ارتهاصات الفكر المتجدد

كتير منا داق طعم الحيرة اللي بنعيشها في حياتنا يا جماعة .. سطحية بتسود المجتمع .. تذبذب طبقي بيرجعنا لعصور الاقطاع .. شباب ضايع ( طبعا في شباب كويس جدا بس دة للتوصيف فقط) كليبت و هيافة و خيابة و كورة كورة.. طب حسألكم اسئلة و جاوبوا على نفسكم بصراحة عشان تعرفوا ان نفوسنا لسة عايزة اصلاح .. مين فينا مش نفسه يبقى اجمل و اغنى و احسن واحد .. مين فينا مابيكرهش ( خلوا بالكوا الكراهية دي درجات يعني في كراهية انتا مش حاسس بيها زي لما تقول انا متضايق من فلان ) مين فينا بيشوف فيلم جميل و يشد و يقدر يقاوم و يقوم قبل ما يكمله لإن كله معاصي و اسفاف .. و لو قرا كتاب افيد له .. ولو حفظ اية تعلي درجته عند ربنا.. عارفين .. الاسرائيليين بيقروا بمعدل 40 كتاب للفرد في السنة .. الاوروبيين 35 .. العرب من كل 800 واحد بس بيقرا كتاب في السنة و دة نتيجة لأمية عدد كبير من العرب .. للأسف احنا بناخد من الغرب الحاجات الهايفة بس.. يعني عربدة ما بعد العمل .. لكن الدقة في المواعيد و الخلاص و الدقة في العمل مافيش .. مافيش خالص .. و بالشكل دة عمر ما حنتقدم .. و حنفضل السجادة الحريرية اللي بيدوس عليها الغرب لبلوغ اهدافه .. ما تلومهومش عرفين ليه .. لانهم ناس بيحبوا بلدهم و بيشتغلوا عشانها حتى لو ادى دة لاستنزاف ثروات دول العالم التالت عن طريق الاستعمار الاقتصادي و الشركات المتعددة الجنسيات.. احنا لازم نلوم نفسنا .. البداية تكون في البشر ... ما نتعللش بلاضطهاد و الظلم و غياب الديموقراطية و الكلام دة .. لو احنا بقينا ايجابيين و خلفنا اولاد ايجابيين و اثرنا في الناس و خليناهم ايجابيين حنتغير .. فعلاغ حنتغير .. عايزين تعرفوا طريق التغيير .. جملتين فقط لا غير .. اولا جهاد النفس على جميع المستويات .. ثانيا الهدف اللي لازم نحققه و يا حبذا تكون اهدافنا جماعية لأن يد الله مع الجماعة و انما يأكل الذئب من الغنم القاصية .. لازم نتغير نصلح انفسنا .. لأن الطريق طويل جدا و ربنا مش حيسألنا يو القيامة عن النتايج انما حيسألنا كنتم قادرين و معملتوش ليه .. ساعتها حنقول ايه لربنا .. كل واحد يعد يفكر مع نفسه .. مستني ردودكم و دي دعوة لتفعيل الايجابية اللي احنا نسيناها
ا