و احمد الفيشاوى؟
وهى كمان رافعه عليه قضايا على فكره
وبعدين لما الناس اللى من الديانات التانيه يشوفوا حاجه زى دى وهما عارفين يبقى ايه عمرو خالد وبيعمل ايه هايبقى ايه رايهم بقى؟؟؟
ويبقى ليهم الحق لما يطلع واحد منهم يعمل زى محمود عزب ده ولا يلبخ فى الدين ويغلط فى علماء مسلمين مهما كانت الشبهات حولهم
يعنى لو كان اللى عمل كده واحد مسيحى كنت هتوافق وتقول ده بيتريق على ظاهرة الادمان بس
ولما هو بيتريق على ظاهرة الادمان بس بيقلد حركاته وطريقة كلامه ليه؟
وبيتريق على المخرج ولا عمرو خالد ولا ظاهرة الادمان؟
وهى ظاهرة الادمان حاجه نتريق عليها اصلا؟
مش لازم يكون الحلقه فيها شتايم او ماشابه عشان نقول انه قل ادبه وتخطى الخطوط الحمراء
وعمرو خالد حتى لو مصلح اجتماعى مش رجل دين مايصحش انه يمس بالطريقه دى
وعلى فكره ده مش حماس وارجوك بلاش تكرر الكلمه دى تانى عشان دى مش اول مره تقولها
لو اى حد تانى اتعمل معاه كده انا هاكون حزينه وزعلانه لانه مسلم زى مش لانى متحمسه ليه
ومش عيب انى اتحمس لواحد زى عمرو خالد قدر ياخد بايد ناس كتير ويغير فينا حاجات كتير برغم كل حاجه حصلت لكن
ربنا سخره لينا عشان يساعدنا
وربنا هدى ناس كتير على ايده

[/b]

زائر

انا متكلمتش عنه

نقد وعجبنى قلت اما اجيبه ونتناقش فيه

وعمرو خالد احسن منى مليار مره مش مليون

من علمنى حرفا صرت له عبدا

للاسف مش عاوزين تفهمونى

ما علينا

وبعدين حد قال فى الموضوع ان حضرتك مبهوره بيه؟؟؟؟؟؟؟؟؟؟؟؟

معتقدش انى قلت فى الموضوع حاجه زى كده

زائر

اولا انا ماقلتش انى مبهوره بيه
انا قلت متحمسه ليه كضخصيه دعويه
وكمان اظن ده كلامك
يار ريت تقرو الرد كويس بعيد عن الحماس الزائد
يعنى معناه اننا متحمسين ليه وعشان كده بنكتب من غير درايه صح؟

زائر

من علمنى حرفا صرت له عبدا

منتهى التناقض

وعاوزنا نفهمك ازاي

زائر

ما شاء الله

الرضوتان فى نفس الموضوع ونفس الوقت

تمام جدا

بصراحه مشفتش حلقة ملكه حلمى زرار

ولو كان قل ادبه فيها انا اول واحد انتقده

ومين قال اصلا انى من انصار عزب شو؟؟؟؟؟؟؟؟؟؟؟؟؟؟

وبصراحه بقى ملكه زرار دى جايباه لنفسها

ده اسلوب داعيه معلش يعنى دى عصبيه اكتر منى انا شخصيا واحيانا بتقول كلام غير مفهوم

زى مبروك عطيه فى قناة المحور الجمعه اللى فاتت بيقول الراجل بيهمل امه عشان المزه مراته بتوحيه

مزه؟؟؟؟؟؟؟؟؟؟؟؟؟؟؟؟؟؟؟؟

فى شيخ يقول مزه

حاجه تفقع

يا جماعه افهمونى

انتو زى معظم الشعب المصرى بتحبو تصنفو الناس قوالب قوالب

يعنى التيارات الدينيه متصنفه متصنفه اخوان-سلفيين-صناع

والباقى بقى علمانيين ويساريين وناصريين

ده غلطططططططططططططططط

انا باخد الشخص بمواقفه

بعد وفاة الجيل العظيم جيل الشعراوى-الغزالى-جاد الحق-محمد المسير-ابن عثيمين-الالبانى

صعب تلاقى حد اجمعت عليه الناس

فلما بلاقى لعمرو موقف جميل احييه ولما بلاقى نقد او موقف غلط انتقده

وبرده انا مصمم ان مجرد تقليد الاسلوب مش قلة ادب

زائر

رضوى عادل

انا مقلتلكيش انك كاتبه مبهوره

كنت بتكلم عن رضوى قطب

والحماس الزايد كان قصدى بيه انكم هتهاجمونى بغض النظر عن هدفى من الموضوع

رضوى قطب

مفيش تناقض ولا حاجه

من علمنى حرفا صرت له عبدا

لكن فى نفس الوقت لست عبدا اصم ابكم ملغى الفكر

لا من حقى انتقد سيدى خاصة اذا كثرت اخطاؤه وقل الناصحون حوله

زائر

هقولك تاني

لازم ننقي الاسلوب اللي ننتقد بيه

الكلام ده لو الحد اللي بننتقده عاوزين نصلحه مش عاوزين نهدمه

وبقولها تاني

اه نهدمه

الهدم ده نية اللي بيعمل كده مش قصدي بالكلمه المعنى الحرفي

قصدي نقد هداااااااااااااااام

وهوه هنا انتقد غلطات استاذ عمرو خالد

وطالما حضرتك مش بيعجبك عزب ده

جايبهولنا ليه ؟؟؟؟؟؟؟؟؟؟؟؟؟؟؟؟؟

زائر

رضوى قطب

لو قريتى ردى اللى فات واللى قبله هتعرفى ليه مبعجبنيش وجايبه هنا ليه

شوية هدوء وتركيز من فضلك

انتى شايفاه هدام انا شايفه بناء جدا جدا

سيبك من النظره السطحيه للبدله وحركة الايد ويا اخوانا يا اخوانا

تعالى ما بين السطور

ملفتش نظرك حاجه؟؟؟؟؟؟؟؟؟؟؟؟؟؟؟؟؟؟

اللى يهمنى ان عمرو خالد نفسه بياخد باله

ودى ظاهره صحيه

زائر

هضرب مثل شخصى

انا مثلا لو حد ركز عليا فى طريقة كلامى واللزمات اللى بحب اقولها

مع انى مش شخصيه مهمه ولا نيله بس اهو مثل وخلاص

لو انا سطحى هزعل وارفع قضيه زى ما معظم اللى رفع القضايا سطحيين او عصبيين امثال مرتضى منصور وسمير الاسكندرانى

لكن او انا صاحب فكره هحاول استفاد من اى حاجه بتتقال عليا وابدا احللها

هل فعلا انا اخطأت لما دخلت فى البيزنس الفضائى وخلطته بالدعوه

هل انا لازم اتكلم فى موضوع كذا وكذا ومتكلمش فى كذا وكذا

وبكده انا اللى هستفاد

واكيد عمرو خالد مش سطح والا ما وصل للمكانه دى

زائر

احم احم
الموضوع بجد عايز هدوووووووووووووء علشان نعرف نتناقش
بعيدا عن كل تعصب او سطحيه
عمرو خالد شخصيه
يحبها من يحبها
ويكرهها من يكرهها
وهو بشر
ولكن

حط تحت لكن دي ميت خط
لو انا شايفه في انسان خطأ
او عيب
في اسلوب انتقده بيه
في وسائل اوصله بيها رسالتي
خاصه لو كان شخصيه
مش هقول دينيه بحته
لكن اجتماعيه
ومحترمه
عمرو خالد من الشخصيات الي حاولت تدخل قلوب الشباب بالذات
وقدر يدخل لقلوب كتيره فعلا
وقدر يوصل لمركز كبير
وده مانقدرش ننكره
فاسمحلي اقول
ان عزب ده انسان ماعندوش ذكاء
لانه دخل في الدائره بتاعته واحد
هو اكيد عارف ان تصرفه معاه
هيقلب عليه الدنيا
لان في انصار كتير لعمر خالد
وعمرو خالد بدأ يعالج اخطاءه
ويحاول يثقف نفسه دينيا
ويحاول يكون اجدر بالثقه الي الناس ادتهاله
اي حد في مكانه بصراحه
لازم نحترمه جدا
ونقدره

زائر

بسم الله الرحمن الرحيم

أول حاجة وبما أن هذه المشاركة الأولى

فهعرفكوا بنفسي

أحمد سعد رسالاوي قديم شوية

يا رب تكونوا فاكريني

أما بالنسبة للموضوع يعني مش عايز أدخل في جدل لا يسمن ولا يغني من جوع

يلا رجلي جابتني هنا فقلت أرد

أولاً هو علشان ندافع عن الراجل ونعمل اللي بنعمله ده لازم يكون كويس

أو علشان نقول مش مشكلة وفيها يبقى الراجل ده مش قد كده

العقل بيقول اننا نقيم فن المنولوجيست أصلاً ونشوف من الناحية الدينية يجوز أو لا يجوز

أما اننا نفتح جدل طويل عريض يبقى احنا فضينا

يا ناس يا هو في قضايا أكثر أهمية بكثير من القضية اللي انتوا بتتكلموا فيها

ده اسمه فضا

زائر

اجمل ترحيب
واحسن ترحيب

بيك يااحمد في بيتك
وطبعا ياريت تشاركنا في الرد على كل المواضيع
وبجد منور المنتدى
وانا عارفه بصراحه مين الي جابك للموضوع
مش رجلك مش كده :D
بس انت الي تقصده

ان احنا بدل مانتكلم في حاجات فرعيه
نمسك الموضوع من الاصل
ودي وجهه نظر سليمه اكيد
وممكن الاعضاء التانيين يختلفو او يتفقو
ومره تانيه
منور الجروب

زائر

اولا نورت المنتدى يا أ/احمد
وعندك حق طبعا
بس من حقنا اننا ندافع عن اي حد علمنا

وسؤال ل د/محمود

ايه رأيك لما ولادنا يشوفونا كده مبنفرقش بين جد وهزار
ممكن نتريق على اي حد
ممثل مغني مصلح اجتماعي(على كلامك)
واستاذ عمرو دوره اكبر كمان من كده

ونحطهم كلهم في اطار واحد
ديه حاجه كويسه

زائر

معلش مع احترامى لرأيك أ/أحمد
لكن الموضوع مستاهل المناقشه مدام د/ محمود مصر على وجهة نظره ان ده مجرد نقد بناء برىء ومش واخد باله ان ده تعرض للدين ولشخصيه لها وزنها بغض النظر عن اى سلبيات او شبهات
وانت ماردتش برده على سؤالى يا د/ محمود لو كان اللى طلع عمل كده واحد مسيحى او اىديانه تانيه كنت برده هاتقول نقد بناء؟؟؟؟
وكمان حاجه معلش انت مره تقول ان النقد عجبك ومره تقول انك اصلا مش بتحب محمود عزب ومره تقول انك بتحترم عمرو خالد
وبعدين مش معنى ان واحد بيقول كلام معين بطريقه معينه او بيتلكم يعنى بطريقه معينه ان ده يسمح بالنقد بالطريقه دى زى ملكه زرار او مبروك عطيه او غيرهم هما غلطانين اه لكن ده مش يدى اى حد حق التعرض بالطريقه دى
عمرو خالد قال بنفسه قبل كده ان النقد ليه بالطريقه دى بيهدمه وبيزعله لانه بيتعب عشان يقدر يوصل المعلومه للشباب بالصوره اللى بتوصللنا بيها دى واظن ده حقه واى حد هايقول كده زيه
حاجه أخيره حرام تقول من علمنى حرفا صرت له عبدا لاننا عبيد لله وبس مش لحد

زائر

اخر حاجه هقولها في الموضوع ده
السخريه مش اسلوب لنقد بناء
لو كانت حاجه مفيده ماكانش ربنا نهانا عنها

زائر

السلام عليكم ورحمة الله وبركاته

اولا

ترحيب كبييييييييييير باحمد سعد رغم معرفتى بيه قليله شويه بس انا شوفتك فى رساله كام مره كده مع حسام الهلالى

بجد انت من الشخصيات الجميله وباذن الله تكمل معانا فى المنتدى

ممكن يكون عندك حق ان الموضوع خد حجم كبير لكن برده المنتدى فيه مواضيع تانيه مهمه مش كله جدل وخلاص

خش كده فى مشاريع الخير والقسم الدينى والحوار العام وقولنا رايك يا باشا

ايمان سمير

برده داخله تقولى عمرو خالد كذا وكذا

هو حد قالكو انى بكرهه ولا مش مقتنع بيه

انا بحبه زيكو بالضبط ومش عايز مزايدات فى الموضوع ده لانى ممكن اكتب قصايد شعر لو الحب بالكلام يعنى

رضوى عادل

كلمة تعرض للدين دى كبيره قوى قوى على الموضوع بتاعنا ده
اساسا مجاتش سيره للدين فى الموضوع اطلاقا

وبعدين استاذه رضوى انا مسلم و لسه متجننتش فى عقلى عشان اجيب فيديو بيتعرض للدين

مزايدات مزايدات وكلام كبير عشان تدافعو عن رايكو وخلاص

وايبه اللى جاب النصارى هنا فى الحوار ده؟ على فكره مفيش حاجه اسمها مسيحى اصلا

الاجابه نعم لو اى واحد انتقد عمرو خالد او غيره هقبله وارد عليه

وعلى فكره ده اصلا اساس منهج عمرو خالد

وكمان حاجه معلش انت مره تقول ان النقد عجبك ومره تقول انك اصلا مش بتحب محمود عزب ومره تقول انك بتحترم عمرو خالد

اظن ان كلامى واضح

مبحبش محمود عزب كشخص لكن الحلقه دى طلعت منها بحاجه لفتت نظرى

حاجه أخيره حرام تقول من علمنى حرفا صرت له عبدا لاننا عبيد لله وبس مش لحد

للاسف طلع حديث موضوع

اعتذر بشده عن الجمله دى

رضوى قطب

لما اولادنا يشوفو حاجه زى كده ويسمعو عمرو خالد اكيد هينحازو ليه

مش عزب شو اللى هيدمر قيمة عمرو خالد فى نفوس الاولاد

كلام كبير قوى زى رضوى اللى بتقول انه بيتعرض للدين

اهدو شويه يا اخوانا

زائر

السلام عليكم ورحمة اله وبركاته
مفاجأه كبيييييييييييييييييييييييره قوى
هاتعرفوها حالا لما تكملوا قرايه
وهى انى بعت لدار الافتاء وسالت ان كان فن المونولوج وتقليد الناس حرام ولا حلال وردوا عليا بانه لا يجووووووووووووز
وده نص الفتوى
www.dar-alifta.org/fatwaanswer.aspx?ID=941716
للى يحب يتأكده بنفسه

وبناء عليه نطالب نحن الاعضاء المعارضين بحذف الموضوع وكل المشاركااااااااااااااااات :D (ودى طبعا خساره كبييييييره لناس معينه بيحاولوا يسجلوا اكتر عدد من المشاركات حتى لو بأهلا وسهلا) وان د/ محمود ينفذ وعده لينا بخصوص الموضوع ده لانه وعدنا بوعد كده لو طلع الموضوع حرام

وسلالالالالالالالالالام

» عاوزة رد ضرورررررررى جدااااااااااا
» خالد بن الوليد
» حلقات جدد حياتك استاذ عمرو خالد
» حمى عدم اليقين مقال جميل للد/خالد توفيق عن الوهم والمؤامره فى انفلونزا الخنازير