بخصوص مبره الشناوي و كده

زائر

احم
السلام عليكم .
طبعا في كتير ما يعرفنيش

انا شريف شقاريه , و كنت اتكلمت مع الدكتور محمود فريدو الدكتور مصطفي و المقنع جدا السيد حسام :)
احنا النهارده كنا في المبره , و لينا " او ليا انا شخصيا " شويه ملاحظات

اهمها : ان الاطفال هناك همج !!

و هم همج حرفيا بدون اي مبالغه
بيكسروا الالعب و بيرموا الكل علي الارض

فـ غالبا هنلاقي حل للموضوع ده بالاشتراك مع الرجاله اللي معانا في الزياره

و طبعا السيد حسام اقنع الحاج مصطفي " موش هو اسمه مصطفي باين ؟"

بأننا يبقي لينا ساعه مخصصه للزياه - مؤقتا -

موش عايز ارغي كتير , الرجاله تحكي عن انطباعتهم عن الزياره

وو طبعا انا اشكر كل الرجاله دول , بجد فيهم اخلاص و حب و رغبه في الشغل محبباني انا شخصيا اني اشتغل :afro: :afro: :afro:

خصوصا يعني السيد ابراهيم زهران , و ابراهيم التاني " معرفش اسمه بالكامل bom

و باقي الفريق طبعا

و المصيبه حسام lol!

بجد ربنا يكرمك

مستني رأي الشباب , و اتمني طبعا ان ينضم لينا متطوعين في زيارتنا

اسف للاطاله

:)

زائر

اهلا بيك يا شريف منورنا ومنور المنتدى كله ونتمنى تبقى معانا بإستمرار
وكان نفسي ابقى معاكم فى الزيارة بس لاسف لظروف معرفتش اجى
ان شاء الله الاسبوع الجاى هاجى ان شاء الله

زائر

السلام عليكم ورحمة الله وبركاته

اولا نورت المنتدى ا/شريف

انا النهارده كنت في الزياره وكانت ديه برده ملاحظاتي

الاطفال مش ممكن فظاع لدرجه انهم كانوا بيرموا اللعب والحاجات الحلوه من الشبابيك

وكمان كانت الدنيا زحمه جدا كان فيه اسر كتير غير متطوعين رساله

وده مكانش مخلي الزياره منظمه

كنت هقترح عليكوا موضوع اننا يبقى لينا ميعاد مختلف بس انتوا سبقتوا ربنا يكرمكوا

انا بصراحه النهارده مستحملتش اكمل في الزياره اكتر من ساعه واحده

ربنا يسهل اكيد لو اتنظمت هنبقى معاكوا ان شاء الله

زائر

السلام عليكم و رحمة الله و بركاتة...
نورت المنتدى يا شريف...
انا برضو نفس التعليقات دى هيا تعليقاتى بللاضافة الى ان انا شفت حتى الاطفال و هيا بتاكل بطريقة غريبة جدا تجيب الحاجة و تحطها على الكرسى و بتتسابق مين الى ياكل بسرعة و كمان يجيبوا البست و يحطوا البست على الحاجة و يقلبها بورقة بجد انا من المنظر معرفتش اعمل حاجة الاطفال دى فعلا محتاجة نظام اكتر و توجية ...فعلا لازم يكون فية وقت مخصص لان فى الزحمة مكناش عارفين نعمل حاجة...و كمان المعاد دة صعب اوى انتوا نستونى انا بيبقى عندى درس من 6 ل 7 :( ...

زائر

امال كنتو مستنيين ايه؟؟؟؟

كويس ان الكل جه وشاف بنفسه

يعنى يا جماعه الزياره فعلا محتاجااااااااااااااااااااااااااكم

شريف
اهلا اهلا بيك فى المنتدى وان شاء الله تكمل معانا
شريف على فكره مسئول الزياره

رضوى
من شهر تقريبا واحنا عايزين ميعاد خاص برساله
وفى تقدم كبير فى الموضوع ده بس محتاج شوية رسميات وربنا يسهل

ايه
يا جماعه العيال دى علشان مش لاقيين حد يقولهم صح وغلط بيعملو كده
شوفو كمان شهرين هيبقو ازاى باذن الله

مش عارف انتو بتفكرو ازاى

يعنى المطلوب نروح دار ايتام نلاقى العيال بتتكلم سبع لغات ولابسين اسموكن وماسكين لاب توب

وعلى فكره للعلم فقط عيال بلقاس اخلاقهم اسوأ من كده بمراحل بس الرعب والقهر كابتهم

حماده بيدييهم بالجزمه وبالكرباج

زائر

ياخبر هما العيال زي ماهما مااتغيروش
الاطفال هناك بجد ياجماعه محتاجين شغل كتيييييييييييييير
وباذن الله ربنا يقدرنا ونعملهم حاجه
وربنا يكرم كل الي راحو الزياره واستاذ شريف والي ماسكين الزياره
لو عايزين نعمل اجتماع بحيث بس نعرف هنمشي معاهم ازاي وايه البرنامج المقترح ليهم وللمتطوعين
ياريت تحددو في اقرب وقت الحكايه دي
بعد مايتزبط معاد الزياره طبعا
ولو عايزين اي حاجه عن التعامل مع الاطفال دي وازاي نلفت انتباههم
انا تحت امركم
وربنا يكرم

زائر

الاجتماع بالفعل السبت الساعه 12

ومحتاجينك بجد فى مسالة التعامل وفت انتباه الاطفال

منتظرينك

أهلاً بيك يا باشمهندس شريف منور المنتدى

بجد أنا اتصدمت لما جيت المبرة شوية في آخر الزيارة
ويمكن من اللي شفته معرفتش أعمل حاجة
المكان مش نضيف خالص والأكل مرمي على الأرض
وريحة المكان وحشة جداً
اللعب كلها مرمية على الأرض وبيكسروها وكمان الأكل بيرموه على الأرض
العيال لبسها كويس بس سلوكياتهم صفر
طبعاً أنا رأيي في البداية لازم يبقى لينا ميعاد خاص بنا علشان يبقى المكان يبقى تحت سيطرتنا وتنظيمنا احنا بس
وكمان في البداية نعملهم حفلة منها هتبقى دعاية لنا ومنها اننا نكسب الأطفال بالحفلة دي علشان بعد كده يسمعوا كلامنا
المكان لازم يبقى منظم ونظيف وده بالتعاون مع إدارة المبرة
إعداد كشوف بالأطفال وتقسيمهم على المتطوعين علشان مش ننسى حد ومش يبقى فيه اهتمام زائد بأطفال تانية
الإقتراحات كتيرة
والشغل كتير
لازم تنسيق وتعاون
والبداية لازم تكون صح من الأول

زائر

جزاك الله خيرا يا شريف
وربنا يعزك يارب

وباذن الله تعملوا زياره ناجحه جدا وربنا معاكوا باذن الله

لانى انا لاسف الشديد ومن سوء حظى دراستى فى االقاهره يوم الاربعاء والخميس وبرجع بليل من القاهره يعنى صعب اكون معاكوا لكن دعواتى ليكوا بالنجاح فى الزياره باذن الله

وتحت امركوا فى اعرف اعمل حاجه باذن الله

وجزاكم الله خيرا جميعا

وبجد انتوا فريق عمل كويس واتمنى محمود فريد يكمل معاكوا فى الزياره و يبقى فى نتائج ايجابيه باذن الله

زائر

ربنا معاكوا ويوفقكوا ديما في عمل الخير لاسف مش هقدر انزل الزياره معاكم لانى مش متواجده في المنصوره الخميس لكن لو قدرت في يوم اتواجد معاكم وانزل الزياره ان شاء الله هكون معاكم
وفقكم الله الي ما يحبه ويرضاه

زائر

رجاء فريق العمل لمبره الشناوى يبدا يشتغل على الفور
علشان يكون فى انجاز على ارض والواقع

وده هيكون من خلال ان ا/ شريف مسئول الزياره ينسق مع رحاب مسئول عام الزيارات وطبعا علشان يبقى التسلسل الهرمى الوظيفى مفعل باذن الله وكمان نعرف ايه الى ممكن يوفره فى اسرع وقت وكمان يحاول يوفر طربيزه البنج بونج وينسق مجهوده الطيب ده مع د/ محمود فريد و الاستاذ ابراهيم زهران علشان يبقى العمل جماعى

رجاااااااااااااااااااااااااااء ابدوا التحرك فى خطه مناسبه للعمل فى مبره الشناوووووووى

اكررر رجاااااااااااااااء

والسلام عليكم ورحمة الله وبركاته

زائر

يا سلام

طيب حسام الهلالى فين؟؟؟

انت مش لسه رادد فى موضوع تانى وقايل جه وقت الشغل بجد

انا ملاحظ ان الموضوع عباره عن ان كل واحد من الاعضاء داخل يقول مش فاضى وانتو كويسين وقشطه ويللا اشتغلو

فجاه بقينا مشغولين قوى كده؟؟؟؟

على فكره انا اعرف ناس كتير عندها وقت فراغ بس مش هتيجى

صفو قلوبكو يا جدعان

لله

زائر

متطلبات الزياره

1- حد يتطوع فى اقناع مدير الجمعيه فى تخصيص وتنظيم معاد للزياره رسميه من رساله لصالح الاطفال ( واعتقد ان مسئول الزياره شريف و محمود فريد من الناس المؤثره فى الدار وفى الزياره يعنى اعتقد بسم الله ما شاء الله ؛ واعتقد كمان ان بالفعل معاك جواب رسمى موجه للدار بخصوص الزياره باذن الله يعنى الدعم موجود ) .
وعلى فكره انا متطوع لو حبين احضر المقابله مع المدير ده باذه الله .. يمكن اقدر اخدم باذن الله

2- عمل دعايه كافية للزياره حتى يتكون فريق عمل خاص بالزياره هدفهم دعم الزياره ماديها ومعنويا واحداث تغيرات على ارض الواقع من خلال عمل حفلات لجذب الاطفال ومن ثم تعديل سلوكاتهم لافضل باذن الله ... ( ودى مهمه مسئول الزياره وكل فريق العمل معاه من المتطوعين يعنى كل واحد ليه دور المفروض يقوم بيه باذن الله ) وانا اعتقد لاسف حاليا مش هقدر احضر اى زيارات الخميس لانى ببقى فى القاهره لحين توفير معاد اخر انا معاكوا باذن الله لانى بجد حبيت الزيارة دى وحاسس اننا نقدر نقدم فيها كيتر ...

3- مطلوب حاليا توفير ميزانيه كافيه علشان تظهروا فعلا ويكون ليكوا تاثير على الاطفال وكمان علشان تحققوا اهداف الزياره واعتقد بالفعل فى ناس بتعمل ده حاليا جزاهم الله خيرا ..

4-وضع دراسه محدده ومنظمه خاصه بالاطفال حتى يتسنى معرفه احتياجات كل فئه عمريه فى الزياره

5- تفعيل وتوزيع الادوار على متطوعين الزياره حتى يشعر كل عضو بوجوده فى الزياره ويتمكن من تحقيق المطلوب منه ..

6- التحضير للزياره قبلها بفتره وتجديد النوايا وتحفيز الاخرين ...

وباذن الله كلنا نشارك فى ده واى حد عنده تعليقات يقدر يقولها وكيفيه التعامل معاها

وانا حبيت انزل راى الشخصى المتواضع عن الزياره والله اعلم ان كان صح ولا غلط طبعا لقلة خبرتى فى مجال الزيارة وطبعا البركه فى حضرتكوا جميعا

واكرر جه الوقت الى كلنا فيه هنشتغل وكلنا لينا دور وعلينا مسؤاليات بالفعل وهنقوم بيها على اكمل وجه صح كده ولا ايه يا شباب

وجزاك الله خيرا يا محمود يا فريد

زائر

اخر اخبار زيارة مبرة الشناوي

الرساله ديه جاتلي دلوقتي على الفاس بوك

دار ايتام فيها اطفال زي الملايكة

في زيارة جديدة للدار دي هتكون ان شاء الله يوم الخميس الساعة 6

وطبعامحتاجين لكل جهود المتطوعين عشان الزيارة تنجح

باختصار..عندنا اجتماع للزيارة دي بكرة باذن الله الساعة 4 ونص

ومسؤل الزيارة استاذ شريف هيكون موجود في رسالة لغاية 7 عشان لو حد محتاج يسأل عن اي حاجة

مستنينكم بكرة ان شاء الله

وربنا يوفقنا جميعا لعمل الخير

https://www.facebook.com/note.php?note_id=69593484145&ref=mf#/topic.php?uid=12508298790&topic=8445&ref=mf

زائر

يا ابنى انا زعلان انك مش هتيجى معانا

مش اكتر والله

بس حلوه قوى حكاية قلة خبرتى فى الزيارات دى

اطلع من دول بخصوص مبره الشناوي و كده Icon_lol

» رأيكم وتعليقاتكم عن حفله مبره الشناوى و(الميعاد الدورى للزياره).
» بخصوص نسخة المنتدى
» هااام يا شباب الخير بخصوص زيارة دار المسنين (مستنيين رايكوا)