فيها ايه لما اضيف اخواتى البنات ونتكلم كلام مفيد؟؟؟؟؟؟؟؟؟

زائر

الأشخاص : فلان وفلانة أعضاء في جروب
التوقيت: لما يكون الاتنين اون لاين
المكان: الفايس بوك
الحدث: حد منهم أرسل رسالة للأخر أنا أخوك / أختك في الله ... بليز اقبلي / اقبل إضافتي

الحلقة الأولى
فلان: السلام عليكم يا أ/ فلانة
فلانة: وعليكم السلام يا أ/ فلان
فلان: شكرا على إضافتي حضرتك
فلانة: ده الشرف ليا حضرتك
فلان: بحقيقي إضافاتك رائعة جزاكي الله خير
فلانة: جزاك الله مثله وانت كمان إضافاتك قيمة
>
>
>

الحلقة التانية
فلان: هو حضرتك منين وسنك أد إيه ودراستك إيه لو ما كان يضايقك؟
فلانة: تجاوب عليه وتسأله نفس الأسئلة
فلان: ما بلاش حضرتك وأستاذ دي احنا طبعاً((((( أخوات في الله))))
فلانة : اوك بلاش وأكيد طبعاً ((((أخوات في الله))))
>
>
>

الحلقة الثالثة
فلان: وحشتينيييييي يا جميلة فينك من زمااااان
فلانة: ربنا يخليك وانت كماااااان يا باشا
فلان: ها كان يومك عامل إزاي؟
فلانة: تجاوب عليه وتسأله نفس السؤال
>
>
>

باقي الحلقات
متروكة لخياااااااااااال حضرتك

يعني إيه أخوة في الله بين الولد والبنت؟
هو أنت ليه بيتضفها؟ وأنتي ليه بتضيفيه؟
نضمن إزاااااااااااي إن الحوار يفضل عادي ومقبول وامتى نعرف إن شوشو حضر وبقى تالتنا؟؟؟

بليييييييز حد يجاوبني

زائر

موضوع تحفة وبجد اعتقد ده فعلا اللى بيحصل
الاغرب من كدة انك ممكن تلاقي ناس داخلة على كونفرانسات دينية بس بهدف التعارف
والكلمة الشائعة اختي ممكن نتعرف بس باحترام

زائر

السلام عليكم ورحمة الله وبركاته
اولا الاون لاين شات بين الولاد والبنات ده مصييييييييبه
مهما كانوا ناس كويسه وكانت نيتهم خير في الاول
وفعلا بتبدأ كده و ربنا اعلم بنهايتها

بس احنا دلوقتي عندنا مشكله تانيه
في المنتديات عامة
مش عارفين نتكلم مع بعض ازاي
ايه الطريقه الصح في التعامل

في موضوع كده قابلني من مده وكنت بفكر انزله
انا شايفه انه مناسب كرد للموضوع ده

اتفضلوااااااااااااااااااااااااا

الضوابط الشرعية في الحديث بين الشباب والبنات على الإنترنت :ـ

فنذكر أخواتنا بقول الله تعالى

ـ( إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاًمَعْرُوفا ) ـ

ـ(الأحزاب:32)ـ

أي لا تتكلمن بكلام رقيق ، فيطمع الرجل المريض بالشهوة الحرام ؛ لأنه مستعد ينتظر أدنى محرك يحركه لأن قلبه غير صحيح ، فأدنى سبب يوجد ويدعوهإلى الحرام يجيب دعوته ولا يتعاصى عليه

قال الحافظ ابن كثير في تفسيره : المرأة منهية عن كل شيء يلفت النظر إليها ، أو يحرك شهوة الرجال نحوها ،ومن ذلك أنها تنهى عن التعطر والتطيب عند خروجها من بيتها فيشم الرجال طيبها .اهـ

ونذكر إخواننا بتقوى الله تعالى ، وتحري الألفاظ وانتقائها عند مخاطبة النساء ، ولا فرق في ذلك بين المخاطبة مواجهة أو عبر الهاتف أو الرسائل أوالإنترنت ، فيجب وضع نصب أعينكم حديث الحبيب (اجعلوا بينكم وبين الحرام سترا من الحلال، من فعل ذلك استبرأ لعرضه ودينه، ومن أرتع فيه، كان كالمرتع إلى جنب الحمى، يوشك أن يقع فيه، وإن لكلملك حمى، وإن حمى الله في الأرض محارمه)ـ

رواه ابن حبان والطبراني في الكبير بإسناد صحيح من حديث النعمان بن بشير، وصححه الألباني في الصحيحة

فعلى كل أخ أن يتقي الله – عز وجل – في تعامله مع الأخوات في المنتدى ولا يرضى لهم ما لا يرضاه لأخته أو زوجته ومن ذلك ما يلي :ـ

ـ1- حفظ الالقاب فما أجمل ذكر الأسماء مصحوبة بـ
( الاخ – الأخت – الفاضل – الفاضلة - د. ..... ونحو ذلك )

ـ2- الرد في صلب الموضوع وعدم التطرق في أحاديث جانبية أو شخصية

ـ3- تجنب الكلمات اللينة مثل : عزيزي .. عزيزتي .... الخ

ـ4- لا تمزح مع أختك في الله فأنت أول من يحافظ عليها

ـ5- من صنع إليه معروف فقال لفاعله جزاك الله خيرا فقد أبلغ في الثناء فلا داعي للمدح المبالغ فيه فالقلوب ضعيفة والفتن خطافة

ـ6- عدم استخدام الوجوه التعبيرية التي فيها خضوع بين الاخوة والاخوات

الموضوع منقول من : جروب ضوابط التحدث بين الجنسين على الإنترنت
https://www.facebook.com/group.php?gid=56288925147

زائر

من صنع إليه معروف فقال لفاعله جزاك الله خيرا فقد أبلغ في الثناء

ده احنا على كده فى الطراااااااااااااااااااااااوااااااااااااااااااااااااااااااااااااا

زائر

جزاكم الله خيرا يا جماعه والله بجد
ربنا يكرمكم
الموضوع ده خطير جدا فعلا
وبتحصل بسببه مشاكل كتيره قوى
ربنا يسامحنا

» دروس من الحياة
» كلام من القلب
» كلام عن القلوب..
» الصورة فيها إيه؟
» الدنيا والى فيها