شرح نشيد نحن غرابا عك عك

زائر

يروى أنه في زمن من الأزمان كان هناك ثعلب شيطاني بتسعة ذيول ... بلفة واحدة من ذيله يمكنه أن يدمر مدنا كاملة و يشكل أمواجا عاتية... إيه دة .... آسف جدا ... أنا دخلت في حاجة تانية خالص ... نعود لموضوعنا... كلكم تتذكرون نشيد فيلم الهجرة و الكفار يصيحون نحن غرابا عك عك... عكوا إليك عانية ... عبادك اليمانية..

كانت قبيلة في اليمن تسمى قبيلة عك و كانت عندما تحج تقدم عبدين أسودين يقودون القبيلة و يسموهما الغرابان الأسودان و كانا يصيحان نحن غرابا عك عك فتجيب القبيلة من خلفهم .. عكو إليك عانية ( عانية أي تقربا و اخلاصا مثل و عنت الوجوه للحي القيوم
عبادك اليمانية.. أي عبيدك من اليمن و كان هذا دأبهم و شعيرتهم كلما كانوا يحجون

زائر

تصدق طول عمرى بسمعها غلط

والله اول مره اعرف كده

دايما انا فاكر ان الفيلم ده بييجى كل سنه فى المواسم الدينيه

فكنت بسمعها

احنا بنعمل عك عك

على القناة الثانيه

زائر

بجد معلومة مفيدة جدا

وانا شخصيا كنت زى الدكتور محمود معتقد حاجة تانية

وكنت عاوز بس اضيف تعقيب بسيط

انهم بيقولوا على الفترة دى فترة الجاهلية

او بيقولو العصر الجاهلى ..مع العلم انهم كانوا اهل الفصاحة ولسان العرب

واستوقفنى موقف لما كانوا عاوزين يدخلو يقتلوا رسول الله

اخدتم بالكم من النقطة دى ؟؟

هما كانوا عاوزين يقتلوة وهوة جوة البيت مع انهم كل واحد من قبيلة يعنى عملية الاخذ بالثار كانت هتكون صعبة لان العملية بايد نواحى مختلفة

ورغم ذلك لم يكسروا الباب الخشبى او حتى الغاب او حتى الخوص المهم انة كان ضعيف جدا ويستطيع رجل واحد اقتلاعة بسهولة جدا

وانتظروا رسولنا الكريم حتى يخرج لصلاة الفجر

ومن فترة رايت خبر كدة خلانى اشعر بالخجل عن بعض الناس وهم ليسوا بناس هم اشباة حيوانات اقتحموا منزل واختطفوا امراءة وقتلو زوجها على ما اعتقد او ضربوة مش فاكر واطلقوا اعيرة نارية ودول ناس عاديين وليسوا ذو سطوة او نفوذ

فما بالكم بكبار القوم بيعملوا اية لما يحتاجوا واحد

يبقى مين الى فى العصر الجاهلى ومين الى جاهل ؟؟؟؟؟؟؟

زائر

فعلا

العرب زمان كانو اهل كرم وفصاحه لغويه واخلاق الفرسان

والرسول صلى الله عليه وسلم تمنى انه يرى حاتم الطائى

لكن

مش يا بشمهندسنا نفس القاده دول هما اللى كانو بيعذبو الصحابه

مش دول اللى قطعو دراع سميه من كتر الشد

مش دول اللى عذبو سيدنا خباب بن الارت بوضع الفحم على ظهره

اميه بن خلف وعبد الله بن مسعود

بلال الحبشى

مصعب بن عمير وامه اللى ربطته فى الجريد وحرقته

طبعا عندنا فى امن الدوله حاجات اسوا من كده ههههههههههههههههههههههههههههههههه

بس انا عايز اوصل ان على قد ما كان عندهم تقاليد واخلاق على قد ما كان فيه سلب ونهب واسر وخمور وزنا واضطهاد طبقى

انما اسم جاهليه ده اتسمى ليه؟؟؟؟؟؟؟؟؟؟

تعبير عن حاله سياسيه علميه دينيه اجتماعيه

نظام سياسى ظالم+عقيده مشركه+اميه وجهل بالعلم+عبوديه

ولعلمك

احنا دلوقتى فى جاهليه تانيه مع كوننا مسلميين

عندك حق

زائر

جزاك الله خيرا يا اخ نبيل على المعلومه الرائعة دى
انا كمان مكنتش فاهمه بيقولوا ايه
انا قولت عبط كفار واهو بنعدى يعنى ناس بتقول على نفسها عك عك يبقى هما اصدق اكيد يعنى
بالنسبة للباشمهندس محمد ودكتور محمود رد على كلامهم الله يعزهم يارب
الرسول صلى الله عليه وسلم كان من اشرف القوم وكان فى حماية عمه ابو طالب اللى مش سابوا ابدا طول فترة حياته رغم محاولة الكفار انهم يخلوا عم الرسول يتنازل عن حمايته للرسول وانهم يقتلوا الرسول صلى الله عليه وسلم
ولكن عمه رفض اذا كان عم الرسول وافق على انه يتنازل عن حماية ابن اخوه كانوا قتلو الرسول صلى الله عليه وسلم
هما كانو بيعذبوا العبيد فقط مكنوش يقدروا يإذوا حد من اشراف القوم طول ما هو فى حماية حد فيهم و الحد ده اعلان حمايته لفلان
يعنى هما يا باشمهندس اذا كان رفع ابو طالب يده عن حماية الرسول صلى الله عليه وسلم كانوا اهدروا دمه وخاصه ان ابو جهل عم الرسول كان معاهم وبيدعوا الى قتله وهدر دمه يعنى مش اللى عملوه ده ادب ولا احترام ولا حاجة
وحاولوا قتل الرسول صلى الله عليه وسلم وكانوا ابو طالب عارف كيدهم عشان كده كان بيخلى الرسول صلى الله عليه وسلم مش ينام فى فراشه وكان بينقله عشان محدش يقتله او يغتاله فى فراشه خوفا على الرسول صلى الله عليه وسلم
[size=21]شوف بقى كيد الكفار عملوا ايه عشان يقتلوا الرسول صلى الله عليه وسلم
يلا نقرأ مع بعض القصة
هي قصة واقعية من اهم قصص السيرة النبوية
بداية القصة
فى سنة( 622 ميلادي ) علمت قريش بتأييد أهل المدينة لرسول الله صلى الله عليه و سلم, فسرعان ما اتفقوا مع القبائل الأخرى بأن ترسل كل قبيلة أحد فتيانها الأقوياء الأشداء لقتل الرسول صلى الله عليه و سلم لتتحمل كل القبائل دمه و بذلك يتفرق دم النبي محمد صلى الله عليه و سلم على القبائل فلا تستطيع بنى هاشم على قتال هذة القبائل , و لما علم رسول الله صلى الله عليه و سلم بذلك الأمر أمر المسلمين ببيع ممتلكاتهم و ترك مكة فى أقرب وقت إلى المدينة و طلب من صديقة أبى بكر الصديق رضي الله عنه شراء جملين للرحلة , و أتى أمر الله بالرحيل ليلاً فأمر ابن عمه ( على بن ابى طالب رضي الله عنه) أن ينام فى فراشه رضي الله عنه و أعطاه عباءته و ترك المنزل , و فى ذلك الوقت كانت فتيان قريش تنتظر خروج محمد صلى الله عليه و سلم بالخارج لقتله بضربة سيف واحد , و لكن قدره الله تعالى كانت فوق كل شىء , فخرج الرسول صلى الله عليه و سلم أمام هؤلاء الفتية و أخذ حفنة من التراب و ألقاها على وجوههم فأعماهم الله تعالى , قال تعالى { وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لاَ يُبْصِرُونَ } (9) سورة يــس , و أخذ الرسول صلى الله عليه و سلم أبى بكر الصديق رضي الله عنه معه للهجرة , و تبعهما عبد الله بن ابى بكر الصديق رضي الله عنه و أختة أسماء رضى الله عنها مع راعى الغنم لإحضار الطعام و التموية على الكفار , و ذهلت قريش لفقدها الرسول صلى الله عليه و سلم فى مرقده و أخذت تقتفى أثره ثم وصلت إلى غار ثور الذى به الرسول صلى الله عليه و سلم و صاحبه , و لكنهم وجدوا يمامة راقدة على بيضها و عنكبوتاً بنسيجة على الباب و الله اعلم , وفشلوا مره أخرى فى قتل الرسول صلى الله عليه و سلم و صاحبه , أمضى الرسول صلى الله عليه و سلم ثلاث ليالى فى الغار ثم وصل إلى المدينة بعد مسيرة ثمانية أيام ثم لحق به على بن ابى طالب رضي الله عنه بعد أن أدى عن الرسول صلى الله عليه و سلم ما كان للناس عنده من أمانات وودائع , و منذ قدوم الرسول صلى الله عليه و سلم إلى المدينة سنة ( 622 م) جعل عمر بن الخطاب رضي الله عنه هذا اليوم بداية للتاريج الهجرى (1هجرياً ) .

كل اللى عملوه ده مش احترام ولا ادب ده كله من كيدهم لان كان فى اعتبارات كتير بيخافوا عليها اكتر من اى شئ وهى العادات والتقاليد المتعارف عليها بينهم
اسفة لاطالة ودى تزكره لى لسيرة الحبيب المصطفى صلى الله عليه وسلم
وارجوا انى اكون استفدت وافدتكم
والسلام عليكم ورحمة الله وبركاته

[/size]

زائر

جزاك الله خيرا على المعلومة دي
انا فعلا مكنتش اعرفها
وبجد كلامكم منطقي جداا
احنا يكاد يكون عندنا كل حاجة ومع ذلك؟؟؟
جزاكي الله خيرا يا بوسي
ربنا يجعله في ميزان حسناتك يارب

زائر

بسمع النشيد ده دايما

اول مره افهم معناه

جزاك الله خيرا

زائر

انا برضو كنت بسمعوا بس مكنتش فاهماه ...
شكرا على المعلومة دى والله ..
جزاك الله خيرا...

» شرح أغنية فيلم الهجرة نحن غرابا عك عك ... الشائعة جدا بنغمتها المميزة
» نشيد مؤثر عن الأم