قصة شاب فى ألمانيا

زائر

[b]سافر أحد الشباب للدراسة في ألمانيا فسكن في شقة .. وكان يسكن أمامه شاب ألماني ، ليس بينهما علاقة ، لكنه جاره ..

سافر الألماني فجأة .. وكان موزع الجرائد يضع الجريدة كل يوم عند بابه ..

انتبه صاحبنا إلى كثرة الجرائد .. سأل عن جاره .. فعلم أنه مسافر ..

لَـمَّ الجرائد ووضعها في درج خاص .. وصار يجمعها كل يوم ويرتبها ..

لما رجع صاحبه بعد شهرين أو ثلاثة .. سلم عليه وهنأه بسلامة الرجوع ..

ثم

ناوله الجرائد ..وقال له : خشيت أنك متابع لمقال .. أو مشترك في مسابقة .. فأردت أن لا يفوتك ذلك ..

نظر الجار إليه متعجباً من هذا الحرص .. فقال : هل تريد أجراً أو مكافأة على هذا ؟

قال صاحبنا : لا .. لكن ديننا يأمرنا بالإحسان إلى الجار .. وأنت جار فلا بد من الإحسان إليك

ثم ما زال صاحبنا محسناً إلى ذلك الجار .. [size=25]حتى دخل في الإسلام ..
[b]هذه والله هي المتعة الحقيقية بالحياة .. أن تشعر أنك رقم على اليمين .. تتعبد لله بكل شيء حتى بأخلاقك ..
[/b]
[/size][/b]

زائر

ربنا يكرمك يارضوى
يا ريت فعلا كلنا نبقى كده

بس للاسف كتير من المسلمين اللي في اوروبا
مش بيعملوا كده
بيروحوا هناك ينسوا نفسهم
و ينسوا انهم اساسا مسلمين

زائر

صح كلامك يا رضوى
وبينسوا كمان انهم اصحاب رساله فى البلد دى وانهم واجهه للاسلام
انا كنت اعرف واحد كنت براسلها فتره
هى ايرلانديه اسلمت واتجوزت واحد مغربى
اتجوزها بس عشان ياخد الجنسيه
وهى اسلمت من ورا اهلها
وكانت بتحاول تلتزم بالحجاب كانت بتلبسه جوا الجامع بس لانه خطر عليها تلبسه فى الشارع طبعا
واكيد طبعا اخدت فكره سيئه عن المسلمين بسبب جوزها ده اللى سافر بلده لاهله ومابقاش بيسأل عنها

زائر

طيب ايه بقى رأيكو في الشخص الي لاهو واجهه للاسلام جوه بلده او بره بلده
مسلم بالاسم
صدقوني في ناس كتير متعرفش قيمه الدين الي هما منتسبين له
بس رأيي
ان المسلم الصح قدوه حتى مابين المسلمين
ويابخته الشاب ده
يارب اجعلنا ممن رزقتهم هدايتك
واجمعنا بمن تحب
في فردوسك الاعلى

زائر

وكانت بتحاول تلتزم بالحجاب كانت بتلبسه جوا الجامع بس لانه خطر عليها تلبسه فى الشارع طبعا

ده على اساس ان المحجبات بيتقتلو فى الشوارع

هى من ايرلندا؟؟؟؟؟؟

اه افتكرت

كان حصل مذبحه هناك للمحجبات اسفرت عن مصرع اتنين حجاب واصابة 3 خمار واربعه اسدال

و فى منقبه مفقوده

ها ها ها ها ها

زائر

من قال لا اعرف فقد افتى
هناك المحجبات متطهدات يا د/ محمود
بيحدفوهم بالطوب ساعات وده كلام من وحده مصريه هناك بتقول انه فى الفتره اللى فاتت وخصوصا وقت احداث حداشر سبتمبر كان بيبهدلوهم ولما كانت تروح تاخد ولادها من المدرسه كانوا بيجروا وراها بالطوب
وبالنسبه للبنت اللى بتكلم عنها هى كانت اصلا مش مسكلمه واسلمت من وار اهلها يعنى كانت حريصه انهم مايعرفوش حاجه عن اسلامها
وده السبب انها ماكانتش بتقدر تلتزم بيه

زائر

مش معنى ان عيل حدف طوبه يبقى فى حالة اضطهاد للمحجبات فى اوروبا وامريكا

وعلى فكره بيمشى فى الشارع هناك منتقبات والله العظيم

ولا كأننا فى زمن الحمام الزاجل

حد سمع عن حوادث قتل او خطف او ضرب محجبات فى ايرلندا يا جماعه؟؟؟؟؟؟؟

المفروض يكون فيه مبرر تانى لحكاية عدم ارتداء الحجاب دى

فعلا من قال لا اعلم فقد افتى

فعلا

زائر

السلام عليكم ورجمة الله وبركاته
على فكره كلام رضوى واضح
البنت اللي هيه تعرفها ديه ليها اسبابها انها متلبسش الحجاب الا في الجامع
لانها خايفه من اهلها

اما موضوع الاضطهاد
مقدرش اقول ان دلوقتي في اضطهاد لدرجة ان الناس يقلعوا الحجاب
بس فعلا بيبقى فيه فرق في المعامله بينهم وبين غيرهم
وده طبعا ميخليهوهمش يقلعوا الحجاب
وده متهيألي اللي رضوى تقصده من الست المصريه
اللي كانت بتتحدف بالطوب هيه معتبره ده اضطهاد
(بس برده رضوى مقالتش انها قلعت الحجاب بسبب ده)

مش لازم الاضطهاد يبقى تعذيب وقتل
ومش لازم النوع ده من الاضطهاد ده يعلن عنه في الاعلام

زائر

حد جاب سيرة خطف وحوادث يا جدعان
انا قلت كده
انا بقول فى اضهاد وتفرقه فى المعامله والموضوع ما وصلش لحوادث ولا حاجه الحمد لله
واللى بقوله ده كان فى فتره فاتت وكل الناس كانوا بيقولوا كده مش انا بس اللى هى فترة المشاكل بتاعة حداشر سبتمبر ومابعدها
اما اللى موجود الوقتى الله اعلم بيه
عامة انت ادرى منى مدام بتقول انه فى منتقبات كمان بيمشوا فى الشارع هناك بأمان
بس الكلام ده مش من عندى ده من واحده عاشت هناك فوق الخمس سنين فى بلد اسمها بلفاست
الاختلاف فى الرأى لايفسد للود قضيه
واظن احنا متفقين ان اللى عايش بره بيكون صاحب رساله يوصلها للناس اللى عايشين هناك وعلى دين تانى غيرنا
واظن ده كفايه وهو ده المغزى من الموضوع

زائر

تمام جدا

شكرا لرضوى ورضوى

واضح انكو بقيتو حلف واحد فى المنتدى

انا مش لاقى حد اتحالف معاه كل الناس هنا طيببن

حتى الشامى مستحملنيش وبطل يجى

هو مبيجيش ليه؟؟؟؟؟؟؟

هههههههههههههههههههههههههههههه

زائر

بلفاست دي يا رضوى عاصمة أيرلندا الشمالية التي تطلب الاستقلال من علم الولايات الريطانية دة اولا
ثانيا المعروف ان الجيش الجمهوري الايرلندي خاض حربا ضد بريطانيا بسبب اختلاف المذاهب بين البروتستانت و الكاثوليك
ثالثا :- أيرلندا التي تضطهد المسلمين عاصمتها دبلن و هذه لا تطلب الاستقلال كما أنها قامت ببعض حوادث فردية ضد المسلمين .
رابعا:- الحرب الدينية في ايرلندا الشمالية مخلياهم ميبصوش للمسلمين اصلا لأن المعركة هناك مجازر رهيبة بين الجيشين

و بناء على ذلك

يؤسفني أن معلوماتك خاطئة

تلك هي الحقيقة المرة

عموما انتي اتنقلك مجرد كلام

كان لازم ما تعديش تدافعي عن وجهة نظرك قيل التيقن التام

و شكرا

السلام عليكم ورحمة الله وبركاته

أولاً بشكر د/ رضوى على قصة الشاب اللي راح ألمانيا ده
أكيد فيها دروس مستفادة
وأنا شخصياً استفدت من القصة دي وطلعت منها بمعلومة
ثانياً يا جماعة لازم النقاش يكون في إطار الإحترام المتبادل بين الأعضاء
بمعنى
ليس من حق أي عضو أن يسخر من معتقدات وآراء الأعضاء الآخرين
أو ينفي مصداقية معلوماته
بالنسبة لنبيل أنا ليا تعليق على كلامك
معلوماتك الوثائقية والتاريخية قد تكون صحيحة 100% ولكن هذا لا يمنع وجود اضطهاد ديني في بلفاست بدعوى عدم تفرغهم للمسلمين
قد يكون لــ د/ رضوى أحد الأقارب أو المعارف أو الأصدقاء هناك وعن طريقه يتم معرفة ما يدور هناك على أرض الواقع
معلوماتك يا نبيل صحيحة اعلامياً ووثائقياً
ولكن أنا أتفق مع الرأي الذي يقول أنه ليس بالضرورة أن يتم اعلان كل شيئ بوسائل الإعلام
وخصوصاً في مثل هذه الموضوعات
إذا كنت قد زرت بلفاست أو عشت بها فترة فأنت الأصح
أما إذا كانت مصادر معلوماتك من الإعلام فقط فهذا لا ينفي حدوث أشياء أخرى غير معلنة
وأعتقد اننا كبار ومش هنسمع لأي شخص إلا لما نكون متأكدين منه
وياريت نتناقش بهدوء شوية

زائر

لا يا مصطفى كلام نبيل صح

بس الموضوع كان فى المقابر ليه طلع فجاه كده

محمود بيه ؟؟؟
اطلع تاني واقرأ كلامي
هتلاقيني قلت إن كلام نبيل صح
أنا مقلتش إنه غلط أبداً
أنا قلت إن ده لا ينفي وقائع تحدث هناك دون أن تنشر في وسائل الإعلام
إقرأ كلامي تاني مش هتلاقيني بنكر كلام نبيل خالص

زائر

ايه يا مصطفى انت متعصب ليه كده

احوالك فى الفتره الاخيره مش عاجبانى

زائر

كلام الدكتور مصطفى صح جدا .... لا يمنع وقوع بعض الحوادث الفردية طبقا لكلام دكتورتنا رضوى بس كدة.... عموما أنا و الله العظيم ما بكذب رضوى بس بصحح المعلومات بس .... و انا بتأسف لو كان حد فهمني غلط .... بكرر أسفي يا دكتور مصطفى