موضوع: بكلمه منك!!!! الإثنين يناير 26, 2009 10:42 pm
بكلمه منك تنسينى اللى عدى قوام تخلينى احس بقيمة الايام تطمنى لسنين قدام بكلمه منك تورينى اللى مش شايفاه تريحنى من الهم اللى انا شايلاه تعيشنى اللى مش عايشاه كان فين هواك من بدرى يا حبيبى وكل ده فين انا من قبلك انا عايشه مع العايشين بكلم نفسى م الوحده بقالى سنين وانا ف ضيقتى ماكنتش عارفه اشكى لمين وطول وقتى وانا بعمل حساب بعدين ودلوقتى عرفت ابدأ حياتى منين
الاغنيه لمطربه مشهوره اسمها شرين اكيد كلنا سمعناها فى تاكسى او محل او للى بسمع اغانى اكيد عارفها طبعا الاغنيه كلامها جميل جدا مافيش شك لكن لو دققنا شويه فى الكلمات هنلاقى انها واخدانا لمفهوم مش المفروض انه يكون لبشر خااااااااالص,,,,,مفهوم العبوديه لو تخيلنا ان الكلام ده لربنا وانا اللى بيقوله او بتقوله بتتكلم عن حالها وهى بعبده عن ربنا وازاى اتغير لما قربت منه وعرفته واتأثرت بكلامه هنلاقى انه فعلا معبر ومنطبق وده ان دل يدل على ان فعلا الاغانى معظمها ويكاد يكون كلها كلامها حرام ده طبعا غير حرمانية سماعها فى حد ذاته وسماع الموسيقى والات الموسيقى وكده انه كلامها نفسه فيه حرمانيه
ولو كملنا الاغنيه هنلاقى كوبليه بيقول
بكلمه منك عرفت انا دنيا ماعرفهاش عشان خاطرك بحب حاجات ماحبتهاش ولو تندهلى ماستناش بكلمه منك لقيت كل اللى مش لاقياه ولو فى حد زعلنى انا مسامحاه ولو فى جرح انا هنساه المفروض ده يكون مع ربنا المفروض نحب حاجات مش بنحبها اصلا عشان ربنا المفروض لما ربنا يندهنا للصلاه مش نستنى المفروض ننسى اساءة الناس عشان ربنا ..... كان معز مسعود عمل تعليق على اغنيه لعمرو دياب اسمها خليك معايا اللى يحب يسمعه يدخل الرابط ده وفيه نفس الموضوع وانا نفذته على الاغنيه دى ولقيته فعلا عنده حق https://www.youtube.com/watch?v=IHvg7FKuvFo&feature=related
???? زائر
موضوع: رد: بكلمه منك!!!! الثلاثاء يناير 27, 2009 9:13 pm
حلو قوووووي يا رضوى الموضوع ده كنت متابعه البرنامج ده كان تحفه معز مسعود ده احسن حاجه فيه اختلاف تفكيره معرفة ربنا وحبه بس بشكل مختلف يخلي الواحد يحب ربنا اكتر
فيه حته حلوه قوووووووي في نفس الحلقه ديه بتقول ايه بقه
سامحني كان لازم اجيلك من زمان ابكي بندم واتمنى تغفر لي اللي كان رفعت ايدي للسما قربتلك تاني ازاي نسيتو ربنا عمره ما ينساني نفسي اقولك اني بحبك بس يا قلبي وبطل كدبك لسه الدنيا بتخدع فيك وبتسرقني عبدك جيلك وانت خلقته عرفت الذنب وبرده عملته بس ماليش غير اني اقولك سامحني
موجوده في اخر الفيديو اللي انتي حاطه اللينك بتاعه وده لينك تاني للجزء ده دقيقتين بس بجد القاؤه ليه مش عارفه اقول عليه ايه شوفوه بنفسكوا
موضوع: بكلمه منك!!!! 
الإثنين يناير 26, 2009 10:42 pm