أسباب رفض البنات للعرسان

زائر

ايه هي أهم أسباب رفض البنات للعرسان

في رأيي المتواضع كتير عشان كدة العرسان بيكتئبوا و البنات بتبور عموما
أولا:_ أن يكون مكلبظا للغاية و غير قادر على الحركة الخفيفة
ثانيا:- أن يكون دميما
ثالثا:- أن يكون ذو دخل شهري أقل من 2500 ج
رابعا:- أن لا يكون عنده شقة تمليك
خامسا:- إنه يقرف من عيلتها لما ترخم عليه و يطفش
سادسا:- أن تكون شبكته أقل من 10000 و دة طبعا في عرف البنات حاجة سوفاج ع الآخر
سابعا:_ أن يكون تافها لا يمل من التهريج و العبط
ثامنا:- أن يكون بعيد عن الله
تاسعا:- أن يكون المستوى الاجتماعي غير متناسب
عاشرا:- كليتها أحسن من كليته فتتعالى عليه
حادي عشر:- أن يكون عايش الدور و عامل فيها سي السيد و سي السيد معدش ينفع في زمن عمرو كلاب
ثاني عشر:- أن يكون غير رومانسي و كل علامه في الشغل
ثالث عشر:- أن يكون لزقة و كل شوية اتصالات و ميسدات لغاية ما البنت تزهق
رابع عشر:- أن يكون من محبي ابنت اللي بتطبخ كويس و دة بيزعل البنات اللي معادتشي عايزة تطبخ

كفاية كدة مستني ردودكم

إمممممممممم

زائر

اللى ترفض بدلع تستاهل

اساسا البنات كترو قوى الايام دى

وتقريبا هينزلو عروض قريب

اشحن بعشره جنيه خد عروسه اشحن بعشرين خد عروسه من غير امها

ههههههههههههههههههههههههههههههههههههه

يا سيدى اترفضت مره هتلاقى عشره يرحبو بيك

زائر

السلام عليكم ورحمة الله وبركاته

طبعا انا مش مع حضرتك فى نسبة كبيرة من اللى قلته وممكن اللى يكون بيعمل كده نسبة نادرة اوى وبتتدلع زى ما دكتور محمود ماقال.لكن ان واحدة ترفض عريس عشان مش قريب من ربنا اعتقد دا حقها

ونقطة كمان لو واحده رفضت عريس عشان هجيب شبكة بأقل من 10000 اعتقد انها لا زم تكون مستوى هااااااااااااااااااااااااااااااااااااااااااااااااااااااى

ولذلك فطبيعى اللى يتقدم لها لا زم يكون هاااااااى هاااااااااااى والا عيشته هتكون فى الباى باى

لكن غير لاء اطلاقا وممكن نسأل البنات اللى معانا ليه بيرفضوا العرسان اللى بيجولهم بغض النظر عن الأسباب الشخصية

وحضرتك تشوف بنفسك

زائر

ام سيرين عندها حق فى حته معينه اعتقد انك لازم تستوعبها يا بلبل

ان بعض الائمه الاربعه تقريبا الامام الشافعى جعل التكافؤ الاجتماعى من شروط الزواج بل ويحق للزوجه طلب الطلاق لهذا السبب ايضا

يعنى بالبلدى كل فوله وليها كيال

بس فى سبب انت مذكرتوش للرفض

بنات كتير بيرفضو انتظارا لعريس احسن

حتى لو كان المتقدم مش وحش وممكن تكمل معاه

وهنا بقى بيحصل المقلب العظيم

تقعد ترفض وتستنى اللى فى دماغها لحد ما تكبر فى السن ويبقى قدامها هنا خيارين

تقبل اى واحد هييجى يبقى هى كده ضيعت على نفسها كام سنه على الفاضى وكده كده اتجوزت شاب عادى من وجهة نظرها اقصد يعنى

والحل التانى تقعد تستنى كمان وتعيش الوهم

اساسا مشكلة الشباب دلوقتى ان الشاب من دول على ما بيحوش قرشين او يعمل لنفسه حاجه بيكون تعب واتبهدل وكبر فلما بيختار بيقولك انا اختار بقى بمزاجى واحده صغيره وكده

اللهم بلغت اللهم فاشهد

الحقو اتجوزو هههههههههههههههههههههههههههههه

زائر

والله انا مش عايزه اعقدك بجد من كلامى
بس لازم تفهم ان اسباب رفض العرسان كتير
سيبك بقى من البنات اللى بترفض لمجرد الرفض ده اكيد مبدأ مرفوض
بس لما واحده ترفض واحد عشان اكتشفت انه مقضيها بنات ونت وعادى نتبادل الارقام ونتكلم مع بعض ندردش عادى ايزى خليكى ايزي فى اللذيذى
ده يترفض ولا لأ
لما يجى واحد بخيل هتقولى ايه التقيم للبخل حاجات كتير واكيد كلنا عارفنها الشح وهو معه فلوس
لما واحد يبقى متقدم لواحده متدينه وطالب انها تبقى روشه وتقوله مش بسمع اغانى يقولها لالالالالالالالالالا الا الاغانى دى حياتى وهنسمع اغانى ليل ونهار وفى العربيه الدنيا عادى بالنسبة له عادى جدا مفيش اى مشاكل
تقول ايه لواحد يتقال اللبس الواسع ده اوفر وماله البنطلون الجينز ده يتقال ايه عليه
لما يكون واحد مش بار بوالديه وطالب يتجوز واحده متدينه
وعلى رأى المثل اللى بيقول اللى ملهوش خير فى اهله ملوش خير فى حد
واحد مش متدين ابدا وعايز يتجوز واحده محترمه ومتدينه عشان ملهاش اى تجارب وهو عايز واحده يشكلها على مزاجه
واللى مش بيصلى واللى بيشرب سجاير واللى واللى واللى
بص من النهايه العيب مش بيبقى على البنات انها ترفض واحد مجرد الرفض
اكيد شايفه فيه حاجات كتير مش مناسبه معاها ومش هتقدر تتعايش معاها فى يوم من الايام
عدلى كده عدد الشباب المحترم اللى ينفع فعلا يدخل بيوت الناس ويحافظ على بناتهم ويراعى فيها الله
ومتقوليش كتير
لانهم فعلا مش كتير
وبقى دلوقتى مفيش فعلا اى امان لاى حد
لما واحد يخطب واحده ويسافر يشتغل وبعد 2 سنه من الخطوبة قرب جوازهم يبعتلها الدبلة فى ظرف ويكتب من بره سوري احنا مش لبعض والاستاذ راح اتجوز من البلد اللى هوكان مسافر فيها
ده يتقال عليه ايه ؟؟؟؟؟؟؟؟؟؟
ده ابسط مثال اتحكى لى فى امثله كتير بالشكل ده
هتقولى يسألو عليهم كويس
من النهايه بقى وبجد
الجواز ده عامل زى البطيخه
يا طلعت حلوة يا طلعت محتاجة بروكه
وياربنا يكون بيحبك ورزقك الزوجه الصالحه يا اما ربنا ابتلاك واختبرك فى زوجه تدعى انها تعرف ربنا وهى ولا هنا اصلا
فى من ده كتير على فكرة
عليك بقى بالدعاء الدعاء يغير الاقدار وربنا يسترها علينا كلنا
وخلى بالك ان فى اساسيات زى ما هاجر ومحمود قالوا
ومن اهمهم التكافئ الاجتماعى
التكافئ التعليمى
التدين من الطرفين
مينفعش طرف اه وطرف لآ
اصل بقى الشباب المتدين يدور على بنت مش متدينه ويقول انا ههديها واخد ثوابها وبما انها اصلا مش متعوده على ده وبتعمل ده بغير ارداتها بتحصل بينهم مشاكل كتير لا حصر لها طيب ما المتدينه اللى تناسبك قدامك
تفكير عجب والله
وتلاقى الشباب اللى مش متدين عايز واحده متدينه ليه عشان هى محترمه وفيها كل اللى يتمناه اى راجل فى زوجته من احترام واخلاق وتدين وهتراعى ربنا فيه وهو مش واخد باله انه هيبقى رب الاسرة والمسئول الاول انه يقول للكل صلى واتقى الله فلازم يبقى اكتر واحد بيرعى ربنا وبيخافه ومتدين ويساعد زوجته على التقرب الى الله
لازم يبقى قادر انه يفتح بيت لان الزواج مش لعبه دى مسئولية ومسئولية كبيرة جدا وبعد كده هيبقوا مسئولين عن ارواح ملهومش اى ذنب ان الست دى امهم وان الراجل ده ابوهم
لازم يبقى قادر على تلبيه مطالب البيت واحتياجاته بدون مغالاه
ما هو بردوا مفيش حد هيروح لابوا البنت يقوله ادينى بنتك على النوته lol!

نستكفى بهذا القدر ونسمع من بقيت الاعضاء رأيهم

من النهايه بقى وبجد
الجواز ده عامل زى البطيخه

بجد أحييكي على رأيك السديد يا بوسي
ومش تريقة بجد

والدليل على ذلك من خلال معرفتي
إن أنا أعرف واحدة دكتورة متجوزة من واحد ميكانيكي

وعايشين حياتهم زي الفل

أظن بالطرق التقليدية مرفوض هذا الزواج بتاتاً
لعدم التكافؤ الإجتماعي والثقافي

أنا أؤيد الأخذ بالأسباب ومنها التوكل على الله و الدعاء
والإستخارة ثم إستشارة أولى العلم والتقوى والإيمان
كما ورد في موضوعي عن صلاة الإستخارة

وربنا يوفق الجميع

زائر

إن أنا أعرف واحدة دكتورة متجوزة من واحد ميكانيكي

غالبا هى من عيله متواضعه

[b]ورغم ذلك

[b]مع اول خلاف بينهم هتقوله شوف انت بتكلم مين يا مزيت يا ورشجى

[b]وهو هيقولها انا اللى بصرف عليكى وهكذا

[b]دى طبائع الامور

[b]لكن ده لا يمنع ان فعلا لكل قاعده استثناء

[b]والاستثناء يؤكد القاعده[/b][/b][/b][/b][/b][/b]

» أحلام البنات
» اجمد 7 عيوب فى البنات العسل
» محدش من البنات والسيدات يزعل منى ههه .. انا قولت اهو
» دعاء الشباب قبل مايرموا رقمهم علي البنات!!!
» اخواتي البنات .........جاءنا البيان التالي