حفلة عيد الام

زائر

النهارده كانت حفلة عيد الام فى نادى السكه الحديد
بجد كانت حفله تحفه وكان اجمل مافيها اننا شوفنا الابتسامه اترسمت على وشوش كل الموجودين كبار وصغيرين
قدم الحفله د/ طارق رمزى وبدأت الحفله بفقرات الفرقه الشعبيه كانت اول فقره فقرة التنوره
وبعدها كانت فقرة الحصان اللى كانت تحفه وتموت من الضحك وفى اطفال خافوا منه جدا
بعدها كانت فقرة رقص شامى
وبعدها الاطفال كلهم طلعوا رقصوا مع الفرقه واتبسطوا قوى
اخدنا بريك عشان البوفيه وبعدها
الاطفل قدموا فقرات فنيه
واخر حاجه كانت فقرة التكريم كرموا الاستاذه اميره مديرة الحضانه وكرموا امهات الاطفال ذوى الاحتياجات الخاصه
والامهات المسنين
واخر حاجه واجمل حاجه كانت عملية السحب على رحلة العمره وفازت بيها طنط فاطمه والكل اتجمعوا حواليها يهنوها ويباركولها ويوصوها تدعيلهم هناك
بجد كانت حفله جميله قوى
والف شكر لكل اللى شاركوا فيها ونظموها عشان تطلع بالشكل ده

مليش دعوة أنا عاوز الفيديو بتاعها
حد يرفعه عاوز اتفرج عليه
كان نفسي آجي بجد بس الشغل بقى

زائر

انا صورت والله لكن مش هاعرف ارفعه هنا
هاحاول ربنا يسهل
للأمانه ماننساش الناس اللى شاركت فى الحفله من المنتدى هنا
نهال
ايمان سمير
بوسى
حسام الهلالى
ويا رب ماكونش نسيت حد ولو نسيت ماحدش يزعل منى لانه الدنيا كانت زحمه :)
وماننساش نشكر شكر خاص جدا لاخواننا من جروب وانا كمان عاوز اعمل خير اللى بجد ساهموا بحماس شديد فى الحفله وشرفونا وعملوا جو جميل جدا مع الاطفال ويا رب يشاركونا فى كل الحفلات ونتشرف بيهم

زائر

جزاكى الله خيرا يا رضوى ربنا يعزك يارب

وبالمناسبه كل سنه وكل امهاتنا بالف صحه وسعاده ويارب الجنه ليهم ويارب رضاهم عننا ويارب اكرمهم وعافيهم امين امين

وكل عام وكل شباب الخير بخير

زائر

فعلا كانت حفلة جميلة اوى انا كنت فيها بس للاسف مقعدتش كتير لانى تعبت و روحت بس شفت لما الحصان جة و الطفل كان خايف اوى وصورت جزء من الحفلة و بجد كنت مبسوطة اوى و انا بسلم على الامهات وانى اشوفها سعيدة وبتدعلنا بجد احساس جميل اوى .. ربنا يديهم الصحة ويبارك فيهم يارب...

زائر

انا اسفه يا ايه انا ماشفتكيش والله بس فعلا الحفله كانت جميله

زائر

لا ابد اوالله ولا يهمك انا برضو مخدتش بالى منك خالص اكيد كل واحد كان فى مكان .. يلا متعوضة ان شاء الله فى حاجة تانية .

» حفلة الام بمركز الاورام - التقرير وصـــــــــــــــــــــــــــــــــل
» تقرير حفلة عيد الأسرة بقرية دملاش 8/4/2010 حفلة تحفة.......
» مفاااااااجاة حفلة المسنين 1/3/2010
» حفلة دار المسنين 1/3/2010 فيديوهات وفى إنتظار الصور
» رسائل عيد الام