سألت نفسي؟؟؟؟ وإحتفظت بالإجابة !!!!!

زائر

حوار فلسفي دار بيني وبين نفسي

سألتها؟

يعنى ايه نجاح؟

أمتى أقدر أقول أني إنسانة ناجحة؟

هل لما الناس من حواليك تمتدحك وتقولك برافو أنت شخص ناجح هل حتفرح حتى لو أنت مش حاسس بالنجاح ده؟ ولا شرط النجاح أنك تحس فعلاً من جواك أنك حققت اللى كنت بتتمناه؟

طب لو العكس هو اللى حصل معاك لو أنت شايف نفسك شخص ناحج جداً برغم أن كل اللى حواليك بيقولولك لا أنت فاشل، حتصدق مين؟

طب وهل النجاح غاية ولا وسيلة؟ هل هو هدف فى حد ذاته ولا وسيلة للشعور بالرضا عن النفس وكسب رضا الأخرين؟

طب ومين الأهم الحظ ولا الشطارة ولا الأتنين مع بعض؟ يعني لو لقيت نفسك نجحت فى حاجة بالصدفة من غير ما تخطط وتتعب عشان توصل للنجاح ده هل حتشعر بلذة للى وصلتله ولا حتحس أنك ماتستحقش اللى وصلتله؟

وهل في إنسان ممكن يكون مثالي لدرجة أنه يعترف أنه مايستحقش النجاح اللى وصله؟

طب وياترى أمتى يكون طعم النجاح أحلى لو الواحد كان ضمن فريق عمل وكلنا نجحنا مع بعض ولا الأحلى أنك تحقق ذاتك بنفسك وتنجح لوحدك؟

طب ويا ترى........

؟
؟
؟
؟
؟
؟
؟
؟
؟
؟
؟
؟
؟
؟
؟

ياترى زهقتو ولا لسه

ولا أقولكو كفايا كدة عشان تعبت من التفلسف

بس طب ممكن سؤال أخير؟

!
!
!
!
!

يا ترى مين قدوتك في الحياة وبجد نفسك تبقى زيه وتحقق النجاح اللى هو حققه؟

في إنتظار الرد

إمضاء: فيلسوفة مبتدئة
تحياتى: N_K

زائر

ا---

زائر

السلام عليكم ورحمة الله وبركاته

قدوتى وقدوة المسلمين العامه الرسول صلى الله عليه وسلم وصحابته

قدوتى الدينيه الشيخ محمد المسير

قدوتى الطبيه د/غنيم (طبيا بسسسسسس انما اخلاقيا لالالالالالالالالالالا هههههههههههههههههههه)

قدوتى الثقافيه د/احمد خالد توفيق

قدوتى الرياضيه محمد محمد محمد ابو تريكه محليا وعمر كانوتيه دوليا

قدوتى العسكريه عمر المختار وشامل باساييف

زائر

يعنى ايه نجاح؟

يعني احقق حاجه حلمت بيها

أمتى أقدر أقول أني إنسانة ناجحة؟

ميتهيأليش اني عمري هقولها
لأن دايما المفروض الواحد ميبقاش راضي عن نفسه
في كل حاجه وبالذات في علاقته بربنا
علشان يفضل في تقدم والكبر بقه ميشتغلش

هل لما الناس من حواليك تمتدحك وتقولك برافو أنت شخص ناجح هل حتفرح حتى لو أنت مش حاسس بالنجاح ده؟ ولا شرط النجاح أنك تحس فعلاً من جواك أنك حققت اللى كنت بتتمناه؟

لأا مش بفرح بخاااااااااااف
من اختلاط النوايا
ربنا ياااااااااارب يرزقنا واياكم الاخلاص

طب لو العكس هو اللى حصل معاك لو أنت شايف نفسك شخص ناحج جداً برغم أن كل اللى حواليك بيقولولك لا أنت فاشل، حتصدق مين؟

اكيد لازم اخد كلامهم في الاعنبار يمكن شايفين حاجه انا مش شايفاها

طب وهل النجاح غاية ولا وسيلة؟ هل هو هدف فى حد ذاته ولا وسيلة للشعور بالرضا عن النفس وكسب رضا الأخرين؟

طبعا وسيله
لرضا ربنا في الاول والاخر

طب ومين الأهم الحظ ولا الشطارة ولا الأتنين مع بعض؟ يعني لو لقيت نفسك نجحت فى حاجة بالصدفة من غير ما تخطط وتتعب عشان توصل للنجاح ده هل حتشعر بلذة للى وصلتله ولا حتحس أنك ماتستحقش اللى وصلتله؟

الاتنين مع بعض مهمين

واكيد هفرح بس هفرح اكتر لو كنت تعبت علشان اوصل لده

وهل في إنسان ممكن يكون مثالي لدرجة أنه يعترف أنه مايستحقش النجاح اللى وصله؟

متهيألي فيه ناس كده بس مش كتير

طب وياترى أمتى يكون طعم النجاح أحلى لو الواحد كان ضمن فريق عمل وكلنا نجحنا مع بعض ولا الأحلى أنك تحقق ذاتك بنفسك وتنجح لوحدك؟

لأ طبعا ضمن فريق عمل

يا ترى مين قدوتك في الحياة وبجد نفسك تبقى زيه وتحقق النجاح اللى هو حققه؟

هقول برده قدوتنا كلنا ومعلمنا النبي عليه الصلاة والسلام

و كمان أمي

زائر

موضوع هاايل هااايل هااايل باذن الله ارد عليه انهارده بشكل مفصل تقريبا

وجزاكى الله خيرا يا نجوى على الموضوع وهوه ده الشغل

سلام

زائر

جزاكي الله خيرا يا رضوى اجاباتك عجبتنى جدا يمكن لانها اقرب لاجاباتي اللى احتفظت بيها لنفسي
عموما انا ان شاء الله اكيد حرد على اسئلتي واقول رأيي في كل سؤال بس بعد ما اسمع ردود المعظم ايه
شكرا د/فريد
وفي إنتظار ردك يا حسام

» نفسي أقدر ألاقي نفسي,طيب إنتم ؟!!
» إذا جاوبت خطأ على هذا السؤال...معناه انت نسان طبيعي ومش محتاج طبيب نفسي
» لو سألت انت صادق أكيد حتقول آه لكن ؟؟؟؟؟؟؟؟؟؟؟؟؟؟؟
» نفسي يفهم من كلامي !!
» لو مش أنا أكيد غيري أتعب نفسي ليه