السلام عليكم
ورجعت الحرم وعزموا عليا انام عندهم لكن طبعا لمكان ميسمحش وانا قلت لا انا رايح الحرم
ورحت قعدت في الروضة
وكان الجو حلو جدا فيها دافي وبره برد جدا
وقعدت اقرأ قرآن واصلي لحد الساعة 2 بلليل
جنب عمود التوبة وعمود السيدة عائشة
واخترت مكان شبه مش مزدحم
والساعة بقت 3 تقريبا اوانا فصلت
وهموت وانام
وكل ما عنيا تغفل واحد يصحيك
موقفين ناس مخصصو تمنع حد ينام
وفضلت اسند في نفسي انام دقيقة واصحى
لما تعبت خرجت من الروضة لقيت الجو برد تلحج
حاجة تكسر العضظ
اعمل ايه؟
رجعت الروضة تاني
قبل الفجر كان لازم اروح اتوضأ لأني قاعد بنام على نفسي
الجو رهيب
فكرت متوضاش
قلتن يعني اصلي الفجر في الروضة من غير وضوء؟
افتكرت حديث ان عمرو بن العاص صلى من غير وضوء في ليلة شديدة الببرد لنه خاف التهلكة
الآخر قلت مايصحش
رحت اتوضأ مفيش غير دورة مياه بعيدة باللبي مفتوحة
مشيت بتكتك ومنكتش اعرف ان في برد كده بالليل في المدينة ومش عامل حسابي خالص
نزلت اتوضأ المياه تلج
والجو تلج ومكيف كمان
حمامات مكيفة في التلج ده
اتوضيت وخرجت والمياه على جلدي بتلسعني
والتكييف
طلعت من تحت لقيت الجو صقيع فوق
بقيت حاسس اني زي الفرخة المدبوحة لما ينضفوها ويغسلوها بلالمياه ويبحطوها في الفريزر
قلت أكيد هو ده شعور الفراخ ساعتها
ودخلت صليتالفجر وقعدت في الرضوة شوية كمان وخرجت ادور على مكان انام فيه
لقيتهم فتحوا مكان للنوم
رحت نمت في قلب الحرم
الابوةاب بتدخل هوا رهيب
مش قادر انام من السقعة
انا فاكر ان السعزجية حر بالنهار ومعقولة بالليل
طلعت تلج
اخيرا نمت بأيش كل من الشكال وانا بقاديالهوا اللي داخل من تحت الباب بتاعا لمسجد
صحيت الساعة 9 من البرودة ايدي كانت واقفةى ومش حاسس بصوابعي
ومعرفش احركهم
وحوالت المسمه
مش حاسس بايدي خالص
قلت هروح السكن زمان طارق والناس خرجوا وهنام هناك مكانهم لحد الضهر
رحت لقيت السكن فاضي
ومهماش موجودين وقافلين الأوضة بالمفاتيح
والوضة اللي قصادهم فيها مصريين من طنطنا قعدت معاهم
مجرد قعدت على سرير
قالولي نام لو تعبان
قلت لهم لا خالص
انا تمام
سهران في الروضة ومبسوط
وفضلت قاعد ابص على البطاطين والسرير وانا في حسرة
ونزلت رحت البقيع ولفيت فيه فترة طويلة كله وخرجت صليت الضهر
وبعدين رحت جبت غدا واتغديت وصليت العصر
ورحت السكن على معادي مع عمي والحاج رزق وجابت الجاكت بتاعي اللي كنت مشتاق له جدا بالليل
ةونزلنا الشنط واخدنا عربية لحد شارع سيد الشهدا قصاد الحرم وركبنا اتوبيس بيروح المطحن فيالرياض
وفضل الأتوبيس يحمل من بعد المغرب لحد الساعة 12 بالليل
وقلقنا بسبب اننا ممكن نتأخر عن الطيارة
وأخيرا مشي بينا الأتوبيس وقعدت جنب واحد من النيجر تقريبا
وبعدين في الأتوبيس لقيتناس بتكلم مع واحد عن الدبح في مجزر الكحكي في مكة بدل من المعيصمو ان هناك الخرفان والعجول احسن من المعيصم وأن محمد اللي قاعد قصادي ده هو اللي بيدبح لهم
فقلت له انت محمد اللي معاك فلان وفلان
قالي عرفت منين؟
قلت له سمعت مصريين وانا في مسجد الخيف بيتكلموا عنك وانك بتاخد الفلوس وتدبح بالنيابة عنهم وتوزعها صح
قالي فعلا لو حبيت تدبح بعد كده تروح مجزر الكحكي احسن
ونزلنا وسط الطريق الساعة الاصبح نصلي الفجر في جو من البرودة الرهيبة
وبعدين تحت رجلي كان في هوا معرفش بيدخل منين في ارضية الاتوبيس وخلى رجلي تجمد طول الليل
وأظرف حاجة بقى القرود اللي بتطلع على جنب الطريق في قلب الصحرا
لما وصلنا موقف المطحن في الرياض اخيرا وقفت تاكسي واخدت شنطي وودعت عمي والحاج رزق ورحت عشان الحق طيارتي
في مطار الرياض اخر ريالات سعودية كانت معايا اديتها للعمال اللي دخلوا الشنط لجوه صالة السفر
فضلت انتظر في الطيارة حوالي 4 ساعات وصليت الضهر وكان معايا كارت زجول بتاع التليفون الكابينة اللي اتكلمت منه مكلمة واحدة او ما نزلت الرياض فرحت اتكلم وبرده معرفتش اشغل التليفون لحد ما واحد هندي شغله ليا
وكلمت بيه خطيبتي لحد ما خلصته
ورحت يادوب وزنت الشنط والراجل كان مهذب جدا وقال مش مهم الزيادة في سماح 20 كيلو فوق المسموح
وأظن لو كان مصري مكنش عمل كده
وطلعنا الطيارة وقعدت جنب واحدة طيبة من المنيا وكان ولادها منتظرينها في المطار
فقعدت تقولبي املالي بيانات الاستمارة بتاعة الجوازات وكلمتني ولما جيت أقولها انا معايا اسورة دهب ممكن تاخديها معاكي عشان انتي ست ومحدش هيقولك جمرك عليها قالت أه ؟
بتقول أيه ؟
أه
واتضح لي ان سمعها تقيل
فسكت ونزلت
الظابط بيسألني معاك ايه
ثقلت له كشاف وهدايا لقرايبي وتوب قماش وعبايات
قالي طيب عدي
وخرجت لقيت اخويا وامي وجدي وابن عمي في انتظاري
ورجعنا بالسلامة
وعقبالك جميعا
في النهاة عايز اقولكم أن كل واحد حج مرة بيتمنى يرجع تاني كتير جدا بس الأمتع انك تساعد حد ميقرش يحج على انه يحج بعد مكا تكون انت حجيت
الحج متعة ولما ربنا يقدرك وتقمها لحد هتبقى اكبر متعة
سلام
موضوع: أحدا ث الحج الأخيرة 
الجمعة يناير 23, 2009 11:26 am