مذكرات زوجه مكسوره

زائر

انا عارفه انى بالنسبه ليك فازه فى البيت تشيلها من هنا تحطها هنا
انا ساكته ومستسلمه ,بتعاملنى بقسوه غريبه
انا ياما عديت من جنبك حتى ماقولتش صباح الخير او ازيك
انا استغنيت بيك عن كل الاصحاب والطموح
اتفرغت ليك وللبيت والاولاد لكن انت عندك اصحابك وشغلك وقهوتك
انا طاقتى نفذت من شغل البيت والاولاد وعايزه اشحن وكفايه عليا احس بحبك ليا
ليه شايفه الكره فى عنيك لما بحاول اختبر معزتى عندك واقوللك انا ماشيه وسايبه البيت وتقوللى الباب يفوت جمل؟
عندك حق انت عارف انى مسكينه وقليلة الحيله لانى تابع ليك لانك اللى بتصرف عليا
انت ليه بتحسسنى انى هبطت عليك من السما وانك اتفاجئت بوجودى فى البيت وانك مضطر تتحملنى غصب عنك او انى جايه مع العفش
سمعت من صاحبتى حد بيقول دى سعاد دى عار على النساء ورمز للمراه المتخلفه اللى فضلت تطاطى لحد ما جوزها ركبها ودلدل رجليه
لكن تعمل ايه المسكينه ممعهاش شهاده جامعيه وتعمل ايه حتى الشهاده فى زمن ماتقدرش فيه توفر فرص عمل محترمه
يعنى تسيب ولادها لمرات اب تربيهم
لازم تقعد ساكته لان ورا الباب عالم هى ماتقدرش عليه
كل اللى هى عايزاه من الدنيا بيت يلمها

مذكرات زوجه مكسوره
منقووووووووول

زائر

الزوج دة ندل و ماندوش دم...دة جزاء الإنسانة اللي مستحملة معاه الحلوة و المرة... لا لا لا .... الزوج المثالي يحب مراته و يعطف عليها و يحسسها بحبه دة غير إنه لازم يجاهد و يكافح على قد ما يقدر عشان يسعدها ة يبسطها.... الزوج هو أخ و أب و صديق و ابن.... معان شاملة متراكبة مختلطة تشكل فسيولوجية العلاقة بين الزوج و زوجته .... النصف يكمل الآخر ... و الزوجة الصالحة خير متاع الدنيا كما قال رسول الله صلى الله عليه و سلم

لا حول ولا قوة إلا بالله

بصراحة فيه ناس كده فعلاً
بس مش عارف الناس دي اتجوزت بعض عن حب
ولا لمجرد إن مش يفوتها القطار وخلاص
بس حلوة حتة جاية مع العفش دي
:)
والله الأيام دي لا نافع حب ولا نافع أي حاجة
مش عارف الدنيا ماشية ازاي
ياريت أعرف علشان نعرف نتعامل في الدنيا دي
ثانكس دكتورة رضوى
في انتظار بقية الحلقات

زائر

ورمز للمراه المتخلفه اللى فضلت تطاطى لحد ما جوزها ركبها ودلدل رجليه

ما هى اللهجه دى سبب من اسباب خراب البيوت

[b]
[b]وبعدين استنى

[b]هو فى لسه فى مصر زوجه مكسوره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/b][/b][/b]

زائر

جزاكي الله خيرا يا رضوى

ربنا يهدي شباب وبنات الامه

زائر

جزاكم الله خيرا جميعا
متشكره قوى
فى زجات مكسورين يا د/ محمود ومقهورين كمان
فى كل حاجه الحمد لله الدنيا مليانه
ربنا يهدى الحال ويصلح ذات بين المسلمين
وهو الموضوع بيتلخص فى كلمه واحده التقوى
لو كل واحد يتقى ربنا فى معاملة التانى مش هايبقى فى مشكله
وكان فى حديث شريف مش فاكره نصه لكن كام معناه
لايفرك مؤمن مؤمنه اذا كره منها خلق احب الاخر
بمعنى انه مش ينفع واحد يكره مراته عشان خصله وحشه فيها او طبع صعب لكن المفروض يحب الحاجه الكويسه فيها ويفتكرها زى ما بيفتكر الحاجه الوحشه لانه برده انسان وفيه عيوب يمكن اوحش من العيوب اللى فيها

زائر

بصي يا رضوى هو الموضوع نسبي نوعا ما... يعني لو زوج أخلاقه سبعين في المية و زوجة اخلاقها ثلاثين في المية مينفعش يعيشوا مع بعض غير لو ربنا هداها طبعا.... يعني لازم تبقى اخلاقهم متقاربة ما يتجاوزشي حد النسبة بينه عشرين في المائة و الا مش حيعرفوا يعيشوا مع بعض.... بس كدة ... لازم تناسب خلقي و مفيش واحدة تاخد واحد ضايع تقول حصلحه ....لا لا ... ممكن أة ... بس الغالب لا... لأن من شب على شيء شاب عليه

زائر

بصوا
فى ستات مغلوب على امرهم اه
بس معلش مش كل الستات مغلوب على امرهم
وفى رجاله عايزين ضرب النار
وفى رجاله محترمه واخلاق عاليه
ولاسف فى الفترة اللى احنا عايشين فيها دى
الكويس يأخد حد وحش
يعنى سواء ست كويسة اوى تأخد واحد عايز ضرب النار
وواحد كويس اوى يأخد واحده عايزه ضرب النار
الدنيا مقلوبه
ومفيش فيها حاجة معدوله
بس نصيحه صريحة مريحة يا مصطفى
معظم جوزات الحب تبوء بالفشل لم يسبق له من قبل ولا من بعد
النصيحة اللى بجد بقى
سيب نفسك لربنا وادعى وظن فى الله الظن الحسن وربنا ان شاء الله يتقبل منك ومنا دعائنا

زائر

برضه انا مصمم ان معاتش فيه ستات مكسوره

شوفو حتى فى المنتدى كلكو مفتريين ازاى مذكرات زوجه مكسوره Icon_lol

والرجاله عايزين ضرب النار فعلا علشان بيتجوزو من مصر

احسن حاجه رجالة مصر كلها يتجوزو بنات من فرنسا واسانيا وايطاليا بنية نشر الاسلام وكسب الثواب

» نبذه عن حياه ام سلمه زوجه النبى صلى الله عليه وسلم