غدر الأمواج

زائر

راجعى نفسك فى العنوان يا رضوى

الطبيعه لا تغضب

هو غضب من عند الله

للاسف دى مصطلحات شيوعيه قديمه دخلت بلادنا فى غفله من الزمن وتصدرت نشرات الاخبار

واكتر من شيخ اتكلمو فى المسميات دى

لا حول ولا قوة الا بالله

موضوع: رد: غدر الأمواج الخميس مارس 12, 2009 6:07 am

أنا برضه كنت هقول نفس التعليق ده
غضب الطبيعة مسمى خاطئ ومخالف للعقيدة
أكيد بس مش أخدت بالها يا محمود أو الموضوع منقول ولم يراجع

زائر

ماشى يا جماعه رأيكم يحترم بس برده مش الطبيعه دى جند من جنود الله؟ وربنا اللى بيديها الأمر انها تغضب؟
هى بتغضب بس بأمر ربنا
وكمان الغضب مش صفه الوهيه مطلقه عشان ننسبها لربنا لوحده جل جلاله
يعنى مثلا صفة الكمال لله وحده وحرام نقول على انسان انه كامل
لكن الغضب حاله بيتعرض ليها اى شىء وفى الحاله دى هو مجرد تعبير مجازى او صفه لحاله معينه
حتى كان فى حديث قدسى محتواه بيقول ان البحر و الارض من غضبهم وحزنهم من معصية ابن ادم بيبقوا عايزين يبتلعوه
وان ربنا بيؤمرهم انهم يمهلوا ابن ادم ويقوللهم لو خلقتموهم لرحمتموهم
انا لما شفت العنوان ده اللى جه فى بالى وقتها
الله اعلم طبعا
وعشان نتقى الشبهات انا غيرت العنوان وأظن غدر اللامواج مافيهوش حاجه حرام صح؟
:)

زائر

للاسف

كلامك فلسفى وحتى فلسفه غير سليمه

كل شئ بأمر الله فى الكون

بس لما اقول مثلا قام محمود بجريمة قتل مصطفى؟؟؟؟

معنى كلامك ان الجريمة تمت بامر الله؟؟؟؟؟؟؟؟؟؟؟؟؟؟؟؟؟؟؟؟

عايزين بس نفرق بين امر الله وعلم الله

وتانى شئ غدر الامواج صفه عاديه زى صفة مكر الذئاب وصفوة محمود

انما لما اقول غضب الطبيعه

المصطلح ده وغيره للاسف خد حساسيته من مزاعم وخزعبلات الملحدين ومذهب الطبيعيين اللى بيقولو ان الطبيعه تدير نفسها بنفسها وانها كيان مستقل قادر على ادارة الحياه من غير اله

تعالى الله عما يشركون

وبعدين مين قال ان الطبيعه جند من جنود الله؟؟؟؟؟؟؟؟؟

الرياح او الاعاصير او الزلازل والبراكين جنود الله

انما كلمة الطبيعه دى معناها الارض والسحاب والغابات ودورة حياة المخلوقات والسلاسل الغذائيه

الطبيعه نفسها اللى هيا الحياه يعنى

فى ناس مقتنعه ان ده ماشى كده لوحده

المهم

يعنى انا شايف ان انسب عنوان وكمان يبقى هدفع تذكير الناس بالمغزى

((((قدرة الله فى البحار))))

فرق كبير بين الفضائيات اللى ابرزت تسونامى باعتبارها كارثه طبيعيه وبين اللى ابرزت تسونامى باعتبارها انذار الهى وعقاب بسيط