حكاية اسمها المنتدى الصحى

زائر

السلام عليكم ورحمة الله وبركاته

انا قلت ابعت موضوع منفصل عن المنتدى لأنه يستحق ان يفرد ليه موضوع

احنا كنا وصلنا امبارح عند الحملات ونشاط المنتدى

لكن دكتور فريد قال انه استعلم من دكتور مصطفى عن المنتدى وقاله ان المنتدى وقف بتوقف او بإنسحاب دكتور سامح اكرمه الله وذلك لظروف خاصه به

بس يادكتور فريد الكلام دا محصلش

اولا انا كنت النائبه بتاعة الدكتور سامح ولما ظروف شغل مسمحتش انه يكمل معانا طلب منى وبموافقة الجميع انى امسك مكانه وكنت انا المسئولة عن المنتدى ودا تقريبا فى خلال فترة حملة breast cancer

واللى كان دكتور سامح حضر معانا جزء منه

اما حكاية وقوع المنتدى فمش بس انكل واحد فينا اتشغل بحاجات كتير لا احنا كنا ممكن نجاهد فى سبيل بقاءه

بس دا لو كنا لقينا الإيد اللى تساعدنا على دا

اولا منتدى رسالة كان تقريبا المنتدى الوحيد اللى فضل بعد تفكك معظم المنتديات على مستوى الدقهلية

واللى حصل انهم قالوا هيضموا جميع المنتديات فى منتدى واحد عشان الأعداد اللى باقية مش مستاهلة انها تكون منفصلة

لكن منتدى رسالة كان عدده معقول وشغله كان كويس بالنسبة للباقى

دا بالنسبة للظروف الخارجية اما الظروف الداخلية فهى كالتالى:

اولا اللى كان بيدخل على الجروب بتاعة رسالة المنصورة القديمة يعنى من حوالى سنة او اكتر شوية هيعرف انا قصدى ايه

انا من الآخر وصلنا لمرحلة اننا بنشحت متطوعين حد فاهم يعنى ايه بنشحت متطوعين

بعت على الجروب وكنا مقسمين نفسنا كل واحد بالدور يحضر اجتماع المتطوعين الجدد

عشان نكلمهم عن المنتدى ودوره ونحاول نتكسب اعضاء طبعا الكلام دا بعد ما اكتشفنا ان فى العرض التقديمى لأعمال الجمعية

محدش بيجيب سيرة المنتدى خالص ولا اكنه تابع ليهم

مش عارفة كانوا فاكرينه لعب عيال ولا مكنوش مقتنعين انه نوع من أنواع عمل الخير أساسا

الجميل انا احنا كفريق كنا شايفينه نوع فريد من انواع عمل الخير والزكاه وفى نفس الوقت تنمية ونهضة

كمان الدعم المادى كنا مفتقدينه كانوا بيحطوا ميزانية لكل حاجة ماعدا المنتدى

طبعا دا بيصيبنا بإحباط عارفين احساس الطفل او الإبن لما امه تكون مش معترفة بيه او بتعتبره مش موجودين ودا كان احساسنا.

طبعا عشان اكون صريحة فى ناس كانت بتساعدنا على قد ما تقدر

منهم دكتور محمود نصار

وايناس ونهلة المعداوى

يجماعة احنا عملنا لوجو وعملنا اى ديز للأعضاء وجروب ع النت

بس مع كل الإحباط اد والناس اصلا كمان كانت مشغولة فالموضوع طبيعى انه يقع

احنا كنا الإبن المهمل او يمكن اللى امه متبريه منه قلبتوا علينا المواجع والله

كان عندنا افكار كتير حلوة

واحلام كتير احلى

واللى منكم يعرف الاء علاء ودعاء سلطان واميمة يسألهم بجد التلات بنات دول

كلمة تتقال كانوا شعلة نشاط بمعنى الكلمة

كانوا المثلث السحرى بتاعنا

انا بحاول ارفعلكم حاجة من شغلنا بس للأسف مش نافع هحاول مرة تانية بس هستنى ردكم

زائر

ربنا يكرمك يا هاجر ويجازيكي كل خير

انا ان شاء الله هكلم دعاء النهارده واشوف ظروفهم ايه بالظبط هي والاء

لو حبينا نرجع المنتدى الصحي تاني ولو اني مش عارفه اتحصل عليها خالص مطحونين امتحانات

الله المستعان

وان شاء الله نحدد ميعاد اجتماع غالبا هيبقى يوم الثلاثاء ان شاء الله

وبرده حضرتك شوفي ظروفك ولو مينفعش نغيره

بس طبعا اساسي انك تبقي موجوده

احنا معندناش اي فكره عن الموضوع

زائر

ربنا يعينك يا هاجر
يا ريت فعلا تقدرى تيجى وتشوفى اليوم اللى يناسبك وقولى عليه

زائر

ممكن نتكلم عن الموضوع ده بكره لما اجى انور واشرف واولع الصيدليه ان شاء الله

زائر

الثلاثاء حلو باذن الله

وانا كنت اقصد الثلاثاء فى ردى السابق على فكره

السلام عليكم ورحمة الله وبركاته

أولاً : أحييكي يا هاجر على إهتمامك الكبير بمشروع المنتدى الصحي
و محاولة إيقاظه من جديد التي ستكلل بالنجاح إن شاء الله

ثانياً : " لكن دكتور فريد قال انه استعلم من دكتور مصطفى عن المنتدى وقاله ان المنتدى وقف بتوقف او بإنسحاب دكتور سامح اكرمه الله وذلك لظروف خاصه به " هذا الكلام غير صحيح جملة وتفصيلاً وذلك لعدة أسباب أهمها أنني في هذا التوقيت بجمعية رسالة لم أكن ضمن المشاركين في المنتدى الصحي ولم أكن أعلم أي شيئ عن هذا النشاط إطلاقاً ومن ثم لم أكن على علم بالأسباب الحقيقية التي أدت إلى توقف المنتدى الصحي
عموماً أكيد سوء فهم عادي .. لذا لزم التنويه
كل ما هناك أن د/ محمود اتصل بي ليعرض علي الفكرة من جديد ورحبت جداً بها وأنا على استعداد لضم هذا النشاط إلى نشاطات اللجنة الطبية بعد موافقة أغلبية أعضاء اللجنة الطبية
لكن من حيث الميزانية .. مش أوعدكم بكده لأن أساساً فيه عجز عندنا في شراء الأدوية
وهذه النقطة تخص مديرة الجمعية ونحن على إستعداد لمناقشتها في هذه النقطة
و لكن رأيي الخاص في نقطة الميزانية دي أن تكون جهود ذاتية أو عن طريق رعاة من شركات و غير ذلك

ثالثاً : المفاجأة السارة أنني اتصلت بـ د/ سامح حسان وعرضت عليه الأمر من جديد ورحب بشدة
وإن شاء الله هيكون معانا على أد وقته وظروفه بس في البداية أكيد هيكون معانا أساسي لكن هو حالياً في الجيش وسيعود إن شاء الله بعد 10 أيام تقريباً
عاوزين تبدأوا دلوقتي براحتكم .. عاوزين تستنوا برضه براحتكم
طبعاً أنا مقتنع تماماً بتكملة مشوار د/ سامح أفضل بكتير من البدأ من جديد
وأيضاً الإستفادة من خبراته في هذا المجال
ودي كانت مفاجأتي ليكم في هذا الموضوع

زائر

شكرا لكل اللى ردوا وياريتكم كنتم معانا من زمااااااااااااااان

ويادكتور مصطفى شكرا للتنويه بس عاوزة اقولك
ان المشكلة مكنتش بس ماديا لو كنت اخدت بالك من كلامى المشكلة كانت ايضا فى الدعم المعنوى والأعضاء

احنا مكنتش فيه اعداد غيرنا ياناس والله
يعنى لما كان بيجى سيزون الإمتحانات كان المنتتدى بيقع لأن معظم المنتدى كان من الطلبة
وحتى لما حاولنا نجيب اعضاء جدد وانا جهزت المادة للعلمية لمهارات العرض العرض والتقديم
واديت زى كورس سريع للناس اللى حضروا جداد والقدام انعاشا للمعلومات
وللتبرعات والدعم الخارجى انا عارفة ان رسالة كميزانية محدودة وفى بنود ليها اولوية
بس اكيد المأزرة ليها عامل قوى جدا على النفس
وانا فى الحملة الأخيرة للسرطان
كنت اتفقت مع صاحب شركة دعايا واعلان عملنا بوسترز عليها لوجو رسالة ولوجو المنتدى وشعار الحملة
وفضل فترة طوية جدا متعلق فى المقر فى الدور التانى
وكان فيه تليفونى انا وسامح بس ان حد يعبرنى ويتصل....أبدا
وبالنسبة لآلاء انا كلمتها النهاردة وحكيتلها الموضوع قاللتى انهم مشغوولييين جدا عشان
امتحانتهم كمان 10 أيام

وبجد خبر حلو اوى ان سامح هيرجع تانى سامح بجد حد كويس جدا

وفى عز ما كنا محبطين كان بيشجعنا وبيشد من أزرنا
وبيقولنا كل شئ فى واوله صعب

ومش هنسى ابدا اول ندوة للسمنة عملناها فى نادى النيل واللى حصلنا يومها
وخوفنا من الفشل لكن الحمد لله ربنا كان معانا وبعديه الدكتور سامح
والله ايام المنتدى دى كانت مواقف وطرائف

انا من هنا بدعيله ربنا يكرمه ويجازيه خير عن كل اللى عمله
وبالنسبة لمعاد الإجتماع اخشى ان الأسبوع دا صعب جدا معايا لأن سيرين تعبانة
ومابصدق اخلص شغل عشان اروحلها
فممكن استأذنكم يكون الأسبوع الجاى

وانا حتى ممكن استأذن فى دوام الشغل احضر الإجتماع وارجع تانى

وربنا يقدم اللى فيه الخير

زائر

1-يبقى انا فهمت غلط من د/مصطفى معلش عديهالى المره دى يا درش

2-تمام جدا طالما الاء ودعاء عندهم امتحانات بعد عشرة ايام ود/سامح مش جاى قبل 10 ايام وبصراحه انا كمان الاسبوع ده رايح الجيش يبقى خلاص ناجلها اسبوعين كده ولا حاجه لكن مع وعد جاد اننا باذن الله نرجع ننشط الموضوع هنا على المنتدى

3-خدى اجازه يا ام سيرين علشان سيرين

زائر

خلاص نأجل

وان شاء الله مش هننسى الموضوع ده

ونرجعله تاني قريب جدا

ألف سلاااااااااااااااااامة على سيرين يا هاجر
وبصراحة كل الظروف تدعو لتأجيل الاجتماعات التحضيرية لمدة اسبوع الى 10 أيام
سامح مش موجود
وانتي عندك ظروف
و ألاء ودعاء عندهم امتحانات
ومحمود برضه رايح ان شاء الله على الحدود مع اسرائيل
:D
والباقي برضه متحمس جداً وله قيمة كبيرة بس الخلفية بتاعته عن الموضوع هتكون ضعيفة شوية
عاوزين نبدأ صح وننجز في الوقت كمان
مش نبدأ دلوقتي ونرجع نعيد تاني اللي قولناه لما د/ سامح وأم سيرين و د/ محمود فريد و ألاء ودعاء يرجعوا
أنا معنديش مانع
عاوزين تبدأوا دلوقتي يلا نبدأ
عاوزين تأجلوا يلا نأجل
المهم اننا مش ننسى الموضوع

زائر

ومحمود برضه رايح ان شاء الله على الحدود مع اسرائيل

ده يبقى من سوء حظهم

[b]هرخم عليهم لحد ما يتفقعو وينسحبو من الاراضى المحتله[/b]

زائر

ده انت لو عملت كده هانرشحك لجايزة نوبل

» حكاية بنت اسمها مريم
» الى اعضاء المنتدى الصحى
» المنتدى الصحى ومحاوله لايقاظ فكره من سباتها---------------------
» ماهو الوزن الصحى ؟
» حكاية وحكمة