aبسم الله الرحمن الرحيم
(وتواصوا بالحق وتواصوا بالصبر)
(واستعينوا بالصبر والصلاه)
السلام عليكم جميعا؟؟؟_\
النهارده ان شاء الله هانتناول قضيه خطيره جدااااااا ركز عليها القرأن فى ايات كتير اوى ذكرت منها فوق خالص بعض منهاوكانت القضيه دى
وموضوع حلقه النهارده
هيا
:
:
::
:
::
:
::
:
:
(قضيه الصبر)
كتير مننا لما نسأله تعرف ايه عن الصبر ؟ يرد ويقول اعرف ان معناها الصبر
يعنى ايه ياعم الحاج؟
يقول يعنى تصبر وبس على اى حاجه
المهم هانرد ونقوله بص ياعم الحاج الصبر ده(7)انواع ياله بينا نشوفهم ونعرفهم
اول نوع اسمه الصبر على الطاعات:
ببساطه شديده جدااااااا ان فى طاعات لربنا مش هانقدر ننفذها بدون صبر
زى(الصلاه /الصوم /الحج ///الحق...)
وغيرها
لان النفس متمرده
الرسول العظيم بيقول
(حفت الجنه بالمكاره وحفت النار بالشهوات)
ولذلك اللى فعلا بستعين بالصبر ربنا بشره فى القران
(وبشر الصابرين)
لان الصابر لو عرف اللى ربنا اعده ليه عشان صبره لتمناها دايما
تانى نوع اسمه الصبر عن المعصيه:
بمعنى عن الشهوات المؤديه للنار/الذنوب التى تؤدى لجهنم وليعاذ بالله
مثلا الصبر عن شهوه (النظر/الغضب)
ودى محتاجه مجاهده وصبر وقوه عزيمه لاجتناب ما حرم الله
الرسول العظيم بيقول عن الغضب(لاتغضب لاتغضب لاتغضب...)
لانه عارف ان الغضب ده طريق بيودى فى داهيه ممكن الانسان يخسر دينه او اصحابه او الناس
لان الغضب ممكن برده يودى للكبر(التناكه او النفخه بالبلدى)
والرسول برده قال علي الكبر (لايدخل الجنه من كان فى قلبه مثقال ذره من كبر)
(ادعولى بالهدايه لانى سريع الغضب)
تالت نوع اسمه الصبر على العطاء:
بمعنى ان لو واحد جاله خير يظن ويعتقد انه ملك الارض ب اللى عليها
زى واحد عنده شويه صحه زى البمب مثلا وعضلات بيبقى عاوز يهدد الناس ويستعرض عضلاته
او واحد عنده مال
(قارون)
او واحد عنده منصب
(هامان)
او
واحد عند ملك(بالضمه)
(فرعون(
فالمفروض يصبر عليها بحسن استغلالها فى الخير ورضا ربنا
رابع نوع اسمه الصبر عن المنع:
يعنى مش كل االناس اغنياء او معندمشى فلوس وللاسف مش كل الناس صابرين ومش قادرين يستحملوا الكلام ده
(يعنى لو المنع ده جه بعد عطاء بتبقا مشكله كبيره جدا عند الناس)
لو واحد اتولد فقير وعاش فقير(عادى)
اما لو واحد اتولد غنى وعاش فقير(ذل)
اذن العبد اللى يحرم من حاجه بيبقا عنده ازمه حقيقيه
دوره لازم يصبر لانه نوع من الابتلاء او الاختبار الربانى للعبد
خامس نوع:الصبر على الاعداء:
بنقول (المؤمنون /الاتقياء/الصالحون) لازم يكون ليهم اعداء
فلازم يصبروا على ذلك
وفى قاعده ثابته ومهمه
(رجل بلا اعداء رجل تافه بلا قيمه)
رجل بلا اعداء رجل تافه بلا قيمه
يمكن يكون رجل مسالم ومحبوب من الناس كلها لأنه بيعمل خير كتير
وبيدي أي حاجة معاه لغيره لو طلبها منه
وبيسامح وبيعفو لو حد غلط في حقه
أكيد ده مالوش أعداء
ويارب نكون كلنا كده
ودي امنيتي في الحياه
أني أكون معطاء بدون ضجر
وأكون متسامح عشان ربنا يسامحني في الآخرة
,اكون بلا أعداء لأني محبش حد يكرهني
المقصود بالجمله دى مش العدواه المباشره
العدواه دى انواع منها
المنافقين
والحقودى
والحسودى
اللى بيتمنى ليك زوال النعمه
ممكن واحد بيضحك فى وشك وبيوسك لما يشوفك
ومن جواه بيحقد عليك عشان انته محبوب
وهكذا
سادس نوع الصبر على الدعاء:
بنلاقى كتير مننا يقول انا بدعى مفيش فايده ربنا ما بيستجيبشى ليا مع انى بدعى ليل ونهار
نقوله : اولا الدعاء يقبل من الله وهو وسيله الاتصال بين العبد وربه
ف الانسان ما يستهينشى بالدعاء ف مواجهه المصاعب بتكون بمزيد من الدعاء(وقال ربكم ادعونى استجب لكم)
وعلى فكره فى حلقه جايه لوحدها بس عن الدعاء (حلقه مميزه ومهمه جداااا
اخر وسابع نوع الصبر على البلاء:
وده اسهل نوع من انواع الصبر لان الى جاله ابتلاء معندوش حل تانى
مثلا واحد مات ليه؟
ابوه /امه /اخته شخص عزيز عليه
مهما يعمل الميت مش هايرجع تانى
لكن الحل الصبر وقول
(انا لله وانا اليه راجعون)
النتيجه
(اولئك عليهم صلوات من ربهم ورحمه واولئك هم المهتدون)
فيارب الهمنا الصبر دايما وثبتنا عليه
اللهم انى اعوذ بك من الرياء)
وفى النهايه اختم بدعاء ختم مجلس العلم(لانه معناه ان ممكن الواحد يغلط وهو بيقرا قرأن او بيفسر ايه او قال خطأ فى كلام خاص بذكر ربنا ف ده كفاره غلطه)
سبحانك اللهم وبحمدك اشهد ان لا اله الا انت استغفرك واتوب اليك
موضوع: دين ودنيا (3) الصبر 
الخميس فبراير 19, 2009 9:15 pm