أنا وسمسم وصفوة !!!

طبعاً عنوان غريب

لكن بجد مش هقدر أقولكم أد إيه مش بقدر أمسك نفسي من الضحك
لما بخرج أنا وحسام ومحمود فريد
حتى لما بكون في أسوأ حالاتي النفسية
برضه الإتنين دول ملهمش حل
وفيه مواقف كتير بتحصل مش بقدر أمسك نفسي من الضحك
حتى وقت الجد

كنا يوم السبت اللي فات في المركز العربي الأوروبي للشباب والتنمية
قلنا لما نروح كده الدورة ونشوف إيه الوضع
رحنا هناك وبعد ما طلعنا 5 أو 6 أدوار بدون أسانسير
من أول الدورة واحنا قاعدين نضحك
بس بجد مكناش بنضحك أو بنستهتر بالمحاضر
بس كنا بنضحك وخلاص
تقريباً حسام ومحمود كانوا جايين شاربين حاجة غريبة
وأنا طبعاً مش قادر أمسك نفسي من الضحك وخصوصاً بسبب قفشات محمود فريد اللي تموت من الضحك
المهم
بدأنا الدورة
وبدأوا معانا بتوزيع ورقة استبيان
وكانت بصراحة فكرتها ذكية
وأول سطر مكتوب فيها
من فضلك أقرأ الإستمارة جيداً ثم أجب على الأسئلة في خلال 30 ثانية
وكان فيها 9 أسئلة
ومعظمها عاوز كلام وكل ده في 30 ثانية بس
لكن كان مكتوب في نهاية الاستبيان الجملة دي
ملحوظة : أرجو الإجابة على السؤال الأخير فقط
:D
طبعاً تقريباً كل اللي حاضرين بدأوا يجاوبوا على الأسئلة من أول الورقة و لم يقرأوا الاستبيان للآخر كما طلب منهم
لكن احنا التلاتة بصراحة أخدنا بالنا من النقطة دي
وكتبناله نشكرك على الحركة الذكية دى وإن احنا مبسوطين جداً أن احنا حلينا صح
ومن أول ما بدأنا وحسام قاعد عامل فيها فيلسوف وكل شوية يرفع إيده ويقول للمحاضر شوية تعريفات حافظهم مش عارف منين
والراجل من أول الدورة وعينه مش بتتشال من علينا هو و الناس اللي معاه
وتقريباً كانوا ناويين يضربونا في الآخر
أو كانوا هيحطوا صورنا في المدخل المرة الجاية ويكتبوا عليها ممنوعين من الدخول

وبعد كده الراجل قال نظرية كده
أنا قلت بصوت هادئ غلط
لقيته بيقولي غلط ليه
وده دليل إن الراجل فعلاً كان مراقبنا احنا التلاتة
:idea:
المهم أنا اتحرجت جداً
وقلتله لأ ده حاجة بيني وبين نفسي كده
بس بجد كان المقصود بيها مش غلط .. لا كان المقصود بيها إن فيه استثناءات للنظرية دي
وبالمناسبة النظرية دي فيما معناها إن أي حد ممكن يوصل أو يحقق هدف ما هيكون الهدف ده متاح ليك إنت كمان

المهم الدورة دي كانت متواضعة
ولكن بالنسبة للي مش حضر أي دورات أو كورسات تنمية بشرية قبل كده ممكن ينبهر بيها

ومن الحاجات اللي كانت تضايق شوية إن هناك كان فيه أكتر من شخص كل وظيفتهم إنهم يصوروا الناس الحاضرين
مش عارف ليه كل هذا الكم من التصوير
:?:
حتى من كتر التصوير فيه ناس طلبوا منه عدم التصوير وأنا معاهم طبعاً لأنها كانت حاجة تضايق فعلاً

ومن ضمن الجانب التطبيقي في الدورة طلب المحاضر من الحضور أن يكتبوا أهم وأكبر أهدافهم
ويكتبوا أكبر نقط إيجابية للهدف الأكبر في حياتهم
أنا طبعاً مكنش معايا قلم لأني نسيته في الجمعية
وكان كل دوري في الموضوع إني أتفرج على حسام ومحمود فريد على اللي بيكتبوه
هما برضوا مكنش معاهم أقلام بس جابوا بعد كده

حسام طبعاً قاعد يكتب نقط إيجابية كلها حاجات مكررة وملهاش علاقة بالموضوع أصلاً
:D
وحطم الرقم القياسي وكتب تقريباً أكتر من 20 نقطة
بس زي ما قلتلكم أغلبها ملهاش علاقة بالموضوع

أما محمود فريد بقى ده حاجة تااااااااااااااانية خالص
وبصراحة أنا خطفت الورقة اللي كان كاتبها
وكان كاتب فيها التالي
وده نص الورقة واللي مكتوب فيها

التخصص ( يقصد طبعاً إن ده من أهم أهداف) ربنا يوفقه
[size=21]وكان كاتب ال 8 نقط دول كحاجات إيجابية نتيجة تحقيق هدفه وهو التخصص
1- مكان مرموق
2- فلوس
3- أساعد الناس
4- استقلالية ذاتية
5- مصيف
6- أتجوز أربعة
7- أخلف 12 عيل
8- أطلقهم وأرمي العيال في الشارع

ده طبعاً كان كلام محمود فريد وبخط إيده
مش عارف لو الراجل كان أعطانا وقت زيادة كان محمود هيكمل وهيكتب إيه ؟؟؟

كان وقت لذيذ بصراحة
وبعدها طبعاً حسام نزل يشرب هو ومحمود عصير قصب باللبن
:D
وتقريباً ده المشروب الرسمي عند حسام
وكل واحد روح لبيته
وخلصت الحدوتة
حدوتة رخمة وطويلة طبعاً
إلى أن نلقاكم في مواقف تانية قريب

زائر

ههههههههههههههههههههههههههههههههههههههههههههههههههههههههههههههههه
ونعمه الاخلاق الكريمة
انا هبعت لسمسمه اللينك ده عشان تتفرج على اهدافك يا فريد من نوعك
ههههههههههههههههههههههههههههههههههههههههه
بس فعلا اهداف فريدة من نوعها زيك
هههههههههههههههههههههههههههههههههه

زائر

هههههههههههههههههههههههههههه

بس الراجل اتفقع من حسام فقعه سودااااااا

لا وكنت عمال تقولى خش ناقش معاه

علشان نترمى من الشبابيك

المهم انا نسيت اقولك حاجه مهمه

سبب كتر التصوير ناحيتنا انى كنت برخم على اللى بيصور

كل ما ييجى يقرب من ناحيتنا بالكاميرا اقوم موطى او حاطط ايدى على وشى

عشان ابوظهاله

ههههههههههههههههههههههههههههههههههههههههههه

زائر

لا بس بجد عيب عليك يا صاصا تروحوا من غير ما اعرف

دا انا بموت في الحاجات دي

بحب اسمع الناس دي أوي

هو بعيد عن ان انا ساعات في ناس منهم بتفقعني وببقه عايز أقوم أضربهم
بس عادي

على العموم يلا كان يوم حلو

اه نسيت ... التصوير الكتير ده علشان أكيد دي جمعية ومعاها fund جايلها من بره

وعايزة تعمل تقارير ما تخرش الميه

علشان لا تعاقب قانوناً .. ده طبعاً احتمال مش اكيد

زائر

طب خدوا دي.... كنت انا و الدكتور صفوة في قولونجيل شغالين في التوزيع و في الوقت دة طرأ اجتماع في الجمعية و محمود عايز يروح يحضره ضروري ... طبعا سقعت و كبرت و لحيت عليه يفضل معايا لكن على مين ... دة الصفوة ... الباشا نزل من العربية و هي ماشية لدرجة اني فرملت بسرعة عشان ميقعش و قال ايه حستنى تاكسي من قولونجيل لشارع النخلة...

اركب يا محمود
مش راكب
يا ابني اركب
مش راكب خلاص الموضوع منتهي
فين و فين ... زن و رخامة و تنطيط لغاية ما رضا يركب تاني بعد ما جالي ضغط و سكر أنا اللي بيضربوا بيا المثل في البرود و الاستفزاز .... منك لله يا صفوة .... دلنتا وريتني الويل

زائر

اه نسيت ... التصوير الكتير ده علشان أكيد دي جمعية ومعاها fund جايلها من بره

عندك حق

دول عاملين شغل مع الاتحاد الاوروبى

وطبعا احنا الزباين

نحضر ببلاش ونتصور وهما يقبضو

زائر

انت ومصطفى يا نبيل فاضحنى فى كل حته

معنتش واخدكو معايا فى حته تانى

زائر

ههههههههه لا بجد موقف يضحك و اهداف مميزة فعلا lol!

...

و على فكرة الايام دى فعلا الواحد بيفضل فاكرها و خصوصا لما بيكون فيها موقف معين و كل ما يفتكرها يقعد يضحك ...

زائر

د/ فريد من نوعه كتب:: انت ومصطفى يا نبيل فاضحنى فى كل حته

معنتش واخدكو معايا فى حته تانى

انت لسه هتتفضح انت اصلا يا صفوة فى كل حته ليك حاجة يعنى
وده العادى ده انت اذا مش عملت حاجة يبقى فيك حاجة غريبة او تعبان
وممكن ساعتها نقلق عليك

زائر

بصراحه حسام طلع عين الراجل كان مخيول بيه يا عينى
واللى ماتعرفوش يا حسام انه دخل يوم الخميس زى ما يكون كان بيدور عليك
ههههههههههه
كل شويه يدخل يبص كده فى الناس اللى قاعده ورا ويمشى تانى ويدخل يقعد شويه وبعدين يخرج
والناس بقى يوميها قاعدين جمبنا ومايعرفوش اننا نعرف حسام وعمالين يقولوا مين اللى بيتكلم ده عايزين نسمع بقى احنا كده مش مركزين خلوا الراجل يشوف شغله
كانوا مخنوقين منك على الاخر يا حسام

يلا فضايح بفضايح بقى
أمرنا لله

المهم كمان حسام كان عاوز يكمل كلام وأنا كنت بحاول أقوله متتكلمش يا حسام إلا ومعاك معلومة مفيدة
وصاحبنا ده كل ما يقوم يقول كلمتين يقوم قايلي بصوت خافت : إيه رأيك في البؤين دول ؟؟؟
وأنا قاعد أضحك
وكان نفسي نروح يوم الخميس والله علشان نثبت للراجل حسن النية
ونثبتله إننا مكناش جايين نتسلى عليكم ولا حاجة بس البهوات اللي معايا مش راضيين
وبيقولوا إن مستوى الدورة مش قوي

يلا هحاول أجيبهم مرة تانية علشان الراجل وحشنا قوووووووي
:D

زائر

حلوه الحكايه والعنوان تحفه : )

ربنا يسعدكوا

زائر

ههههههههههههههههههههههههههههههههههههههههههههه

والناس
بقى يوميها قاعدين جمبنا ومايعرفوش اننا نعرف حسام وعمالين يقولوا مين
اللى بيتكلم ده عايزين نسمع بقى احنا كده مش مركزين خلوا الراجل يشوف شغله
كانوا مخنوقين منك على الاخر يا حسام

قولي كمان يا رضوى

انا ومصطفى قعدنا نقنعه ان الناس اللى قاعده والناس اللى واقفه واللاب توب مخنوقين منه مش عايز يقتنع

ويقولى يا بنى ده بيتكلم فى الخدمه الاجتماعيه دى لعبتى اوعى سيبنى

ههههههههههههههههههههههههههههههههههههه

زائر

وايه كمان

زائر

ههههههههههههههههههههههههههههههههههههههههههههههههههههههه

زائر

لا يا حسام انت زعلت ولا ايه
ده احنا بنهزر :shock:

على فكره النهارده برده دخل ودور عليك
ههههههههههههههههههه
بس مش تقلق ماحدش شتم والله ولو حد كان شتم ماكناش هانسكتله طبعا
المره اللى فاتت اتكلم عن التغييرات الى بتحصللنا فى حياتنا والنجاح والفشل وازاى نتغلب عليه دخلتلنا واحده اسمها نرمين
والمره دى اتكلم عن المشاركه واهميتها واللى دخللنا واحد تانى برده غير استاذ خالد
وطبعا لو كنت موجود كان هايقول انك عضو مشارك وفعال ميه ميه
انما احنا نقطنا الراجل
كل ما يسالى عن حاجه مانردش
يدينا ورق نكتب فيه مانكتبش
لحد ما فقد الامل فينا
حتى ورق التقييم اللى بيوزعوه فى الاخر ده ماكتبناش فيه حاجه وقلناله هناخده ونجيبهولك المره الجايه
:)

زائر

]نفسي يا رضوى أحضر دورة من دورات التنمية البشرية دي....
هههههههههههههههههههههههههه
حضرت مرة بناء على توصية واحد صاحبي في التحرير و كان في مسلمين و نصارى و مع امتداد الوقت الدورة اتحولت لخلاف ديني عقائدي و بقت بوظة .... هههههههههههههه
بصراحة قعدت اضحك لما الشباب اتشاكلوا مع بعض و وشهم احمر أوي و كل واحد بيتكلم عن انجازات الرب ...
المهم المرسة معادتشي عارفة تسيطر عليهم و انا قعدت اضحك لغاية ما قالتلي كفاية ضحك
قولتلها ... على فكرة يا أبلة عيب اوي اللي بيحصل دة و بعدين متقوليليش يا ابني لأني أكبر منك في السن ... كان عندي وقتها 27 سنة.... و هي 25 ..ههههههههههههههههههههههههههههه
ثم غادرت و انا أضرب كفا بكف[/size][/color]

زائر

سلام علكيم جميعا

موضوع هايل يا مصطفى وظريف خالص جزاك الله خيرا عليك

انا مش زعلان والله يا رضوى بس حابب اقول ان فى مواقف مبالغ فيها شويه مش هحدد اسامى بس طبعا خير من اجل الطرافه وانا بصراحه مش بحب ده ..

المهم مكنتش هعلق على الموضوع بصراحه ولونه عجبنى بس انا هعلق ههه يا ستى لانى فعلا مش زعلان

بخصوص المواقف كنت طالع انا ومحمود فريد على السلم طبعا الناس الى راحت هناك عارفين ان السلم مقسوم اتجاهين يمين وشمال بس طبعا نفس الاتجاه ههه طبيبعى يعنى .. المهم لاقيت شخص نازل على السلم وبيقولى لو سمحت يا استاذ .. قولته نعم ... قالى لو سمحت لو نزلت يمين هروح على فين ... طبعا انا بقه على اخرى من الضحك وكاتم نفسى قولته بس يا ريس الاتحاهين بينزلوا لتحت بس لو توهت امسك شمال هههههه .. طبعا محمود فريد فطس على نفسه قدام الراجل وانا بقه مش عرفت امسك نفسى والراجل نفسه ضحك كويس انه مش جرى ورانا ...
هههههههههههههههههههههههههههههههههه

بخصوص الشخص محاضر الدوره اولا هوه حد كويس وشخص على علم بس المشكله اننا كنا جيين ميهيسين على الاخر زى ما مصطفى اتكلم وطبعا كل وشويه ضحك كل شويه ضحك والمحاضرين قاعدين يبصو وطبعا مع بعض التعليقات ده خلاهم ياخدوا فكره مش كويسه عننا ...

وبالمناسبه انا لما حسيت اننا ضيقنا الناس بكثرة الضحك طلبت من مصطفى ومحمود يهدوا شويه فعلا بس مصطفى فضل يضحك كتير .. انا بقه حبيت اثبت حسن نيه وشاركت فى الحوار بشكل ايجابى لان الموضوع ده فى صمصم دراستى وعلمى الحمد لله يعنى مش هفتى بكلام مش فهمه طبعا ... وطبعا اسئلتى وحوارى ومناقشتى مش هيفهمه كتير من الى قاعدين لانهم مش فاهيم بسئل بهدف ايه ويا ترى بسئل ايه اساسا .. علشان كده يا رضوى الناس مش حبت ده ولان كمان مهم اوى يكون فى تفاعل مع المحاضر علشان المشاركه والاستفاده تعم وده كان هدفى بردو ولاسف مش فهم كتير ده من الى قاعدين .. وفعلا اخر المحاضره اتعرفت على المحاضر واتبسط كتير من مشاركتنا وحوارنا معاه وطلب اننا نحضر تانى فى الدوره بشده والراجل كان مرحب ....

اخر بقه المواقف الى حصلت يومها اننا طلعنا جننا الناس الى فى الاستقبال انا ومحمود ومصطفى هههههه

واخيرا جزاكم الله خيرا جميعا

زائر

بالعكس يا حسام
المفروض دورات التنميه دى تبقى كده فعلا عباره عن اسئله ومناقشات وده كويس قوى
هو بس عشان دى كانت اول مره والناس عايزه تسمع كلمتين وتمشى
والراجل على فكره كان منبهر منك انك عارف التعريفات دى وبتتكلم بطلاقه
وبعدين عادى المره اللى فاتت والمره دى الناس كانت بتتكلم زيك كده تقريبا
هو عشان اول مره بس وماكناش واخدين على الجو العام كانوا مستغربين
هو حتى انا حسيت انه قلقان منك لانه حس انك فاهم
ههههههههه
يلا خير

إنت زعلت يا سمسم ؟؟؟
احنا برضه بنبالغ في الكلام ؟؟؟
يعني أنا ومحمود كذابين ياض ؟؟؟
طيب ده أنا كنت هكمل سلسلة حكايات أنا وأنت وصفوة
ونعملها كتاب وننزله في السوق وهتلعب معانا
بس يا خسارة شكلك زعلت يا سمسمتي

وبعدين ده احنا مرضيناش نقول إنت عملت إيه في الإستقبال يومها

بلاش أحسن نقول وتبقى فضايح بجلاجل
أحسن انت بتقول ان احنا بنبالغ
حقه يا محمود احنا بنبالغ
طيب ايه رأيك يا محمود نقول على اللي حصل في الإستقبال ؟؟؟
لو محمود قال ذيع هذيع علطول

زائر

ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
ذيع يا مصطفى ذييييييييييييييييييييييييع

زائر

ههههههههههههههههههههههههههههههههههههههههههههههههه
درش ارجع عن الى فى دماخك
هههههههههه

وبعدين انا راجل مثقف هههه يمكن اشترى الله هههه حقى كمواطن عايز يشترى .....

وبعدين هههه اسكت احسن بدل ما اقول هههه ايه الكتاب الى اخترته ليك قدام الجمهور بردو

وبعدين خلى بالك هههه الحكومه معانا فى اى مكان هههه بلاش تضيع مستقبلى المهنى يا ريس بدير

زائر

ههههههههههههههههههههههههههههههههههههههههه

عاملى زعلان ياض

ما بلااااااااااااش اتكلم عن الظرافه

والاستقبال اشتكى منك

الكتاب ده عليه اوكازيون

انت مين انت وفى سنه كام؟؟؟؟؟؟؟

ههههههههههههههههههههههههههههههههههههههههههههههههههههههههههه

وسلملى على الحكومه

زائر

هههههههههههههههههههههههههههههههههههههههههههههه

يا خربيت عقلك ده انا نفسى نسيت

اصلى متعود على المواقف دى ههههههه كتير
طبعا انا مش ليا ذنب فى ده

برىء يا بيه برىء

جمبنا بيسلم عليك كتير هههههههههههههههههههههه يا حوكه

زائر

ورضوان دبلومه

وكوك دووور

اقول كمان