أولة مناقشات شباب أون لاين

mahmoud1056
وكمان بعتبر الموضوع فيه جانب ثقافى وهوه ان الناس مش عارفه حقوقها ولا عارفه دينها كويس وكل تفكيرها الفلوس الفلوس والنيه الاكل والجواز بس واكن الحياه كده بس

دى انا مختلفه فيها معاك تماما
الناس عارفه حقوقها
بس مش عارفه تاخده هتاخده من مين(الدوله)؟؟؟

وعارفه دينها
بس مش علماء يعنى لان كل الناس جهله
كل ما يكتشفوا ويعرفوا معلومه جديده
وانا اول الناس دى


(كلما زاد علمى عرفت انه ا زاد جهلى)

وطبيعى ان اى حد يفكر فى الفلوس وانه ياكل ويعيش
ياحسام
فى ناس فى مصر والله يمين هتحاسب عليه مش لاقيه رغيف العيش
انا مش عارف لو مافيش تكافل اجتماعى وجمعيات خيريه كان وضع الناس عامل ازاى ؟؟؟
الناس بتفكر دلوقتى تاكل ازاى مش تتجوز ولا اى حاجه تانيه


انما كلامك الاولنى متفق معاك فيه

ayaa_yoya
السلام عليكم
انا اسفه جدا على التأخير كان عندي ظروف , المهم الموضوع جميل و يستاهل انه يتعرض للنقاش
كلنا عارفين ان الغربه وحشه ان الواحد بيدفع دم قلبه سواء فلوس او كرامه او صحه او اي حاجه لما بيتغرب بس رغم دا هما بيستحملوا لان العائد المادي يعتبر كويس كتير عن هنا بس دا مش صح اوي لان لو الانسان شغل مخه وطاقته وبمساعد من الناس الي بيحبهم وعمل مشروع صغير على رأي بوسي كل حاجه هتمشي تمام بس الشباب الوقتي عايزين كله حاجه جاهزه يعني يشتغل وياخد مرتب وخلاص معندوش استعداد انه يفكر او يصبر او يستحمل هو عايز كل حاجه جاهزه من الاول ومش فاهمين يعني ايه مفيش حاجه بتتبنى بين يوم وليله والي بيجي بالساهل بيروح بالساهل والله ...
وعلى فكره حتى الغربه او السفر لبره دا اكبر بهدله سواء ف دول عربيه او حتى اجنبيه الي بيطلع بره بلده بيدوق المر على رأي المثل الي يطلع من داره يتقل مقداره وبيتعاملوا بره على انهم غزاه مش على انهم ناس جايه تاكل عيش وهما طبعا لازم يكتموا ويستحملوا الذل علشان يعرف يعيش وفاكر انه بكدا كسب وبالعكس هو خسر اهم حاجه الي هيه روحه والله والله والله وعن تجربه الي بيطلع بره ويسيب بلده رغم كل الي فيها بيبقى زي الميت بالضبط و مهما الانسان داق من ذل ف بلده هيكون احلى واهون عليه من ذل برا
وجايز تقولوا ان دا كلام وخلاص بس دا مش كلام بجد دا حقيقه وتجربه فعلا وكمان
ممكن مش دايما ف ناس بتحقق الي هيا عيزاه من السفر برا بس ف الاخر بيرجعوا وبيكتشفوا ان عمرهم راح ف حاجات مكنش لها معنى وانهم كانوا اولى انهم يستغلوها ف حاجات احسن واجمل لان الدنيا فتن ومش كل حاجه الفلوس الفلوس والكلام دا بيروح وبيجي
وهقول على موقف لدكتور عندي ف الكليه كان اتنااقش معانا ف الموضوع دا وقال انه جايله بعثه المانيا يعني حاجه رسميه جدا وبمرتب خيالي مش هقلك علشان متتصدموش ورفض انه يروح
طبعا كلنا استغربنا
قال
ان العيشه ف مصر وسط ارضها برغم الي فيها كله ميسويش فلوس الدنيا كلها
انا اتشديت لكلامه وبجد هو كلامه صح

: mahmoud1056
ههههههههه
انته مركزتيش فى كلامى يابوسى

لازم يبقا فى الرأى والراى الاخر

انا بتكلم بلسان حال الناس دول

((بس مش معنى كده انى موافق على الكلام ده)


يارب تكون وصلت

الهلالى1
بصراحه انا شايف ان كلام شريف ومحمود مشين بمبدا انه بم ان الظروف المحيطه خطاء لابد ان نعلجها ايضا بخطاء
بمعنى ان الحياه ضلمه هنا يبقى نعمل اى حاجه حته لو كانت انى ابيع فلوس ممتلاكاتى حتى لو ادى الامر وابيع حياتى فى سبيل تغير امر غير مقبول

mahmoud1056

بصراحه انا شايف ان كلام شريف ومحمود مشين بمبدا انه بم ان الظروف المحيطه خطاء لابد ان نعلجها ايضا بخطاء
بمعنى ان الحياه ضلمه هنا يبقى نعمل اى حاجه حته لو كانت انى ابيع فلوس ممتلاكاتى حتى لو ادى الامر وابيع حياتى فى سبيل تغير امر غير مقبول

ارجع واقولك ياحسام واقول للناس ارجعوا واقروا كلامى تانى





لازم يبقا فى الرأى والراى الاخر

انا بتكلم بلسان حال الناس دول

((بس مش معنى كده انى موافق على الكلام ده)




يارب تكون وصلت

1985-2005catبوسي11
وصلت يا شريدة
بس
لا بكاء على اللبن المسكوب
يعنى مشكلة البطالة موجوده موجودة
هنعقد ونندب حظنا ونقول يا رتنا
ولا ندور على حل ونتحرك وببلدى نتلحلح
ههههههههههههههههههههه
بدل القعده اللى ملهاش فيدة
واقسم بالله
ان كل واحد معانا هنا فى الصفحه دى وبره النت وجوه مصر عنده قدرات تهد جبال وتبنيها
بس السهل علينا حظنا
حظوظ
ونقعد نندب
ومندورش على
حل
يا سيدى نشتغل
ومش نشتغل وبس
عارف لو كل واحد بيشتغل وبيبدع فى شغله
والله مصر دى هتبقى احسن بدل فى الدينا
اصل اساس التقدم
الابداع
احنا بس عايزين نشتغل شغلانه مش متعبه
وقعدت مكتب وبتجيب فلوس وخلاص
اشتغل الشهر اقبض
وانام
ولا ابدع ولا نيله
وقل اللى تقوله كده
يقلك هى البلد مش عايزه ابداع
دى عايزة كده وبس
فى حين ان ده اكبر غلط

الشغل بيبقى موجود بس كرمتنا هى اللى مش مخليانا نتحرك
بقى انا اشتغل كذا
بقى اانا اشتغل كذا
وهكذاااااااااااااااااااا
لاننا بصراحه بتوووووووع مظاااااااااااااهر
وانا منكم متقلقوش يعنى


ههههههه
كلامك صح يابوسى بس مش كل الناس كده من كام سنه فى برنامج اختراق ل عمرو الليثى الاعلامى المعروف

جاب لنا نماذج متوفقه


واحد جايب جيد جداااااااا وشغال زبال

شهادته من كلية الهندسه

واعرف ان فى دكاتره خريجين طب وهندسه شغالين سواق تاكسى
وفى المنصوره كمان

انا عندى مثلا بن عمى خلاص فى امتياز طب

محمود

بيقولى :يارتنى ما دخلت طب عاوز اعتمد على نفسى
(مع ان عمى ماشاء الله مستريح ماديا وفى منصب
محترم جدااااااا

عارف منه واسطات بالهبل يشغله بأحلى مرتب
وحتى لو الواد مش هيشتغلو هيقعد فى البيت
وده مستحيل طبعا ان شاء الله
عاينله ابوه قرشين حلوين

انا بقول كده عشان ادى امثله ونماذج الواحد بيحترمها ومش كل الشباب كده يابوسى
وانا منضم للحزب بتاعك ههههههه بتوع المظاهر

حبيش
بس يا حسام

بصراحة

الحياة جميلة
ورد في ورد
الشغل كتير ومتوفر
الغذاء رخيص جدا
ورغيف العيش مش لاقي حد يشتريه
والتعليم سليم
ومفيش وسطة ولا رشوة ولا محسوبية
وما فيش شهداء العيش
والمرتبات مجزية

محمود

الاخت /ايه

شكرا على مشاركتك

وانا موافقك على كلامك كله فى ناس اصحابى بره بيقولوا ليا نفس الكلام بالظبط اللى انتى قولتيه


هنروح بعيد ليه والدى كان شغال بره وحكالى التفاصيل دى
والحمد لله كان راجع بقرشين حلوين فى الوقت ده


واخد قرار انه مش هيرجع تانى والراجل بعته مليون رساله مع ناس وجوابات

ومرضيش برده
(لان والدى قاله انا نازل اجازه عشان اشوف اهلى ولو مكانشى قاله كده مكانشى خلاه نزل خالص)

مع ان الراجل كان معتمد عليه اعتماد كبير اوىىىىى بعد ربنا طبعا فى شغله
انما طريقة المعامله للمصريين تحديدا فى بعض دول الخليج شىء سىء جداااااااااااا


ووالدى كان شغال عند واحد معروف جدااااااااااا فى الدوله دى
ومازال معروف جدااااااااا

المهم

جاله بعد كده شغل فى فرنسا رفض وقال خلاص خلينى فى بلدى احسن من بره

(ده رأيى الشخصى )(محمود شريده

حسام


اها جميله طبعا لو قدرنا نستخدم قدرتنا ونوظف مهارتنا لده ولو رضينا من دخلنا اولا واخيرا وابقى حاطط فى دماخى ان ليا لقمه عيش هاكلها وايأس خالص وان بالبلدى لو قبض 1500 جنيه ل2000 جنيه واحاول اوفر منهم واشوف شغل اضافى واعمل مشروع وافكر كل ده جميل والاجمل ان ده يبقى وسط اخواتك علشان تتعلم وتعلم علشان تستفيد وتفيد وتاكل من خير بلدك وده الى بعتبره الوطنيه حته لو فيه معوقات وهيا دى الحياه مش كلها حلوه لكن فيها الحلو وزى ما فيها الشر فيها ا لخير وزى ما فيها الفقر فيها الغنى وزى ما فيها المرض فيها الصحه ولا ايه يا جماعه

--------------------------------------------------------------------------------

ورد في ورد
حماس +شغل +هدف = يسوى حياه ورد فى ورد باذن الله
وكل ده زى ما قولت نصيب ومكتوب كل واحد اجله وحياته وكل حاجه وعلى فكره الورد نفسه فيه شوك وفيه ريحه يعنى كل حاجه فيها الابيض والاسود

--------------------------------------------------------------------------------

الشغل كتير ومتوفر
اها والله كتير ومتوافر بس المشكله الناس بصه للحكومه مع العلم ان مرتبها اقل بكتير من الخاص وعلى فكره افتح كده جرنال الاهرام على سبيل المثال يوم الجمعه سواء الشركات الكبرى عايز عماله اد ايه وبمرتبات عامله ازاى

--------------------------------------------------------------------------------

الغذاء رخيص جدا
دى فعلا مشكله على الناس كلها وانا مع ده ان الاكل والحياه كلها غاليه وده محتاج اننا نتكاتف لموجهة الغلاء هنا مع اهلنا مش اننا ن سافر بره ويا ترى لما البلد كلها تسافر مين هيزرع ومين هيصنع ومين يتاجر ومين ومين ومين يا ترى كده هنتقدم يا شريف وهل الحل اننا نسافر وهل بلاد بره لما كانت فقيره كانوا بيجيوا كلهم يشتغلوا عندنا ولا ايه ..!؟

--------------------------------------------------------------------------------

ورغيف العيش مش لاقي حد يشتريه
زى ما عماد قاله مش العيب كله فى الحكومه اكثر المسؤاليه تقع على المواطنين سواء جشع التجار الدقيق والخبر وسوء استخدم الفلاحين وبعض سلوكيات المواطنين مثل اكل الدوجن ووكلنا عارفين الكلام ده

--------------------------------------------------------------------------------

والتعليم سليم
لا مش سليم والحل اننا زى ما قولت نطور نفسنا ونوجه ده مش هنوجهه من خارج البلاد يا شريف ده رايى ومش هنوجه بالسفر الغير شرعى

--------------------------------------------------------------------------------

ومفيش وسطة ولا رشوة ولا محسوبية
في ويمكن دى ظاهره خطيره لكن طبعا فيه الخير وفى ناس ولاد حلال كتير وفى ناس خايفه على البلد وفى ناس بتقى ربنا فى كل حاجه اكيد مش الدنيا كلها ليل فيه صبح بردو واكيد مش كلها اسود فى ابيض بردو ولا ايه جماعه
ومع كل ده انا اقر ان فى مشاكل ومعوقات والشباب محتاج وكل حاجه لكن لازم نشوف حل نابع من الدخل وليس من الخارج يا شباب صح ولالا ؟

بوسي
بص يا شريدة
انا على رأى
لازم لما اعمل حاجة افكر فيها قد ايه هتنفعنى وقد ايه هتضرنى
واحط نسب
انا على فكرة كده فى كل حاجة فى حياتى
بفكر بالشكل ده
انا لو عملت كذا صح ولا غلط
طيب صح بنسبه ايه
هيضرنى ولا هينفعنى
صح وهينفع على بركة الله
سيرى يا نورماندى
لكن هيضر
ابعد عن الشر وغنيله
وارجع اقول الاية الكريمة فيما معناها لانى معرفش بكتبها كده صح ولا غلط
ولا ترموا بايديكم الى التهلكه

شريدة

كلام حسام فى الجووون

انما احب اضيف ان الكلام ده فى الواقع العملى يساوى زيروووو
يعنى صفر:



امته يكون صح 100%:

لو فى تكافؤ فرص

لو ما فيش كوسه

لو مافيش سرقه فى المخابز والسوق السودا

لو الشغل اى شغل بناء على امكانيات وقدرات الشخص
مش واحد مقبول ويشتغل وواحد جيد جدا وامتياز يقعد فى بيتهم

وحاجات كتيييير


متزعلشى منى ياحسام ولو انا مكانك تقولى كده فى وشى وحقك

انته نفسك شغال بالكوسه
انا عن نفسى فى حاجات كتير بلجأ للكوسه

ولو مكنتش اشتغلت كونت هتقول كلام كتييييييييير غير ده خالص


والكلام ده والله ما بقوله عشان ادافع عن حد ولا اهاجم حد

انما فعلا الحياه مش حلوه ولا جميله ولا نيله انما هيا هباب هباب هباب ياولدى


بس فى حاجات متفق معاك فيها زى مشكلة الغذاء ودى اسااسا مشكله عالميه

وشكرا على رأ]يك وارجو ان متفهمشى كلامى حاجه تانيه

(بلسان حال الناس دول ولسانى الشخصى ك محمود)

شريدة
انا قبل ما انهى المناقشه
حقيقى احب اشكر كل الاعضاء اللى شرفونى النهارده فى الموضوع ده

شريف حبيش
بوسى
عماد حسام
أيه


رأيى الشخصى :::
انا ضد الهجره غير الشرعيه تماما
لانها تعتبر انتحار ومجازفه كبيره جدااااااااا

كل واحد يدور على شغل ومش عيب يشتغل اى حاجه لو ما فيش شغل اى حاجه لو حتى هيجيب اكله بس اللى هياكله فى اليوم

والواحد يسعى دايما لازم يسعى
ومش معنى ان فى ناس اسائوا للبلد واحتكروا وضيعوا ناس وجوعوا ناس
اننا نكره بلدنا
والله ما فيش احلى من بلدنا

وزى ما فى الحلو فى الوحش والمصلح واللى بيخاف على بلدنا

واكتر حاجه بتضايقنى فعلا ان لما يحصل مشكله كبيره وتتقفل لازم نلجأ لكبيرنا
زى الريس مبارك

طيب امال اللى تحت دول لزمتهم ايه؟
بيقبضوا فلوس على ايه؟
ومنين؟ مهى من الشعب يبقا المفروض يشتغلوا بجد

اذن الخلاصه فى ازمة ضمير ودت شباب كتير للهجره غير الشرعيه والانتحار



واحد صاحبى خارج مصر وكنت بكلمه من كام يوم فبيقولى خطتك ايه ان شاء الله


واتكلمنا كتير ولقيته بيعرض عليا شغل بره عنده
وكان ردى ليه غير متوقع تماما.


قولتله بكل امانه والله لو فى شغل فى مصر عمرى ما هطلع بره انا هحاول وادور واسعى ولو السكه اتقفلت خالص خلاص ممكمن اطلع واجيلك
انما اانا بكره السفر بره لانى بنتهان بره بجد حتى لو جبنا مليارات من بره

بس للضروره احكام لو ما لقتشى شغل فى مصر هيبقا غصب عنى وهبقا مضايق ومضطر اجيلك ان شاء الله

بس انا هعمل مش اللى عيلا لا فوق اللى عليا


ونورتونى بجد كلكوا
وارجو ان محدش يزعل سواء انا اتكلمت بلسان حال الشباب دول او بلسانى الشخصى

وخاصة حسام عشان انا حسيت انه اضايق فى جزء من المناقشه كده
ومصطفى كمان فهم غلط واتسرع وما دخلشى المناقشه



الموافق على قفل باب المناقشه فليتفضل برفع يده

(موافقه)


ودلوقتى اسيبكوا تتوغلوا مع تقرير حقوق الانسان عن الهجره غير الشرعيه وتصبحوا على خير

ههههههههههههههههههه
ماشى يا شريده عموما اكيد هفهمك صح باذن الله
طبعا رايك على دماخنا ونحترمه لكن اتمسك براى ان التقصير مننا احنا القاعده واحنا اساسا كل حاجه واحنا الى بينا بنتغير واحنا الى بينا ممكن نبيع نفسنا واحنا الى بينا نقدر نزرع ونصنع وناكل ونشتغل وكل حاجه واننا مش المفروض نبص لحالات ا لياس حته لو عايش فيه علشان اقدر اتغير صح ولالا ولازم من جويا يكون عندى امل فى بكره عندى رضا بربنا ده اهم شىء من راى

انته نفسك شغال بالكوسه

هههههههههههههه
تعليقى هقول
تعددت الاسباب والرزق واحده
يعنى هتطلع فين هتيجى منين
هو ده الرزق المخصص ليك
وكنت سمعت حديث يعنى ده نصيب والله ولو مثلا كان ليا نصيب ان حد يعمل حاجه ويكون ليه وضع او بتاع فده نصيب اولا واخيرا مش هاخد حاجه وهيا مش مكتوبه ليا وانا اولا واخيرا راضى وعلى فكره ههههه لو حد اشتغل فى محل قدام مكتبى هيبقض ضعفى 3 مرات يعنى مش فى الجون ولا حاجه لكن طبعا نصيب زى قولت كلا مقدر لما خلق له ..


--------------------------------------------------------------------------------
طبعا الحال واحد محدش فوق كلنا خط واحد ووكلنا محتاجين نبقى احسن واحنا شباب ولازم نستغل ده وانا متفائل والله بس لو تمسكنا وقربنا بربنا وعرفنا دنيا والخير هنا يا جماعه وربنا يوفقنا جميعا
واحب اشكر بوسى على الفكره الجميله واشكر شريده على الموضوع والمجهود الطيب واشكر كل الناس الى شرفتنا
وعلى امل موضوع اجمد واعضاء اكثر وتفاعل وتحاور اشمل باذن الله
واسمحولى اقول بجد فرحان بلمه الجميله وفرحان بان الناس كله التزمت وكانت اد المسؤاليه بسم الله ما شاء الله وجزاكم الله خيرا جميعا

شريدة

المنظمة المصرية تصدر تقريراً حول الهجرة غير الشرعية
"هجرة شباب مصر ... فرار إلى المجهول "


2/12/2007

تصدر المنظمة المصرية لحقوق الإنسان اليوم الأحد 2/12/2007 تقريراً حول الهجرة غير الشرعية إلى أوروبا بعنوان " هجرة شباب مصر...فرار إلى المجهول " ، ويتناول التقرير حجم ظاهرة الهجرة غير الشرعية عبر البحر الأبيض المتوسط إلى أوروبا ، أسبابها ودوافعها، آلياتها ووسائلها ، كيفية التغلب عليها ، كما يتضمن التقرير شهادات حية لأهالي بعض الضحايا من الشباب الذين التقت بهم بعثة المنظمة المصرية .

و يأتي التقرير منقسمًا إلى أربعة أقسام وهي :
القسم الأول : الهجرة غير الشرعية ..التعريف وحجم الظاهرة
ويتناول تعريف الهجرة بنوعيها الشرعي وغير الشرعي ، وحجم الظاهرة ، ومراحل هجرة العمالة المصرية إلى الخارج بصفة عامة والدول الأوروبية خاصة .

وفي هذا الصدد، أوضح التقرير أن احصائيات الأمن الإيطالية وحدها قد سجلت في الربع الأول من العام الحالي استقبال سواحل كالابريا 14 زورقًا محملة بأكثر من 1500 مهاجر غير شرعي معظمهم من المصريين ، وبلغ إجمالي عدد المهاجرين غير الشرعيين الذين دخلوا ايطاليا عام 2007عن طريق البحر نحو 1419 مهاجراً ، لقي 500 مهاجر مصرعهم في البحر المتوسط حتى الآن مقابل 302 مهاجر فقط خلال عام 2006 بأكمله .وتشير الإحصائيات إلى أن عدد الشباب المصريين الذين تم ترحيلهم من دول جنوب إفريقيا خلال عام 2006 بلغ 6748 شابًا.

وتعد محافظة الفيوم أكثر المحافظات المصرية ارتفاعا في نسبة هجرة الشباب لأوروبا، فمن أكثر القرى الفيومية التى اشتهرت بسفر شبابها إلى أوربا قرية (تطون)، حيث تعد الأشهر على مستوى الجمهورية في هجرة الشباب خاصة إيطاليا، حيث يقدر عدد أبنائها فى إيطاليا بحوالي 6 آلاف شاب من 40 ألف نسمة هم إجمالي سكان القرية ، ويقال أن اسم تطون مأخوذ عن اسم أحد شوارع إيطاليا..وتطلق القرية أسماء إيطالية على المحال التجارية بها.

القسم الثاني: الهجرة غير الشرعية ...الأسباب والدوافع
تعتبر الهجرة غير الشرعية (أو السرية) ظاهرة عالمية موجودة في كثير من دول العالم خاصة المتقدم، لكن الهجرة إلى أوروبا أصبحت إحدى القضايا المزعجة، التي تحظى باهتمام كبير في السنوات الأخيرة، فبالرغم من تعدد الأسباب المؤدية إلى هذه الظاهرة، إلا أن الدوافع الاقتصادية تأتي في مقدمة هذه الأسباب. ويتضح ذلك من التباين الكبير في المستوى الاقتصادي بين البلدان المصدرة للمهاجرين، والتي تشهد - غالبًا - افتقارًا إلى عمليات التنمية، وقلة فرص العمل، وانخفاض الأجور ومستويات المعيشة، وما يقابله من ارتفاع مستوى المعيشة، والحاجة إلى الأيدي العاملة في الدول المستقبلة للمهاجرين، فالفوارق الاقتصادية بين البلدان المتقدمة والبلدان النامية، وتتدهور الأوضاع الأمنية والاقتصادية في العديد من مناطق الجنوب بعد أن تعثرت مشاريع التنمية، ويزداد البؤس، وتتواجد أنظمة ديكتاتورية، وتوجد قضايا أقليات ونزاعات إقليمية، إلى جانب انتشار الفقر والبطالة وحدوث الكثير من الكوارث الطبيعية المتمثلة في الزلازل والفيضانات والجفاف.

و بالنسبة لأسباب هجرة المصريين ، فتتضافر عدة عوامل جاعلة الهجرة الغير شرعية للشباب المصري بمثابة ظاهرة، ولعل أهمها ارتفاع مستويات الفقر وتدهور الأوضاع الاقتصادية وتفشي البطالة وعدم توافر فرص عمل ، فقد زادت نسبة البطالة خلال الأعوام الماضية، حيث وصلت إلى 10% عام 2002 ، وفي عام 2003 زادت النسبة إلى 10.7% ، وزادت هذا العام إلى أكثر من 11%، لذلك نجد الشباب يتجه إلى الهجرة غير الشرعية ، و فقدان الشباب الأمل في إيجاد فرص العمل سواء في تخصصاتهم أو حتى في غيرها التي أصبح البحث عنها كالحلم الذي يلوح من بعيد ولا يستطيع احد تداركه .

القسم الثالث : هجرة شباب مصر ..... حالات نموذجية
وفي ضوء تردي الأوضاع الاقتصادية والمعيشية ، يشير التقرير إلى وقوع الشباب في دائرة المحظور من خلال اللجوء إلى سماسرة السوق ومكاتب السفريات غير القانونية ووسطاء الهجرة الذين يتقاضون من كل شاب ما يقرب من 30 ألف جنيه للسفر، وتنتشر على الحدود مع ليبيا أو فى بعض محافظات الصعيد عصابات للنصب على الشباب، وتتقاضى منهم مبالغ طائلة بدعوى توفير فرص عمل لهم فى أيطاليا أو أوروبا ثم يهربون بهذه الأموال دون أن يحاسبهم أحد...وتنتهى رحلة الشباب إما بالموت أو السجن والترحيل. ونتيجة لعدم توفر الوعي لدى هؤلاء الشباب بمخاطر الهجرة غير الشرعية يلقون حتفهم وهم في طريقهم إلى أحد الموانىء الإيطالية حيث يتم تسفيرهم على متن مراكب قديمة ومتهالكة والنتيجة غرقهم وسط البحر المتوسط وحتى من ينجو منهم ويصل إلى ايطاليا يعتبر مخالفاً للقوانين الإيطالية، ويتم إعادته مرة أخرى إلى أرض الوطن مرحلاً مهاناً إلى بلده مرة أخرى. فالهجرة غير الشرعية أصبحت السوق السوداء للاتجار بالشباب.

وهناك طرق عديدة لتهريب المهاجرين غير الشرعيين، منها الطرق البرية عن طريق التسلل إلى ليبيا، حيث يتم تهريب المهاجرين إلى إيطاليا ومالطا وعن طريق الأردن يتم تهريب المهاجرين إلى قبرص واليونان أو تركيا.

ويتضمن هذا القسم من التقرير المنظمة المصرية أنه من الضروري التقرب أكثر من الواقع الملموس وذلك من خلال الاستماع إلى شهادات حية لضحايا الهجرة غبر الشرعية وذويهم ، وعليه قامت المنظمة بإرسال بعثات لتقصي الحقائق لمحافظات مصرية مختلفة ( الدقهلية ، الفيوم ، القليوبية ، الشرقية ) شهدت وقائع لحالات مأساوية لهجرة شباب مصر بطرق غير شرعية ، بلغ أقصاها في محافظة الفيوم ، حيث بلغ عدد الضحايا من الشباب الذين تقابلت بهم بعثة المنظمة 5 حالات وفاة .

القسم الرابع : الهجرة غير الشرعية ...آليات المواجهة
في ضوء ارتفاع أعداد الشباب المصري المهاجر بطرق غير شرعية والنتائج السلبية المترتبة على ذلك متمثلة في الخسائر المعنوية والمادية ، من حيث خسارة الأموال، والتعرض لمهانة الاعتقال والحبس والترحيل بل وتؤدي ربما إلى الموت ، فإن المنظمة المصرية تطالب الحكومة وبالتحديد وزارة القوى العاملة والهجرة بإعداد خطة استراتيجية ثلاثية الأبعاد أمنية وقانونية وإعلامية للتعامل مع ظاهرة الهجرة غير الشرعية، ووقف نزيف ضياع مستقبل آلاف الشباب باعتبارهم ثروة بشرية قومية، وفيما يلي بيانًا بأهم عناصر هذه الاستراتيجية :

1- تتولى وزارة القوى العاملة والهجرة بالتنسيق مع الوزارات والهيئات المعنية إعداد العمالة المطلوبة والمناسبة لسوق العمل الاوروبى من خلال معرفة متطلبات الدول الأوروبية من الخبرات اللازمة لسد النقص في الكفاءات والقطاعات المطلوب عمالة لها.

2- تقنين أوضاع المصريين المهاجرين هجرة غير شرعية بقدر ما تسمح به ظروف الدول المستقبلة وبما يخدم الأوضاع الاقتصادية لكل من دول المهجر ودول المنشأ، ومن خلال آليات تعاون فني وأمنى وقضائي وتشريعي ، وفي إطار الاحترام الكامل لحقوق المهاجرين .

3- توسيع دائرة الاتفاقيات الثنائية والإقليمية بين مصر ودول الإتحاد الأوروبي والسعي للوصول إلى أفضل الأطر التي تسهم في استقرار أسواق العمل والهجرة في الدول الأوروبية. وفي هذا الإطار فإنه ينبغي على وزارة القوى العاملة والهجرة في مصر توقيع اتفاقيات مع الدول الأوروبية لتنظيم الهجرة الشرعية بعيدًا عن السماسرة والوسطاء الذين كانوا يقدمون عقود عمل وهمية للعمال دون أي ضمانات لحقوقهم .

4- تشديد الحراسة على الحدود البرية والبحرية لمواجهة جماعات الهجرة غير الشرعية على الحدود وبناء معسكرات احتجاز للمهاجرين على السواحل حتى يبت في أمرهم إما بالعودة إلى بلدانهم أو بالسماح لهم بالعبور.

5- ضرورة التعاون المشترك بين وزارة الهجرة والعاملة ووزارة الإعلام المصرية لتنفيذ مشروع حملة قومية إعلامية لتوعية الشباب المصرى بمخاطر الهجرة غير الشرعية بهدف الحد من ظهور حالات الهجرة غير الشرعية وتقليل مخاطرها والتأثير بصورة إيجابية على اختيارات الشباب المصرى لفرص الهجرة وتحقيق فهم أفضل لحقائق الهجرة، وكذلك ضرورة توفير قاعدة معلوماتية عن أعداد المصريين المهاجرين بطرق غير شرعية، وتزويد جميع الجهات الرسمية وغير الرسمية بهذه البيانات.

6- ضرورة قيام الحكومة بتوفير نقص احتياجات الشباب من فرص العمل التي هي الهدف الأساسي وراء هجرتهم للخارج، والتي تعد أيضاً أبسط حقوقهم في الحياة وكفلته لهم كافة الحقوق والمواثيق الإنسانية, وكذلك القطاع الخاص عليه دور رئيسي بتوسيع الاستثمار داخل مصر بدلا من الاستثمار خارجها.

7- نظرا لمعاناة دول جنوب وشرق البحر المتوسط من الهجرة غير الشرعية كدول عبور ودول إقامة غير شرعية، شأنها شأن الدول الأوروبية، فمن الضروري التعاون كشركاء متكاملين‏، للتعاطي المجدي مع الهجرة غير الشرعية‏، عبر تعزيز آليات مكافحة عصابات وشبكات تهريب المهاجرين بجهود أمنية مشتركة بين الدول المعنية‏.

ونهاية ، تدعو المنظمة المصرية الحكومة إلى تنظيم مؤتمر تشارك فيه وزارة الهجرة والقوى العاملة ووزارة الداخلية والإعلام وكافة الوزارات المعنية بموضوع الهجرة، وكذلك إشراك مؤسسات المجتمع المدني ذات الخبرة في المجال، بهدف مناقشة كافة القضايا والموضوعات المرتبطة بموضوع الهجرة سواء كانت شرعية أو غير شرعية .




خالص تقديرى لكم جميعا
ونتقابل على خير ان شاء الله فى مناقشه جايه احسن من دى بكتير


محمود شريده

بوسي

احب دائما وابدا ابدأ كلامى بسلامى
السلام عليكم ورحمة الله وبركاته
انا سعيددددددددددددددددددددددة جدااااااااااااااااااااااااا
بنجاح الفكرة
وفعلا قدرنا نفيد ونستفيد
انا اللى متشكرة يا شريدة ويا عماد ويا حسام وآية ويا حبيش
والله فعلا انا سعيدة جدااااااااااااااااااااااا بوجودنا بالشكل المتحضر ده
وفعلا انا كنت عايزهاقولها من الاول بدايتها مسك
وموضوع جامد يا شريدة فعلا انا مبسوطه اوىىىىىىىىى
بس على فكرة يا شريدة
حبيت بس ان احنا لنوقف الحوار مش عشان حاجة لاو الله
عشان الحوار يفضل بقوته دى
وينتهى بقوته دى
واتمنى المرة اللى جايه الكل يبقى متواجد
اعتقد فى ناس مكنتش فاهمه اوى انا قصدى ايه
ودلوقتى فهمه
وطريقتك يا شريدة فى قيادة الحوار كانت روعه
واكتر من روعة
جزاك الله خيرا
وشكـــــــــــــــــــــــــــــــــــــــــــــرا للجميع
وفى نتظار عماد الاسبوع اللى جاى الساعه 10 بتمام
وان شاء الله مش هتأخر زى النهارده
ويبقى الحوار جامد بردوا
وفى نهاية الكلام مفيش احسن من السلام
السلام عليكم ورحمة الله وبركاته