ياترى تقدر تقيم نفسك بنفسك؟

زائر

يا ترى حد فينا يقدر يقيم نفسه سواء فى مجال شغله او فى دراسته بس يكون التقييم موضوعي ومحايد
اعتقد صعب لاننا استحالة نطلع فى نفسنا عيوب مهما حاولنا اننا نكون موضوعيين فى حكمنا على انفسنا

لفتت نظري قصة قريتها عن تقييم الذات وبطلها طفل صغير حبيت انقلهالكم يمكن تساعدنا اننا بتكر طريقة للحكم على انفسنا وتقييمها

القصــــــــــــــــة

دخل فتى صغير إلى محل تسوّق وجذب صندوق كولا
إلى أسفل كابينة الهاتف.. ووقف فوق
الصندوق ليصل إلى أزرار الهاتف و بدأ باتصال هاتفي
انتبه صاحب المحل للموقف و بدأ بالاستماع إلى
المحادثة التي يجريها هذا الفتى
قال الفتى للطرف الآخر: سيدتي ، أيمكنني العمل لديكِ
في تهذيب عشب حديقتك؟
أجابت السيّدة عبر الهاتف: لديّ من يقوم بهذا العمل
قال الفتى: سأقوم بالعمل بنصف الأجرة
التي يأخذها هذا الشخص
أجابت السيدة : بأنها راضية بعمل ذلك الشخص
ولا تريد استبداله
أصبح الفتى أكثر إلحاحا وقال: سأنظف أيضا ممر
المشاة و الرصيف أمام منزلك ، و ستكون حديقتك
أجمل حديقة في مدينة بالم بيتش فلوريدا
ومرة أخرى أجابته السيدة بالنفي
تبسّم الفتى و أقفل الهاتف
تقدم صاحب المحل- الذي كان يستمع إلى المحادثة –
إلى الفتى و قال له: لقد أعجبتني همتك العالية،
وأحترم هذه المعنويات الإيجابية فيك و أعرض عليك
فرصة للعمل لدي في المحل
أجاب الفتى الصغير: لا ، وشكرا لعرضك ، غير أني فقط
كنت أتأكد من أدائي للعمل الذي أقوم به حاليا.. إنني
أعمل لهذه السيدة التي كنت أتحدث إليها

زائر

الواد ده مخه تعبان

افرض الست طمعت فى توفير نص المرتب وقالتله تعالى موافقه

وراح واكتشفت انه هو وبيشتغلها

هتقوله معطلكش يا برنس او هتشغله بنص المرتب زى ما رضى على نفسه

يبقى هو الخسران

زائر

وليه ماتقولش انها ممكن تعجب بذكائه وحرصه على انه يتأكد انها راضية عن شغله
لانها لو كانت وافقت على انها تشغله بنص المرتب ده دليل على انها مش راضية عن شغله واكيد كان حيحاول يحسن من نفسه اكتر
يعني هو فى كل الحالات كسبان

زائر

مش عارف

حاسس انها طريقه فلسفيه اكتر منها عمليه

انا لو مكانه وبجد

هسال مديرى وش كده شغلى عاجبك ولا ايه؟؟؟؟؟؟؟؟

واكيد مش هيتكسف منى لانى تحت ايده وهيقيمنى صح

زائر

انا شايفة أن طريقة الولد افضل لانه ممكن تبدأ تحسن نفسك من غير ما مديرك يعرف انك بتعمل ده عشان هو قالك انك مش كويس
لو انت عرفت بطريقة غير مباشرة ان مديرك مش راضي عن ادائك فى العمل وبدأت تحسن من نفسك من غير ما هو يلفت نظرك لده
اكيد تاثير ده على رأي مديرك فيك حيكون افضل من لو هو نبهك وبدأت تتحسن استجابة لتنبيهه
كونه يشوفك بتطور نفسك بنفسك بدون توجيه منه ده فى حد ذاته نجاح ليك واكيد حتنال اعجاب روؤسائك اكتر

وعموما كالعادة
الإختلاف في الرأي لا يفسد للود قضية

زائر

برضه لع

انا لو سالته هيقولى على عيوبى اللى انا غالبا مبكونش واخد بالى منها

وكمان هعرف منه ايه اللى بيحبه وعايزه

انما لو حاولت احسن من نفسى طبيعى انى ماخدش بالى من حاجات كتير لانى ببساطه مخدتش راى حد الا نفسى

زائر

لع ايه بس يا دكتور انت لسه مش فاهمنى
انا اقصد انك تحاول تعرف رأى مديرك فيك بردو بس بطريقة غير مباشرة زى ما الولد عمل مع مخدومته
يعنى بردو حتحسن من نفسك بعد ما تعرف رأى مديرك مش حتحسن منها وخلاص
بس انا بفضل الطريقة الغير مباشرة
وعموما بردو
جملتى المعهودة
الاختلاف في الرأى لا يفسد للود قضية

زائر

قصه حلوه ربنا يكرمك يا نجوى

بالنسبه للسؤال
لأ مقدرش اقيم نفسي
ممكن اقدر احاسب نفسي في الحاجات الواضح ليه انها غلط
لكن تقييم شامل
اكيد مش هبقى شايفة كل حاجه

زائر

حلو اوى الموضوع دة ...
و حسب كل واحد فى ناس تحب تشوف من طريق غير مباشر تقييم المدير او المسؤول لية سواء فى عملوا او اى شىء.. و فى ناس تحب انها تسال مباشر كدة دى بترجع لطبع كل واحد ...
انا عن نفسى مقدرش اقيم نفسى سواء بلحلو او الوحش لان الانسان سعات مش بيشوف اية الى فية الا لما سعات حد ممكن يقولوا او ممكن نقولها بيوجهوا ... لان الطرف التانى بيشوفنا اكتر من نفسنا ...

» انظر بنفسك
» ياترى مكتوب فيها ايييه؟
» إنك تقدر إنسان متعرفوش
» ياترى من أى صنف انت؟؟؟؟
» يا ترى تقدر تنسى يا قلبى ولا كلام وخلاص ..!!؟