نكت أقل ما يقال عنها بايـــــــــــــــــــــــــــــــــــــخة!!! إلا لو حد منكو له رأي تانى

زائر

ايه أسرع ثلاث وسائل للاتصالات؟
Telephone
Television
Tell -a- Woman
*****

واحد في مسابقة من سيربح المليون اتصل بصديق
وقال له: الو محمدين

معانا 30 ثانية

رايك احذف اجابتين

ولا اسال الجمهور
*****

واحد مسطول بيقول لصاحبه:

مش عارف يأ أخي عود الكبريت ده ما بيولعش ليه
مع إنه لسه مولعو من شوية

*****

الاول : بابا .... انا حلمت اني دست على قزازه ورجلي اتفتحت
الثاني : احسن علشان تبطل تنام حافي
*****

واحد طلع برج القاهره ....

وكان بيشب من السور وهو بيتفرج ... فطبعاً وقع ....
وهو في السكه قال: ابقى عيل لو طلعت البرج ده تاني
*****

عملوا مسابقه لتعجيز الكمبيوتر عن اي سؤال
كل ما حد يسأل سؤال عن اي حاجه ..

يجاوب عليه الكمبيوتر بالتفصيل في اقل من دقيقه
جه واحد مسطول حط ورقه فيها السؤال بتاعه ......

الكمبيوتر اتحرق وطلع دخان وهباب
الناس قالتله : سؤالك كان ايه ؟؟
قاللهم : قلت له ابو قردان قبل ما يخلف قردان كان اسمه ايه؟؟؟

*****

مرة واحد ماشي على الصحراوي

لقى يافطة مكتوب عليها: خفف 100 كم
فراح مخفف سرعته شوية

ولقى يافطة: خفف 50 كم
راح مخفف شوية كمان

و بعديها لقى يافطة تانية: خفف 10 كم
راح مخفف كمان

وبعدين لقى يافطة:
مرحباً بكم في خفف
*****

محشش بيتصل بالمطافى:

إيه يا جماعة؟

إذا ماكانش فى حريقة ماحدش يشوفكوا ولا ايه

زائر

1-اسرع وسائل الاتصالات هو البق

2-المفروض يسال الجمهور وغالبا الجمهور هيختار حذف الاجابتين

3-ممكن يولعه لو فكر شويه واشترى ولاعه هيلوع معاه تانى باذن الله

وممكن يحاول من الجهه التانيه

انا عملتها قبل كده ونجحت

4-الواد ده لو صاحبى انا هخش انام واحلم انى بخيط رجليه المفتوحه

وهحلم انه دفعلى الحساب

5-ربنا كبير وممكن حد يتلقفه من الشارع وينقذه وساعتها يبقى عيل لو طلع البرج تانى

6-كان اسمه جوز ام قردان

7-حمد لله على سلامته

8-اكيد رجالة المطافى صحابه او الراجل عطشان وطالب خرطوم ميا دليفرى

زائر

بجد يا د/محمود تعليقك يموت من الضحك
انا بفكر اشيل الموضوع واسيب تعليقك مناسب اكتر للقسم بيضحك اكتر من النكت نفسها

زائر

انا بفكر اطلب من ابو الشماميل الادمن بتاعنا انه يعملى قسم خاص بيا

ونسميه

ضحك شديد مع العضو الفريد

Laughing

» اكشن تانى مرة
» ممكن تدخل تضحك وترجع تانى
» مما يقال فى السجود
» ما يقال عند عصف الرياح
» ما يقال عند الفراغ من الطعام