شغلك ولا مراتك؟ بتحب مين أكتر؟

زائر

اعترافات مدير مصري ذو خبرة طويلة

كل نساء العالم يتهمن أزواجهم بأنهم بيحبو الشغل أكثر منهم

وأنا اصالة عن نفسي ونيابة عن الرجال أعترف بأن هذا صحيح ...........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ .... بس أنا اللي أصرف عليها!!!

ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …..

رابعا .........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. أراجوز.. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهارك مالوش ملامح.....!!!!

سادسا .........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ...... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه

سابعا ........الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال

ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين

زائر

مش انتى برده اللى عملتى قبل كده موضوع

مراتى ولا شغلى؟؟؟؟

انا رايى لن يتغير

لا مراتى ولا شغلى

احلى حاجه فى الدنيا الاكل والشرب والنوم والرخامه

زائر

مع إحترامي لرأيك يا دكتور اللى بيدعو للكسل لكن
مش أنا بردو اللى عملت موضوع شغلي ولا مراتي
لأنى مش معقول أكرر نفسي

زائر

يبقى نسيت معلش

بس رايى بيدعو للكسل ليه

لعلمك الرخامه محتاجه نشاط كبير

انا شخصيا لو كسلت معرفش ارخم على الناس

لازم اكون فايق

زائر

طب طالما الموضوع محتاج نشاط كدة يبقى انا موافقة على رأيك ودعواتى ربنا يقويك يا دكتور محمود

زائر

ربنا يقوينى

محدش بياكلها بالساهل

لا

بياكلها بالمعلقه

هع هع هع هع هع هع هع

زائر

طبعا موضوع جمييييييييييييل
ربنا يكرمك يا نجوى

كان باشمهندس محمد نزله قبل كده

يلا روحي شوفي الردود واضحكي

https://mansourayouth.ahlamontada.net/montada-f1/topic-t172.htm#982

زائر

بصوا كدة من الآخر مراتي ثم مراتي... لو الشغل حس انك معدتش كويس في شغلك حيديك أجدع شلوت لكن مراتك لأ طبعا.... مراتي حبيبتي هي أجمل حاجة في الوجود و الأسرة السعيدة مفيش زيها ياما ناس بتشتغل و بتجيب فلوس بالهبل و عندها مشاكل الدنيا في البيت .. نسأل الله السلامة

» بتحب مرايـتـك؟؟؟؟
» العلاقه الوثيقه بين مراتك وبين نجوم اف ام هى هى هى هى هى هى
» عوده الي الرزاله ولكن مستقبلا مع مراتك