جه الوقت الى هنتشغل فيه يا شباب ......!!! جاهزين يا ابطال

زائر

بصوا يا جيماعه مفيش وقت

لازم نتحرك والوقتى حااااالا

انتوا عارفين ان محمود فريد جاب حاله علشان كفاله الاسره

وكمان انا بردو قدامى حاله ظروفها صعبه واكيد فى كل مكان حاله محتاجه لحديقف جبنها ويمد ايده ليها صح ولالا يا شباب

علشان كده لازم نتحرك مشوار الحسنااات
يا شباب بجد الطريق محتاج رجاله الطريق عايز شغل يا ترى جااااااااااهزيين ولالا ...!!؟

عايز اقول اننا قررنا نعمل شنط مساعدات على اد ما نقدر وعندى امل نجمع 10 شنط مساعدات باذن الله شهريا ل 10 اس فقيره باذن الله ....

علشان كده مطلوب حاالا تخش هنا وتقول انا معاكوا وتقدر تقدم ايه علشان نعمل كشف بالاعضاء المشاركين وما سوف يتم تجيهزه فى الشنطه باذن الله ....

عايز ينعمل اجتماع بردو ننظم فيها شغلنا كله باذن الله يوم السبت ايه رايكوا هيكون على الساعه 2 تقريبا وةده يرجع لحضراتكوا فى تحديد المعاد باذن الله فى افكار ومشاريع كتيره وادوار هيتم توزاعيها علينا كلنا باذن الله

عايزين بردو يا شباب نكمل ضرورى فى خلال يومين فقط يا ترى مين هيتلزم معانا فى كفاله اسره فقيره ....!؟

هاااااااااااااااااااااااااااااااااااااااااااااااااااا يا شباب
وقت الشغل جه يله الجنه مش ببلاش
وجزاكم الله خيرا جميعا

زائر

المعاد مش ينسبنى بالمرة
اذا اتعمل الساعه 6.30 ممكن اجى
لكن قبل كده صعب جداااااااااااااااااااااااااا
شكلكم مش عايزنى معاكم ولا ايه ؟؟؟؟؟؟؟

زائر

[size=24]

بوسى

لو بايدينا اختيار ميعاد كنا اتفقنا على حاجه تناسب الكل

انما ده ميعاد الزياره الرسمى بتاعهم

وحتى الان مش عايزين يعدلوه او يضيفو يوم جديد

ممكن ان شاء الله فى المستقبل لما نوثق علاقاتنا معاهم

زائر

مع احترامى للجميع
انا معترضه تمام الاعتراض على مسألة ان احنا نجمع فلوس ونعطيها لحد محتاج
هتستغربوا بقى وتزبهلوا وتقولوا لى ايه الكلام اللى بتقوليه ده
اسمعوا كلامى لاخر
يا شباب احنا مهما جمعنا من بعض فلوس هنجمع قد ايه من بعض
الف ؟؟؟؟؟؟؟!!!!!!! الفين ؟؟؟؟؟؟!!!!!!!! 10 الاف ؟؟؟؟؟؟؟!!!!!!!!
دى مبالغ مستحيله طبعا وخاصه واحنا لسه فى البدايه
الصح واللى على مدار عمرى وشفته ومقتنعه بالكلام ده مليون فى الميه وعن تجارب كتير ده الصح
ان احنا ندمج مع الاسرة ونشوف احتياجتهم ونساعد فى تلبيتها سواء كان علاج او اكل او ملبس او مصاريف مدارس موضوع الشنط ممكن يتنفذ بس هتبقى شنط متملاش العين
فأنا بقترح ان التركيز يبقى على العلاج والملبس ومصاريف المدارس واى احتياجات الضرورية للاسرة عشان نسيب مساحه اكبر لمساعده اكتر من اسرة
لان اللى هتقعدوا تجمعوه هيضيع مع اسرة واحده بس
وصرف فلوس هتؤدى لحاجات كتير ممكن نقع فيها
الا وهى
الطمع
و
النصب
ايوة هيجى على الاسرة فترة تحس انك ملزوم منها كل شهر توفر لها الفلوس دى ومش بس كده لا واى حاجة يطلوبها وفجأة هتلاقى نفسك بيطلب منك فلوس اكتر لان الحال مش تمام والفلوس مش مكفيه وهنقع فى دائرة ملهاش نهايه ومش هنقدر نساعد اسر تانيه
لكن لما نعرف احتياجات الاسرة بالضبط ونساعد فى توفيرها سواء بنجمع من بعض عشان ننفذها او عن طريق علاقاتنا العامه
يعنى مثلا
اذا كان دواء هنشوف مصطفى يعرف مين يقدر يوفر لينا العلاج ده ببلاش او بسعر اقل من السوق
الملابس مفيش بيت فينا معندوش هدوم زيادة عن حاجته وحاجة اللى حوليه وموجودة فى البيت ومحدش بيلبسها
اما بقى مصاريف المدرسه بردوا انا معترضه ان حد يدى للحاله الفلوس وهى تدفع هما يقولوا المدرسه فين واسم الطفله وحد يروح يدفع ويجيب الوصل
الفلوس اللى اى حد فينا بيتبرع بيها كلنا هنتحاسب اتحطط فى مكانها المضبوط ولا لأ
فلازم التحرى وبدقه انا كان نفسي عماد يبقى موجود لانه خبره فى الموضوع ده اكتر من اى حد فينا
اما بقى موضوع النصب وده حصل معايا انا شخصيا ان حاله بقت تاخد من الجمعيه من ناس اعرفهم ويبقى لسه مدينها فلوس وتتصل بى تقولى عايزه وتتصل بغيرى تقوله عايزه وهكذا
يا جماعه لازم نأخد بالنا كويس الفلوس دى هتروح فين
افرضوا ان الاسرة اللى اعطينها الفلوس اسرة غير مسئولة واخدت الفلوس اللى هيبقى مبلغ قليل متجمع من عدد كبير من المتطوعين وصرفته بشكل غير عقلانى من كتر احساسها بالحرمان تضيعه فى اى حاجة وبعد كده تتصل بيكم تقولكم عايزه
ياريت تفكروا فى كلامى ده من اقبل ما تعترضوا عليه لان والله انا اهم حاجة عندى المصلحه العامه والكلام اللى بقوله ده عن تجربه
والسلام عليكم ورحمة الله وبركاته

زائر

بوسى

لو بايدينا اختيار ميعاد كنا اتفقنا على حاجه تناسب الكل

انما ده ميعاد الزياره الرسمى بتاعهم

وحتى الان مش عايزين يعدلوه او يضيفو يوم جديد

ممكن ان شاء الله فى المستقبل لما نوثق علاقاتنا معاهم

مين دول يا محمود؟؟؟؟؟؟؟؟؟؟؟؟؟؟؟؟؟؟؟

زائر

سلام عليكم يا محمود
منور طبعا وباذن الله زى ما اتنفقنا نكمل المشروع ده على خير وباذن الله فى اخبار كويسه قريبا جدا على وشك التنفيذ

يله يا شباب عايز اقول ان انهارده ناس كتيره اتفعلت بخصوص موضوع كفاله الاسره الحمدلله

وبرده كتير تفاعل فى شنط الخير وباذن الله سوف يتم التنسيق وتوزيع الادوار
يوم السبت القادمم باذن الله

وبالمناسبه معاد الاجتماع بقه الساعه 12 فى رساله باذن الله
وفى عدد محترم هيحضر الاجتماع ده باذن الله وسوف يتم الاعلان عنه بكل تفاصيله واخر التوصيات فيه باذن الله

ياريت الكل يعرف المعاد والكل يحضر باذن الله
وربنا يتقبل منا جميعا

ام بخصوص بوسى طبعا رايك على مادخنا واحنا مش مختلفين خالص واعتقد هدافنا كلنا المصلحه العامه
وعلشان كده ياريت تعرفى وجهة نظرك معانا فى الاجتماع والكل يناقش وجهات نظره بس تحت اى مسمى لازم هنطلع بخطه عمل على الفور يتم تنفيذها وتدعيهما من شباب الخير باذن الله

يله يا جماعه صحيتوا ولا لسه
مشوار الحسنات للكبار فقط ..!؟
الحق مقعدك فى الجنه
و جزاكم الله خيرا جميعا

رسالة الجمعة انثري اليوم عبيرا من زهور ..... بلغي احبتي مني سلاما وذكريهم بالصلاة على الرسول .... وأخبريهم ان سورة الكهف نورا وذكريهم بساعة القبول ..... عسى ان يشملنا الدعاء ونحظى بتوبة رب غفور

زائر

ربنا يقدرنا كلنا دايما على فعل الخير وان شاء الله هحضر الاجتماع و فى حاجه مطلوبه نجبها معانا ياريت تقولنا ولا هنستنى لغاية ما نشوف كل واحد هيعمل ايه؟

زائر

ايوه كده يا ياسمين جزاكى الله خيرا
باذن الله تنتورى معانا الاجتماع بخصوص هتجيبى حاجه
اها محتاجين حاجه مهمه منك ومن كل فرد
يااااااااااااااااااااااااريت كل واحد يكون محضر لاجتماع لاننا مش هنتكلم كتير هناك عايزين نتفق على شىء وونفذه علشان كده كل واحديفكر فى مشروع خيرى جميل هنكتبه كلنا ضمن مشاريع الخير الى هنفذها حسب الاولويه
ثانيا حضرى اى ملحوظات او تعلقيات حبه تنقشيها فى الاجتماع وبكده يبقى حوارنا منظم وهادف وبكده نقدرن نطلع بنتائج قيمة باذن الله

وجزاكم الله خيرا

يلللللللللللللللللللللللللللللللللللله مفيش وقت الحاضر يعلم الغائب
عااااايز نشتغل فى اسرع وقت

زائر

حسام الهلالى

انا عارف انك هتزعل منى

بس انت متقدرش تمنع حد يناقش او يعترض على المنتدى

انت عايز الكل يسكت والكلام يكون فى الاجتماع

امال اتسمى منتدى ليه؟؟؟

بوسى

للاسف واضح ان الفكره وصلتك بشكل غير كامل

احنا مش هنجمعع لنفس الحاله كل شهر

هى الحاله اصلا بتقعد فى المستشفى فتره وتمشى

والاكيد طبعا ان الدوا له كل الاولويه

لو صبر القاتل على المقتول

اساسا الادويه المتجمعه من حالات الاستكشاف الطبى (بشرط انها تكون ادويه لا تصرف فى المستشفى والطبيب المقيم يؤكد انها مطلوبه فعلا) هيتم توفيرها من الصيدليه باذن الله والفلوس هيتجاب بيها اى دوا بره الصيدليه

وفى بعض الاستثناءات زى تحليل غالى او اشعه او حاله محتاجه اشد الاحتياج بعد التاكد طبعا

وباذن الله هيتم نشر اماكن الحالات لاى حد عاوز يتاكد

اما بالنسبه للشنطه فانا اصلا قلت رايى لحسام فى الموضوع ده

ومعلش متزعليش كون انه اتنصب عليكى دى حاجه ترجعلك انتى ههههههههههههههههههههههههههههههههههههههه بهزر طبعا

وطبعا طالما حطيتى رد بالحجم ده يبى عندك كتير هتقوليه السبت الساعه 12 باذن الله

عايزين كلام على المنتدى وفعل على ارض الواقع

زائر

لاسف يا جماعه انا مش هقدر اجى الاجتماع بسبب الميعاد ده لانه مش مناسب لى بسبب مواعيد شغلى
وانا طلبت انه يتأخر ادمتوه كأنكم بتقوليلى مش عايزينك
وانا زعلانه بقى وعايزه حق عرب هيه مليش دعوه
:D
ياريت حد يبقى يكتب تلخيص عن الاجتماع ونفتح باب المناقشه على المنتدى لكل الاقتراحات وربنا ييسر ان شاء الله

زائر

حسام واخد اذن من الشغل

وانا كمان

وفى طلبه وراها محاضرات

ده الميعاد اللى وافق عليه اغلبية الناس

زائر

سلام عليكم

ازيك يا بوسى
منوره طبعا وطبعا اكنك كنتى موجوده فى الاجتماع

وعايز اقول بالمناسبه لكل الناس الى معانا على المنتدى
ان الاجتماع اعتقد من وجهة نظرى الحمد الله من انجح الاجتماعات

وكان الحوار النقاش بناء لدرجة كبيره بين الاعضاء الافاضل
والحمد لله تم الاتفاق على ما يقرب من 9 مشاريع وكيفيه التحرك والتنفيذ بفضل الله

بجد فرحت اوى ان نواينا خير حتى لو اختلفنا فاننا جميعا على مستوى واحد من طريق الخير
ورجاااااااء جدووا نوياكم رجاااااااااااااااااااء جدووا نويايكم

هل تريد ان تفعل خير ؟ ان كانت اجابتك نعم فعليك ان تفعل ولا تقف مكانك هكذا & وان كانت اجابتك لا فجزاك الله خيرا اتركنا نفعل خيرا عسى ان يتقبل الله منا جميعا

ده سؤال اطرحه على نفسى وعلى حضرتكم جميعا

عارفين ليه بطرحه لان الوقت ده وقت شغل ولازم نتحرك باذن الله .... ولا ننام حبه ونصحى بعدين طبعا لا ولا

جه الوقت الى لازم نشتغل فيه يا شباب باذن الله

علشان كده باذن الله هنزل تفاصيل الاجتماع انهارده
وهنقول توصيات الاجتماع باذن الله واليات تنفيذه وخطه العمل لحضرتكم جميعا

وجزاكم الله خيرا جميعا

زائر

هل تريد ان تفعل خير ؟ ان كانت اجابتك نعم فعليك ان تفعل ولا تقف مكانك هكذا & وان كانت اجابتك لا فجزاك الله خيرا اتركنا نفعل خيرا عسى ان يتقبل الله منا جميعا

يا حسام

انت ليه بتعتبر ان اللى بيعارضك مش عاوز يعمل خير

انت قلت 9 مشاريع اتفقنا على سبعه او تمانيه وناس عارضتك فى واحد

وراى المعارضين كان قوى وليهم حجه

مينفعش تقول اللى مش معايا فى الرأى يقعد ساكت ويسيبنا نشتغل

افرض كلامه نبهك لحاجه كانت غايبه عنك

زائر

سلام عليكم جميعا

بجد يمكن احساس جميل لما شباب الخير يتفق سوى على حاجه يقابلوا ربنا بيها وربنا يقدرنا وونجح كلنا فى تحقيقها باذن الله

بفضل الله يا شباب اتفقنا فى اجتماعنا يوم السبت الساعه 12 على مشاريع تقرب من 9 مشاريع قبل ما اقول التفاصيل
عايز اشكر كل من حضر الاجتماع

رضوى قطب بجد جزاكى الله خيرا
شريف
ابراهيم زهران
عبد الرحمن
محمود فريد
ايه
نهله بكر
اسماء
رنا عاشور
رانيا الزهيرى
ايمان سمير
وشرفنا بعض الوقت ( مسئول عام الزيارات ) الاستاذه رحاب حراز
وحضر فى اخر الاجتماع الاستاذه امانى

عايز اشكرهم بجد جزاكم الله خيرا جميعا وبجد شىء مشرف اننا نحافظ على مواعدنا والالتزامتنا

نخش فى التفاصيل

تم الاتفاق على الاتى

1- نصوم يوم كلنا + نزور مريض ( عمل زياره لمسستشفى ) + نقرى ورد قرانى فى اخر اليوم .

2- نتفق كلنا اننا نصلى يوم الفجر كلنا كلنا نصليه وناخد عهد على نفسنا نلتزم بده ( تحديد عدد الايام وفق الاعضاء ) .

3- التحضير لعمل 300 وجبه اطعام مسكين وياتيم ...

4- المشاركه فى تحضير وجبات لاطعام الصائمين بالمساجد وده بالتعاون مع جميعه رساله ..

5- التحضير لزياره من نوع خاص لمستشفى الاطفال .. ( اد ايه نفسنا نعمل زياره هناك وحشنا الاطفال وليهم حق علينا لازم نقوم بيه ولا ايه يا شباب ..!؟ ) .

6- فكرين الورقه الى من خلالها نعرف نتعامل مع المريض اد ايه الورقه دى مهمه جدا جدا جدا علشان كده تم تكليف ايمان سمير انها تعملها بشكل جذاب لانها هتطبع الوان بعدد كبير ويهتم توزعيها لاهمتيها كصدقه جاريه لينا كلنا وعلم نتتفع بيه بردو وهيتم توزعيها علينا وعلى كل الناس وعلى المرصى بشكل خاص
ويااااااااااااريت اى حد يقدر يساعد ايمان سمير فى عمل تصميم جيد للورقه جذاب علشان نطبعه يبقى جزاه الله خيرا ومكن نستعين بخبرة هاجر وممكن طبعا نستعين بخبرة محمد عبد الحميد ؛ واى حد يقدر يخدم يبقى جزاه الله خيرا كثيرا

7- طبعا من اهم المشاريع الا وهى كفاله الاسره وتم بفضل الله مفعل حاليا وجاى العمل عليه .. وبالمناسبه الحق مكانك فى هذا المشروع لانه بجد ممتع ..

8- اتفقنا اننا نعمل برنامج جيد بخصوص زياره مبره الشناوى وده طبعا من خلال حضراتكوا قلبا وقالبا والحمد لله فى حماس ونيه كويسه بخصوص الزياره باذن الله ( وانا بطلب من حضتراتكوا بردو انكوا تمشوا على وصيه الحبيب لما وصى على اليتيم وقال انا وكافل اليتيم يعنى لازم نشوف اخواتنا دول وليهم حق علينا بردو ولا ايه ..!؟

9- وده بعتقد من المشاريع الجميله الحمد لله والى كان فيها اقبال كبير عليه سواء من داخل الاجتماع او من خارج الاجتماع وبفضل الله كتير تعاون معانا فى المشروع ده والحمد الله اثناء الاجتماع وافق عليه 7 اعضاء فى مقابل 3 اعضاء لما يوفقوا ومنهم الدكتور محمود فريد وبالررغم من معارضته الا انه وافق معانا انه يشارك بجانب الاخرين ايضا 2 الاعضاء الى محمود ذكرهم برفض المشروع ده وجزاهم الله خيرا ..

عاررفين المشروع ده ايه يا شباب
اسمه شطنه الخير
ايه شنطه الخير دى يا حسام
ده مشروع موجود بالفعل فى امكان كتيره فى شارعى وشارعك عندى اهلى واهلك وموجود بردو فى رساله وصناع وكل الجميعات انهم يوفروا شنط مساعدات

احنا بقه حبينا نعمل ده على ارض الواقع
حبينا المره دى بدل ما ندى لحد وهوه يطلع ويغلف ويكيس ويشيل حبينا احنا الى نعمل ده
جبينا بدل ما حد يسوق المشروع ده احنا الى نسوقه اد ايه شعور جميل والحمد لله ناس كتتيره رحبت بده كتير وانا عن نفسى حابب ده

علشان كده قرارنا اننا انا وانتى و هوه وهيا
عندك زجاجه زيت مش عايزها طيب هاتها وانا عندى كيس سكر وفلان عنده الرز وعلان عنده العدس والصلصله وكل احتياجات الاسره
نجمعها كل اخر شهر بايدينا وندور على الاسر الى تحتاجها سواء كانت فى المستشفيات وانا ارجح ده اننا نعمل استكشاف هناك عن الاسر الفقيره والاكثر مرضا والاكثر احتياجا ونساعد بيها
او من خلال رساله لو فى اسر لم يتم مساعدتها بالشكل الكافى
واعتقد معانا كفااءت هتساعدنا كتير فى المجال ده
ايمان سمير
عماد
عبير ابو النجا
محمود الخليجى
والجميل فى الموضوع ااننا هنتعاون مع جهات كتيره وهنستفيد من بعض
يااااااااااه متعه فى العطاء ولا ايه شباب ..!؟
وناس كتيره نقدر نستفيد منها باذن الله

منتظر اعرف رايكوا كلكوا باذن الله فى المشاريع
وكمان المره دى مش منتظر رد بس لا منتظر انا هعمل معاكوا ده
وهيساعدكوا فى ده وكمان هشعجوا فى ده
ومفيش مانع تعترض على ده بس المهم مش تحاول تمنع ده لانه فى الاساس ده خير ولا ايه ..!؟ فى فرق كبير انك تعترض وانك تحاول اسفا توقف ده

وطبعا جزاكم الله خيرا كثيرا

واعتقد جه الوقت الى هنشتغل فيه ولا ايه يا شباب

زائر

ماشاء الله تبارك الله

ايه المشاريع الجامدة دة

إن شاء الله أتمنى أكون معاكم

كان بودى احضر الإجتماع
لكن يا حسام زى ما انت عارف انى ماكنتش يوميها موجود

أتمنى من الله إنى احاول أروح المنصورة فترة كافيه من القت اللى تمكنى أشارك معاكم

أن شاء الله بردوا هتابعكوا اول بأول

وعلى قد ما أقدر هشارك

بجد من قلبى ربنا يوفقكوا يارب ويعينا دجميعا على طاعته

زائر

أكيد طبعا المشاريع كلها هايلة

مشروع واحد واتنين وتلاته مناسبين جدا واعتقد اللى بعدهم كمان

لكن انا ما اقدرش أجزم انى هشارك او لاء لانى مش ضامن ظروفى

لكن عموما شنط الخير وتجهيزها
سواء بالتبرع بالماتريال او بالمجهود زى ما بتقول لو حابين اننا احنا اللى نكيس ونغلف ونوزع وكده

ده شىء رائع وانا اشجع كل ده

لكن مش عارف بصراحة ازاى يعنى هنتبرع بكيس سكر؟
لو حد عاوز يتبرع بكيس سكر هينزل من بيتهم معاه الكيس ويقول ده هتبرع بيه؟
ولو عاوز يتبرع بمبلغ من المال ياترى هيروح لحد معين ويقوله انا بتبرع ولا هيبقى فى صندوق مثلا بحيث انها تكون سرا ولا ايه؟

زائر

احب دائما وابدا أبدأ كلامى بسلامى
السلام عليكم ورحمة الله وبركاته
مشاريع جميله جدا
مع احترامى ليك يا حسام انامعترضه على صلاة الفجر يوم ويوم لازم نجاهد اكتر عشان نصلى الفجر بإنتظام
وبقترح ان البنات على المنتدى يأخدوا ارقام بعض ونرن على بعض الفجر عشان نصحى بعض
بس مش رنه وكل سنه وانتم طيبين
لا نرن لغايه ما نصحى نكنسل على بعض بعد ما نصحى
وبعد ما منقوم ونتوضى نرن على بعض
وبعد ما نصلى نرن على بعض اننا صلينا عشان نقدر نقيم اننا صحينا بعض ولا لأ ونساعد بعض بجد على صلاة الفجر
ياريت اللى نفسها بجد تصحى لصلاة الفجر ونفسها فى حد يصحيها كل يوم ان شاء الله تسب ايميلها والله المستعان

زائر

سلام عليكم

منور يا احمد بجد وباذن الله تبقى معانا فى كل المشاريع بفضل الله وربنا يتقبل منا باذن الله
وخلى بالك مشوار الحسنات لسه طويل يعنى لازم يكون نفسك طويل ونعمل الى نقدر عليه باذن الله والله المعين

ام بخصوص شنط الخير
ده يا سيدى هنعمل كشف بالاسماء الراغبين فى التطوف فى شنطه الخير
وكل فرد هيبقى ملكف بشىء يقدر يجيبه سواء بلفوس او من بيته وده متوافر عندنا كلنا فى بيتوتنا زى الزيت والسكر والزو والسمنه والصلصله وكل المستلزمات الى بتحط فيها وكماان نواين نحط عسل ابيض ولو الاسره محتاجه ادويه نحاول نوفرها باذن الله بالتعاون مع د/ مصطفى وهكذا
هتلاحظ بفصل الله اننا جمعنا عدد لا بأس منه من الشنط وبكده هنعمل استكشاف لاسرف فقيره وما اكثرها فى المستفشفيات فى كل مكان وما احوج الناس دى اننا نساعدهم باذن الله
وبالفعل فى ناس كتيره محتاجه نعرفهم وغير الى نعرفهم بردو

ده يا سيدى شنطه الخير وبالمناسبه بالفعل الاسامى هتكون مع حد معين واى حديقدر يتبرع فى السر عادى انما التجهيز والتكيس والكلام ده علنى طبعا الى حابب يساعد والى حابب يوصل الشنط والى حابب يعمل استكشاف بنفسه مفيش مشاكل باذن الله

يله على البركه يا شباب عايز اقولكوا بالمناسبه موضوع الفجر مسؤاليه بوسى بجانب موضوع الورقه بالتنسيق مع ايمان سمير باذن الله ورضوى عادل بردو لو حبه تضيف اى لمسات على الورقه باذن الله وهيتم عرضها على الجميع قبل الطباعه وده غلبا هيحصل فى وقت قياسى باذن الله خلال يوم او اتنين بالكتير باذن الله ....

ملحوظه بس صغيره لبوسى
يا حاجه بوسى انا شرحت ليكى وجهة نظرنا فى موضوع الفجر وقولت اننا مش قولنا يوم ويوم دى احنا قولنا نبدا بيوم لانا فينا كتير مش ملتزم وبعدها نشد حيلنا الى ما شاء الله وربنا يثبتنا ده الى انا قولته وكلمتك فيه واعتقد فهمتى وجهت نظرى ملوش لزوم بقه هههه نقول على المنتدى اننا اعترض مع حسام اننا نصلى يوم ويوم لا وانا اساسا مش قولت كده يا بوسى ولا ده كان الكلام صح ولالا وطبعا جزاكى الله خيرا يا بوسى ربنا يعزك وبجد محتاجينك معانا جدااا

زائر

صح النوم يا شباب فقد انقضى العمر، وتصرّمت الساعات، وقتل الزمان بالهذيان وأماني الشيطان وأخبار فلان وعلاّن، استيقظوا يا أصحاب الهمم الهوامد، والعزائم الخوامد، والذهن الجامد، والضمير الراقد:
* وَلَو نار نفخت بِها أَضاءَت ـ وَلَكن أَنتَ تَنفخ في رَمادِ.
قاتل الله التسويف والإرجاف، وسحقاً لمن زرع شجرة «ليت» لتثمر له «سوف»، وتخرج له «لعلَّ» ليذوق الندامة

اللهم إليك مددت يدي، وفيما عندك عظمت رغبتي. فأقبل توبتي، وأرحم ضعف قوتي، وأغفر خطيئتي، وأقبل معذرتي، وأجعل لي من كل خير نصيبا ، والى كل خير سبيلا برحمتك يا أرحم الراحمين . اللهم لا هادى لمن أضللت ، ولا معطى لما منعت ، ولا مانع لما أعطيت، ولا باسط لما قبضت ، ولا مقدم لما أخرت ، ولا مؤخر لما قدمت . اللهم أنت الحليم فلا تعجل ، وأنت الجواد فلا تبخل ، وأنت العزيز فلا تذل ، وأنت المنيع فلا ترام ، وأنت المجير فلا تضام ، و أنت
على كل شيء قدير. اللهم لا تحرمنا سعة رحمتك اللهم امين

اللهم ...نور دنيانا بنور من توفيقك واقطع ايامنا في الاتصال بك وانظم شتاتنا في سلك طاعتك عجبا لمن عرفك ثم احب غيرك ولمن سمع مناديك ثم تاخر عنك الهي لاتعذب نفسا قد عذبها الخوف منك ولا تخرس لسانا كل ما يروي عنك ولا تقذ بصرا طالما يبكي لك ولا تخيب رجاء وهو منوط بك

زائر

السلام عليكم

الله الله عليكم

الله الله عندما نجتمع علي فعل الخير

الله الله عندما نحب بعض في فعل الخير

ان شاء الله سوف نكون من الذين قال فيهم رسول الله

قال رسول الله صلى الله عليه وسلم
إن حول العرش منابر من نور عليها قوم لباسهم نور ووجوههم نور ليسوا بأنبياء ولا شهداء يغبطهم الأنبياء والشهداء، قالوا: "صفهم لنا يا رسول الله"، فقال النبي صلى الله عليه وسلم: هم قومٌ اجتمعوا على محبة الله وطاعة الله على غير أنساب بينهم

وايضا

قال رسول الله صلى الله عليه وسلم
يحشر قوم من امتي علي منابر من نور يمرون علي الصراط البرق الخاطف نورهم تشخص منة الابصار لا هم بالانبياء ولا هم بالصديقين ولا هم بالشهداء : انهم قوم تقضي علي ايديهم حوائج الناس

----------------------------------------

اما عن اقترحاتكم فان شاء الله انا معاكم فيها كلها ان شاء الله وربنا يقدرني اكون متواجد بشكل اساسي فيها كلها

ان شاء الله

زائر

محمود الخليجى

بجد انا بحترمك جدا بتيجى فى الوقت المناسب

ممكن معلش تسيب تليفونك الارضى لو مفهاش مشكله؟؟؟؟؟؟

بوسى

انامعترضه على صلاة الفجر يوم ويوم لازم نجاهد

يعنى واحد عمره ما صلى الفجر اشده من قفاه واقوله يا تصلى كل يوم يا بلاش

ان هذا الدين متين فاوغلو فيه برفق

زائر

يعنى واحد عمره ما صلى الفجر اشده من قفاه واقوله يا تصلى كل يوم يا بلاش

ان هذا الدين متين فاوغلو فيه برفق

رد غريب جدا
عامل زى اللى بيقول واحد عمروا ما ركعها اجى اقوله صلى كل الفروض فى وقتها ؟؟؟؟؟؟؟
لا يا محمود نعمل زى اللى بيقول انا هلتزم فى الصلاة بس مش هأخدها قفش كده مرة واحده
انا هصلى النهارده الظهر وبكرة العصر وبعده المغرب وبعده العشاء ويوم اجى اجمع الفروض كلها مرة واحده وبعد كده ربنا يكرمنى واصلى الفروض كلها فى وقتها
مش كده
انتم عاملين زى الانسان اللى بيفكر بالتفكير ده
يا بشر الصلاة عماد الدين
ومفيش تجزئة ولا تقطيع
وصلاة الفجر بالذات اسمها صلاة الفجر مش الصبح
انت حاول تصحى كل يوم مش يوم ويوم
بلاش الله يكرمك مقاوحه فى الدين بالذات مش هنعمل فيها مفتيين
ونصحح الغلط ونغلط الصح
الا الديــــــــــــــــــــــــــــــــــــن
مدام عندك النيه انك تصلح من نفسك وتصلى الفجر مفيش حاجة اسمها مأخدهاش قفش لا انا اضغط على نفسي فى الاول مرة هتصحى ومرة لأ بس المهم انك بتحاول مش عاملين فيها جدول لتقسيم الصلاة النهارده اه وبكره لأ
وبعد فترة هتلاقى نفسك بتصلى كل يوم الفجر وحاجة بتصحيك عشان تقوم تصلى ويوم ما تفوتك هتحس ان صدرك ضيق وحياتك كلها وحشه لغاية ما ترجع تانى لصلاة الفجر وتحس براحه فى بالك وحياتك وامورك كلها فيها بركة مش هتحس بيها الا وانت ملتزم بصلاة الفجر
فى مرة سمعت مصطفى حسنى بيقول ان الصلاة الفجر شئ مهم جدا والاهم انك تحاول انك تصحى اعمل المنبه ومنبه الموبيل وخلى ناس ترن تصحيك واذا بعد كل ده ومش صحيت الوقت اللى هتصحى فيه وتقوم ده وقت صلاتك انت يعنى دى صلاة الفجر بتاعتك ودل عليها بحديث شريف انا حاليا مش فكراه بس متأكده انه صحيح
اهم شئ انك بتحاول مش مقسمها جداول
الله يكرمكم محدش يجادل فى الدين
لان الدين بيتأخد كله على بعضه بدون تجزئة فيه
ونعوذ بالله من البدع اللى بيزينها لينا الشيطان بأنها صح
توكلوا انتوا بس على الله وإنوا انكم تصحوا كل يوم وان شاء الله ربنا يكرمنا كلنا بالصلاة الفجر بإنتظام
وارجوكم اقفلوا باب المناقشة فى الموضوع ده لان انا متأكده ان المناقشة فى حاجة اصلا مينفعش تناقش فيها مع بعض
واذا مش عجبكم رأيي ارجوكم تسألو ناس اكتر علما منى شيخ جامع تثقوا فيه وتسألوه ان كنتم صح ولا لأ المهم نقفل باب المناقشة مع بعض ف الموضوع ده

والسلام عليكم ورحمة الله وبركاته

زائر

السلام عليكم ورحمة الله وبركاتة

اخوتي الاعزاء محبي الخير

في البداية جزاكم الله خيرا عما تقيمون بة محبي الخير لعل الله ان يتقبلة منا

والله لا تجعل فية لاحدا منا نصيب وان يكون خالصا لوجهك الكريم

امين يا رب العالمين

-------------------------------------

استاذة بوسي

بسم الله الرحمن الرحيم
" فبما رحمة من الله لنت لهم ولو كنت فظا غليظ القلب لانفضوا من حولك فاعف عنهم واستغفر لهم وشاورهم في الامر فاذا عزمت فتوكل علي الله ان الله يحب المتوكلين " صدق الله العظيم

اظن حضرتك فاهمة قصدي وانا عارف انك بتتكلمي كدة من غيرتك علي الاسلام والرغبة في التغير

وانا معاكي في كل كلامك وهو صح ولكن ...........

اما عن الحديث التي استشهتي بة فهو

قال رسول الله صلى الله عليه وسلم " من نسي صلاة فليصلها حين يذكرها "

اي من ذكر صلاة نسيها فليصلها إذا ذكرها في أية ساعة كانت من ليل أو نهار عند مغيب الشمس أو عند طلوعها
وذلك أن رسول الله صلى الله عليه وسلم قال : " من نسي صلاة فليصلها إذا ذكرها "
اي ان وقتها حين ذكرها فلا يؤخرها عن ذلك .

-----------------------------------------

دكتور محمود
بسم الله الرحمن الرحيم

" يسالك الناس عن الساعة قل انما علمها عند الله وما يدريك لعل الساعة تكون قريب "

بسم الله الرحمن الرحيم
" الله الذي انزل الكتاب بالحق والميزان وما يدريك لعل الساعة قريب "

واعلم انك تعلم هذا
ولكن الي متي التاجيل

فيجب ان نقف وقفة مع النفس

واللهم لا تجعلنا من الذين يذكرن غيرهم وينسون انفسهم

زائر

احب دائما وابدا ابدأ كلامى بسلامى
السلام عليكم ورحمة الله وبركاته
يكفينى ردك يا استاذ محمود الخليجى
وشكرا ليك على التذكره
اوضح نقطة صغيرة لمحمود فريد انا عمرى ما اتبلطجت على حد فى رأيه خوفى الوحيد دخول الشيطان بينا فى النقاش
واحب انقل رد استاذ محمود الخليجى وكفى به حديث
يسالك الناس عن الساعة قل انما علمها عند الله وما يدريك لعل الساعة تكون قريب "

بسم الله الرحمن الرحيم
" الله الذي انزل الكتاب بالحق والميزان وما يدريك لعل الساعة قريب "

واعلم انك تعلم هذا
ولكن الي متي التاجيل

فيجب ان نقف وقفة مع النفس

واللهم لا تجعلنا من الذين يذكرن غيرهم وينسون انفسهم
اللهم اميييييييييييييييييييييين

زائر

السلام عليكم ورحمه الله
طبعا حضرتك منورنا يااستاذ محمود ومش محتاج اني اقولك كده
وربنا يعينا جميعا على فعل الخير
بالنسبه للورقه ياحسام رضوى قالتلي هتبعتهالك على الايميل
وياريت تحط التطورات
والخطوات الي اتعملت اول باول
علشان نبقى معاك على الخط
وربنا يكرم

» هنعمل خير فى اى وقت وفى اى مكان ...!!!جاهزين يا شباب
» منتدانا الصحي اقوى مشروع هيطلع بعون الله من منتدى شباب المنصورة الشغل بدأ يا شباب مين معانا ؟؟؟
» جه الوقت الى هنعرف مين بوسى ابو المجد ..على كرسى الاعتراف
» واجب هذا الأسبوع يا شباب
» بجد بجد قصص ولا اروع يا شباب ...!!