أخطاء بنقع فيها واحنا مش عارفين

السلام عليكم ورحمة الله وبركاته
حبيت اتكلم عن حاجة كتير مننا بيعملها وهو مش عارف خطورتها، كتير نقول جمل او كلمات واحنا مش مدركين انها ممكن تكون سبب فى أخد ذنوب لا دى حتى ممكن تكون سبب فى دخول النار مثلا النكت اللى بيبقى فيها تريقة على الصلاة او عموما على الدين او حتى بعض الامثال الدارجة بينا وكتير بنرددها والكلام ده مش انا اللى بقوله
للاسف دايما بننسي الحديث الشريف اللى بيتكلم عن الموضوع ده أو يمكن يكون بعضنا مش عارفه أصلا

عن أبي هريرة رضي الله تعالى عنه.

عن النبي صلى الله عليه وسلم قال:

إن العبد ليتكلم بالكلمة من رضوان الله تعالى، لا يلقي لها بالاً يرفعه الله بها درجات،

وإن العبد ليتكلم بالكلمة من سخط الله تعالى لا يلقي لها بالاً فيهوي بها في جهنم سبعين خريفاً.