لو معاك استيكه سحريه هتمسح بيها ايه من الدنيا ???????

مش بقولك يا بنتى بتفكرينى بنفسي زمان وانا صغيره
وواضح ان فى ناس كتير على المنتدى ده بتخاف من الصراصير واقتراح مسح الصراصير هيريح ناس كتير برغم انى مش افضل الاقتراح ده امال هنضحك عليكم ازاى ههههههههههههه
المهم
بصى يا ستى
انا اذا معايا استيكه سحريه
مش همسح حاجة حصلت لى
قوليلى ليه ؟؟؟؟؟؟؟؟؟
قولتى ليه
اقولك يا ستى ليه
لانى شفت كتير واتعلمت كتير ووقعت فى مواقف كتير علمتنى وكبرتنى وكبرت عقلى وخلتنى الشخصيه اللى انتى شيفاها
برغم ان فى حاجات كتير مش حلوة بس انا فكرت هل امسحها لقيت انى ابقى غلطانه اذا مسحتها لان لولى المواقف دى مكنتش اتعلمت ولا بقيت اقوى ولا عرفت اتصرف بالطريقه الصح فى الموقف اللى يستدعى رد الفعل ده
ولا كنت عرفت اميز امتى اتكلم وامتى اسكت وامتى ارد وامتى اتجنب الحوار
كنت فضلت البنت الكسوفه اللى مش بترد على اى حاجة وبتجنب اى مشاكل بتحصل
مش بتقف وتحل فى وقتها
اعتقد ان حتى الاخطاء او المواقف او الاشخاص اللى بنتعرض وبنتعامل معاهم سواء بقى بنقع بسببهم فى الصح او الغلط المهم فى الاخر بنتعلم
وده المطلوب اثباته من الحياة
العاقل ,, من يتعظ من تجاربه ,, والغافل ,, من يكرر اخطاؤه.
واذا كنتى شفتى بوسي من قبل سنتين فاتوا وبرغم انى بعتبر السنتين دول سنتين التعلم معنى الحياة وبرغم صدامى فى حاجات كتير فى الحياة مش حلوة وكنتى شفتى بنوته مش شايفه فى الدنيا غير الخير والحب بكل معانيه والامل والسعاده اعتقد ان ده لسه موجود بس له حدود لان مفيش خير مطلق ولا حب مطلق وامل مطلق ولا سعاده مطلقه
كل شئ له حدود
زى عمر الانسان
ومفيش حاجه دائمه
خلاصه القول
انا راضيه عن حياتى بكل حاجه حصلت لها وبكل تغيرات وصلت لها
اكيد كله خير مدام الاساسيات موجوده يبقى كده تومام التومام
واكيد ده بيأهلك لشئ كبير فى حياتك واكيد ربنا قصد يعرفك على ناس وتتعلمى من ناس وتفرقى ناس وتتعرفى على ناس تانيه وتعيشي مع ناس وتسافرى او تهجرى وتدور الدائره من جديد
الحياه مستمره ودايما بالتدور ودايما بتجدد وبتتغير وكل ده عشان ايه عشان نتعلم ونعرف الصح من الغلط ونمشي على الطريق الصحيح
ده رأيي وشكرا على الموضوع يا رورو