زياره الاورام وبشكل مختلف ...!!! هوه ده الشغل

زائر

سلام عليكم

حابب اقولكم

خبر حلو باذن الله هنعمل زياره قريبا تانى بشكل مختلف وجميل جدا

عبير ابو النجا كلمتنى انهارده وقالتى ايه رايك يا حسام نعمل حاجه مهمه فى الزيارة بتاعنيا
قولتها ها ناويه على ايه قالتى المره دى هنودى للحالات تلبينة ودى الرسول اوصى بيها وكمان مهمه وليا تاثير كبير فى علاج المرض ده طبعا باذن الله

وده هيبقى مخلوط بالعسل واللبن باذن الله ....

بجانب اننا هنوزع عسل باذن الله بردو على قسم الرجال

ايه رايكوا يا شباب

يا ترى مين حابب يشارك ويساعد فيه

طبعا الكل هيخش ويشارك الحمد لله

عايزين يا شباب

اللبن

العسل

البرتمنات نص كيلوهات فاضيه علشان نعبى فيها التلبينه باذن الله

هاااااااااااااااااا الزياره ناويين نعملها يوم الاتنين القادم يا ترى مين جااااااااااااااااااهز ومين دخل فى الموضوع
عاااااااااااااايز منافسه من نار عايز شغل يا ابطال

وربنا يتقبل منا جميعا

وجزاكم الله خيرا

زائر

يا رب يقدرنى واعرف احضر

ادعولى فى موضوع الجيش ده

ليا ملحوظه صغيره فى موضوع التلبينه

المفروض الفلوس اللى ربنا وحده يعلم بتيجى ازاى تتصرف على اى حاجه تفيد مريض الاورام

انا لا اعترض على التلبينه فى حد ذاتها لكن لم يثبت انها مفيده لمريض الاورام وايضا لم يرد نص دينى فى ذلك

لو هنمشى كده ممكن نجيب بقى حبة البركه او نعمل جلسات حجامه

انا لسه امبارح سالت اطباء فى الاورام قالولى ان حكاية دهن العسل على الحروق وقرح الفراش دى لم يثبت فاعليتها بطريقه مؤكده

رايى الشخصى ان توجيه الفلوس للمضادات الحيويه باهظة الثمن وصبغات الاشعه والعلاج الكيماوى افضل

ومش عايز حد يقولى انت مجادل لا نفعلا فى عجز كبير فى الادويه

زائر

انا برده بصراحه مش مقتنعه قوي بموضوع التلبينه ده

وكمان متهيأي هيبقى عليها خلاف من الدكاتره اللي موجودين

وكمان انا مش عارفه هتتعمل ازاي وهتتحفظ ازاي وصلاحيتها ايه نظامها

انا رايي خلينا في حاجه مضمونه العسل مافيش عليه خلاف

ولو فيه فلوس زياده ممكن نفكر في اي حاجه تانيه

زائر

جزاك الله خيرا يا محمود
ربنا يعزك يارب

وباذن الله تبقى معانا فى الزياره دى ويبفى ليك دور كبير فيها باذن الله

يله يا شباب

محتاجين الحاجات الى فوق دى

بالمناسبه لا تقلق يا محمود العسل ربنا اوصى بيه فى القراءن وكمان اللبن مفقد والتلبيه بردو مفيده جدا وهقولك فويديها ايه بكره بالظبط علشان يبقى عندك خلفيه عنها

ولو علمنا سيرش على النت هيلطع بردو فوييدها ومش هتكلم كتير فى الموضوع ده
وعلى فكره الحجامه كويس والله بردو
والطب النبوى كويس بردو والله
وحبه البركه كويسه والله

المهم بس نشتغل ونخلص النيه ونبقى عارفين بنعمل ايه ومش تقلق كله فى السليم يا ريس بدير

زائر

نا
راى يا رضوى تكلمى عبير تقولك اد ايه التلبينه مفيده واد ايه اثر فى علاج حالات كتيره بفضل الله

ام بقه بخصوص يتعمل ازاى ده هيبقى شغل ايمان سمير وعبير ابو النجا باذن الله

وعلى فكره بيتشرب عادى مش لازم سخن
وطعمه جميل جدااا وصحى جداااااااااااااااااااااااااااااااااااااااااااااااا

وطبعا خلينا نعرف اكتر عنه وبعدها نحكم يا ترى نعمله ولالا
مع العلم اننا هنساعد بالادويه وكمان بالعسل
باذن الله

وجزاكم الله خيرا جميعا

زائر

كلام جميل قوى
ماشاء الله يا حسام انت متحمس جدا ربنا يكرمك
بس انا من رأى د/ محمود ورضوى
الناس اصلا ممكن ماتعرفش ده ايه او ماتقتنعش بكلامنا وممكن يرموه فى الزباله
وانت عارف المصريين بيفكروا ازاى
مش عارفه والله بس ده راى
وبعدين التلبينه على حسب علمى انها بتحتاج لعلاج لفتره مش مره وخلاص
يعنى المره اللى هانديهم فيها دى ممكن مش تفيدهم قوى يعنى
لانها مش سحريه ومش هاتعمل المفعول من مره واحده ياخدوها
لا هما هايحتاجوا بعدها كذا مره
ولا ايه؟؟؟

زائر

انا برضو مقتنعة بنفس الكلام لان فعلا فى ناس ممكن متتقبلش انها تشربها او لو حتى فكرت تشربها ممكن تاخد منها جزء صغير و الباقى ترمية ... معروف جدا فوائدها و ان هيا مفيدة و مغذية جدا ..و الرسول علية الصلاة و السلام نفسوا كان بيشربها ...

علشان كدة فعلا احنا ممكن نوفر الفلوس دى لحاجة تانية و برضو تكون مفيدة ..
جزاك الله خير يا حسام على نشاطك

زائر

السلام عليكم

اولا جزاكم الله خيرا لما تقوموا بة

لكن انا بصراحة مش ها اتكلم علي التلبينة

لاني بصراحة لا اعلم عنها شئ

سواء هل مفيدة لهولاء المرضي او غير مفيدة

ولذلك لن اتحدث عنها وساترك لكم الحديث عنها

--------

اما النقطة الاخري وتلك بخصوص الادوية - ففعلا المركز يعاني من نقص شديد في الادوية والمستلزمات الطبية

----------

اما عن الطب النبوي و الححجامة فانا علي يقين ان ذلك مفيد جدا للمرضي بشكل عام

السلام عليكم ورحمة الله وبركاته
ببساطة شديدة
يا جماعة احنا بنزور مستشفى للأورام
وفيها مرضى والمرضى دول بيتعاجلوا بعقاقير وكيماويات
مع احترامي للطب البديل والطب بالأعشاب وغير ذلك
فقه الأولويات أكيد في صالح شراء أدوية
و لو فيه باقي ممكن تدوروا على الحاجات التانية باعتبارها عوامل مساعدة لأنها لم يثبت صحتها أو فاعليتها
أما الأدوية فهي بروتوكلات وأبحاث علمية مدروسة
باختصار يا جماعة
أنا لما رحت وعملت زيارة لوحدي استكشافية للمركز قبل زيارة الخميس اللي فات
وجدت نقص شديد في الأدوية
وخاصة المضادات الحيوية
الناس دول محتاجين
fortum 1g. vial
أو
kefadim 1g. vial
بالإضافة إلى
oncoven vial
natulan cap.
cefotax 1g. vial
ursogall cap.
human albumin vial
solupred 20 tab.
amikin 0.5g. & 1g. vial
cosmogen vial
meronem 1g. vial
ده طبعاً أهم الأدوية لكن مش كلها
مفيش مانع خالص إنكم تجيبولهم العلاج ده
ولما يفيض فلوس تجيبوا الكماليات التانية
وده رأيي

زائر

عارفين يا جماعه

ملحوظاتى فى الموضوع ده
1- اولا محدش عارف اد ايه التلبينه دى مفيده واد ايه الرسول كان بيشربها يعنى مش تقولى بقه مفيش اثتبات علمى بانها كويسه او صحيه الاثبات العلمى بتاعكوا ده هههههه يروح يلعب بيعيد لانه معروف ان سياسه الدوله ورجال الاعمال عمل دعاية لادويه الى هيا اساسا سبب موتنا كلنا لانها بتسكن الم فين حين انها بتدمر حاجه تانيه وده الفلاح قبل الدكتور عارف الكلام ده مع احترامى لاهمية الادويه وانا بردو اؤيد الدواء الطبى المعروف لكن اؤيد اكثر منه الطب النبوى ودى رايى الشخصى اعتقد من حقى ..

2- ثانيا انا فى كلامى قولت هنجيب ادويه ونوفر الى نقدر عليه مع ده هنحاول نوفر التبلينه للمرضى وده مش هيكلفنا كتير يعنى تقريبا الموضوع كله تمن حقنه بتكلم عليها بحوالى 100 جنيه لحاله واحده فى حين ان التمن ده مثلا هيتوزع على ما يقرب من 30 ل 40 حاله .... لوقولنا 20 منهم شربوه دهيبقى انجاز كبير بفضل الله
مع العلم ان الشفاء من عند الله واحنا بنعمل بالاسباب على اد ما نقدر ..

3- ميفنعش اقول حبه البركه كويسه ومفيده جدا يطلع يقولى حدبيفهم فى الطب على سبيل المثال لالالالالا مفيش اثبات علمى ده حاجه مش منطقيه اساسا ....

4- يا جماعه بتفكرونى لما قولنا تعالوا نعمل شنطه الخير لانها هتكمل كفاله الاسره ومن خلالها هنوزع على اسر محتاجه لده ونسد عجز ..... قولتوا لا والمشروع ده لو اتعمل يتعمل فى المكان الفلونى وليه يتعمل هنا والكلام ده وصعب حد يقف جنبك فى الموضوع ده وملوش لزوم فى حين ان بفضل الله اولا واخيرا جارى تجهيز 12 شنطه خير وفعلا هستاعدنا كتير الحمد لله وباقل تكاليف مالية ....

واخيرا الامر شورى يا شباب و مووضوع التلبينه ده بين ايديكوا لو حبين ننفذه على بركه الله لو مكنش يبقى خير بفضل الله

وجزاكم الله خيرا جميعا
المصلحه واحده وهى الحب فى الله

زائر

انا رأيي من رأي بقيت الشباب

فعلا كلامهم مضبوط

احنا مش بنعترض على كلامك يا حسام لمجرد الاعتراض

طبعا لأ

فعلا ربنا يعلم احنا بنجمع الفلوس دى ازاى

فلازم تتحط فى المكان المناسب

وبعدين فى ناس كتير مش اعترضت على موضوع الشنطة

فى ناس كانت موافقة وناس لا

بس لما تلاقى الاجماع على ان التلبينه دى ممكن تكون مش زى الادوية

هى هتفيد بس بعد فترة وبعد اكتر من مرة ولازم المريض يأخدها كل يوم او كل اسبوع

وده اكيد مكلف

يبقى نهتم بالادوية اللى بتخفف المرض عليهم

برغم ان احناعارفين نهاية معظم المرضي بالمرض ده نهايته بتبقى ايه

الا من رحم ربى

انا من رأيي نح الفلوس دى فى الادوية افضل

وزى ما الكل قال ان فعلا هيبقى فى ناس مستغربه اللى احنا بنوزعه وفى ناس وسواسه مش هتشربه

وفى ناس عندها المرض ده وسكر يبقى احنا بنإذيهم مش بنساعدهم

وانا من رأيي ان بالاجماعه يتنفذ الشئ والله المستعان

زائر

تخيلو معايا المنظر ده وعيشوه بقلوبكم قبل عقولكم

اب فقير شايف ابنه مصاب بسرطان فى الدم وليه جرعة علاج كيماوى وميعادها فات لان الراجل لا يملك من حطام الدنيا شئ

طفل محتاج اشعه مقطعيه ومركز الاورام لا يعطى صبغة الاشعه بالمجان والصبغه تكلفتها 200 جنيه

مريض اوام اصابه التهاب رئوى حاد نتيجة نقص مناعته ومحتاج امبول مضاد حيوى اسمه ميرونيم

الواحد ب 80 جنيه

الناس دى محتاجه ايه؟؟؟؟؟؟؟

ايه؟؟؟؟؟؟؟؟؟؟؟؟؟؟

تلبينه

اكيد التلبينه بتعالج الاتهاب الئوى وسرطان الدم زى ما هو مكتوب على العلب اللى بتتباع قدام الجوامع

والله اعلم معموله ازاى وفين

اساسا الاسم نفسه غلط

التلبينه النبويه

يعنى خلاص متقدرش تفتح بقك ولا حد يعمل عليك اى رقابه لانك حاطط اسم النبى على المنتج بتاعك

يا جماعه فرقو كويس جدا بين نصائح النبى صلى الله عليه وسلم وهديه فى حياته

وبين الاوامر والنواهى

الرسول لم يامر باتباع اى وسيله طبيه وترك الباب مفتوح للعلماء

لانهم ورثة الانبياء

مش تقولى الدوا وهم

زائر

للاسف يا حسام

جانبك التوفيق تماما تماما

ايه يا عم محمود ما تصلى على النبى احنا فى مطش كورة
وجانبنى التوفيق وبتاع احنا بنعمل خير يا سعادة وزير الصحه براحه علينا شويه الله يرضى عليك وخصوصا انى مش حيلك الفتره دى يعنى اختار وقت اكون متباع النت كويس وولو حابب لصبح تخش افيه انا جاهز مفيش مشاكل ولوونك بتخلينى اغير مسار الصح الى احب امشى عليه عموما خير ....

واضح انك مقتنع بنظرية المؤامره وعايشه جواك لدرجة انك مقتنع ان الدوا وهم والدوله هى اللى بتروج ليه

يا عم المغامر مؤامرة ايه بس الى بتكلم عليها يعم الله يسهلك الى تشوفه سيتك مش هنختلف يا عم محمود
لانى بجد والله ما فاضى لاشتغالات دى ...

حسام مش معنى انك بتشوف مرضى الاورام بيموتو يبقى العلاج فاشل

العلاج مين فل والحمد لله نتائجه ميه الميه وانا مش بفهم اساسا وانته دكتور واحنا الشعب وكل سنه وحضرتك بخير..

يعنى سيادتك مامور باتباع الدواء مش امبارح عندك انفلونزا ورافض تاخد دوا وتقولى كلها حاجات ملهاش لازمه

الغريبه انك قيلى انبارح كل ده مساكنات يعنى مش علاج يا محمود وبعدين يا اخى انا راى ان الطب النبوى افضل من الطب الحديث لان اساسا مفيش فى مصر طب حديث وكل الى موجودين بطيخ الا من رحم ربى وده شىء معروف فى كل وسائل الاعلام وحضترك اول واحد تاكد كلامى تروح عند دكتور بيعد عنك يقولك صابع رجلك اليمين الى فيه المشكله وهوه صابع رجلك الشمال .. يا ترى المشكله فى المدارة ولا فى البلطوا مش موضوعنا ....

حضرتك مين قال انى معرفش التلبينه دى بتتباع قدام اى جامع كبير
على فكره بتباع فى محلات محترمه والله ههه مش عارف اشمعنه الشارع يعنى قدام المساجد عموما اظاهر المفروض قبل ما انزل موضوع على المنتدى اعرضه على سعاتك لو حضترك وفقت عليه اضمن انه هيبقى تمام

مكتوب على العلبه اكتر من 20 مرض بتعالجهم التلبينه

هل ده نص كلام النبى؟؟؟؟؟؟؟ هل فى حديث عدد الامراض دى بالعدد

ولا كلام اصحاب مصانع انتاج التلبينه

يا عم محمود هوه يعنى بردو المضاد الحيوى الى مكتوب عليه بيعالج ميت علاج يا ترى النبى بردو وصى بيها
ولا دعايه شركات الادويه ومعروف ان 90% من الادويه ليها اثار جانيه خطيره على الانسان
وياريت حد من بتوع طب يفتى فى ده لان صعب محمود يعترف بده نهااااااااااااائى

بول ايه الى بتكلم عليه يا محمود
يا عم ريح نفسك وحمد لله على سلامتك من الحادثة

ولاخر مره يا محمودبلاش نظام ده على المنتدى وخصوصا معايا
وانا تحت امرك فى اى وقت بردو

سلام

زائر

الزياره قادمه باذن الله

تحت اشراف بوسى ابو المجد وعبير ابو النجا باذن الله

معاد الزياره وبرنامج الزياره هيحدده بوسى ابو المجد بالتنسيق مع عبير ابو النجا

وربنا يتقبل منا جميعا

وجزاكم الله خيرا

اشوفكوا على خير بعد الامتحانات باذن الله

زائر

انا اتلخبطت وكتبت الرد ده فى موضوع شنطة الخير
صلوا على النبى يا جماعه
الموضوع ابسط من كده
عادى اللى عنده فكره بيقترحها واحنا بنتناقش فيها
مش معنى كده انكم تتخانقوا
الاختلاف فى الرأى لا يفسد للود قضيه
وانت يا حسام عقلك كبير واكيد هاتتقبل اختلاف وجهات النظر ده
ربنا يعينك فى امتحاناتك يا حسام

زائر

ده بحث عن التلبينه
عشان نفهم كلنا معناها واهميتها

[center]التلبينة وصية نبوية.. وحقيقة علمية

هي حساء يُعمل من ملعقتين من دقيق الشعير بنخالته ثم يضاف لهما كوب من الماء، وتطهى على نار هادئة لمدة 5 دقائق، ثم يضاف كوب لبن وملعقة عسل نحل. سميت تلبينة تشبيها لها باللبن في بياضها ورقتها. وقد ذكرت السيدة ‏عائشة رضي الله عنها أن النبي علية الصلاة والسلام أوصى بالتداوي والاستطباب بالتلبينة قائلا: .....

"التلبينة مجمة لفؤاد المريض تذهب ببعض الحزن" صحيح البخاري.

ومن المذهل حقا أن نرصد التطابق الدقيق بين ما ورد في فضل التلبينة على لسان نبي الرحمة وطبيب الإنسانية وما أظهرته التقارير العلمية الحديثة التي توصي بالعودة إلى تناول الشعير كغذاء يومي؛ لما له من أهمية بالغة للحفاظ على الصحة والتمتع بالعافية.

تخفض الكولسترول وتعالج القلب
أثبتت الدراسات العلمية فاعلية حبوب الشعير الفائقة في تقليل مستويات الكولسترول في الدم من خلال عدة عمليات حيوية، تتمثل فيما يلي:

أ. تتحد الألياف المنحلة الموجودة في الشعير مع الكولسترول الزائد في الأطعمة فتساعد على خفض نسبته في الدم.

ب. ينتج عن تخمر الألياف المنحلة في القولون أحماض دسمة تمتص من القولون، وتتداخل مع استقلاب الكولسترول فتعيق ارتفاع نسبته في الدم.

ج. تحتوي حبوب الشعير على مركبات كيميائية تعمل على خفض معدلات الكولسترول في الدم، ورفع القدرة المناعية للجسم مثل مادة "بتا جلوكان" B-Glucan والتي يعتبر وجودها ونسبتها في المادة الغذائية محددا لمدى أهميتها وقيمتها الغذائية.

د. تحتوي حبوب الشعير على مشابهات فيتامينات "هاء" Tocotrienol التي لها القدرة على تثبيط إنزيمات التخليق الحيوي للكولسترول، ولهذا السبب تشير الدلائل العلمية إلى أهمية فيتامين "هاء" الذي طالما عرفت قيمته لصحة القلوب إذا تم تناوله بكميات كبيرة.

وعلى هذا النحو يسهم العلاج بالتلبينة في الوقاية من أمراض القلب والدورة الدموية؛ إذ تحمي الشرايين من التصلب -خاصة شرايين القلب التاجية- فتقي من التعرض لآلام الذبحة الصدرية وأعراض نقص التروية (Ischemia)، واحتشاء عضلة القلب ( Heart Infarction).

أما المصابون فعليا بهذه العلل الوعائية والقلبية فتساهم التلبينة بما تحمله من خيرات صحية فائقة الأهمية في الإقلال من تفاقم حالتهم المرضية. وهذا يظهر الإعجاز في قول النبي صلى الله عليه وسلم: "التلبينة مجمة لفؤاد المريض.."، ومجمة لفؤاد المريض أي مريحة لقلب المريض!!

علاج للاكتئاب

كان الأطباء النفسيون في الماضي يعتمدون على التحليل النفسي ونظرياته في تشخيص الأمراض النفسية، واليوم مع التقدم الهائل في العلوم الطبية يفسر أطباء المخ والأعصاب الاكتئاب على أنه خلل كيميائي.. كما يثبت العلم الحديث وجود مواد تلعب دورًا في التخفيف من حدة الاكتئاب كالبوتاسيوم والماغنسيوم ومضادات الأكسدة وغيرها... وهذه المواد تجتمع في حبة الشعير الحنونة التي وصفها نبي الرحمة بأنها "تذهب ببعض الحزن".

ولتوضيح كيف تؤثر المواد التي يحويها الشعير في الاكتئاب، وتخفف من حدته نذكر أهم تلك المواد المضادة للاكتئاب والموجودة في الشعير، ومنها:

- المعادن: فتشير الدراسات العلمية إلى أن المعادن مثل البوتاسيوم والماغنسيوم لها تأثير على الموصلات العصبية التي تساعد على التخفيف من حالات الاكتئاب، وفي حالة نقص البوتاسيوم يزداد شعور الإنسان بالاكتئاب والحزن، ويجعله سريع الغضب والانفعال والعصبية. وحيث إن حبة الشعير تحتوي على عنصري البوتاسيوم والماغنسيوم فالتلبينة تصلح لعلاج الاكتئاب، ويلاحظ هنا أن الدراسات العلمية تستخدم كلمة "التخفيف من حالات الاكتئاب"، ونجد ما يقابلها في حديث رسول الله صلى الله عليه وسلم: "تذهب ببعض الحزن"، وهذه دلالة واضحة على دقة التعبير النبوي الذي أوتي جوامع الكلم.

- فيتامين "B": فقد يكون أحد مسببات أعراض الاكتئاب هو التأخر في العملية الفسيولوجية لتوصيل نبضات الأعصاب الكهربية، وهذا بسبب نقص فيتامين "B"؛ لذلك ينصح مريض الاكتئاب بزيادة الكمية المأخوذة من بعض المنتجات التي تحتوي على هذا الفيتامين كالشعير.

- مضادات الأكسدة: حيث يساعد إعطاء جرعات مكثفة من حساء التلبينة الغنية بمضادات الأكسدة (فيتامين E وA) في شفاء حالات الاكتئاب لدى المسنين في فترة زمنية قصيرة تتراوح من شهر إلى شهرين.

- الأحماض الأمينية: يحتوي الشعير على الحمض الأميني تريبتوفان Tryptophan الذي يسهم في التخليق الحيوي لإحدى الناقلات العصبية وهي السيروتونين Serotonin التي تؤثر بشكل بارز في الحالة النفسية والمزاجية الإنسان.

علاج للسرطان وتأخر الشيخوخة
تمتاز حبة الشعير بوجود مضادات الأكسدة مثل (فيتامين E وA)، وقد توصلت الدراسات الحديثة إلى أن مضادات الأكسدة يمكنها منع وإصلاح أي تلف بالخلايا يكون بادئا أو محرضا على نشوء ورم خبيث؛ إذ تلعب مضادات الأكسدة دورا في حماية الجسم من الشوارد الحرة (Free radicals) التي تدمر الأغشية الخلوية، وتدمر الحمض النووي DNA، وقد تكون المتهم الرئيسي في حدوث أنواع معينة من السرطان وأمراض القلب، بل وحتى عملية الشيخوخة نفسها.

ويؤيد حوالي 9 من كل 10 أطباء دور مضادات الأكسدة في مقاومة الأمراض والحفاظ على الأغشية الخلوية وإبطاء عملية الشيخوخة وتأخير حدوث مرض الزهايمر.

وقد حبا الله الشعير بوفرة الميلاتونين الطبيعي غير الضار، والميلاتونين هرمون يفرز من الغدة الصنوبرية الموجودة في المخ خلف العينين، ومع تقدم الإنسان في العمر يقل إفراز الميلاتونين.

وترجع أهمية هرمون الميلاتونين إلى قدرته على الوقاية من أمراض القلب، وخفض نسبة الكولسترول في الدم، كما يعمل على خفض ضغط الدم، وله علاقة أيضا بالشلل الرعاش عند كبار السن والوقاية منه، ويزيد الميلاتونين من مناعة الجسم، كما يعمل على تأخير ظهور أعراض الشيخوخة، كما أنه أيضا له دور مهم في تنظيم النوم والاستيقاظ.

علاج ارتفاع السكر والضغط

تحتوي الألياف المنحلة (القابلة للذوبان) في الشعير على صموغ "بكتينات" تذوب مع الماء لتكون هلامات لزجة تبطئ من عمليتي هضم وامتصاص المواد الغذائية في الأطعمة؛ فتنظم انسياب هذه المواد في الدم وعلى رأسها السكريات؛ مما ينظم انسياب السكر في الدم، ويمنع ارتفاعه المفاجئ عن طريق الغذاء.

ويعضد هذا التأثير الحميد للشعير على سكر الدم أن عموم الأطعمة الغنية بالألياف -منحلة وغير منحلة- فقيرة الدسم وقليلة السعرات الحرارية في معظمها، بينما لها تأثير مالئ يقلل من اندفاعنا لتناول الأطعمة الدسمة والنهم للنشويات الغنية بالسعرات الحرارية.

ولأن المصابين بداء السكري أكثر عرضة لتفاقم مرض القلب الإكليلي؛ فإن التلبينة الغنية بالألياف تقدم لهم وقاية مزدوجة لمنع تفاقم داء السكري من ناحية والحول دون مضاعفاته الوعائية والقلبية من ناحية أخرى.. وهكذا يمكننا القول بثقة إن احتساء التلبينة بانتظام يساعد المرضى الذين يعانون من ارتفاع السكر في دمهم.

كما أكدت الأبحاث أن تناول الأطعمة التي تحتوي على عنصر البوتاسيوم تقي من الإصابة من ارتفاع ضغط الدم، ويحتوي الشعير على عنصر البوتاسيوم الذي يخلق توازنا بين الملح والمياه داخل الخلية. كذلك فإن الشعير له خاصية إدرار البول، ومن المعروف أن الأدوية التي تعمل على إدرار البول من أشهر الأدوية المستعملة لعلاج مرضى ارتفاع ضغط الدم.

ملين ومهدئ للقولون

والجدير بالذكر أن الشعير غني بالألياف غير المنحلة وهي التي لا تنحل مع الماء داخل القناة الهضمية، لكنها تمتص منه كميات كبيرة وتحبسه داخلها؛ فتزيد من كتلة الفضلات مع الحفاظ على ليونتها؛ مما يسهل ويسرع حركة هذه الكتلة عبر القولون، وهكذا تعمل الألياف غير المنحلة الموجودة في الحبوب الكاملة (غير المقشورة) وفي نخالة الشعير على التنشيط المباشر للحركة الدودية للأمعاء؛ وهو ما يدعم عملية التخلص من الفضلات.

كما تعمل الألياف المنحلة باتجاه نفس الهدف؛ إذ تتخمر هلامات الألياف المنحلة بدرجات متفاوتة بواسطة بكتيريا القولون؛ مما يزيد من كتلة الفضلات، وينشط الأمعاء الغليظة؛ وبالتالي يسرع ويسهل عملية التخلص من الفضلات.

وأظهرت نتائج البحوث أهمية الشعير في تقليل الإصابة بسرطان القولون؛ حيث استقر الرأي على أنه كلما قل بقاء المواد المسرطنة الموجودة ضمن الفضلات في الأمعاء قلت احتمالات الإصابة بالأورام السرطانية، ويدعم هذا التأثير عمليات تخمير بكتيريا القولون للألياف المنحلة ووجود مضادات الأكسدة بوفرة في حبوب الشعير.

وفي النهاية نقول: إنه إذا كان كثير من الناس يتحولون اليوم من العلاج الدوائي إلى الطب الشعبي والتقليدي.. فإن من الناس أيضا من يتحول إلى الطب النبوي، وهم لا يرون فيه مجرد طريقة للحصول على الشفاء.. بل يرون فيه سبيلا للفوز بمحبة الله وفرصة لمغفرة الذنوب {قُلْ إِن كُنْتُمْ تُحِبُّونَ اللهَ فَاتَّبِعُونِي يُحْبِبْكُمُ اللهُ وَيَغْفِرْ لَكُمْ ذُنُوبَكُمْ}.. وهكذا يصبح للتداوي مبررات أخرى أعظم من الشفاء ذاته.

منقووووووووووووول

اسلام أون لاين / د. صهباء بندق

زائر

تمتاز حبة الشعير بمضادات الاكسده

دى اهم كلمه نطلع بيها من موضوعك يا رضوى على الاقل فيما يخص الاورام

وهنا مربط الفرس

يعنى ايه مضادات اكسده؟؟؟؟؟؟

واصلا الورم بيحصل ازاى

محدش فكر يسأل نفسه السؤال ده قبل كده؟

خلايا جسم الانسان بتمر برحلة حياه محدده وكل خليه وليها عمرها وبعد كده بتموت نفسها بنفسها فى عمليه معقده تعرف باسم

ابوبتوزيس

او موت الخليه المبرمج

بدون استعراض عضلات او الدخول فى تفاصيل غير مهمه حاليا الورم بينشا عندما يتسارع معدل الموت المبرمج وتبدأ الخلايا تتحور عن شكلها الطبيعى وده بيكون نتيجة مؤثرات خارجيه كالتلوث او الاشعاع او مؤثثرات داخليه كعوامل جينيه

الاشعاع او المبيدات دى بتحفر مواد اسمها مواد مؤكسده بتساعد فى تحوير الخلايا

وهنا بقى دور مضادات الاكسده

بتمنع المواد الضاره وبتحمى خلايانا وبتحافظ على دورة حياتها الطبيعيه

انما تقولى مضادات اكسده فى عيان خلاص جاله السرطان واتكن منه

بالضبط زى ما بدى حبوب منع حمل لواحده فى الشهر التاسع

نا قلت اللى عندى واللى درسته فى كلية الطب االى بعض الناس هنا مقتنعين ان الطب وهم ومصر مفيهاش طب

متقعدش بس تتفشخر بقريبك احمد الدجوى طالما ان مصر مفيهاش دكاتره

بعد ما خلصت ضميرى تعملو بقى زيارة تلبينه توزعو بتنجان مقلى انتو حرين

كل واحد بعد كده يدخل الاورام بطريقته الخاصه طالما الكلام مش عاجب وبنسمع تريقه على العلم

زائر

كل واحد لية رايوا يعنى عادى احنا بناخد براى الجميع زى برضو معملنا رايى الجميع فى الشنطة و كل واحد كان من وجهة نظروا قال حاجة و فى الاخر اخدنا براى الاغلبية ... و علشان مكنش يحصل كل دة او اى خلاف احنا كل واحد فينا قال رايوا وبس ...كان من الاسهل يتسال فى المستشفى هل هما ممكن يخدوها عادى ولا لا ...
و برضو خييير يا جماعة المهم ميوصلش غير ان فى سوء تفااااهم بس ....

زائر

يا جماعه محمود وحسام الاتنين اصحاب واخوات بيختلفوا فى الرأى لكن هما كويسين جدا مع بعض
عامه مفيش مشاكل وكله تمام
والامن مستتب
معلش المناقشة بس كانت حاميه شويتين ثلاثه
بس حصل خير الحمد لله

زائر

ههههههههههههههههههههههههههههه

نعتذر يا جماعه عن العرض الابيض فى اسود لان الالوان مكنتش متظبطه

معلش انا اسف جدا يا جماعه
وحوكه فريد حبيبى ومفيش اى مشاكل الحمد لله بينا على صعيد الشخصى

المشكله فى على الاصفر هههههههههههههه بطل يا محمود تتعامل معاه بقه هههه
خليك مع محسن الهنداوى احسن

ونعتذر مره احره ليكوا كلكوا

وجزاكم الله خيرا جميعا

والله حاجة جميلة أوي يا أستاذ حسام إنت ودكتور محمود
شيئ مشرف خااااااااااااالص
بجد أنا مش عارف أكافئكم ازاي ؟؟؟

» بكره الخميس زياره مركز الاورام يا شباب ..
» منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟
» اصحى يا نايم .... زياره من نوع خاص ..!!!
» تقرير زياره المسنين 18_1_2010
» زياره مهجوره اخرى من الزيارات----------------------------------------