مشاريع خير وحالات جديده وكل واحد على قد وقته ومجهوده

السلام عليكم ورحمة الله وبركاته

هختصر الموضوع فى عدة نقاط

1-زيارة مبرة الشناوى رسميا تم ادراجها ضمن زيارات رساله وتم اختيار مسئولى الزياره شريف وابراهيم زهران

الدعوه عامه والتجمع فى الجمعيه من اربعه الى اربعه ونص يوم الخميس باذن الله تعالى

طبعا اول مره بس التجمع فى رسالع علشان الناس اللى متعرفش المكان وكده


2-الكفاله الشهريه

تم الاتفاق على حاله وعمل استكشاف ليها

بجد الحاله دى المفروض يتعمل لها موضوع لوحده

قمة الذل

الطقل محمود

بلاش اسمه بالكامل للحفاظ على البقيه الباقيه من كرامتهم

مصاب بمرض جينى نادر اسمه زيروديرما بيجمينتوزا وده بيعمل مشاكل جلديه ونسبة سرطانه عاليه

بالاضافه الى ورم كبير بالوجه والعين

ووالده متوفى

يعنى طفل يتيم ومصاب بالاورام

امه بتشتغل فى البيوت

ومصابة بمرض السكر

من بلد اسمها بساط النصارى

بلغ بيهم الفقر والانكسار ان واحد من الناس عرض عليها انه يتجوزها علشان يربيلها العيلين محمود واخوه خالد

وفعلا كتب كتابه عليها كده صورى وقاعدين فى شقه جنب شقة مراته ب 150 جنيه شهريا


صعب تلاقى حاله زى كده بجد

مطلوب من العضو اللى بيلم الكفاله انه يوصلها او يديها لحد يوصلها

بدون ذكر اى اسماء

3-فى احتفال للايتام فى نادى المهندسين تبع جروب وانا كمان عاوز اعمل خير

4-فى حاله فى مستشفى الاورام اسمه محمد عز الدين

طفل صغير مصاب بسرطان الدم

والده فلاح بسيط

محتاجين ادويه بتتجاب من بره المستشفى
اورسوجول شراب

هيباتيكم شراب

سيبتازول شراب

زيلون فورت شراب

ومحتاج كيسين دم الاسبوع القادم لان هيموجلوبينه بدا يقل ولسه هيقل مع جلسات الكيماوى

فصيلته ايه موجب

نسيت حاجه

بالنسبه لحالة الكفاله

الطفل محمود

بيحتاج علاج من بره المركز

1-حقنة مضاد حيوى يوناسين 375 مرتين يوميا

2-امبول ديبوفيت كل يومين

3-فاسكولار والفينتيرن تلات مرات يوميا

شاش فازلين معقم بيو تيل

الام تتعالج من السكر

1-سيدوفاج
2-ديابين


الحاله موجوده فى الدور الثامن جراحة الاورام

لمن يريد المساعده او التاكيد