اكتب رسالتك في الحياة

عندما تكتب رسالتك تكون قد حصلت على الميلاد الأول لحركة حياتك وهو تحديد الاتجاه بالبوصلة ...
رسالتي في الحياة :
...............................................................................
...............................................................................
...............................................................................
...............................................................................

>>لكي تستطيع أن تحدد رسالتك في الحياة :
ضع قائمة بالأشياء التي تعتبر أهم شيئ في حياتك
* ضع الأهداف الطويلة الأجل التي طالما فكرت فيها .
* فكر في أهم العلاقات في حياتك .
* فكر في أهم جوانب العطاء التي تريد الإسهام فيها .
* تأكد من الأحاسيس والمشاعر التي تريد أن تجدها في حياتك ( السلام, الثقة, الحب, السعادة )
* إلتزم بالقيم والمبادئ التي ستوجهك في صياغة رسالتك .

>> وأنت تكتب رسالتك يجب الإلتزام بالتالي :
* أنها تجيب عن سبب الوجود في الحياة وماذا أعددنا عند العودة إلى الله ؟
* أنها شخصية, تعبر عنك أنت وحدك .
* أنها إيجابية تساهم في صناعة الحياة .
* أنها مرئية يمكن تصورها .
* أنها عاطفية ( تستثير حماسك عندما تقرؤها ) .
* أنها تجمع كل أدوار حياتك ( رب أسرة - صديق - مهني - متطوع للعمل العام ) .

>> مثال لرسالة في الحياة
كرسالة موظف مثلاً :
* تحقيق رضا الله ثم رضى رؤسائي ورضى العملاء .
* التميز في عملي ونيل احترام الآخرين .
* تحقيق السعادة لأهل بيتي .

وأخيراً >>
إجعل الرسالة الشخصية بمثابة الرسم الهندسي لحياتك ..

إذن فلنعد جميعنا ونملأ النقاط ونكتب رسالتنا في الحياة

:) :) :)

زائر

موضوع مميز
واسأله صعبه
رجوع قوي يا د/مصطفى
بسجل حضور والرد بالليل ان شاء الله

زائر

رسالتى تتلخص فى الاكل والشرب والنوم والاهلى والرخامه على الناس بسبب او من غير سبب

زائر

رسالتي في الحياه

ارضي ربنا ارضي ربنا ارضي ربنا وبسسسس

وديه بقه جواها كل حاجه

ارضى اهلي- اصل رحمي -اعمل خير -معاملاتي في شغلي -......................

ونفسي افضل فاكره الكلام ده مش كل دقيقه كل ثانيه

اكيد اكيد لو مغابش عن بالي هبقى حد كويس قوي

ربنا يهدينا جميعا

زائر

السلام عليكم

رسالتي في الحياة أكيد تختلف عن رسالة ناس كتير

أغلب الناس رسالتها الجواز وتربية العيال ولقمة العيش ومعاهم رضا ربنا

رضا ربنا هو الأول عند ناس كتيرة والأخيرة عند ناس أكتر

طيب أنا أكيد متخلقتش عشان اتجوز واخلف وأشتغل واموت ومع السلامة

أنا بحاول مع نفسي اني حياتي تكون بسيطة
مفيهاش عداوات
مفيهاش حقد على حد ولا حسد ولا تمني ما في يد الغير
أني أرضى باللي في ليا
وأسعى للأفضل وان نججحت يبقى كويس والن فشلت يبقى سعيت مش وقفت مكاني

عايز اعيش حياتي في سلام تام
لو حد طمعان في حاجة بتاعتي اديها له واريحه وارتاح من حسده او حقده

عايز اكون زي نسمة في الدنيا لا أحس بحد ولا حد يحس بيا
وبدأت فعلا أرتب أفكاري عشان في خلال فترة محددة اكون في أول الطريق
انا لسه في التمهيدي
على أول الطريق هاخد خطوة واكمل عليها

بس اللي بيأخر الواحد ان حتى عشان تعيش في سلام لازم تحارب
مفيش سلام من غير حرب

ربنا يعينا على حرب أنفسنا والسلام مع الغير

زائر

رسالتى فى الحياه تتلخص فى انى
ارضى ربنا
استعد لانى اكون مربيه لاطفال يقدروا يكونوا حاجه مفيده للمجتمع لان دى مش حاجه سهله وبتحتاج استعداد بالسنين وان الواحد يستفيد من كل موقف وكل تجربه بخبره يفيد بيها الناس اللى حواليه
احاول انى يكون ليا بصمه مع كل حد بعرفه ولو بكلمه واحده يفتكرنى بيها لان اجمل حاجه فى الدنيا ان الناس تفضل فاكراك ومش تنساك ابدا مهما بعدت المسافه واتغير الزمن

زائر

رسالتى فى الحياه انى ارضى ربنا وارضى اهلى واعمل اى حاجه خير فى الدنيا واساعد كل الناس مادام انى اقدر اعمل كده . ربنا يقدرنا دائما على فعل الخير ويثبتنا على الطريق الصحيح.

زائر

السلام عليكم ورحمة الله و بركاتة..
انا نفسى ارضى ربنا اوى و ربنا يكون راضى عنى و عن كل تصرفاتى و نفسى ارضى اهلى و اقدم ليهم اى حاجة ترضيهم و مهما عملت مش هتكفى جزء من الى عملوا معايا ...و كمان اقدم كل حاجة فى وسعى للخير و اقدم اى مساعدة للاى حد محتاجها ..

» قيمة الحياة
» حــــــــــــــــــــــكم من الحياة
» دروس من الحياة
» لا تموت و انت على قيد الحياة
» أن تفقد الحياة