????
زائر
 |  موضوع: أحداث الحج 4  الجمعة يناير 23, 2009 10:55 am | |
| في تالت يوم ليا بمكة حصل موقف غريب
في صلاة الفجر
كان بيقرأ الشيخ ماهر المعيقلي
وده امام جديد للحرم
وصوته يخليك تحب تصلي وراه وميبطلش ابدا
وبعدين كنا ليلة الجمعه
وقرأ سورة السجده
وجه عند السجده ونزل يركع
انا بصلي في الدور التاني
لأني بنام فيه بعد العشا لما يكون موراييش حاجة اغسلها او كده واصحى بالليل لحد الفجر اصلي وأقرا قرآن
المهم بفضل أصلي فوق ومنزلش لصحن الكعبة
فصليت وسط مجموعه كلهم اتراك وجنوب شرق اسيا
فلما جت السجدة الامام نزل يسجد
انا نزلت
ببص لقيت كل اللي حواليا بيركعوا
شكيت
قلت هم شايفين الامام وانا لأ
قمت كملتها ركوع
وبعدين الراجل وقف وكمل قراءة ففهمت انا انه سجد
وبعدها ركع
فهما احتاروا
ركع مرتين ؟
وبعدين نزل سجد
العادي
فهم كلهم مش فاهمين يعني ايه سجده وسط القراءة
وغلطوني
وقتها مكنش في غير الناس دي في الحرم
اجانب كلهم
لسه العرب موصلوش
فتقريبا محدش سجد السجدة دي صح مع الامام الا تلاتة او اربعه في الحرم منهم الحج رزق اللي كان معانا
هنا فهمت ان احنا كعرب مقصرين
ونقعد نتكلم عن الأزهر
لما الناس مش عارفة تصلي صح
يبقى ازهر ايه
وبعثات ايه
وفين الدعاة اللي في الدول دي
قبل دخول العشر الأوائل من ذو الحجة حصلي موقف صعب
وهحكيه المرة الجاية ان شاء الله
السلام عليكم ورحمة الله وبركاته
عودة إلى حلقات وأذن في الناس بالحج قبل ما ننسى
من أهم الكلمات اللي تتعلمها عشان تعرف تمشي وسط الزحمة في الحرم هي كلمة رستا
وهي كلمة باكستانية أو هندية معناها طريق
عشان الناس توسع لك
وكلمة رفيق
صديق يعني
رستا يا صديق
طريق يا محمد
اي عربي يقولوا الآسيويين له يا محمد
وأي باكستاني يقولوا له العرب يا صديق
|
|
