اسفاف

زائر

لما كنت أسد مكنش في غابة ...

و لما بقيت مفتري معدش فيه ناس غلابة ...
و على ما اكتشفت النبلة ...
كانوا اخترعوا الدبابة...
طب أعمل ايه ايه ..

لما كنت شاعر كان كل الغونا حزين

ولما بقيت عصفور كيتروا الصيادين

ويوم ما قبلت قلبى معرفش انا ابقى مين

طب اعمل ايه
ايه ايه

لما كنت حلو ما كنش عندى كاميرا

وقلت قشطه يا ابيض حبيبتى واحده سمرة..

وكل ما انوى افوق بترخص الخمره

طب اعمل ايه
ايه ايه

لما كنت اسد ما كنش فيه غابه

ولما بقيت مفترى مبقاش فيه ناس غلابه

وعلى ما اكتشفت النبله كانو اخترعو الدبابه

طب اعمل ايه
ايه ايه
على ما افتكرت انى حر كان كل البلد عساكر أمن

وقولت اعمل كحك العيد لا لاقيت دقيق ولا سمن

ولما بطلت أحب حبيبى رق وحن

طب اعمل ايه
ايه ايه

على ما فكرت ابنى بيت كانوا باعوا الاراضى

ويوم ما اندبحت لا لاقيت قانون ولا قاضى

واصرخ واقول بنغرق الناس تقول عادى

طب اعمل ايه
ايه ايه
لما كنت قط ما كنش فيه فران

ولما كنت حرامى كان كل البلد جدعان

وعلى ما فكرت انى مصرى كان بقى اللى كان كان

وانا اعمل ايه

دي قصيدة لعلي سلامة شاعر العامية الأشهر في مصر

موضوع: رد: اسفاف الأحد مارس 29, 2009 1:54 am

لذيذة بجد
بس برضه اسفاف
ههههههه

زائر

على سلامه شاعر عامى من الطراز الاول

لكن احيانا كلامه بيكون غير واضح

اختيار جيد من المصرى اليوم